على ذاك الطريق إللي يسمونه غرام أحباب

داعمة دورية · #1 05-21-2008, 07:55 AM

عطيتك من قلبي..وسلمت لغلاك رقاب

وغيرك يحترق قلبه ولا يقدر

لعنبو قصة غرام كل أبوها كلمتين
أبتدينا عند أحبك وأنتهينا عند باي
تونا ماقد مشينا بالهوى لو خطوتين
وأنتهت كل المسافه دون علم عن خطاي
كيف تنهين المحبه وبسهوله تحكمين
وين أحبك وين أبيك وين ساكن في حشاي

تفتكر لليوم وش منك خذيت؟
غير صمت وحزن وآهات ومواجع..
قلت ماأنسى ولكنك نسيت !
كل كلمة حب تعيشني بواقع..
شف انا من كثر ما أحبك وفيت
عمري مافكرت أمثل دور خادع..
ياحسافة وقتي اللي لك عطيت ؟
كيف تجهلني؟؟؟ وباالمره تقاطع ؟
للأسف باالذات منك ماهقيت
تاخذ قليبي وصرت اليوم بايع!

انا والليل والعـبـرة وجــرح وخـاطـر ٍمكسـور
ونفس من هجيـر البعـد والحرمـان مقهـورة
وقلب ظامي لـشوفك ولايــروى ظمـاه بحـور
وعين تحتري لحظة غيـاب الطيـف وحظـوره
ونـار تنطـفـي مـره ومـره تـشـتعـل وتثور
واقول النار مقدورة وهـي مـا هيـب مقـدورة
حسـبـت الـليـل بغـيابـك يمـرن الليـال دهـور
وكنـي شايـل بقلبـي ليـال الوقـت وشهـوره
تصبرت وتقدرت وبنيت مـن الخيـال قصـور
إليـن ان الجفـا شـد الركايـب وانتهـى دوره

انا قلبي على الفرقى نوا روحه بلا رجوع
مثل طير بلا سبق وبلا وكر وبلا راعي
تهيا للجفى خطوه يبي بقسى الطريق هجوع
يدور للعنا ملجا طريق قلوباً جزاعي
فديتك يالخفوق بحب وجرح وقطرتين دموع
قبل لا يجبرك خلك علي وتلوي ذراعي

انتبهت لدمعها بالهدب والكحل سال
لين جفت عينها دمع والقاع ارتوى
وابتدت لحظة جفا وإنتهت لحظة وصال
وأنطفى نور السعادة واحسب انه ضوى
ما اكتفيت من الهوى والغرام أربع ليال
واقفت أيام التلاقي وجا وقت النوى

على ذاك الطريق اللي يسمونه غرام أحباب
وطت رجلي على دربه ولاأدري وش نوى فيني
تبعته لآخر دروبه .. ألين أن القمر قد غاب
تعب قلبي ، ولا تعبت مسافاتٍ توديني
لقيت الليلة الجردا : هدب ظل وسما واعشاب
بعد ذاك الظلام اللي يتوهني عناويني

ما تقبلت الفــراق .. وما ليدي فيه حــيله
آآهـ لـو ان الظروف المقبله .. تكشف قدرهــا
لـو يعرف الشخص منـا .. وش مع الغيب بيجيـلــه
كان جـنبنـا المشاكل .. من قبل يوقـع ضررهــا
والعذاب اللي يذوب .. بعين من يفقد خليله
عندي أكبــر من عذاب العين .. لو تـفقــد نظـرهــا

لأن الدمع ما يسخي عطاه إلا على الأحــباب
ترى ما للهدب دمع صدوق إلا مع أحبابه
ومدام أن الدموع أصدق تعابير الحزن بأهداب
حرام أن الدموع تجف طيلة فترة غيابه
هذاك اللي شعل شمعة ضوت كل الدروب وذاب
فقد رمل الوطن دوسة قدمه وعطر ترحابه

لحظه !! ترى ماجيت اقدم لك اعـذار
لحظه !! وبعده سـوي اللـي تسويـن
لحظه !! بصحِّح بيننا بعض الافكـار
وباقول لـك حاجـه قبـل ماتقوليـن
لا تحسبينـي بانثـر الدمـع وانهـار
والا اترجى واطلبـك مـا تروحيـن
روحي عسى دربك بساتيـن وازهـار
روحـي وغيـري بالمخاليـق تلقيـن

مخرج ..{

بعد ما حققت عيني في بعدك للرقاد أمال
أعود للسهر؟ -- يا خوي فال الله ولا فالك!! __DEFINE_LIKE_SHARE__

بوالجازي · 05-21-2008, 08:16 AM

تسلمين اختي داعمه ع المسجات الروعه

يعطيج العافيه

نترقب جديدج __DEFINE_LIKE_SHARE__

+[ ملاك الحسن ]+ · 05-21-2008, 05:24 PM

تسلمييييييين ع المسجات خيتوو

ربي يعطيج العافيه

__DEFINE_LIKE_SHARE__

س™ · 05-21-2008, 09:17 PM

انا قلبي على الفرقى نوا روحه بلا رجوع
مثل طير بلا سبق وبلا وكر وبلا راعي
تهيا للجفى خطوه يبي بقسى الطريق هجوع
يدور للعنا ملجا طريق قلوباً جزاعي
فديتك يالخفوق بحب وجرح وقطرتين دموع
قبل لا يجبرك خلك علي وتلوي ذراعي

مشكوره ع المسجات سيس __DEFINE_LIKE_SHARE__

الزعيم · 05-21-2008, 10:36 PM

يسلمو ع الطرح __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
عاجل++ شريت جهاز قبل شوي علموني عشان ارجعه في الطريق لا يعطي اسماء ولا مظاهر الطريق	محروم.كوم	منتدى أخبار المواقع والمنتديات العربية والأجنبية	0	06-28-2010 03:50 AM
((( إللى يخاف من العفريت يطلع له ))) و ((( إللى يخاف من التصحيح يظهر له )))	محروم.كوم	منتدى أخبار المواقع والمنتديات العربية والأجنبية	0	06-17-2009 11:40 PM
((( إللى يخاف من العفريت يطلع له ))) و ((( إللى يخاف من التصحيح يظهر له )))	محروم.كوم	منتدى أخبار المواقع والمنتديات العربية والأجنبية	0	06-17-2009 11:32 PM
غرام أحباب	منصوري فوق العرقوب	الشعر المنقول	8	02-09-2009 12:56 PM
قصة واقعية (هذا الي يسمونه الحب الحقيقي)	ولد الدماني	الحوار والنقاش - الرأي والرأي الآخر	16	12-31-2008 12:43 PM