" فَزْعَة المحتاج " للشاعر حامد زيد .. مهداة إلى فخر الأجيال

نبض روحي · #1 04-18-2008, 12:28 PM

مهداة إلى صاحب السمو الشيخ محمد بن راشد آل مكتوم

فَزْعَة المحتاج - شعر: حامد زيد

ما جِيْت أدوِّر لِلْثَّنا في قَدْرك السَّامي نصيب

جِيْت أنْقِذ بْمَدْحِكْ سموّ الشِّعْر مِنْ مسْتَقْبله

ما جِيْت أبَارِكْ حاضري واضْرِبْ عَلَى الماضي صليب

جِيْتكْ بابَارِكْ لِلْسنين الماضيه والمِقْبِله

ما جِيْت أسَطِّر لِكْ كلامْ يْشَيِّبْ اللِّي مَا يشِيْب

جِيْت أعْمِلْ اللي ما حَدٍ قَبْلي من النَّاس عْمِله

لانّك مِلَيْت الجود جود وْزِدْت فوق الطِّيْب طِيْب

إن مَا مدَحْتِكْ مِشْكِله.. واليَا مدَحْتِكْ مِشْكلِه

كَيْف أمْدَحِكْ وانت العريب ابن العريب ابن العريب

أبْدا بمَدْحِكْ أوفَـ ابوك أو في نسَبْك مْن اوّله

يا سَيّدي ما فيك عيب، ولو فَرَضْنَا فيكْ عَيْب..؟

ما فيكْ عيبٍ لو فَرَضْنَا فيك عَيْب بْنِقْبله

تْحَضْر والاَّ ما تْحَضِرْ، تغيب والاَّ ما تِغِيْب

انْت البَحَر حَتَّى الذي ما يَعْرفه مَا يجْهَله

لو دون سَابِقْ مَعْرفه لا منْ بعيد وْلا قريب

يَمَّمْت وَجْهِي للْوَرَقْ واجتَثّني صوبك وَلَه

شِفْنِيْ تجاهَلْت العَرَبْ واخْتِرْت مَلْقَاك الرحِيْب

وْحِنَّا بَدو فينا على كَسْب الرجَاجِيْل عْجِله

اللّي خَلَقْنِيْ للخِطابه يَمَّمِكْ صَدْر الخطيْب

لانِّكْ هَلٍ للشِّعْر أو لانّ الشِّعِرْ يَعْرِف هَلِهْ

ما هو قصورٍ بالعَرَبْ بَس انْت فِعْلِكْ فِعْل ذِيْب

لاْنّ الشِّجَاعْ هْو الذي لا قَال له قول فْعله

يَا شيخ لو مَا صَابْ رمْحك رْمح مِيْن اللّي يِصِيْب

لو مَا اكْتِمَلْ على يَدِكْ حِلْم البَلَدْ مِنْ يَكْمِله

مَاْ احْدٍ يعَمْل اللّي عمَلْته لو يِجِيْب اللي يِجِيْب

ولا احْدٍ وصَل بِمْحَبِّتِهْ مِثْل الذي وصَلْت له

والفَضْل لله ثمّ لِكْ من دون شَكّ وْدون رَيْب

واقع رِفَضْه اللى رِفَضْه وْيقْبله مِنْ يِقْبِله

يَدٍ تِشَيِّد ناطحات السِّحْب في راس الشِّعِيْب

في ذِمِّتِي ما يلتِجِي فيها الضِّعيْف وْتَخْذِله

مِثْل المطَر يَسْقي القِفار وْيَسْقي الروض العِشِيْب

بَسّ المطَرْ مِنْ فَيْض مِزْن وْذاك مِنْ فَيْض عْمِله

لا قال فالِكْ طَيِّبْ، اعْرف عمْر فالِكْ مَا يِخِيْب

قَرْمٍ لَيَا مِنْ ضَامك الحِمْل الثَقيْل اسْتَحْمِله

لا صار (أبو راشد) معاك، وْضَدّك الوقْت الصعيب

إضْحَكْ على الحَظ الرّدي وان طالك الحِزْن ازْهَله

يا تاجْ راس (دْبَيّ) يَا قَرْمٍ يهَيِّبْ مَا يهِيْب

يَا فَزْعةَ المحْتاج لى مِنّ الزّمان اسْتَغْفله

يَا بَعْد عمْر المبتلي يا نور عين المِسْتريْب

