حكم القدر غلّق عليّه دروبه .. وانصكت بويهي جميع ابوابه ** بنــت العـــين هنيه >< - الصفحة 2

اماراتية دلع · #1 10-14-2009, 10:03 PM

السلام عليكم ..

التاريخ : 14/10/2009

اليوم : الاربعااء

شحالكم عرب زايد يعلكم بخير ..

انزين اليوم ان شاء الله بخبركم قصتي مع ناااادي العين وحبي لهذااء النادي ..

نبداء ..

تقريبا بدت قصتي في حب هذا الصرح الكبير ..

يوم كنت صف ثاني اعدادي بسبب صديقتي لانهاا كنت تشجع النادي وتحفظ اسامي اللعيبه

وكانت تخبرني عن نادي العين وعن المباريات

يوم بعد يوم حسيت عمري حبيت كرة القدم وخاصه حبيت نادي العين بشكل كبير

خـــــــــــــــــــاصه انه محمد بن زايد كان وياهم هذيج الايام يحظر مباريات ويشجع

الفريق فزاد تعلقيه في النادي

عاد اللحين لا تنشد امره كل اللي في البيت يعرفوني اني احب مباريات نادي العين

واستانس يوم يفوزون وااااااااااااايد احزن يوم يخسرون يعني قولوا نادي العين صار

شي مهم عندي وخاصه اني من العين واحس يوم يفوزون انه مدينتي انتصرت

عاد محد يسوى العين وأهلهااا

بس اكثر شي علقني في النادي حب بو خالد لنادي العين ..

عاد اللحين مره من تفوز العين تلفوني كله مسجات ..

ههههههه

مبروك مبروك عاد اناا بعد ما قصر في ارد عليهم الله يبارج فيكم << عااد وااايد اكتبلهم بس خبرتكم المختصر هههه

صاااروا اخوني الشباب يسألوني عن النتايج هههههههه المباريات

ما شاء الله عليه خبيره هههههه

العيناوي اللي يحدر مدونتي يدعي لنادي العين بتوفيج [/color]

بحط كمن صوره لناديه المفضل ..

صوره بو خالد ربي يطول بعمره ..

وهذي صوره لعلي مسري يقول للجمهور العين ارفعووا راسكم انتواا عيناويه ..

وبث ..

دمتوو بود .. __DEFINE_LIKE_SHARE__

اماراتية دلع · 10-15-2009, 03:06 PM

السلام عليكم ..

التاريخ : 15/10/2009

اليوم : الخميس

حبيت احط لكم القصيده حلوووه طررر الصراحه هذي القصيده وفيه بيت منها عنوان مدونتي ..

عن صاحب ٍ قفّوا به وشلّوا به
ما حد غيري بالعمر أولى به

غرٍ غريرٍ غرنجي واعجوبه
فايق بزينه ووصوفه الجذّابه

هو منيتي وهو عمري و مطلوبه
حايز رضى لفواد ثم اعجابه

حكم القدر غلّق عليّه دروبه
وانصكت بويهي جميع ابوابه

واستسلمت نفسي وقالت توبه !!
و الوقت خلاني اعيد حسابه

والهم شيّد في حشايه طنوبه
حتى لذيذ النوم ما اتهنّا به

قلبي تعب من حبه ومحبوبه
ما يحتمل زودٍ على ما صابه

وعيني على هل الدمع مغصوبه
والنفس متعوبه غدت بـ .. اسبابه !!

ما حد خبّرني بخبر من صوبه
من غاب عن شوفي وطال غيابه

الصاحب اللي روّح وقفّوا به
أحنّ له وآموت به واحيا به !!

وهذي الاغنيه ..

اتمنى تعيبكم ..

لانها تذكرني بناس غاليــــــــــــــــــــــن عليه

وتذكرني بمواقف استوت لي في حياتي ..

في حفظ الرحمن .. __DEFINE_LIKE_SHARE__

اماراتية دلع · 11-19-2009, 03:16 PM

السلام عليكم ..

التاريخ : 19/11/2009

اليوم : الخميس

عدت بعد غيبه لووول ..

