كل عآمـ وإنتمـ بخير وبصحة وسلآمة
وعسآكمـ من عوآآآآدهـ |...

وآيد استآنست هآلعيييد ... مآعرف ليييش ..!

بس كنت أحس بآلفرح وآلونآسة

آلبآرحة كنت يآلسة أتصل على أخت دنيآآي فوق 10 مرآت ....

قلت في خآطري أوف لييش مآترد ... سرت أشوف كمـ آلسآعهـ ...!!

شفتهآ ع آلسآعهـ 1 ونص فليل ... قلت أكيد رقدت .. كنت أبآ أقولهآ شي ...!!

لأن صآآرت سآلفة في هآلوقت ... مآيآني رقآآآد من كثر مآأفكر ...

استوت آلسآعة 3 وأنآ بعدني مآرقدت .. تميييت أتحرطمـ بآآجر عييد

أبآ أرقد أبآ أرقد هههههه ... عقب رقدت

نشيت على صوت آلفون .. كآنت أخت دنيآي تبآآآ تبآركلي ...

وبعدين سكرت عنهآ ... سرت أتجهز .. آليومـ عيييد


وبعد مآخلصت ... ظهرت من آلحجرة .. شفت أبويهـ وأمآيهـ

وبستهمـ فوق رآسهمـ وبآركتلهمـ ... أبويهـ قآلي : محلوهـ

بس ضعفآنة .. قلتلهـ : مآأظن يمكن آلبدلهـ هآللي مضعفتني


وعقب يووووآ آلوفود أقصد آلنآس خخخخ |...

وآلكل قآل نفس رمسة أبويهـ محلوهـ وضعفآنة ... أنآ كنت بس أبتسمـ في ويههمـ خخخ ~..

مآرديت عليهمـ لأن أدري إذآ قلت لأ .. بيتحرون إني أجذب عسب مآيحسدوني

مع إن مآيخصهـ ... عسب جي كنت أبتسمـ كإني أسوي دعآية كولجييت


وبعدين ع آلسآعهـ 10 ونص .. عقب مآروحوآ آلنآس ..

سمعت أمآيهـ تقول حق خآلتي : بنسير عند بيت خآلي لأن ولدهـ سوآ حآدث ..

قلتلهمـ : بروح ويآكمـ

وسرنآآآ ... خآلوهـ كآنت جدآآآمـنآ ... وأمآيهـ تمت تتحرطمـ

أونهـ مآتعرف أتسوق .. قلت حق أمآيهـ : يعني إنتي تعرفيين إتسوقين خخخخ

كلكمـ في آلهوآآآ سوآآآ

فردت علي أمآيهـ : يعني بذمتج منو أحسن يسوق

أنآ ولآ خآلتج ..؟ قلتلهآ وبإتسآمة عريضة : لآلآ إنتي آلأحسن وآلأفضل ...

مآأقدر أقولهآ آلصدق ولآ بتآكلني


آلمهمـ وصلنآ عند بيت خآلي .. شفنآ ولدهمـ آلعود ع آلبآب .. سلمـ على

أمآيهـ وخآلوهـ .. بعدين شفتهـ يصد علي كآن يبآ يسلمـ ..

لكن أنآ شو سويت على طول سرت دآخل قبل مآيسلمـ ..

لإني مآركزت عدل كنت سرحآآآآنة خخخخ |...

أول شي مآعطيت آلسآلفة أهمية بس عقب مآعدت آلموقف مرة 2


في مخي ... قلت : فشلة


بعدين سلمنآ وتموآآآ يهذربون يهذربون .. وشآركت ويآهمـ في آلهذربة خخخخ ...
بس مب وآآآيد .. عقب وصلني مسج من صديقة قديمة أنقطعت عنهآ لإنهآ
هي اللي انقطعت عني ... فـ يقول آلمسج :


جيت أعشقك وأعطيك أغلآ هدآيآي
جيت آتبعثر فيكـ وآلمـ شملي
جيتك وأنآ شآيل محَبّتكْ ويآي ..!
أدعي عسى عقب آلبطى تنقسملي
في غيبتك تعبت آردد على شفآي ..!
أنت آلوحيد اللي أحسهـ فهملي
تكفى إلى من جيت كلي من أقصآي
أفرد يدينك يآلغلآ وإبتسملي /*...



فرديت عليهآآآ :


الله خلق لي نفس تسمو على آلبوح
مآهِـب لآضآقت من آلهمـ {~ بآحت ..!
على گثر مآشفت ضيقآت وجروح ..
لآ آلوجه متغير ولآ | آلعين صآحت | ..!



ردت علي :

هذآ آلغيآب اللي خذآنآ ... على وين ..!
كلن مع الأيآمـ عآيش بـ سكآتهـ ،،
نزعل ... ونتضآيق ..
ونبعد .. وبعدين ...!
كلن يدور لهـ عذر في حيآتهـ ..!
لو صآحبك عن دنيتهـ غآب يومين ..
ومنك ولآ حتى آلمرآسيل جآتهـ ~..
وعآدي إذآ طآل آلجفآ فوق 4 شهور
يمكن يموت وتدري بوفآتهـ |...



بصرآحة غمضتني صح أعزهآ لكن كرآمتي تمنعني
إني أتوآصل ويآهآ بنفسي .. إذآ هيه توآصلت بتوآصل
لكن أنآ أبدأ .. مآأقدر ~...


آلمهمـ رديت عليهآ بهآلمسج وكآن آخر مسج مني :

خذهآ نصيحة لآحصل عندك آلبآس
وأحذر زمآنك لآ زمآنك لعبك ..
أبيك تعرف إن هآلنآس أجنآس |...
ولآ كل من ينطق أعزك يعزك
بعض آلبشر يغرونك بصدق الإحسآس
وبعض آلبشر سآكت وقلبهـ يعزك ~..

وكل عآمـ وإنتي بخيير وعسآج من عوآدهـ /*...


بعدييين مآشفت منهآ رد


آلمهمـ كنت أبآ أروح .. آلمشكلة مآأقدر أقول جدآمهمـ ...

فـ شو سويت ....!! طرشت مسج حق آمآيهـ ...

( أسمـ أمآيهـ ) يلآآآآآ إنرووووح .. تبين إنقيييد عنهمـ خخخخ |...

أمآيهـ كآن فيهآ ضحكة يومـ قرت آلمسج


وعقب دقيقتين أمآيهـ قآلت بنروح وروحنآآآ وردينآآآ آلبيييت ...

كآآآن فيني رقآآآآد ولييين آلحييين فيني بس مآبرقد


بتريآآآ آلسآعهـ 12 وعقبهآ برقد لأني بسيير دبي بآآآجر ^_^


وشكرآآآ لكل من تآبعني =)