|
#1
10-30-2009, 08:26 PM
| ||
| ||
| العمر كله البداية لو ميت ولا داري حبيبي آني يحب ثاني اعز أحبابي معقولة جنت مخدوع بيه آني هيج آني طلعت تالي غشيم وما دريت بحالي عيني بالسما مأمن واني الماي من جواي أويلي قعدت من الصبح أبجي ودمعتي مغرقه ثيابي شفت اني حلم مو زين خاين أغلى أحبابي هيج اني طلعت تالي غشيم وما دريت بحالي عيني بالسما مأمن واني الماي من جواي أويلي على نيتي وكلت مثلي يحبني وهم على نيته تركت الدنيا كلها اني عفتها وهو حبيته هيج اني طلعت تالي غشيم وما دريت بحالي عيني بالسما مأمن واني الماي من جواي أويلي كنت قاعده اسمع الاغنيه والدموع على الخدين اتذكر ايام الخيانه وايام شخص كنت احبه واموت فيه امممم تبون تعرفون شو السالفه ؟ الحين بتيييكم القصه كامله ... اول شي انا اسمي فاطمه او يدلعوني تامي الدلوعه والحب اسمه احمد او الحقير الي كان الحب انا ادرس صف ثاني ثنوي علمي انا من العين وعمري 17 يمكن الاشياء الي بطريها في القصه او الاشياء الي استوتلي الكل بيستغرب اني صغيره بالعمر لكن الدنيا تعلم وانا تعلمت وااايد اشياء واشياء واهم درس تعلمته بلا حب بلا وجع راس والحياه حلوة بس انا ضيعت ايام عمري ويا انسان مايستاهل خلوني اقعد قعده حلوة عشان اطلع الي في خاطري خخخ لازم كل شي مناسب عشان ابدى القصه وياكم يالله بسم الله ابدى: بخبركم اول شي عني عشان الكل توضحله شخصيتي وعشان الكل يفهم القصه انا مثل ماقلت قبلي اسمي تامي ودلوعه وشيطانه وجريئه يعني عادي الي في بالي اسويه اسويه لو كان مايكون ومحد يهمني في هالدنيا غير ربي والحمدالله ماكنت اقصر في صلاتي ولا ارضي اهلي الين يا اليوم الي انجلبت فيه حياتي كلها: انا كنت ادرس اول ثنوي في مدرسه حكوميه وكنت بنت شاطره وفي نفس الوقت شيطونه وكنت احب الكل يعرفني بس في الخير بس في نفس الوقت ماحب الغلط وماسكت عنه الين يا اليوم الب بينت في حقيقة البنات الي هم كانوا ربيعاتي اثاريهم كانوا من وراي يطلعون رمسات وكنت اسكت وماتكلم الين يا اليوم الي بين فيه كل شي وتضاربت ويا البنات .. المديرة كرهتني وقال لي بسويلج طلب نقل وانتقلي أي مدرسه ثانيه وسكت ..ابوي عصب علي وانضربت ضرب اليهد والله انكسرت ايدي وتعورت المهم سكت ومن عقب الضرب هذاك نفسيتي تعبت واايد وقلت ماريد اكمل دراستي وماكملت دراستي مع انه ماكان باقي على امتحانات اخر السنه الا شهر بس قلت خلاص مابكمل دراستي وماكملت دراستي وقعدت في البيت..الكل تم يتحاشاني جني مسويه جريمه والكل يرمس علي المهم ماهتميت في حد وماكنت اظهر أي مكان وكله قاعده برووحي واهليه ماقصروا في حقي وفروا لي النت والفون وكل شي وماكنت اريد شي من الدنيا خلاص كنت مرتاحه المهم عقب فترة سافرت السعوديه ورحت العمرة وتغيرت احوالي كلها وحسيت حياتي كلها تغيرت وكاني انولدت من يديد وهنيه بديت اتعلم على الايميل وسوالف المسن فكنت اضيف بنات من منتديات ومواقع والبنات ماشاء الله عليهم كلهن ماشفت منهن الا كل الخير الا 2 الله يذكرهن بالخير ..