اممم.. >>بدااايه..^_^ - الصفحة 2

كويتي · #1 04-03-2008, 12:41 PM

[align=center]الشطر اللي حطيته باللون الاحمر رغم أختلاف 4% من كلماته

بس ما أجدت أستخدامهم

معروف أن الشاعر يستعين بكلمات أو معاني بس بشرط أنه يوظفها بشكل أفضل أنت كسرتها ولا خدمتها بالشكل المرجو منها

فهنيه يكون أغتباس أن صح التعبير هذا على اللي أنا لونته بالاسفل

عامتا ما أطيل عليك أخويه الفاضل

صاحب السمو الملكي الامير سعود بن بندر عاش بطفولته وما أقدر أسردها لك كلها لآن أساس هالموضوع مؤقت

بكبره راح لمصر وتم هناك فتره طويله لسبب خاص فيه الله يرحمه (الميت تجوز عليه الرحمه)

وجد بشقته بالقاهره ميت وبيده قلم وورقه ومكتوب فيها شطر واحد

ياليتني بينك وبين المضره $$ من غزة الشوكة الى سكرة الموت

وجد على هالبيت كان قصيده لوالدته وتوفى قبل أتمامها ولديه سجل حافل بالقصائد النبطيه الجزله وأغلبها كانت لوالدته رحمها الله

[align=center]======================[/align]

ولو ترجع بالعصور ماقبل الاسلام ما تلاقي أحن وأكثر النساء في رثاء أخوانها
نعلم بأن الخنساء وهي تماضر بنت عمرو بن الشريد السلميه اشتهرت برثاء اخويها
وعاشت الخنساء في عصر الجاهلية وعصر الإسلام واسلمت وقضت طوال عمرها ترثي أشقائها واولادها الاربعه (حثت اولادها بالجهاد) وحاربو وهي معاهم بزمن عمر بن الخطاب رضي الله عنه وقدمتهم شهداء وهي تدري ان مصيرهم الموت وتمت طوال عمرها ترثي اشقائها وفلذات كبدها
وهنيه عطتنا الخنساء صفة الصبر والاحتساب على البلاء لله درك يالخنساء ورحمك الله .

وفي موت الامير سعود بن بندر طيب الله ثراه
أخرج لنا موته نفس صفات الخنساء ولكن بزمننا الحالي وأطلق عليها خـــنـــــســــاء الـــريـــــاض برثائها الا محدود

وهي
((صـاحبة السـمـو الـمـلـكـي الامـيـــــره الــبــــندري بـنــــــت عـبــدالـعــزيـــز آل سعـــــــــــــود)) رحمها الله ..

هذه الصابره على بلائها على موت فلذات أكبادها وأكثرهم ألما موت الامير سعود لآنه كان أبنها البكر ولا شافته أخر سنين عمره لآسباب خاصه مادخل السعوديه
وللعلم هي عايشة موت 6 سته من أبنائها وكانت مؤمنه وصابره وأمرأه تخاف الله وتوصي من حولها بالثبات والعباده
وابنائها المتوفون اصحاب السمو (سعود + محمد + فهد + متعب + موضي + جهير) طيب الله ثراهم
توفيت صاحبة السمو الملكي البندري طيب الله ثراها وقابلة ربها صابره ومحتسبه وكانت خير الام المثاليه لآبنائها ولكل من يعرفها عن عمر(ن) يناهز الثمانون 80 عاما في مستشفى الملك فيصل التخصصي بعد رحلة طويلة من العمر

وأليك أخي الفاضل / الحبوب القصيده اتى قالتها ما أن سمعت موت أبنها بالشطر اللي فوق وكان موجه لها

ليتني

[frame="1 80"]من يلوم العين لو هلت دموع.........ومن يلوم القلب لو صفق وصاح.
لي حبيبٍ راح ماطرى الرجوع.........ليتني ودعــت زوله يـــوم راح.
آه من قلبٍ كفخ بين الضلوع.........مثل كفخ الطير مكسور الجنــاح .
ليتني وسط الخلا وأعطش واجوع...ولاسمعت اللي نعى هالك الصباح.
ساهرة ياسعود والعالــم هجوع.........ليت منهو مات قبلك واستراح[/frame]

