لعبة العصابات؟!!

كويتي · 05-23-2008, 06:55 PM

[align=center]هلا ومرحبا أختي

وهالامر عادي مايوصل لدرجة عصابات ماهي الى فئات ظاله بالمجتمع

ومن زمان مو تو كل فريج الشباب يطلقون عليه اسم ومرات الفريج اكثر من عصابتين وماهم الى شباب متهورين يكبرون ويعقلون يعني

وين نروح مع العصابات الالمانيه وهي العن العصابات دوليل ووراها السلوفاكيه وهم أشدهم فتك وطلعي للدول الغربيه تشوفين العصابات ذات تشكيل جماعي منظم ولهم جمعيات خاصه

اللي عندنا هنيه نسميهم مصابن وشباب طائشيت مانلفظ عليهم عصابه منظمه

اما عن أسألتج بعتقادي بتصنف سب حجمهم ومسمياتهم كالاتي

[/align]

[align=center]

هذي حادثه بسيطه من الي عرفتها من بعد هذا اليوم.. سوالف عصابات و اسلحه من كل نوع و شكل؟!

[align=center]مافيه نار من غير دخان بينهم شي اعتقد

والله يشفي صديق اخوج ويقومه لهله بالسلامه ان شاء الله[/align]

وكلها كوم و اسماء العصابات كوم!! قروب الـ 55!! قروب سلااكا!! و 50 ابليس!! ... وغيرها و غيرها من الأسامي و العصابات و رؤسائها؟!

[align=center]مفهوم العصابه

هي حفنه من المتكردين
ذات أسس مبنيه على الاجرام
ولها اهداف معلنه وغير معلنع يعني يعرفون شسوون

اللي ذكرتيهم ماهم الى شباب وماعليهم رقابه من الاهل أكيد بتطبعون وتشبهون بعصابات الغرب بس بالحقيقه ماهم الى مصابن بس[/align]

معقوووووله هذي حالة اعيالنا اليوم؟!

[align=center]عيالنا وعيالكم بخير ونعم

بس اللي أهلهم غافلين عنهم ولا أحسنو تربيتهم بتكون طبايعهم طبايع شوارع
[/align]

شو الي صار في الدنيا؟

[align=center]مافيها الى العافيه ان شاء الله [/align]

و ين الناس الطيبين؟

[align=center]الناس موجوده وكلي الله وانا اخوج[/align]

و ين التربيه؟

[align=center]مافيهم تربيه سليمه هالنوعيه وأهلهم يردون على هالسؤال[/align]

من وين طلعوا لنا الوحوش هذولا؟

[align=center]من حولنا ويمكن منا [/align]

اسمحولي ما اقدر افكر و اعبر بطريقه احسن بس و الله في خاطري ارصف لهم كلام ماعمرهم سمعوه..

[align=center]الله يلوم من يلومج تكلمي وخذي راحتج بس لا تعطينه اكبر من حجمه وتعبين حالج اختي

لان الامر طيب وقل تربيه من البعض ونحرافهم سبب هاللي نشوفه وهو من زمان ترى مو توه ادعيلهم بالهدايه[/align]

ابي اعرف اجوبه للأسأله الي في بالي؟؟

[align=center]دور الرعايه اللي تشكلت لهالفئه من ارباب السوابق هي اللي بتربيهم
اذا عجزو الاهل عن تربية عيالهم الحكومه مشكوره مو عجزانه[/align]

وين الدوله و الشرطه و الجهات المعنيه عنهم؟

[align=center]مو مقصرين الشرطه

ويعاملونهم كمجرمين ويضربونهم ويحولونهم للمحكمه ويوبخون اولياء الامور ولا يتوانون عن تقديم المساعده

بلغو الشرطه وشوفو شلون بيجون ويمسكونهم

[/align]

والأهل؟؟

[align=center]يوم الحساب بيسألون عن امانهم بعيالهم[/align]

وينهم؟؟

[align=center]لاهيين الام والابو كل واحد بصوب اذا مو بديره خليها على الله[/align]

و ين دورهم؟؟ ليش ساكتين عن هذي الحاله؟

[align=center]لا تعليق [/align]

من وين يتنا هذي الظاهره؟ متى بدت؟ ليش ما نتصرف و نمحيها؟؟

[align=center]تطبعوها من التلفزيون هالافلام الاكشن وقل التربيه وماكو احد يحابهم بخروجهم ودخولهم اطلاقا [/align]

اسمحولي و الله ما اعرف شو اكتب او اقووول ..

