هل نعرف الاداب العامه بطرحنا في (استراحة الحوار والنقاش) أو غيرها أرجو المشاركه أو الاطلاع مع الشكر

كويتي · 05-22-2008, 01:57 AM

المشاركة الأصلية كتبت بواسطة الخالدي-018

وعليكم السلام ورحمة الله وبركاته

موضوع في وقته عز الله انك عرفت متى تطرحـه.. الفئه اللي تكتب ردود مرادفـه لردود الآخرين ولا نفس اسلوبهم

عز الله انهم واجد اوفقك بشده ومن هذا المنبر اقولهم والله انكم مبدعين وربي انعم علينا بنعمة العقل نفكر

ونميز ويمكن تبدعون اكثر من هاللي انتوا تقلدونهم .. ماادري وين المشكله هل انكم ماتبون تتعبون تفكيركم

ولا اسم انكم رديتوا على الموضوع وخلاص؟؟

بصراحـه قسم النقاش في الآونه الآخيره صار ممل لا من ناحية المواضيع ولا الردود ((البعض طبعاً)) للأمانه

فيه ناس فيهم الخير والبركه بس ودنا هاللي يطرحون مواضيع ماله سنع يختارون شي افضل دام انهم طارحين

طارحين اصبح الأهتمام بمواضيع الحب اللي عشر طعشر الف مره وحنا نشوفها والردود نفسها واذا جاء احد

طرح رايه وهم يدرون انه صحيح ماعجبهم ثاروا بوجهه طيب يااخي انت ليه طارحه دام ان عندك راي ومقتنع

فيه؟؟<<منغبن من حر مافي جوفه

حنا في هالمكان نفيد ونستفيد محنا قاعدين نتعارك ونشيل على هذا وهذي انطرح موضوع نقول ارائنا

من دون مجامله ولا تملق ويكون راي خاص فيني مااقعد آخذ من راي اللي فوقي ولا اجي اكتب رد

من ماادري كم سطر اني فاهم وهو مهب حول الموضوع.. ونحن هنــآ

نلتقي لنرتقي

همسه:

وربي فقدناكم يا اللي كنتوا معطين الاستراحـه حقها من المواضيع ذات المتعه والفائده والردود

الطيبه.. ياليت ترجعون متميزين نمثل قبل واحسن ((من غير قصور في الباقين))

واسمح لي اخوي كويتي اختم كلامي بـ:

شكر

لذوو العقول النيره والمحبوبين بردودهم الله يكثرلنا من أمثالكم ويحتسب فعلكم عند ربكم قبل لا تنطرون منا كلمة شكر لان دخولكم لهالقسم والغايه منه واضحه تتحاورون تبتعدون عن المعارك والنميمه والعنصريه والتدليس بالامور فحبيت أشكركم وغيري يشكركم ويقول بيض الله وجهيكم .... محبتكم بقلوبنا رجال أو نساء وبصماتكم واضحه وذكركم الطيب بقلوبنا

سلمت الأيادي.. ونحتري التكمله

آخــوك

الخــالــدي

هلا وغلا واشهدنك اخو دنيه وماجذب من قال

رب أخ لم تلده أمك

اما عن الموضوع جه بوقته فهو وقته منذو مبطي أزرينا يانعنبو البعض ناصلهم ونتواصل معهم ويطلعون قليلين خاتمه ياحر سبدي حرأأأأأأأأأأأأأأأأأأأأأأأأأأأأأأأأأأأه

وقلت عن القسم وتردي الطرح او الغايه من بعض المواضيع أنا أعتقد فيه حل ولا أقدر أقوله بالعلن لو الاخوان والاخوات بالطاقم الاشرافي يبونا نقوله ماعندنا مانع بس أن تطبق بهالقسم واكرر للمره الالف أهم قسم وواجهه للمنتديات هو قسم النقاشات والحوار بوجهة نظري لو يطبق بيكون مردوده أكثر من طيب بعد
بعيد عن الحذف ولا التعديل ولا التنبيه طريقه شوي أفضل وأحلا وتجدي نفع

واما عن موضوع الحب الواحد لقال شرايك فلان لحب فلانه ؟
ولا فلان يكلم فلانه ؟

حلو عليهم باللعنات شوي يكفرونهم

طيب فيه حب عن حب يختلف تجي تفهمهم أتوبخ بالله شتسوي ؟ ترفع عنهم وأجرك على الله
وعن طراها الفايده والاستفاده وأنا أخوك والله أنا أستفدت أكثر من لا أفيد الحمد لله ولهم أفضال علي . وبالمقابل تلاقي عقارب الرمل خاصه أحذرها تراها تجيك ومعاها حيايا أم جنيب هذول أحذرهم وتجنبهم .... أن شاف ردك نام برأيك ونام فيك وتعالو يا من تنحسبون عليه ويا أهل النميمه هداهم الله .... أكتفي أدخل ملف أي واحد وشوف طرحه أتمناله الهدايه من قلب وتجنبه من أهوال ماشفت

همستك حلوه يا ولد العم وعساهم يردون ؟ بس شنو سبب أبتعادهم ؟

وأنا معاك أرد الشكر للمعنيين والموجودين واللي يتحفونا بردودهم ومواضيعهم لهم من ألف شكر ومازالو يعطون وبيعطون أكثر وأكثر عشان يعلمونا ويتجملون فينا ويزيدون أفضالهم علينا

أتمنى اذا أحد عنده حل بحيث نرضى الكل ونرقى بالقسم حسب منظوره يدلي برأي أن عندح الحل والمشرفين يتواصلون معاه أو يتفضل مشكور يرسله الى الاخ النعيمي مشرف القسم

لآن صج نتمنى الرقي أكثر وأكُُُُُُُُُُُُُُُُُُُُُُُُُُُُُُُُُُُُُُثثثثثثثثث ر وأكثثثثثثثثثثثثثثثثثثثثثثثثثثثثثثر لآن النفعه للكل
ألف شكر لك ولا يحرمنا منك يا مغوار الخوالد

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
معاً نحو القمة في أستراحة الحوار والنقاش	وزيرة الحب	الحوار والنقاش - الرأي والرأي الآخر	26	07-20-2008 03:09 PM
(أصول الحوار والنقاش الناجح)	احلاهم واتحداهم	المواضيع المكرره	0	04-25-2008 09:52 PM
-[ قوانين أستراحة الحوار والنقاش ]-	qayed	الحوار والنقاش - الرأي والرأي الآخر	0	12-30-2007 05:21 PM