كتاب سعود بن بندر
صفحه 35
ديوان شعر
اشراف / راشد بن جعيثن
اخراج / عثمان عبدالتام

حقوق الطبع محفوظه للناشر

[/align]

[align=center][font=Arial Narrow]يتبع بعض ماتطرق له الكتاب

أمومه مسكونه بالايمان بالله وبالتسليم بقضائه وقدرة . كـني تردد قول الشماخ بن خلف
وما تؤخر من نفس وأن حرصت ...... على الحياة اذا ماجاء داعيها
لانها أم والأم في عينها كواكب الضوء وابنائها فما فشنو تقولون اذا خبئها الكوكب وحتجب !
النور اللذي اعتادة ان تراه مع اشراقة كل صباح . ومع فلول كل شمس لانه كوكب ليس ككل الكواكب له بريق خاص به له ضياء خاص به لا يشع الا في محياه يميز عن الكواكب الاخرى كوكب في كون الام يشرق طاعه لامومة سماؤها حنان من قلب لا يتسع الا للحب .
قلب يقول ماقاله الشمردل :

الى الله أشكو لا الى الناس فقده ..... ولوعة حزن أوجع القلب داخله

أم بوحها دموع تتسابق من فرط الحزن قصائد تتناثر كالأليء على خد اعتاد ان يكون مواطنا لدمع الخشوع . ماء طاهر وجسد أطهر وعيون تتحدث بلغة الدموع وتقول :

وكنت أعير الدمع قبلك من بكى $$ فأنت على من مات بعدك شاغلة

وتدفقت العاطفه نهرا من الألم لان الرحيل مفاجيء .. والجرح بعمق المدى والحب ... والمشاعر هنا لا تكون الا خطوات ألوى في طريق الحزن وكما قال ذو الأثار:-
نام الخلي وماحس أحس وقادي $$ والهم محتضر لدي وسادي
م،ن غير ماسقم ولكــن شـفـنــي $$ هم أراه قد أصاب فؤادي
أمومه الأميره البندري طيب الله ثراها حنان ينفجر حزنا على أبنها البكر سعود .. تفجر قصائد تفجر حبا لا ينتهي ترسمه لوحات فنية شاعريه مرهفة وتقول :

أليك بعض وجزأ بسيط من أشعارها من كتابها لسعود

[frame="2 80"] (ياسعود)

يا سعود كلٍ بالشعر قام ينعاك.........ويبين أخصالٍ لشخصك حميده
بالعون حنا كنـــا ما عرفنــــــاك.........كل يســــافر يـــم دارٍ بــــعيده
إمنول ياسعود سلواي جمعاك.........تشيل عنــي كل بلوى شـديده
أنت رحلت و والي العرش ناداك.........عساه لك مشتاق صفوة عبيده
عساه يوم الحشر ياسعود يرعاك.........يثقل موازينــك ولأجرك يزيده
واليوم أنا ياسعود سلواي طرياك.........أتابع أخبــارك بوسط الجريده[/frame]

[frame="1 80"] ( ياعزوتي ليه ؟! )
اللي رحل عني بلحظه وأنا أرجيه.........وأدعي بعالي الصوت مالي مجيبي.
لــو ينفــــدا بالـــروح والله لأفـــديه.........أفديه باللي لي بعيد وقريبي.
كل يداواي جرحه اللي سطى فيه.........وأنا جروحي كاميه ماتطيبي.
ياسعود عني رحــت ياعزوتي لـيه.........خليتني ياسعود قلبي صويبي.
أمشي مع المخلوق واللي بي أخفيه.........واسهر طوال الليل وانحب نحيبي. [/frame]

(لين اجتمعتوا)

[frame="7 80"]لين اجتمعتوا لدّت العين لسعــــود ......... قامت تلفّت وين قرّة نظرها .
وين الكريم اللي سلك سكّة الجود ......... كم واحدٍ نفسه كسيره جبرها.
أضحك وأنا قلبي من الحزن ملهود ......... وأغضى وأذل العين تنثر دررها.
رضيت بالمقسوم وأيامي الــسود ......... وكتمـت نيــرانٍ تطاير شــــررها.
أبي رضــى ربٍ كــريمٍ ومــاجـــود ......... علام مافي برّها مع بحرها .
لعل يجمعــني بهم خير معبــــود ......... في جنة الفردوس نقطف ثمرها.[/frame]

[frame="5 80"](جرحي على سعود)

إن جيت للبيت قام الفكر يلعب بي.........وان رحت للخرج صاب القلب ولوالي.