[align=center]وصلت الفكره جزاج الله خير وانا بستشهد بسالفه اول امس الفجر صارة بالاسفل[/align]

حد يخبرني بس شو الي صار بالبلاد؟؟ ليش جيه صار حالنا؟!!

[align=center]البلاد زينه ومافيها شي

بس هالتربيه من عائله لععائله تختلف

والحكومه مو مقصره يسائل هالمراهق + ولي الامر قانونيا
الله يعزها
[/align]

[/align]

[align=center]
قبل أمس عند بيتنا وأنا شابك الساعه 2.45 صباحا
سمعت صوت طلقات النار تقريبا 15 طلقه

6 متقطعه
10 صاليات

وكان الصوت كأنه صادر من البيوت من قربه وقوته نزلت بسرعه انا وجبسي وطحت من الخوف على الدرج شفت البيت سليم طلعت بشوف بره الى اشوف شجر مزرعة بيتنا يتحرم فتحت الاناره مالت الحديقه الى اشوغف واحد منخش ورى الزرع

اقسم بالله جيته الى ولد عمره 16 سنه ؟
قلتله شفيك وشنو هالرمي الولد كان يرتبط ويبكي وناشف دمه

قال شباب سكارا رموني أنا وصحابي بكلاش تفه خشني

دخلته البيت وأطفأت الاناره بفهم القصه قال شباب من عمرنا دب بينا هواش وأستخدمو فيها كلاش انا هربت والاخر هرب بس ربيعنا الثالث عندهم لمن تأكدت من روايته على طول اتصلت بغرفة العمليات وخلاص 6 دقائق مو مجامله قرابة 15 دوريه وجهد يشكرون عليه سكرو المداخل وتقدمو منهم لبيتنا مكان ماكنت مخببي الولد سلمته لهم وراحو لمكان اطلاق الار كان ثالث بيت عن بيتنا

لمن شفت البيت عرفته
عيالهم اهل مشاكل ويشربون الكحوليات
بس عشان جيران يستحون يكلمونهم
فمثل هالتصرفات تضايقنا وتعور قلوبنا بس مانقدر نسميهم عصابات ومنظمين لا يخسون
ماهم الى مراهقين لا يحترمون احد ولا متربين امورهم وعقيدتهم فاسده ومفسده وتفسد كل من يخالطعم او يمشي معاهم

الحين مطلق النار ومن معاه بالسجن بدور الرعايه

والولد المصاب بالمستشفى

واللي دخل بيتنا وربيعه بالمخفر

ليش لانهم شباب ماعليهم لا رقيب ولا حسيب والحكومه ما تتأخر عن تربيتهم وحبسهم بدور الرعايه المخصصه لمن هم اقل من 18 سنه يقومونهم في هالدور وفق ضوابط واجراءات مشدده بأشراف النيابه العامه شخصيا

عرفتي ان الدنيا بخير خيتو

الف شكر لج للتطرق عن هالفئه السيئه والله يحفظ عيالنا من هالشاكله السيئه

تقبلي مروري

[/align] __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
لعبة العصابات العربية .. اسس نفسك لتكون قائد عصابة تحارب من اجل الوجود	محروم.كوم	منتدى أخبار المواقع والمنتديات العربية والأجنبية	0	06-07-2009 06:10 AM
اقدم لكم اقوى لعبة اونلاين عربية (العصابات العربية) + شرح التسجيل	محروم.كوم	منتدى أخبار المواقع والمنتديات العربية والأجنبية	0	06-03-2009 07:40 PM
( 25 To Life ) لعبة العصابات الرائعه Rip بحجم 283 ميجا فقط على أكثر من سيرفر	محروم.كوم	منتدى أخبار المواقع والمنتديات العربية والأجنبية	0	05-10-2009 04:10 PM
( 25 To Life ) لعبة العصابات الرائعه Rip بحجم 283 ميجا فقط على أكثر من سيرفر	محروم.كوم	منتدى أخبار المواقع والمنتديات العربية والأجنبية	0	05-10-2009 03:40 PM
( 25 To Life ) لعبة العصابات الرائعه Rip بحجم 283 ميجا فقط على أكثر من سيرفر	محروم.كوم	منتدى أخبار المواقع والمنتديات العربية والأجنبية	0	05-10-2009 03:40 PM