©؛°¨¨°؛©كــرســي المحكمــة أعترافات أو طلبات ©؛°¨¨°؛©

كويتي · 05-03-2008, 05:55 PM

ســلام والمركب عليه 2 والساعه تدوووور

آآآرحب يابو حمد زين لحقنا علييييك<<ناوي لك

ســم طال عمرك:

[align=center]
لا تحاتي الهموم اللي تبين وتغيب $$ ثم تصبح مثل ليلى ومجنونها

يالله حيه شهالساعه المباركه
ياخوي جيتني بجيش من الاسئله بس أبشر بسعدك لفندها لك واحد واحد على قولتهم واحد تلو الاخر
[/align]

1/كويتي في كلمتين..؟

[align=center]طموح وعنيد[/align]

2/وش اللي يغضب كويتي..؟

[align=center]الكذابين والمنافقين دم ضروسي[/align]

3/وش اكثر شي يسعد بو حمد؟

[align=center]ان اللي حولي يكونون مستانسين واكثر افرح لو انا سبب وناستهم[/align]

4/اكيد تطلع البر كل سنه وين تفضل انك تخيم؟

[align=center]
الكويت السالمي (ابرق الحباري)
الكويت (العبدلي)
السعوديه (النعيريه)
السعوديه (الصمان + الدهنه )

[/align]

5/كــم تقعد هنآآك؟

[align=center]من 15 الى 30 يوم [/align]

6/لامن جيتوا تشدون اكيد تهيض تسانك كتبت شي بهالمناسبه

ياليت نقرآه؟

[align=center]اموت قهر
اخر يوم يكون لي موت بطيء
لآن نطلع مع عمامي وخوالي معانا خوالي مطران
وأن أجتمعنا غدة علوم

والبر فيه زيادة بتواصل والترابط بصلاة الارحام عيشه على الفطره
تواضع
وترف هالدنيا تاركينه نقعد بينا وبين نفسنا بأجواء هالاهل ويعطينا فرح وسرور مايعلم فيه غير ربك
[/align]

7/وش موترك؟

[align=center]
جيب نيسان سفاري وعند اخوانا الامارتيين فتك + وعندي كامري بعد
[/align]

8/قد دعمت؟؟ اذا ايه كم مره ومتى آخر مره؟

[align=center]واجد هاهاهاهاه واخر مره من ست شهور وتكسرة رجولي الثنتين منه [/align]

9/انت راعي تفحيط؟؟ نبي رايك فيه؟؟

[align=center]ايه وحاولت اشل اربع مرات

واعجبكم

وربي الاربع مرات

قلبت

لان اشلها بس انغر يحوشني غرور اخر شي الصناعيه صلح ودفع

اما التقحيص هذا مع حليب امي من صغر نرضعه بطفولتنا

نبداها بالعابنا
بعدين بقواري (دراجات هوائيه)
بعدين بقيات (دراجات ناريه)
بعدين نيوق سيارات اهلنا
واخرها بكبرنا نحن لها من فتره لفتره

اذا مانشم ريحة التواير تعطب وتحترق وتفجر وتشب نار مانرتاح
[/align]

10/اختر 5 اعضاء ووجه لكل منهم كلمه؟؟

[align=center] واجد مو خمسه

ولو بذكر من الاعضاء واجد بس اخص منهم خمسه

انت ماراح احسبك تعرف نفسك
الاخ جراح اقوله مشاكس القسم الرجالي اقوله واحشتنا مداخلاتك واستمر على ما انت فيه موفق

بنت العم قموره اقولها هالله هالله ترى ميري تنطرج بتقهويج وامي تسلم عليج

الاخت الاركاويه ونعم الخوات ولها فضل علي من اكثر من سنه اقولها نكج اسود اخضر عنابي وردي بدون لون هو هو الاركاويه الطيبه واللي تساعد بدون كلل ولا ملل وربي انها مفخره لكل مكان تدخله ونعم البنات خيتو

بخلي اثنين من الاعضاء والضوات ماراح اقولهم لسبب !

اذا حد زعل علي يعتبر نفسه هو الناقص وسقط سهوا

[/align]

11/نصيحه توجهها لي يامحاتسيك؟

[align=center]ماتبي نصيحه أنت ! كامل والكامل وجه ربك بس تقصر شوي مرات ولا اذا اشتهيت التواصل اتواصل وتوصل وتزيد بطيبك وكرم اخلاقك
واقولك تعبتني بأسألتك [/align]

12/اختر لنا اي شي وصوره..؟

[align=center]

لكم كلكم
[/align]

13/كلمة آخــيــر..؟

[align=center]بيض الله وجهك

واشهد بالله رديت عليك مو كلمه كلمه بس

الى حرف حرف كلهم صحيحه وربي بيحاسبني عليها

+

تعبتني الله يصلحك [/align]

تسان جاز لي المحل عودت

ووسلآآآمتك ومانشبنا لك الا من غلاك

دمت بأزين حــآل

[align=center]
حياك الله بس استنزفت رصيدك بالاسئله هاهاهاهه
[/align] __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ღღ ياقلب لاتحزن ღღ راشد الماجد ღღ	خـوار تلي	نغمــات للهــواتف	18	08-22-2011 10:03 PM
ღღღ الدفعة الثانية من عدسات باربي خلي عيونج مثل الدمية بسعر منافسღღღ	محروم.كوم	منتدى أخبار المواقع والمنتديات العربية والأجنبية	0	06-01-2010 03:20 PM
ღ ღ ღ تأهبوا ليومٍ تترادف فيه العَبَرات، ღ ღ ღ	محروم.كوم	منتدى أخبار المواقع والمنتديات العربية والأجنبية	0	02-28-2010 09:40 AM
[ برنامج ] : ღღღ تخلص من إزعاج الذباب و الحشرات مع هذا البرنامج ღღღ برنامج مضاد للذباب ღღღ	محروم.كوم	منتدى أخبار المواقع والمنتديات العربية والأجنبية	0	05-09-2009 09:00 PM