يَا مرْجِلَةْ رَجْل بْزمانٍ ضاعَتْ بْه المرْجِله

يِشْهَد لفَضْلِكْ كل غصن يْفوح مِنْ منْهَلْك طِيْب

وْيِشْهَدْ لفَضْلِكْ كل طِيْب يْفوح مِنْك لْمنْهله

ويشْهَدْ لفَضْلِكْ من صدَقْ لِكْ في دعاه بْظَهر غَيْب

وْيشْهَدْ لِفَضْلِك كل قلبٍ عَاش مَعْك وْعِشْت له

وْتِشْهَدْ لِكْ عْروق الشِّجَرْ والنخل والعِذْق الرّطِيْب

ويشْهَدْ ترَاب (دْبَي) مِن قمّة هضَبْه لْيَا سْهله

والبَحَر.. والمَا.. والسّمَا.. والمِزْن والروض الخِصِيْب

والطّيْب واللّى يفْعله واللّى عجَزْ لا يفْعله

يِشْهَدْ لِكْ اللّي يَعْرِفِك أو يَرْتبِطْ بِكْ مِنْ قريب

ويشْهَدْ لِكْ اللي لا عَرَفْك ولا ارْتِبَطْ مَعْك بْصِله

يَا شَيْخ ما اقول الكَرَمْ مَا هو عَلَى مِثْلِكْ غرِيْب

جِيْتِكْ باقول ان الكَرَمْ بَعْدِكْ ضِمَنْ مِسْتَقْبله

ما جِيْت أشِيْد بْحَاضِرِكْ واضْرِبْ عَلَى الماضي صِلِيب

جِيْتِكْ بابَارِكْ لِلْسِّنينْ الماضِيه والمِقْبِله

ما جِيْت أقول إنّك قدَرْت تْشَيِّبْ اللّي مَا يشِيْب

لْكَمْ عمَلْت اللّى ما احَدْ قَبْلك مِنْ النَّاسْ عْمِله

فديييت ابونا .. يستاهل بو راااشد .. . __DEFINE_LIKE_SHARE__

9α`3єяσηє кαšнєє5 · 04-18-2008, 12:30 PM

يسلمووووووووووو __DEFINE_LIKE_SHARE__

نبض روحي · 04-27-2008, 07:43 PM

المشاركة الأصلية كتبت بواسطة صغيروني كشيخ

يسلمووووووووووو

الله يسلمك اخووي ..

سلمت على المرور الطيب. . __DEFINE_LIKE_SHARE__

كنترول النعيم · 04-18-2008, 04:15 PM

يسلمواا عالموضوع الحلو والسمووحه __DEFINE_LIKE_SHARE__

نبض روحي · 04-27-2008, 07:44 PM

المشاركة الأصلية كتبت بواسطة كنترول النعيم

يسلمواا عالموضوع الحلو والسمووحه

الله يسلمك ويسلم غاليك اخووي ..

بالحل ..

سلمت على المرور الطيب. . __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
""""""""مطلوب لكزس lx570 الدفع كاااش """"""""""	محروم.كوم	منتدى أخبار المواقع والمنتديات العربية والأجنبية	0	07-19-2010 03:50 AM
"""""""""""""""""""""""""""فساتين زفاف راقية ومميزة """"""""""&am	محروم.كوم	منتدى أخبار المواقع والمنتديات العربية والأجنبية	0	07-13-2010 12:00 AM
"طفولة معاق" للشاعر"محمد عويضه"	رًوَحًيَ بًدَوًيهَ	قسم ذوي الاحتياجات الخاصة	6	03-27-2010 11:41 AM
خالد الغندور: عفوا "حسن شحاتة" أنت "تلطخ سمعة مصر"	محروم.كوم	منتدى أخبار المواقع والمنتديات العربية والأجنبية	0	03-02-2010 05:10 AM
حفيد الملكـ خالد """ هو ملكـ جمال السعوديـهـ """	ايمـــا	الشيوخ و رؤساء الدول	12	11-12-2009 07:34 PM