ابني بارك الله فيه ما يسمع الرمسة مول

محروم.كوم · #1 10-13-2009, 11:00 AM

*السلام عليكم ورحمة الله وبركاته * *حبيت اكتبلكم لعل وعسى القى الحل لموضوعي ،**لاني بصراحه مضايجه من الموضوع وايد ، حتى فكرت استعين بدكتور خاص يفهم شخصية ها الولد* *ولدي طال عمركم عمره 8 سنوات* *انسان اتكالي وايد يعني اذا يبا شيء لو كاس ماي يطلبه من الشغالة ، لو بيدش الحمام ( كرمكم الله ) يبا حد يوقفه لانه يخاف ، وايد يهزب وعصبي ويضارب وخاصه الشغاله تسمعونه اذا واعي بس معصب ومب عيابنه شيء !* *طبعاً كل هذا كوم وياي انا كوم ،، ما يسمع رمستي مول كأني ما ارمس ولا انبه لشغله يعني اتم طول الوقت ازعج وشاطه عمري ، سو جيه ولا تسوي جيه واذا طلبت منه مساعده في شيء مستحيل يسويها ، كل شيء بأوامر بصراحه تعبت ،* *المشكله خواته اللي اصغر عنه يالسين يتصرفون نفس التصرفات يعني كل ما اقول شيء اسمع كلمة (مابا)* *استخدمت جميع الاساليب من مكافآت وجوايز وتحفيز ما فاد**استخدمت اسلوب الضرب ما ينفع* *يعني تعبت* *حتى الصلاه احاول اكلمه فيها قبل بعد يصلي وياي كمن فرض الحين لا يقولي بعدين ،* *بتسألوني وين دور الاب ،* *ابوه يداوم في ابوظبي يعني تقريبا غير متواجد الا في الويكند وهو يوم يرجع يكلمه بهدوء ومرات بشده لعل وعسى ينفع وياه بس للاسف* *احسن تربيته صعبه ، الله يهديه* *مشكله لو كبر على ها الطبع ما برومله ،* *بعدين ما يحترم حد موووول من خواتي يعني ما يسوي قدر لاحد ، مشكلتي عاطفية ممكن اتم ما ارمسه بس نص ساعه تلقينه يا واتأسف واسمامحه بس من يكمل كمن دقيقه رد وجلب* *ترى طبعه زين ويا الناس وهادي يعني اللي يشوفه يقول ها ما عليه ولا شيء بس في البيت ملعوزني مب بشغبه ، لانه غير مشاغب بس ما يسمع رمستي في شيء* *اتمنى القى الحل الشافي لها الموضوع* *والله يهديه ان شاء الله*

أكثر... __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رسالة لمن يسمع او لا يسمع الموسيقى	السيل	الإسلام والشريعة	46	03-06-2010 02:37 AM
ردو وراي .. .. .. الله يوفق ابني	محروم.كوم	منتدى أخبار المواقع والمنتديات العربية والأجنبية	0	02-13-2010 06:10 PM
تفضل بالدخول بارك الله فيك .. فيه مثال للمشكله .. وان شاء الله بسيطه	محروم.كوم	منتدى أخبار المواقع والمنتديات العربية والأجنبية	0	05-27-2009 02:20 PM
الي يقرا هالموضوع ما راح يسمع اغاني باذن الله	أمـيـرة الحــرف	الإسلام والشريعة	7	10-17-2008 07:20 PM
مات وهو يسمع صوت الحور العين ( الله يرحمه )	أم عفراء	الإسلام والشريعة	11	05-28-2008 10:32 PM