سوالف شيــــــــــــاب ............/..... أيام أ نتشرت فيها الخرافة بشكل كبير ......../.......!!

هـآيـمً آلـَـ® نجً · #1 08-30-2009, 03:24 AM

ايام أول... أيام أ نتشرت فيها الخرافة بشكل كبير..وهذا اللي محلنها

- بوبشير، وهو حشرة ضعيفة وطويله ولها يناحات طوال، كانوا يعتقدون إذا شافوه إنه يبشر عن ضيف قادم أو عمل ناجح او المطر راح ينزل .

- بو النقيع هو حشرة من فصيلة الخنافس، كانوا يمسكونها بإيدهم ويتمنون أمنية إذا نقع بتحقق الأمنية وإذا لا ما بتحقق.

- الطيطار إذا انضرب وانقطع ذيله لازم ينحط على الذيل شيء لأنه يدعي على أهل البيت. منو خاطره في طيطار مقلي ولا مشوي على الطريقة الافريقيه شو لاعت جبودكم ؟

- هاي حق اهل البحر بس إذا بتاكل السمجة لازم تقطع راسها قبل ما تبتدي فيها.

- تعالو يا الشعراء هاي لكم : يقولون اللي ياكل لسان الذبيحة يستوي شاعر.

- الماي مب زين ينشرب حزة الغروب، لأنه يمرض.

- يوم بتي ترقد لا تحط الماي عند راسك لأنه يخف نظر العين. حطوه تحت المخده

- كانوا يقولون رقاد العصر يقصر العمر.

- النعال ( عزكم الله ) مب زين يتم مجلوب، لأنه يدعي على أهل البيت أو تستوي مشاكل وضرابه وتكفيخ .ويقولون حرام اتم الجهة السفلية من النعال مجابلة السما لان فيها الله...(انزين والوسخ المكود ع الارض...ما يجابل السما؟)

- كانوا يدخنون بالشبه لأنه يطرد الحسد.

- كانوا يقولون إذا رفت العين اليمين خير، وإذا رفت العين اليسار شر.

- إذا كفك اليمين حكك يعني بتعطي حد فلوس، وأذا اليسار بتقبض فلوس(( أظني كل حد بيتمنى يده اليسار تحجه)).

- إذا خشمك (الأنف) حكك يعني بتسلم على شخص ياي من بعيد.

- إذا الأذن صاحت يعني حد يطريك يا بالخير أو بالشر.

- أذا كان شخص طالع وناديته أو قلتله لا تطلع (( يعني تنعبه - تزقره بلهجتنا )) مب زين، لأنه يمكن يستويله شي.

- الحرمه المربيه لازم ما تطلع من البيت ولا ينقال إلها خبر مب زين إلين ما تطلع من الأربعين.

- الياهل ( الطفل ) لازم يحطون في منزه ( مهده ) سكين وملح وقرآن، عشان يحفظه الله بالقرآن، والسكين والملح عن الجن. طبعا اليوم يحطون حق عيال النيدو والسيريلاك تلفون متحرك وقنوات فضائيه وبلاي ستيشن .

- الياهل يوم يطلع من الأربعين لازم يسبحونه على ريول أبوه أو أي حد ثاني عشان يطلع على اللي مسبحينه عليه __DEFINE_LIKE_SHARE__

هيام القلب · 08-30-2009, 03:46 AM

السلام عليكم ورحمة الله وبركاته ..

هههههههههههههه ..

الله يعين ..

ثانكس .. __DEFINE_LIKE_SHARE__

ღ الــــجـــــــــود ღ · 09-01-2009, 05:39 PM

السلام عليكم ورحمة الله وبركاته

في منهن الين الحين موجوده هع

يعطيــــــك آلعـــآفيه

تســـلم آيدك خيوو

لآخلآ ولآ عدم آن شـــآء آلله ...~ __DEFINE_LIKE_SHARE__

EJE_COOL · 09-02-2009, 07:17 AM

يسلمو عالموضوع النايس .. __DEFINE_LIKE_SHARE__

♕ وليد الجسمي ♕ · 09-12-2009, 03:41 AM

وعليكم السلام ورحمة الله وبركاته

تسلم أخوي ع الطرح

والله يعطيج العافيه

وبإنتظار ان تزين هذه المساحات بالمزيد من سخاء

هذا القلم وألوانه الراقية

أخوك وليد الجسمي

__DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
سلام مني كان فيها مجال (تأليف) سكب	محروم.كوم	منتدى أخبار المواقع والمنتديات العربية والأجنبية	0	02-25-2010 01:40 AM
سلام مني كان فيها مجال (تأليف) سكب	محروم.كوم	منتدى أخبار المواقع والمنتديات العربية والأجنبية	0	02-25-2010 01:30 AM
خبر كتير حلوا للسورين بشكل خاص والسياح بشكل عام	محروم.كوم	منتدى أخبار المواقع والمنتديات العربية والأجنبية	0	08-27-2009 05:50 AM
نغمة غارقة في عالم الاحزان حسيت فيها كتير و حبيت اشاركم فيها	محروم.كوم	منتدى أخبار المواقع والمنتديات العربية والأجنبية	0	04-29-2009 02:20 AM
كيفية ضغط الملفات بشكل كبير	محروم.كوم	منتدى أخبار المواقع والمنتديات العربية والأجنبية	0	04-28-2009 10:00 PM