تعالو بخبركم سالفه صدقيه مستويه ف بوظبي


السالفه سلمكم الله


اثنين من الشباب ..من فتره هب طويله ..يعني جريب ..شلوا عشاهم وسارو يتعشون في شاطئ الراحه ف بوظبي


يتهم حرمه عيوز ويلست تلقط من الاكل المتنثر ..قالولها يدوه انتي يوعانه قالت هيه انا من الصبح هني وماكليت شي..


قالولها انزين شو يايبنج هني ؟ قالت ولدي نزلني وبيرد عليه ..


المهم شلوا اغراضهم وحسوا الشبااب ان الوقت متاخر ومايستوي يخلون الحرمه العيوز بروحها فاليل


قالولها انزين عندج رقم ولدج ؟نحن بنتصل له قالت هيه وطلعت ورقه صغيره من مخباها يوم طالعوا شو مكتوب


من يجد هذه المرأه يأخذها لبيت العجزه



انصعقوا الشبااب من اللي مكتوب ويلسو ساعه يترجونها انها اتسير معاهم...


لكنها مارضت وقالت لا انا بتريا ولدي ..هو بيي ياخذني تموا وياها ساعه يترجونها لكنها واايد مصره ان ولدها بيي ياخذها مسكينه ماتدري بحقارة ولدها


المهم ..روحوا عنها الشبااب..


واحد منهم مارضى يرقد يتجلب ويفكر فيها


لين استوت الساعه 2 ف الليل نش من على الشبريه ولبس ثيابه بسرعه


وسار الشاطئ شااف اسعاف وشرطه هجم بينهم وسالهم عن الحرمه


قالوله توفت ارتفع عندها الضغط ومااتت
ارتفع عندها الضغط على حسرتها على ولدها تتحرى ان صار له حادث او مكروه


الله يرحمها برحمته ..مسكيينه..


كتبت هالموضوع بس عشان يشوفه ولدها ع النت وانا حااس انه بيشوفه



بلييز ساعدوني وانشروها


بس كلمه ابغي اقولك اياها انت ماتخاف من ربك


شو عندك اهم من امك اللي مااتت من خوفها عليك


وانت فارنها


تعرف اختي شوو قالت يوم سمعت السالفه


قالت ليش مايابها عندنا نحن نباها


الله بيراويك الله فوق ويشوف كل شي