ماعاد أميّز واعرف الجدّ واللعــبي......... غديت مثل الخلوج أمشي على فالي .
ياسعود هذي تدابير الولي ربــي ......... والعبد ماله عن اللي دبّر الوالي .
جرحي على سعود ماينفع به الطبي ......... وشلون أبسلى وهو دايم على بالي.
أحسّ صوته ينادينــي وأنا ألبّـــي ......... يقول يمـه نسيتي شبلك الغالي.
وشلون أبنساك وانته ساكنٍ قلبي ......... أنت حبيبي وزولك دايم قبالي.[/font] [/frame]

(الدمع غار)

[frame="9 80"] ليت المنايا وقفت عنك ياسعود ......... خلّتك لين أوريتني في ضريحي
ياليتني حطّيت انا عنك بالعود ......... وانت معافا ياجنيني صحـــيحي
أنت الصديق الصادق الود ياسعود ......... وانت الطبيب لقلبي اللي جريحي
انا أشهد أني عقب فرقاك مقرود ......... ماأنلام أنا لو كان اصفّق واصيحي
والله لاصيحك لين أجاورك ياسعود ......... الله يعجّل جنب قبرك مطيحي
الدمع غار وجفّت العين ياسعود ......... والقلب ينحب والجوارح تصيحي [/frame]

(يافهـــــــد)

[frame="6 80"] كل ماقلت أبسلى زاد قلبي جروح ......... قام يصفق خفوقي مثل صفق الهوى.
أتصبّر ودمعي بالذي بي يبـــوح ......... لوبغى القلب ينسى يافهد ماقوى.
بالنهار أتجمل والصدر به يفــوح ......... مثل بــركــان يغلــي بانفجاره نوى.
لي ضوى الليل أصلي عند ربي وأنوح ......... مثل مقروص الأفعى لي صرخ والتوى.
عقب مضنون عيني يافهد وين أروح ......... ليتني مت قبله..أو قضينا سوى. [/frame]

( أصفق عليك الكف )

[frame="4 80"] أصفق عليك الكف ياسعود وانوح.........مثل الخلوج اللي تردا جهدها
تثور من حزن يجوح الحشى جوح.........وقل الجهد ما تنثني منه يدها
طاحت عقب ماقوموها على لوح.........خلوج طاول سقمها من ولدها
مثلي وانا حزني على لبة الروح.........جدد على النفس الحزينه نكدها - [/frame]

[/align]

أخوي الغالي الحبوب هذا مالدي واقدمه بين أدينك ولك حرية التصرف بس قافيات البندري بنت عبدالعزيز صعب أحد يطور فيها أو يضيف عليها ملمس لانها كلمات ماصار على مستوى الخليج او الوطن العربي وحده جارتها بهالرثاء او هالجزاله طيب الله ثراها

تقبل مروري __DEFINE_LIKE_SHARE__

εïз~اَلِمَيّث}● · 04-03-2008, 03:15 PM

وعليكم السلام ورحمة الله وبركآته

حي الله اخوي حبوب -~

صح منطوقك يآخويه ع الابيات الطيبه

وربي يعطيك العافيه ع الطرح

لانت يآخويه

لفت نتبآهي رد آخوي [ كويتي ]

مآشآْ الله ثم مآشآْء ثم مآشآء الله علييك يآخويه

ردك قمه من الرووعه

حسيتبه موضووع متفرد ومتميز الصراحه

مآ منك قصور يآخوه [ كويتي ]

وربي يعطيك الف عافيه ع المعلومآت والمجهود الطيب فـ الردود

ربي لاهآنك

وتسلمون ع الموضوع الطيب

والسموحه ع القصور البادر منيه

آختكم

الميث

__DEFINE_LIKE_SHARE__

ж شـمـوخ عـراقـيـه ж · 04-03-2008, 04:23 PM

[align=center]

وعليكم السلام

حي الله أخوي حبوووب ..

منور منور الاسترآآحه بطرحك والله ..~

وبدآآآيتك حلوه والله .. صح فيها بعض العيووب

بس المعآآني وآآيد حلوه .. ودآآآم عندك موهبه تقدر تطور نفسك

وأنا نصيحتي لك أستمر فـ الكتآآآبه .. وكلها كم يوم

ونشوف أسمك فـ كل مكآآن ان شاء الله

.
.