شحالكم ؟؟ علومكم ؟؟

امممم

اليوم بخبركم عن سالفه استوت في الكلاس خخخخخ الدكتور صدق مخرف هههههه

اناا عادتي احب ايلس اخر وحده في الكلاس اناا وربيعتي ماشي كنااا اناا وربيعتي نسولف

وحليلناا الدكتور في صوب ونحن في صوب ثاااني الصراحه هذاا الدكتور ارقاد من الخاطر

المهم وحده حليلهاا مريضه في الكلاس قلوا له البنات دكتور بنت تعبانه تريد تروح العياده

ههههه ما اعرف ليش اضحك ازين المهم قال منو البنت العـــــــــــيانه قلوووا له البنات

تريد تروح العياده دكتور قال منو البنت العـــــــــــيانه قلووواا البنات عياده دكتور جان تنش وحده

من البنات تقول حق الكلاس يقولكم عيـــــــــانه يعني مريضه مب عياده اهنيه نقع الكلاس

ضحـــــك ههههههههه ماحد رام يسكت وحليله الدكتور مصري بس صدق مشكلته

صوته منخفض ما ينسمع بالمره هههههههههههه عقب قلها سيري العياده حليلها نشت

راحت العياده ..

بس صدق هذاا الدكتور تحفه بس وااااايد طيب يا رب تنجحناااا بس لووووووووووول ..

سي يووووو .. __DEFINE_LIKE_SHARE__

اماراتية دلع · 01-07-2010, 11:33 PM

السلام عليكم ..

التاريخ : 7/1/2010

اليوم : الخميس

شحالكم ؟؟

من زمان ما كتبت في المدونه شي المهم ..

يوم الثلاثا والله كنت ملانه من الخاطر عاد توني مخلصه امتحانات وطفرانه ..

أول ما ييت من الكليه رقدت من الساعه وحده الين الساعه ست عقب نشيت تسبحت ..

يلست شوي ع المنتدى والمسن عقب سرت ايلس عن العائله الكريمه برع في الحوش ..

مورين الضو وقاعدين وسوالف وضحك الله لا يحرمني من امايه ومنهم وناسه هذا اليوم كان برد ..

رديت غرفتتي ولبست كوتي وسرت ايلس عن الضو رحتها تسد والله انها نفج الراس ..

من اليوم الباجر خلاص مليت قلت خلني اسير الحديقه حديقه هيلي اتزلج ..

عاد يوم استوى العصر زهبت عمري والهوكي مالي وسرت أنا وأختي ..

اول ما دشيت الاسكيت ثلجت برد برد برد خلاص دمي في عروقي تيمد لاحول دشيت أنا ..

وأختي تزلجنااا حلو الصراحه بس برد بطريقه مب طبيعيه ..

انا حق اختي : بس قومي نطلع من الاسكت برد خلاص دمي وقف ..

قالت وحليلها أوكي يالله نطلع ..

عقب ظهرنا تعشيناااا ..

عقب ردينا البيت سرته سيده ارقدت من التعب ..

وبـــــــــــس ..

دمتووووو بود .. __DEFINE_LIKE_SHARE__

اماراتية دلع · 01-14-2010, 12:29 AM

السلام عليكم

التاريخ : 14/1/2010

اليوم : الخميس

الحمد الله نجحت نجحت والله اني مستانسه من الخاطر ..

عقبال الجميع يا ربي ..

تصبحون على خير بنااااام ..

__DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مليت من التفاحه يومين بوجهي بليز ساعدوني	محروم.كوم	منتدى أخبار المواقع والمنتديات العربية والأجنبية	0	05-12-2010 08:50 PM
ويش ورع في دروبه ملتوي ؟	محروم.كوم	منتدى أخبار المواقع والمنتديات العربية والأجنبية	0	08-21-2009 06:10 AM
هـــود اتغشووو <<انزين انا بنــت هع	بنت دبي ظبويه	تراحيب وتهاني	19	08-13-2009 12:40 PM
ولـــد فــضح بنــت والله عاقــبه بشــي ماتصدقونــه...	راعي قصايد	قصص و روايات	17	07-06-2009 04:48 AM
^..××..!! العـــين !!..××..^	طـبـعـيـﮯ شيـوــخـيـﮯ	سفر وسياحة	19	09-11-2008 11:21 PM