اجرحيني لا بغيتي

الفيلسوفه · #1 06-01-2008, 05:27 PM

إجرحيني لا بغيتي .. كان لج جرحي إبتسامه
المهم إنـج تكونـي يـا بعـد ذاتـي.. سعيـده روحي له الحين يالله وإسمعي صوته وكلامـه
ولا تشيلي هم قلبـي عيشـي دنيـاج اليديـده
قولي لـ....... إنج ما عرفتي فـي الحيـاة إلا غرامـه
وقولي إنج قبل حُبه تمشين فـي دربـج وحيـده
ولا تيبين لي طاري وتسمعـين منـه ملامـه
سولفي عنّج وعنه وصيري عـن قلبـي بعيـده
وإن بغيتيني تعالي وعوّضي فينـي خصامـه
وصدقيني في النهايـه إنتـي وحـدج مستفيـده
دام قلب...... من غلاتج..... ايتفزز مـن منامـه
أشهد إنه حيل حَبج مـن وريـده لـي وريـده
وان كان همي بس اشوفج طايره مثـل الحمامـه
وإن فرحتي كنت أفرح وأكسر بيـوت القصيـده
كنت أشوفج في عيوني مثل (زرقاء اليمامـه(
وين ما قلبج يسافـر كانـت عيونـي تصيـده
شفتي هذا الكون كلـه بالرجولـه والشهامـه
لـو بغيتينـي أبيـده .. والله لعيونـج ابـيـده
كنت أحارب لجل حبج والقوي أكسر عظامـه
وكان قلبي لج أسيرٍ وكانـت عيونـي شهيـده
قلبي والله من عرفتج صرت مدري وش علامه
كل ما صرتي في عيني شفت نبضاتـه شديـده
وقدرج اللي إنحنى لي وقلت: عـز الله مقامـه
عالي قدرج في عيوني وكل مـا شفتـج أزيـده
إنتي لو عني تغيبين صارت جروحـي يتامـه
خافي الله لا نويتـي ولا تضحـي فـي عبيـده
كان ودي بس احظى بحـب قلبـج وإهتمامـه
والشعر عنّـج اقولـه وأنتهـي منـه وأعيـده
كنتي أمنيتي بحياتي وكنتي في قلبـي مرامـه
وإن كتبتج في حروفي صارت القصـه فريـده
وكنت أشعل لج كفوفي لجل أنور لج ضلامـه
وإن خذيتي العلم منـي تطلـع علومـي أكيـده
حتى لما كـان يرمـي كلهـا فينـي سهامـه
كنت أضحي في حياتـي لـو نوالـج بالمكيـده
شاعرٍ ما رد حتى ...علـى لبّاسـي العمامـه
وقلبج إنتي صار فجـأه والله يـا حلـوه يقيـده
في الزمن نادر وجودي ويا كثر فيه الرخامـه
وصار عادي في زمنّا الأخـو يقتـل عضيـده
الحديـده فـي إيدينـي والقضيـه.. إتهامـه
وإنتي القاضي وطبعاً ما تحسـين فـي الحديـده
مركبي الغرقان بسّج لا تزيدين فـي حطامـه
كل ما ألمح نجاتي صـارت أمواجـج شديـده
صدقيني أحبـج والوعـد يـوم القيامـه
ويل من هو كان يكذب وكانت ذنوبـه جريـده
إتركيني لجل عينه .. كان لج حُبـه إبتسامـه
المهم إنـج تكونـي يـا بعـدعمري سعيده
إنسي اللي صار كله وصيري له منبع هيامـه
وإن ذكرتيني بغيابي قولي عن روحـي فقيـده
ما أبي من قلبك إلا .. طول عمره والسلامـه
خلي بالج مـن زمانـج دنيتـج هـذي عنيـده
خلي ....... في عيونج ودووم نوريله ظلامه..
لا ترديني طلبتج ..وخليج افحياتج سعيده..
خلي توأم روحي ينسى كل جروحه واحطامه..
وانا ما تركتج الا لجله وهو يحبج والله من وريده..

مكتووب لي أحب..وأشووف غيري ياخذ أحبابي..
مكتووب لي أحلم..وأشوف غيري تتحقق له أحلامي..
مكتووب لي أحزن..وأشوف غيري يسرق أفراحي..
مكتووب لي أحب بصمت..وأشوف غيري يعلنه للخلق..
مكتووب لي أداري دمعتي..وأرسم على وجهي ابتسامه..تخفي "جراحي.."..

يا عاشقين الهـــم عيشوا الفـرح لو يـــــوم
هالــدنيا ما تســــــوى ذرة زعــل أو لـــــوم

هالــدنيا ما تــــحلى لما الأمـــــل يبقـــــى
دايـم مع القلـــــــوب كنز(ن) وما يفنــــــى

ابتسم اضحــــــك وخل الهم يتكــدر
وارسم على خدك ورود لاتقول مقدر

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
اجرحيني كان ودك تجرحي...~	{ عناد الريم~}	تصاميم الاعضاء	16	03-16-2009 12:31 AM
كنتي نهآية دنيتي لو تغيبي وآلحين بترجعي ومرجعك لي	داعمة دورية	هواتف , مسجات , وسائط , برامج , ثيمات , نغمات , بلوتوث	11	05-24-2008 06:58 AM
~{ العنيده21 حدري هني بغيتج بسالفه ~ الميث ~	εïз~اَلِمَيّث}●	تصاميم الاعضاء	20	01-31-2008 01:55 PM