بتيكم عقب سالفتهن المهم من الملل الي كان اييني كنت ادش الشات وكنت اضيف شباب بس والله ماتعدت علاقتي وياهم المسن وكنت اكذب عليهم بكل شي عمري اسمي كل شي بس مجرد تقضيه وقت وانا عقلي في راسي لو اغلط اعرف شو اسوي يعني هب هبله شرات بعض البنات يقصون عليهن... وكانت عندي بنت عمي وياي وااايد وكنا أي شي نسويه نسويه ويا بعض الين يا اليوم الي مادريت اني بندم عليه طول عمري كنت داشه الشات واسولف واضحك دش واحد وكان مسمي عمره حمار مؤدب وكان يسولف ويضحك جذبنتي سوالفه وشخصيته الهبله وعقب تمينا انا وهوه في روح بروحنا في الشات وكنا نسولف لانه الوقت متاخر كان على الفير وقالي عطيني ايميلج..اول شي ترددت لاني قلت رماريد بس عقب الشيطان وسوسلي وعطيته ايميلي وسولفت وياه..وقالي انا اسمي احمد وعمري 20 وادرس ببريطانيا وانا ذيج الايام كان عمري 15 تقريبا وعاد لقيت شخص افضفضله الي في خاطري وقلتله كل الي في خاطري وكنت متضايقه حييل وعلى ماذكر اني طلبت رقمه او هوه طلب رقمي عاد والله ماذكر بصراحه كل شي ورمسته مرتين او 3 مرات بس والله كنت خايفه ومتردده بس هو اسلوبه غبي فكنت اخذ واعطي وياه عادي ههههه تذكرت ايام مرت ههههه يالله ماعلينا المهم...عقبها استوتلي ظرووف انا تركت النت وعطيت اهليه الفون فانقطعت كل علاقتي فيه...كنت بين فترات احدر المسن واسال عنه وهوه ولا على البال الين مرة قالي انه بيرجع البلاد وعطاني رقمه مال الامارات ..انا ذيج الايام ماكان عندي فون لاني عطيته اهلي...فما دقيتله وسيفت الرقم ويا المحادثه بس وعقب فترة رديت ادرس وكملت دراستي في اول ثنوي بس هالمرة درست في مدرسه خاصه وهنيه المصايب الكبيرة ومثل ماقلت قبل انا شيطانه وهذا الي محليني لانه يعني الكل يشوفني صغيره وشيطانه بس تفكيري كبير وفاهمه هب ياهل يعني انا عقلي اكبر عن عمري استوت لي مشاااكل واايد الفصل الاول كنا مسوين شله مشاكل الين اخر المديرة طفرت من مشاكلنا وقالت بنفرقكن فعطت كل وحده من الشله ورقه نقل وكل وحده راحت مدرسه وكملت حياتها بعيده عن الثانيه وبسبب المشاكل الي في المدرسه ابوي رد يضربني وحرمني من كل شي وانتقلت لمدرسه ثانيه ومن اول يوم البنات كانن كارهاتني مادري ليش لاني اشطر عنهن وكانوا الوافدين في المدرسه يقولون المواطنات فاشلات وهنيه انا بينت لهم اني مش فاشله كنت ادرس وانجح واييب علامات تفوق..الين اخر اسبوع في المدرسه وهنيه طلع كل الي كان يخططن له انا كنت ظاهرة مروحه من المدرسه رايحه صوب سيارتنا وطلعت وراي المشرفه المصريه وزقرتني ورديت انا صوبها ويوم دخلت انصدمت انها تقول للمديرة اني انا مواعده وهيه منزلتني من سيارة واحد وكذبها ودشيت عند المديرة وكلمتها قلتلها كذابه وتالف علي وهزبت المصرية قلتلها هذا شرفي كيف ترمسين عليه؟ تمت تحلف واونه اني انا شفتج وانا نزلتج وهالكلام الي ماله معني والله العظيم اني قفيت عنها وعن المديرة وروحت عنهن..وركبت سيارتي وروحت البيت والظهر يت امي تكلمني عن السالفه وخبرتها قال لي انتي تفاهمي ويا ابوج ...