خيانه

جُ ـنونْ · #1 05-02-2008, 03:16 AM

السلام عليكم ورحمة الله وبركاته

كيف الجميع

هذي اول مشاركه لي بالمنتدى

السالفه ياطويلين العمر صارت لي ومقهوره منها قلت بشوف رايك انتم معي بكلامي
او ضدي

للي صار انه جاتني اضافه على بريدي وقبلت الاضافه وانا مو عارفه من عنوان البريد هو شاب او بنت
المهم انا ماصبرت ودخلت عليه وسلمت وسالت من معي

قالي
انا فلان عمري 30 سنه ومتزوج وعندي ولد << هنا طلع لي قرون وش يبي فيني
المهم ساالته تعرفني قالي لا قلت اجل ليش مضيفني عندك
قال انه ايميلي كان واصل له مع مجموعة ايميلات واضافه المجموعه كلها وانا من ضمنهم
انا استغربت وش يبي بهالعالم كلهم
قال انا انسان احب اكون علاقات << هنا القرون صارت نخل
قلت كيف انسان متزوج وتكون علاقات مع الجنس اللاخر
هالامر يعتبر خيانه
قال هو لا مو خيانه
قلت له الا خيانه الرجل اللي يبحث عن غير زوجته هذا خيانه وحتى المراءه اذا بحثت عن غير زوجها فهذا بعد خيانه

قالي لا الامر بالنسبه عندي عادي

جيت سالته اذا هو عادي اجل اسمح لزوجتك تكون علاقات مع غيرك
صرفني وسالني قالي انتي على علاقه
قلت لا قالي والسبب
قلت اولا انا انسانه مسلمه وديني يأمرني اني مااكون علاقات مع الجنس الاخر خارج نطاق المحارم والزوجيه
قالي كلامك جميل
بس انك تتهمين اللي يكون علاقه بالخيانه فيه جرح للقلوب
قلت له هذا رايي الشخصي
قالي وانا اختلف معك باالامر
يوم حسيت انه بيطول وبياخذ ويعطي معي
حسيت بتأنيب الضمير لاني اكلمه واساعده بخيانة زوجته
اعتذرت منه وحذفته من عندي وطلعت

اعزائي ابي رايكم بالسالفه ؟
هل تكوين العلاقه خارج نطاق الزوجيه بالنسبه للمتزوج سواء المراءه او الرجل يعتبر من الامور العاديه ؟

وحتى اللي بينهم علاقه حب احس انه لو يكلم غيرها يخونها وهي نفس الشي تخوونه
ملاحظه ..

الاختلاف في الرئي لايفسد للود قضيه ..
اختكم
جُ ـنونْ

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
العين من شاف خيانه	حبوب الوسمي	شعر و خواطر	6	09-03-2009 12:18 AM
نكات خيانه	ήoOήY	المسنجر وملحقاته , توبيكات , ماسنجر بلس , msn	23	03-11-2009 12:59 PM
،،،، هجر و خيانه ،،،،	mahyous	شعر و خواطر	2	02-14-2009 12:44 PM
شعر خيانه صديق	vip1010	شعر و خواطر	9	09-03-2008 02:26 PM
~¤ô§ô¤~مسجات خيانه ~¤ô§ô¤~	ولد الاوغاني	هواتف , مسجات , وسائط , برامج , ثيمات , نغمات , بلوتوث	6	03-30-2008 01:13 AM