مشكلتين مالقيت لهن حل مع الباترول !!!

محروم.كوم · #1 09-29-2009, 02:40 PM

بسم الله الرحمن الرحيم

سبحان الله وبحمد سبحان الله العظيم

السيارة جيب سوبر سفاري 98

المشكلة الأولى:

الدبل وما أدراك ما الدبل ،، الدبل اللي دبل كبدي من كثرة خراباته، مرات كثيرة أغير الجنزير، والله نسيت كم بس اللي أذكره مرتين اشتري الجنزير من الوكالة ومرتين أغيره مستعمل، يعني أربع مرات أغير الجنزير وكلها تخرب، ومرة غيرت الدبل كامل ولا أفاد !! مع أني ماقد جلدت الموتر مثل القوانيص اللي مايرحمون المواتر... حتى بعض المرات وبعد تغيير الجنزير وبعد التجربة، ما أشغل الدبل إلا بعد شهور وعلى طول يخرب الجنزير!

و هنا رد على أحد الشباب قبل سنة (قبل الخراب الأخير بشهر !!)

وش الحل برأيكم، تعبت والله من الدبل والحين لي حوالي سنة إذا جيت النفود أنسم الكفرات حيل (تقول ددسن) مع احترامي لسواقين وارد عراوي...

إذا صلحت الدبل هالمرة يعني أني غيرت الدبل ست مرات على ماأذكر ..

إنا لله وإنا إليه راجعون ..

المشكلة الثانية:

ديكور المسجل المخشب .. هذا مثل مرض السرطان على المسجل.. في البداية كان الخراب بسبب تصليح مسجل السيارة لأن مسجل السيدي دايم يخرب وكل مرة أفك المسجل ينكسر الديكور (من ردى المصنع والوكيل) وأشمّعه حتى صار كأنه طريق أبوحدرية من كثر الشمع اللي عليه،، فرّيت تشليح الحاير ثلاث مرات بينهن شهور ولا حصلت،، وسألت واحد من التشاليح وقال هذا يباع أحياناً قبل نصف السيارة داخل التشليح، لأنه مطلوب بسبب كثرة تكسره !!
رحت الوكيل (وحسبي الله ونعم الوكيل) قبل عدة أشهر كان سعر الديكور بعد الخصم!! 700 ريال ،، وأمس العصر جيتهم يقول بعد الخصم بـ950 !!!! ؟؟؟

جيت الغرابي محل محل ولالقيت نفس النوع ...

وش العمل ياأخوان والله أحترت ،،،

. __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مشكله مالقيت لها حل	محروم.كوم	منتدى أخبار المواقع والمنتديات العربية والأجنبية	0	09-07-2009 06:10 PM
طلب هاك مالقيت اسمه	محروم.كوم	منتدى أخبار المواقع والمنتديات العربية والأجنبية	0	08-14-2009 08:58 AM
عندي مشكلتين في موتري الباترول	محروم.كوم	منتدى أخبار المواقع والمنتديات العربية والأجنبية	0	04-26-2009 01:40 AM
عندي مشكلتين في موتري الباترول	محروم.كوم	منتدى أخبار المواقع والمنتديات العربية والأجنبية	0	04-26-2009 01:30 AM
عندي مشكلتين في موتري الباترول	محروم.كوم	منتدى أخبار المواقع والمنتديات العربية والأجنبية	0	04-26-2009 01:21 AM