وعاد انا قلت هنيه المصيبه الكبيره ابوي بيكذبني وبيصدقهن وبيذبحني المهم على المغرب نشيت على دق الباب واول مافجيت الباب ابوي كلمني في السالفه وعقب ياب العصا مالت الخيول وانضربت بها ضرب اليهد وهنيه حالتي ردت مثل قبل واردى وتميت ماكلم حد ولا لي خص في حد كنت كل وقتي قافله على عمري في غرفتي واقعد بروحي وعقب ماخلصنا الامتحانات وعقب مايبت النتيجه الحمدالله طلعت نسبتي 92.3 ووااايد فرحت وحسيت تعبي كله كان له معنى... وعاد هنيه طلبت هديه من اهلي ابى فون ويابولي الفون ماقصروا ... وفتحوا لي النت وردوا لي الاب وكل شي واول شي سويته تذكرت احمد ..لاتتوقعون اني نسيته بس ماكان بايدي أي شي اقدر اسويه والحين اقدر اوصله وفتحت سجلات المحادثه وطلعت رقم الامارات وطرشتله له مسج وكان تاريخ 13-6-2009 الساع 8 فليل تقريبا كتبت له:هلا احمد اخبارك علومك انا فطووم الي ايميلي……[email protected] تذكرتك وحبيت اسلم عليك..... وعقبها بساعتين كنت قاعده ويا امي وخواتي وكنت العب على الاب ياني رقم غريب قلت خلني ارد ويوم رديت من سمعت الصوت عرفت انه احمد وهنيه بتبدى حياتي وبتتدمر في نفس الوقت احمد: السلام عليكم فطوم:وعليكم السلام والرحمه هلا والله احمد : اهلين اخبارج علومج؟ فطوم : والله طيبه ومن صوبكم؟ احمد : الحمدالله والله عايشين فطوم : عسى دووم ياربي احمد : وبعد علومج؟ فطوم: والله ماشي قاعده ويا اهليه احمد: يعني ازعجتج؟ فطوم: لاعادي الحين بروح لغرفتي احمد: اها اوكي فطوم : ويت شوي ورحت لغرفتي ... احمد: هاه خلاص رحتي غرفتج فطوم : هيه وافتكيت من حشرتهم هههههه احمد: زين زين امممم شو الي ذكرج فيني فطوم؟ فطوم: والله الواحد يوم يغلي شخص مستحيل ينساه احمد: وفيج الخير يافطوم ماتوقعتج والله تسالين عني فطوم: ليش؟ احمد: يعني لانج قطعتي مرة وحده واني مش دووم ارمسج في المسن فطوم: اها لا عادي غالي وقدرك على العين والراس احمد:والله كبرتي في عيني بهالحركه فطوم: شكرا احمد: وبعد علوم دنياج؟ فطوم : الحمدالله على كل حال احمد: ليش شو صاير؟ وهنيه طلعت الي كان في خاطري من ضيقه وكل شي احمد: خلاص انتي انسي وبترتاحين ومع الايام تطورت علاقتنا وكنت كل يوووم اسال عنه ويسال عني واكثر الاوقات اكلمه بس في ذكرى في بالي مستحيل انساها لاني صدق هنيه حسيت هالانسان بفقده اليوم ولا الي بعده مصيري بفقده..كنت اكلمه وطرالي بنت عمه : فطوم: احمد شبلاك متضايق؟ احمد: ماشي خليها على الله فطوم: لا عيوني قولي شو في خاطرك والا ماتباني اقولك الي في خاطري يوم اتضايق احمد: ماشي اليوم اخوي يكلمني عن بنت عمي انه ولد اخوي يباها ويبة يتزوجها واونه اذا انته ماتباها هوه يباها فطوم: انزين انته تباها؟ احمد : هيه كنت اباها لانه من زمان عمي كان يقول بنتي هاذي لاحمد بس الحين خلاص عادي دام ولد اخوي يباها ماقدر اقول شي انا هنيه انجرحت وحسيت خلاص انه الشخص الي اباه مايباني فطوم: اذا تباها قوللهم اباها وهم بيتكلمون والا؟ احمد: خلاص ماباها عادي لاني اصلا ماحبها بس الا جي هنيه تميت اصيح وصوتي تغير احمد: فطوم شبلاج؟ فطوم: ماشي عادي احمد: انتي تصيحين؟ فطوم: لا عادي احمد: لا انتي تصيحين ليش تصيحين هالكثر انا غالي عندج؟ فطوم: لو مانته غالي جان ماسالت عنك احمد: فطوم تحبيني؟ فطوم: هيه احبك احمد: فديت رووحج خلاص لاتصيحين فديت دموعج والله وهنيه انا خلاص كنت واعده عمري مدامني هالشخص انتظرته وحبيته مستعده اتحمل أي شي منه لو عذابي الين يا اليوم الي بيرجع فيه البلاد لانه كان في بريطانيا فطوم: متى طيارتك؟ احمد: تقريبا على الساع 11 عندكم فطوم: اها توصل البلاد بالسلامه انشاء الله احمد: امين يالله بخليج الحين خليني اتضارب ويا شنطي وارتب اموري ومن اظهر بكلمج فطوم: خلاص اوكي استناك وعقب ساعه تقريبا فطوم: هاه خلصت تضاربت ويا الشنط ؟ احمد: هع لا بعدني اتضارب ويا هالشنطه متروسه اشياء مارمت اسكرها فطوم: هههههههههههه عندي حل انقز عليها الين تتسكر شرات الرسوم المتحركه احمد: تتطنزين؟ فطوم: هههههه لا صدق والله تراك من ساعه وانته الا تضارب هالشنط احمد: لا ماعليج بيي الحين ربيعي وبيساعدني فطوم: عيل خلاص خذ راحتك وخلص امورك تراني استناك ولا تتاخر احمد: ههههه خلاص اوكيك وعقبها بكم ساعه اتصلي وكان في المطار احمد: يالله الحين بتطير طيارتي هنيه دمعت عيوني لاني كنت اعرف انه بيكون قريب مني لو حتى مش في داري المهم اني اتنفس الهوى الي يتنفسه وامشي على الارض الي يمشي عليها فطوم: توصل بالسلامه حبيبي احمد: لاتصيحين تراني برد البلاد لازم تستانسين فطوم: هاي دموع الفرح حبيبي احمد: يالله عيوني ينادونا يالله بروح شي في خاطرج؟ فطوم: لا سلامتك حبيبي والله الله بعمرك والله يوصلك البلاد سالم وغانم احمد: امين وانتي لاترقدين استنيني ههههههههه فطوم : انشاء الله اول ماتوصل اتصلي اوكي حبيبي احمد: اوكي عيوني وووصل البلاد وطمني عليه فديته وانا الصراحه ماذكر واايد اشياء انا الي المواقف الي بكتبها هيه الي اتذكرها والي اثرت فيني بس والا مب ذيج الذكريات عندي هههههههه الي ماخذ عقلي يتهنابه اتذكر مرة فليل كنت اكلمه وكان يحوط وكان ساير صوب السد هناك عندهم وكان المكان عنده ظلام وهنيه بديت استهبل عليه فطوم: احمد حبيبي تخيل الحين حد ايي من وراك من هالينانوه احمد: بسم الله الرحمن الرحيم فطوم لاتخرعيني فطوم: هههههههههههههههه خوااف احمد: هههههههههه ماعليه يالحماره انا براويج فطوم: احمد شوف شو وراك ؟ احمد: ماعليه ماعليه انا بارويج هههههههههههه فطوم: فديت روحك حبيبي احمد: بييبج هنيه مرة وبخليج بتشوفين فطوم: هههههههههه لا والله يالنذل بس هع انا ماخاف شراتك احمد: بنشوف هههههههه ومرت الايام بينا وكانت احلى ايام العمر والله اني مستحيل انساها ومستحيل احب حد هالحب ويا اليوم الي انا سافرت فيه سوريا والله اني كنت كارهه قبل السفرة وتميت اصيح ماريد اسافر بس هوه قالي لاعادي روحي ويا اهلج وغيري جوو وبستانسين وسافرت واتذكر اني كنت كل وقتي هناك افكر فيه أي مكان انا قاعده فيه ماحد شاغل تفكيري غيره في سوريا استوتلي حركة نذاله انه امي شلت الفون عني وماعطتني اياه الا اول يوم واول يوم سكنا في شقه كريهه وانا كنت مستغربه المكان ولانه حبيبي مش معاي والله اني كنت متضاايقه واتصلت به احمد: هلا فطوم الحمدالله على السلامه فطوم: الله يسلمك حبيبي ابى ارد البلاد اهئ اهئ احمد: ليش؟ هههه تو الناس فطوم: والله كرهت المكان حبيبي وانته مش معاي اهئ اهئ احمد: خلاص لاتصيحين ولا تضايقين بنفسج وانا بتصلج عقب ربع ساعه اوكي فطوم: يعني استناك؟ احمد: هيه بتصلج واذا تاخرت روحي ارتاحي ولا تحاتين هنيه عاد لا سمعت له لا خبر ولا علم الين اليوم الثالث الي تكرمت امي فيه وعطتني فيه الفون وكان عندهم عرس حد من اهلهم وكان هوه متضاايق حيل فطوم: احمد شبلاك؟ احمد: ماشي قاهرني اخوي وسالفته فطوم: حبيبي لاتتضايق ولا تسوي شي طبه خلاص دام الكل ماقال شي طبه احمد: لا حبيبي ماروم شوفي هوه شو مسوي بعياله والحاله الي هم فيها فطوم: احمد عشان خاطري لاتسوي شي ودام العيال عنكم طبوهم وانته لاتروح وتفر عمرك في مصيبه حبيبي عشان خاطري والله احمد: انشاء الله عيوني فطوم: توعدني حبيبي ماتسوي شي؟ احمد: الله لايحرمني منج حبيبي والله انتي الوحيده الي واقفه وياي خلاص وعد حبيبي ماسوي شي فطوم: خلاص عيوني سر وصل خواتك القاعه مالت العرس وانتبه لعمرك ولا تغازل احمد: هههههههه لا اليوم انا كاشخ ولابس عدسات ماعليه البنات بيغازلوني فطوم: احمد عن الاستهبال ؟ احمد: فديت الي تغار ههههههه خلاص عيوني مابسوي شي يالله الله الله بعمرج فطوم انشاء الله عيوني ومرن الايام وماكنت اقدر اكلمه لانه الفون عند امي ورديت من السفر واول رقم دقيتله يوم رديت رقمه ورمسته والله اني كنت مشتاااقه له حييل وهنيه يوم كنت راده كنت ماخذه هدايا له ولبنت اخته روواض فديتها والله امممممم هيه صح تذكرت مرة احمد يابلي رواض بيتنا فديتها والله حبيتها من كثر ماحبه هوه ويوم روحوا سرت صوب السيارة وكنت فاجه الباب لرواض وحمده وكنت شاله بايدي صحن المعكرونه هههههه فديته والله سلمت عليه ورفعت عيني وشفته فديته كان دب هههههه فديته بكل حالاته وركبن رواض وحمده وعطيتهم الصحن المعكرونه اسميه تخبل عليها هالمعكرونه ههههههه>>>سحر هههههههه لا حد يصدق بس انا فنانه في الطبخ والمهم نرجع للوقت الي كنت راجعه فيه من سوريا ويا العين فديته عشان ياخذ الهدايا وانا كنت معصبتبه ومزعلتنه شوي بس والله يا وماكسر بخاطري وكان ماخذلي هديه خاتم والله هالخاتم من يابه الين اليوم مايهون علي افصخه لانه غالي من شخص غالي علي موووت ويا فديته ويوم عطيته الهدايا مسكت ايده واتذكر انه حتى الكيس مالت الخاتم كانت فيها ريحت عطره والله فديت عيونه وايامه بس هوه الي دمر كل شي واتذكر مرة كنت في رمضان سويت حلويات وقلتله اني اباه ايي وياخذ منهن عشان يذوق اكلي ويا فديته وكان ياي يشل بنت اخوه من الجامعه واسميه تخبل على الحلويات خصوصا البسبوسه هههههههه اتذكر انه حتى اليوم الثاني فطر على البسبوسه وكلاها عن خواته هههه والله مرت علينا ايام حلوة بس شو نسوي كل شي مكتوب ومقدر هنيه برجع اتذكر اول مشكله استوت بينا ومن عقبها