قصيدة للشاعر عبدالله الحقباني الدوسري والرد عليها من أهل السليل بوادي الدواسر....حياكم ......

الرهيب القطراوي · #1 10-11-2009, 08:38 PM

السلام عليكم ورحمة الله وبركاته اليوم جايب لكم قصيدة والرد عليها من أهالي السليل بمنطقة وادي الدواسر بالسعودية عسى تعجب الشعراء والأعضاء .....

رد أهل السليل على عبدالله الحقباني
اعزائي الكرام أهالي و منسوبي منتدى السليل هذه الابيات التي اهداها لنا الشاعر القدير وابن العم عبدالله الحقباني صح الله لسانه ويليها الرد عليها

قــرّبـوا لي دفــتـري جـــت يالعــوّيـل
جــزلـةٍ مــن جيــز جـــزلاتٍ تنـــادي
القــوافي في فضــا فكـــري تمـيّـل
يالله اني طــالبك عطــنـي مـــرادي
مطمعي ما هوب في الغاز المسيّل
لا و لا هــمّي هــلالـي و إتحــــادي
جــيت ألبّــي دعـــوةٍ لأهـل السليّـل
ربعــي اللي تنــثني وقـت الطّــرادي
حــبّهم في ضــامري مـا هــو قليّـل
هــم بني زايـــد إلا إشـتـب الزّنـادي
يــوم ابن فــرحــان مــا قـال الحـليّـل
مكــرم الضـيفان في ليـل الهجــادي
عـــودٍ أزرق عـقـب فــنجــالٍ مــهيّـل
و الشـــحم تلقـاه بصحــ ون و بـوادي
الدواســـر عــزوتـي فـــوق التخـيّـل
أشـــهد إنهم كيف راسي و القنـادي
مسّـسين المــجد مـا جاهـم تحيّـل
بالصــخا و الجــود و ســيوف الهنادي
من حــربهــم ينكتـب حــظّـه منــيّـل
و إن وزاهـــم مجــرمٍ حـطّ الوسـادي
و ان عطـــوا يعطـــون وزنٍ مــا يكيّـل
واســمينٍ للعـصـا ســلـم إنفــرادي
إســمهـم ثلث الجــزيـره بـه مــذيّـل
ما ذِكِـــر غير الدواســـر فيـــه وادي

ونيابة عن ابناء عمومتي اهالي مدينة السليل اتشرف ان اخدمهم في الرد على ابن العم عبدالله الحقباني بهذه الابيات والتي اتمنى ان تنال اعجابكم وتوفي حق ابن العم الشاعر القدير عبدالله......
يامــخـال المـــوهبـه خــيـل وســـيـل

ســـيل يغـــطـي جبلـهـا والحــمـادي
يــوم عبدالله بجــــزل القــــاف خـيـل
وهــل قـيفـــان جــزيـلات جـــــدادي
مرحبا بأسمي وبأسم اهل السـليل
وبأســم فــرحان ولد عــمي سنـادي
مـــرحـــبـا ياضــيفنـا نـــوخ وقـــــيـل
شـــوفـتك يــــوم مـن ايــام العيـادي
يابـــعد مـن فـكـــره ضــعيـف هـزيـل
ضــايع رايــة وعــاده فـــي تمــــادي
ســـلها ياشـــوق مــن كنهـا الغـزيـل
وعـينها عـين اشــقر وقت الهــدادي
واتــرك اللي غــله بصــــدره مـغــيـل
ورايــة البـيضــا لك بـروس المـــبادي
يابن مــن يــردون لاهــــاب الــذليــل
لاد تغــلب خــازمة خشـــم العـنـادي
درعـــنا لامـن زمــا الـعــايـل وعـيـل
يرهــبون الضــد بســيـوف حـــدادي
زايــــد وتغــلب فـنا الظــان المـحيـل
من حــربهـــم ماينــادي لـه مــنـادي
يضهــده دوســـر ويبطي في تـوويل
من قســـاوة ظـرب خـطلان الايــادي
وهــم غـناة وهم ذرى راعي الرحيل
لا جــلا من فقــر والا مـن الأعـــادي
حمـله يجـــي لا ثقيــــل ولا ثقـــيـل
تصــبح حمــوله مثل ريـش الجـرادي

الشاعر عبدالله بن مرضي الودعاني

لكم الود والورد من محب الكل

ابوطلال.........

ولكم تقديري......

مــدام ان ديــرتـي دار التميمـــي .....فنا ما ضنتـي يحجــب شـــعـاعــي
تـربينـا علـى حـــب الطــــــليـعـه ..... وندعس للوطـن روس الافـــــاعـي
نعيـش الــرفعته ونعيـش لاجلـــه .....وانمـــوت العـزتـه مـوت جمــــاعـي
قطـــر داري ودار ابـن الفجــــــاءة ..... بـلادٍ نبتهـا ســــيـف ويــــــراعـــي

& الودعاني عاشق الريان &
__DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي الانتقال إلى العرض المتطور العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
قصيدة التوجد للشاعر / خالد بن مدعث الدوسري ومجاراتها من الشاعر ناصر الفراعنه ,,,	محروم.كوم	منتدى أخبار المواقع والمنتديات العربية والأجنبية	0	03-13-2010 02:40 AM
الدوسري: أفراد قبيلة «الدواسر» لم يجنسوا وإنما أعيدت لهم جوازات سفرهم	محروم.كوم	منتدى أخبار المواقع والمنتديات العربية والأجنبية	0	11-01-2009 07:10 AM
لقحه للبيع بوادي الدواسر	محروم.كوم	منتدى أخبار المواقع والمنتديات العربية والأجنبية	0	07-27-2009 10:10 PM
الى خبراء النوفي (عبدالله الجوعي، عبدالله الدوسري، خندريس) وباقي الاخوة	محروم.كوم	منتدى أخبار المواقع والمنتديات العربية والأجنبية	0	07-10-2009 07:10 AM
قصيدة في الوداعين ...الدواسر.......حياكم...دون قصور في ...القبايل...حياكم....	الرهيب القطراوي	الشعر المنقول	8	07-07-2009 02:34 PM