السلام عليكم

علوووومكم؟

يسعدني ان اطرح عليكم هذا الموضوع لنتناقش فيه

لأنه موضوع حساس للغايه

وانا اكتبه بإيدي لأني شفت هالشيء بعيني

ألا وهو (( التفكير المزدوج ))

يعني انا آخر يوم يوم الخميس كنت قاعده في الكلاس فالتقنيه

كان عندنا بريك وانا كنت اسولف عند ربيعتي واستعيبت من السالفه ألي قالتلي اياها

هذي خامس مره تصادفني مثل هالحاله

الله يسلمكم ربيعتي مالجه ويمكن باجي عن عرسها 5 شهور أو اقل والله ما اذكر بالضبط

المهم هالبنت وافقة على هذا المعرس ألي ياها بس قبل كان يريدها ولد حارتهم

بس ما كانت مهتمه لذاك الزود يعني مسويه للموضوع طاف

المهم البنت ملجه وخذت ألي يقربلها ألي من اهلها

وهي متعوده دوم تمشي فالحاره مع امها واختها وبنت اخوها

المهم كانت ما تهتم بالمشي وايد لانها تتصدع من السيايير

وفجأه البنت استوت تمشي عاد عرسها قرب وماتبي تخرب جسمها يعني تريد

تحافظ على لياقتها وجي وهالسوالف . المهم من بدأت تواضب على مشيها كل يوم

تحرشبها ولد حارتها ألي كان جي كأنه يلمح أنه يباها

يعني حتى يوم يشغل اغنيه أو يقول شيء يقصدبها هي

وحتى تجرأ وقال لأمها خالتي انا اريد بنتج على سنة الله ورسوله

المشكله الأم من الربكه ما ردت عليه وسكتت عنه قالت يمكن يطنز أو شيء

مافينا على عوار الراس .. وتغاضت عنه الأم .. لكن هو بعده على حاله يغازل البنت ألي هي

ربيعتي .. والمشكله ربيعتي هب عاطتنه ويييه تحب ريلها وايد يعني ريلها هب مقصر عليها في

شيء هذا ألي غامضنها ... بس هو تقول ما اعرف القى عمري افكر فيه لو ما اريد افكر بس افكر

فيه هي اروحها مستغربه ليش اهتمتله قالت يمكن لأني حاسه اني راحمتهلا.. بس فجأه من كثر ماتشوفه

جي رحمته تريد تقوله انها مالجه خلاص بس في نفس الوقت هي حاسه انه هو يعرف

انها مالجه .. لأن راحمتنه وااااااااايد .. وفجأه حصلت عمرها تفكر فيه وااااااااااااااااااااااااايد

وااااااااااايد حتى يوم تمشي استوت تتلفت يمين يسار ادوره اتعودت عليه


يحرسها لين توصل البيت .. ويوم ماتشوفه في يوم تتكدر

وفي نفس الوقت تقول لا حرام ريلي انا احبه وايد .. بس بعدها تفكر في ولد الحاره ألي يتبعها

انا بصراحه تعجبت من السالفه

وانا اريد اساعدها

انا قتلها غيري طريق مشيكم او وقت مشيكم عشان مايعرف

قالت سويت جي بس بالرغم من ذالك بعدني اشوفه

يعني قالت كأنه موقت لنا ولا يراقبنا

وبرايكم شو الحل ؟؟؟؟؟


وسؤال للشباب موجه .. لو انتوا محل هالريال يعني حبيت هالبنت سبحان الله دشت خاطرك

وتقول خلاص انا مالي غير هذي البنت هذي ألي احلم فيها ويوم بغيت تخطبها اكتشفت

انها مالجه شو بتكون ردت فعلكم ؟؟؟ <-- هذا السؤال للشباب فقط