.::.حنـ القصـ((لأول معي زايد غـــــــلاكم))ـان ـيد.::.

,,SwaN}~ · #1 04-06-2008, 05:06 PM

:

السلام عليكم ورحمة الله وبركاته

:

اول مره احط موضوع في هالمكان بس قصة القصيدة اثرت فيني وايد

وقلت بانقلها حقكم

صدق هالايام ما تلاقي صديق يصفالك لاخر العمر

:

قصه هذه الاغنيه بلسان شخص اماراتي يحكي لنا ويقول :

قصةاغنيه لول معي زايد غلاكم للفنان ميحد حمد

هذه سالفتها يا جماعه الخير شاب يدرس في امريكا وكانو يجتمعون هو وربعه

في الشقه يسوولفوون ويضحكون كل ليله وكان راعي هالقصه وياهم دوم ايي

ويسولف ويضحك وفي يوم من الايام بعد

ما طلع من عندهم تمو الشباب يحشون فيه ويضحكون عليه واحد من اللي ما

يرضون عليه من ربعه خبره بالسالفه وقاله تراهم يرمسون ويحشون فيك من

وراك باليوم الي عقبه سار لهم ويلس في زااويه بعيده وكان عنده ورقه وقلم

وكتب كلمات الاغنيه

وبعد ما كتب هالكلمات سار وعلق الورقه عالباب ورووح وفي الطريج سوا

حاادث وتوفى الشاعر هو (ماجد بن علي النعيمي) نشأ وترعرع في عجمان سافر

في بداية شبابه الى السعوديةحتى بلغ ال20من عمره عاد الى الامارات وبتحديد

الى عجمان منشأه توفي رحمه الله في السبعينات في ريعان شبابه حيث كان

عمره عند وفاته 22 سنه

:

:

تقول القصيدة

:

:

لأول معي زايد غـــــــلاكم .. أفدي بروحي و اشتريـكم
واحرق و اشني من شناكم .. ما ارتضي بالشيــن فيـكم
و انتــــــو تجافون اصدقاكم .. من دون زلات تجيــــــــكم
كدرتوا الخــــــــــــاطر تراكم .. و عرفت قاصي اوليــــكم
و اليوم مالي في معنــاكم .. حشى و كل لا ما عنيـكم
امشو و سيرو في هـواكم .. و انا عليــــــه ما ابتليــكم
ضاع الربع في ملتــــــقاكم .. من حين جافيتوا خويـــكم
لو كان بغــــــــــش دعواكم .. جــــــان بشـــــــاور وليكم
لكن هذا من جــــــــــداكم .. امســـــامحه مني اليكم
بقول لنـــــــــي في ثراكم .. الله يهديــــــني و يهديكم

:

:

عور لي قلبيه والله تميت اعيد الاغنية مليون مره

احس العود يدق عقلبيه

يلا فمان الله ولا تنسون تسمعونها من هالرابط

:

لكن هذا من جداكم امسامحه مني اليكم

بقول لاني في ثراكم الله يهديني ويهديكم

: __DEFINE_LIKE_SHARE__

εïз~اَلِمَيّث}● · 04-06-2008, 05:13 PM

السلام عليكم ورحمة الله وبركآته

حي الله حنوون

هي والله انا من قالوليه عن السالفه قلبيه عورنيه

تسلمييين ع الطرح الطيب

وربي يعطيج الف عافيه ع الطرح لاهنتي الغلا

كح كح الموضوع مكآنه هب هنييه فضحتينا خخخ

امم ماشي قصيده صوتيه الا اغنيه يعني قسم الشعر المنقول مكآنهآ المنآسب

كح كح حمسه خخ اقصد همسه --> [ لو نزلتيهآ بصوت ميحد والله طر ×_× ]

المهم ماقصرتي ع الطرح

ونترقب كل يديد من جدآآج

والسموحه ع القصور البادر منيه

آختج

الميث

[ تم نقل الموضوع للقسم المنآسب ]

__DEFINE_LIKE_SHARE__

الـدانـة · 04-06-2008, 05:21 PM

وعليكم السلام والرحمة

تسلمين أختي حنان ع الطرح وعلى القصيدة الحلوة

وصدقه الشاعر في هالزمان صعب الأنسان يحصل الصديق الوفي اللي يصفاله طول العمر

لأنه أغلب الصداقات أستوت صداقات مصالح وبس

والله يرحمه الشاعر ويغمد روحه الجنة

والله يعطيج العافية

ولا تحرمينا من مواضيعج اليديده والمتميزة __DEFINE_LIKE_SHARE__

,,SwaN}~ · 04-06-2008, 05:32 PM

>>>>>>>>>>>>>>>>>>>>> __DEFINE_LIKE_SHARE__

,,SwaN}~ · 04-06-2008, 05:35 PM

>>>>>>>>>>>>>>>>>>>>>>>>>>>>>>>>>> __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مطلوب مستثمر او ممول لمول	محروم.كوم	منتدى أخبار المواقع والمنتديات العربية والأجنبية	0	02-10-2010 03:30 PM
سلطان بن زايد وحمدان بن زايد وأحمد بن زايد ومنصور بن زايد يقدمون العزاء إلى آل حامد	محروم.كوم	منتدى أخبار المواقع والمنتديات العربية والأجنبية	0	01-28-2010 02:50 AM
مطلوب ممول او شريك ممول لسوق (نايف عجمان )	محروم.كوم	منتدى أخبار المواقع والمنتديات العربية والأجنبية	0	10-27-2009 06:30 PM
لأول مرة منذ الهجرة النبوية مآذن العيص تصمت لأول مرة	محروم.كوم	منتدى أخبار المواقع والمنتديات العربية والأجنبية	0	05-22-2009 10:30 AM
لأول مرة برنامج porcket pc لأول مرة بالمنتدى	محروم.كوم	منتدى أخبار المواقع والمنتديات العربية والأجنبية	0	04-22-2009 05:10 PM