خلاص ماشي ثقه من الطرفين كان فيه ايميلات شباب وهالخرابيط بس والله مافي وااحد من الي كانوا عندي يعرفوني والا قد شافوا صورتي واصلا كنا نكذب عليهم في كل شي في العمر والاسم ومنوين نحن وكنت خايفه اعطيه الباسوورد ويستوي شي بينا فتضاربنا وماعاطيته الباسوورد وعقب طلع لي في ايميلي واحد وانا كنت احسبه وحده وكنت عاطيتنها رقمي ويوم دش احمد الايميل وكلمه طلع وااحد احمد زعل مني وهنيه بدى الشك وعقبها استوت سالفه وحده اونها كانت ربيعتي كانت ترمس من وراي وكنت متضايقه واايد منها وعطيت احمد رقمها ورمست قدامه بكل شي عني جذب والفت علي قصص هنيه انا خلاص عرفت انه احمد صدقها ومن عقب هاليوم مستحيل شي يرجع لمكانه وبيي يوم وبيتدمر كل شي وانا ذاك اليوم طلبت منه الباسوورد ماله ويوم دخلت حصلت ايميلات بنات وحصلت رسايل وصور صح انهن كانن قبلي بس انا زعلت وتضايقت واخر سالفه لايميله استوت يوم كان رايح صلالة ويا ولد اخوه انا من تهوري وخبالي يبت الموس وقصيت ايدي وصورت ايدي وطرشتها له وتمت هالحال بينا يومين نرجع لبعض وباقي الايايم نتضارب واتذكر مرة اتصلي وفر علي كلام الصراحه والله ماهقيته انه هوه الي يقول هالكلام عني والله والله اني اكتب هالذكريات ودموعي على خدي والله حرام الي يصير لي والله حرام وعقب مارمسته اسبوع تقريبا وانا هنيه قلت خلاص حياتي بغيرها كلها ومهما صار لو رد والا مارد عادي عندي المهم اني ابري ذمتي من كل شي وانوي نيتي لربي والله العالم بكل شي عني فتحت الايميل هذاك ومسحت كل شي فيه وماخليت شي فيه الا ايميلات ربيعتي وخالتي وبنت خالي ومسحت الرسايل كلهن وسويت له كل الي يباه وعقبها بيوم رد واتاسف وقلتله تبى الايميل قالي لا خلاص عادي ماباه مايهمني انا الي يهمني انتي وبس انا هنيه ارتحت .. سقاني من قربو الألم .. وقلبي في حبو إنظلم من أجلو كم مره أنا .. صفقت كفيني ندم سويت لو كل مستحيل .. وبعينو إخلاصي قليل لكنو ناوي ع الرحيل .. سلام مني لو رحل .. والباب يوسع لو جمل والباب يوسع لو جمل .. والباب يوسع لو جمل رضيت منو كل جفا .. ولقيت ماعندو وفا الليل يهني بو ينام .. ويسيب جفني ماغفا عايش معو كل هالسنين .. أرضيه كل ساعه وحين له قلب قاسي مايلين .. ماعاد لي منو أمل .. والباب يوسع لو جمل والباب يوسع لو جمل .. والباب يوسع لو جمل هويته من دون البشر .. هجرني وهو اللي خسر عطيتو من قلبي وفا .. وأعطاني جروح وسهر ماردّ لي ربع الجميل .. أسقيه ولغيري يميل وكل شي قالو له بديل .. وأكيد بلقا لو بدل .. والباب يوسع لو جمل اسميك صدقت في كلامك ياراشد انا هنيه وصلت للانهيار وتغيرت حالي كلها وكنت احاول قد ماقدر ارضيه باي شي حتى لو يطلب عيوني عطيته وسافر بريطانيا عشان يكمل دراسته وانا هنيه في مكاني جسد بليا رووح ويا اليوم الي خلاص فيه تدمر فيه كل شي وفي عينه انا صرت ماستاهل ولا شي وانا الخاينه واللعابه كنت اكلمه عادي وداشه منتدى مسجله انا فيه من زمااااان يعني من قبل لا اعرف احمد بسنه وقالي شو تسوين؟ قلتله اني فاتحه منتدى فقالي عطيني الرابط وعطيته وياليتني ماعطيته بس انا ماكنت ادري اني بنظلم بشي قديم وصار قبل لاااحب احمد واعرفه والمهم دش هو على مشاركاتي وشاف مشاركه قديمه كاتبتنها انا لهل دلما لاني كنت ذيج الايام اوني احب اخو ربيعتي يعني يوم كانوا ساكنين في العين يعني سنه 2004 ايام يوم كنت ماعرف شي انا وانا من طبعي احب اكتب خواطر وقصايد ويوم انتقلت ربيعتي واخوها لدلما هنيه انا كتبت هالخاطرة واهديتهم اياها عن طريق المنتدى .... وذيج الساعه انا سكرت عن احمد ورقدت بس والله فزيت من نومي حسيت انه شي صاير ويوم قمت شفته كاتبلي رساله انه اني خاينه ولعابه وووايد كلام يجرح ماريد اتذكره ويوم كلمته ماشاء الله عليه ماقصر فر علي كلام واااايد وانا خبرته كل شي وماجذبت عليه لكن شو قالي اني انا كذابه ولعابه والي ماستاهل شي بس شقول غير حسبي الله ونعم الوكيل عليه حسبي الله ونعم الوكيل عليه انا الي خليته شي وهوه الي كان ولا شي انا الي حبيته ووحلفت انه مايدش حياتي انسان غيره انا الي وفيتله ولاخنته انا الي بعت الناس كلها لجله بس والله مايستاهل شي والله مايستاهل والي زاد الطين بله انه سار رمس عني قدام البنات الي عندي في المسن و2 الي كنت اطريهن اول القصه هن هذيلاك وقال عني كلام والله ماهقيته يقوله انا الي كل البنات يموتن قهر لاشافني من شموخي وعزتي اخرتها ايي هوه ويخليني ماسوى شي قدامهن والله لخليه يندم انا مابسوي شي بس والله الي سويتله اياه مافي حد من البنات بتسويه لمنو كان تحبه حتى لو تحبه مووت مستحيل تسوي الي انا سويته انا قطعت ايدي بالموس لجله وترقدت في المستشفى وهوه حتى ولا سال عني ارتفع ضغطي ووزني نزل وصحتي راحت وفوق هذا انا طلعت ماكرة الجميل بس شقول غير حسبي الله ونعم الوكيل عليه حسبي الله ونعم الوكيل عليه انا بحاول انساه وانسى كل شي يذكرني فيه بس الشي الوحيد الي مستحيل انساه الي سواه فيني وبردله كل شي اليوم والا باجر والا عقبه ويخليه بندم والله بخليه يندم واييني يترجاني وانا دامني عايشه وراسي مرفوع يشم الهوى خذيت هالعهد على نفسي لاخليه يندم على كل شي لانه حقير وناكر الجميل وظالم ..والظالم مايستاهل يعيش اصلا الي امثاله مايستاهلون يعيشون اممم في موقف مستحيل انساه وهوه الي خلاني ابتعد عنه اني كنت ذاك اليوم متضااايقه حيل وهوه بعده زعلان فطرشتله رساله اني بحاول اقتل عمري وهوه بيكون السبب وذنبي على رقبته الين يوم القيامه فهوه شو سوى سار وياب الموس وقصص ايده ولانه هوه يدرس في بريطانيا فسووله قضيه كبيرة وكتبوه تعهد انه لو عاد الحركه مرة ثانيه بيردونه الامارات فيوم كلمته كنت خلاص بموت من الصياح والتعب والله خلاص وصلت للانهيار النفسي والسبه هوه احمد: نعم شو تبين؟ فطوم احمد حرام عليك ليش جي سويت بعمرك؟ احمد: خلاص فطوم انسيني وابتعدي عني انتي كنتي بتدمرين مستقبلي فطوم: انا الحين الي دمرت حياتك؟ احمد: هيه انتي ماكفاج انهم كانوا بيطردوني فطوم: انا ماقلت لك سير وقصص ايدك احمد: انا احبج وهذا الي خلاني اسوي جي فبليز ابتعدي وخليني لحالي فطوم: هذا الي تباه؟ احمد: هيه هذا الي اباه فطوم: خلاص على راحتك بس الله الله بعمرك وانتبه لنفسك تراك غالي علي احمد: انشاء الله وانتي بعد فطوم:انشاء الله لاتوصي حريص بس انته انتبه لنفسك والله احمد: خلاص لاتوصين فطوم: احمد اريدك تتذكرني كحب قديم اوكي ولا تشغل بالك فيني حتى لو مت احمد: لا تقولين هالكلام فطوم: يالله احمد بخليك واسمحلي على كل شي مع السلامه وسكرت التلفون في ويهه ماخليته يكمل كلامه وقعدت اصيح الين خلاص انهرت والحين وين حالتي وصلت لاردى شي اكل حبوب مهدئه عشان يوم اصيح مانهار ولا اتعب انا خلاص كرهته وكرهت الدنيا عقبه هوه الي دمرني انا الي كنت اضحك واستانس والكل يغار من طفولتي وشقاوتي هالانسان دمرني وخلاني اكره كل شي... بس شقول الله وياه والله يحفظه وهذا الي اباه وانا مستحيل احب غيره وبكمل حياتي بلياه ............. وبقوله في الاخير: يا للأسف شوهت صورة رسمتها لك في عيوني كنت النظر ضيه ونوره غالي وقدرك ما يهوني ملكتك فؤادي وشعوره كنت أحسبك ذخري وعوني هان الهوا وذبلت زهوره أقولها ودمعي هتوني ما أنساك يا من شفت جوره ابعد ولو زادت شجوني قلب هواه ما ضيع شوره مهما العواذل يعذلوني حبك في قلبي انهد سوره لا تظن ترجحلك وزوني وعمري نسى فرحة زهوره يا للأسف خابت ظنوني وعقب الغلا شوهت صوره رسمتها لك في عيوني وفي الاخير اقول الله لايفرق كل حبيبين والله يجازي كل شخص بافعاله الحب في هذا الزمن مثل اللعبه في ايدين طفل صغير بيضمها سنه سنتين وبعد مايتعلم من اللعبه الي يباه يبعتبرها ذكرى هذا هو الحب في هذا الزمن الشخص المنهار الضايع بيلقى شخص يطلعه من انهياره وضياعه وبيخليه يوقف على رجلينه واخرتها بيبيع الي وقف وياه وسنده كانه شي كان في حياته والحين صار ولا شي.... شي تعلمته:لاتندم على من حبيت وباعك اندم على من حبك وبعته... ولاتبيع من اشتراك لانه اشتراك باغلى مايملك واذا بعته بييك يوم وتندم ماينفع الصوت يوم يفوت الفوت نهايه: العمر كله ترى هذي القصه قصه حقيقيه عني انا وانا كتبتها حق الكل يتعلم من تجربتي والسموحه من الكل على اسلوبي 
__DEFINE_LIKE_SHARE__
 |
| مواقع النشر (المفضلة) |
العرض الشجري
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| قصه حقيقيه حدثت معي | محروم.كوم | منتدى أخبار المواقع والمنتديات العربية والأجنبية | 0 | 07-06-2010 04:50 PM |
| قصه حقيقيه .......... للفائده | السـ BECKHAM ـــميان | عجائب و غرائب | 9 | 07-07-2009 09:04 PM |
| قصه حقيقيه | محروم.كوم | منتدى أخبار المواقع والمنتديات العربية والأجنبية | 0 | 06-17-2009 01:21 AM |
| قصه حقيقيه%100 | محروم.كوم | منتدى أخبار المواقع والمنتديات العربية والأجنبية | 0 | 04-08-2009 12:30 AM |
| °•.♥.•° °•.♥.•° لاتصدق ان احلام العمر بلاثمن فبعض الاحلام ثمنها العمر °•.♥.•° °•.♥.•° | ж شـمـوخ عـراقـيـه ж | المواضيع المكرره | 13 | 01-13-2008 04:46 PM |
الساعة الآن 10:19 PM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227