وأشكر خوي كويتي على مجهوده

وأقول له يعطيك ربي الف الف عآآفيه

لمتآآبعتك الدآآآيمه على الموآآضيع

وأهتمآآآمك الحلو فـ الاسترآآآحه .. أستمر فـ هذا النشآآآط

وعسر ربي يوفقكم ويحرسكم

.
.

لا حرمني ربي من هاللتوآآجد .. وأطمع بالزود

.
.

والسموحه جآآآآن بدر منيه قصور

مودتي وأحترآآآمي

أخٍـٍتٍـٍكٍـٍمٍ

ж شـمـوخ عـراقـيـه ж

[/align] __DEFINE_LIKE_SHARE__

كويتي · 04-05-2008, 01:19 AM

[align=center]
الاخت الميث شكرا لج وشهاده أعتز فيها من مشرفه مخضرمه نفسج

الاخت شموخ عراقيه مافيج حيله دايم مواصله وراضيه الكل بارك الله فيج

أخوي اميـ اليافعي ـن بيض الله وجهك على هالمداخله الطيبه

ومافيه شك الناس للناس والكل بالله لطالما الكل يستفيد من بعضنا البعض والانفس صافيه فلا خلاف فيها بأذن الرحمن
وكلامك طيب لا غبار عليه وان دل يدل للتوجه الطيب لاخونا مع خاطرته الاولى بدون اخر الاسطر لان ما اجاد تطويرها والاخ الحبوب اجزم انه بيكون مميز لطالما هذي بداياته الطيبه

الف شكر اخوي اليافعي والله يكثرنا من أمقالك على رجاحة هالعقل الطيب

دمتم بود وبيض الله وجهكم كلكم

[/align] __DEFINE_LIKE_SHARE__

الحبـــوووب · 04-05-2008, 03:07 AM

[align=center].............
بسم الله الرحمن الرحيم..

السلااااام عليكم..
..
احم..
ربي يعطيكم العااافيه..
..
صدقوووني اسعدني توااااجدكم ومشااركااتكم..
>>واكثر شي اسعدني>>..انتقااااداااتكم..
..

و بصراااحه انااا حاااولت اكتب اكثر عن مره..
و حبيت انقل لكم اول كتاااباااتي..

..
احم..
اممم..
>>حاااولت اكتب >>اكيد ان المحاوله ياا تكوون نااجحه او "فااااشله" ..
..
>>صح اني ماا عرف اكتب شعر او خاااطره>>بس حاااولت اني اكتب و ما انكر اني استعنت بابيات وكلمااات..
..
احم..
>>الموضوووع اللي نزلته>>يمكن من فتره طويله كاااتبنه..
>>و نزلته >>لاني اباااكم تشوووفووون بدااايتي..>>من اول محاااوله..
>>يمكن المحااوله الاولى تكووون فااااشله>>وهذااا مب عيب..
>>محد وصل للقمه دوون محاااولااات وفشل..
الحمدلله>>في الفشل استفيد اشياااااء كثيره..و اللي فشلت فيه بالمحاااوله الاولى>>اكيد مااا بغلط به مره ثااانيه..
..
احم..
اخوووي "كويتي"
ربي يعطيك العاااافيه و مشكووور ع التوضيح و صدقني عيبتني بردووودك..
..
لكم الشكر جميعاً..
..
فشل ,يأس ,احباط >>>مجرد بداااااايه.. [/align] __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
صور حرف الأم	dmo3algalb	المسنجر وملحقاته , توبيكات , ماسنجر بلس , msn	128	09-15-2010 11:29 PM
يوم الأم	محروم.كوم	منتدى أخبار المواقع والمنتديات العربية والأجنبية	0	03-07-2010 10:10 PM
اممم..بليز	porshcia	طلبات البرامج والشروحات وحل مشاكل الحاسب الآلي	2	01-30-2010 02:46 AM
الأم	محروم.كوم	منتدى أخبار المواقع والمنتديات العربية والأجنبية	0	07-09-2009 02:40 PM
الأم ومن منا لا أم له ؟؟؟	أم عفراء	اناشيد وصوتيات ومحاظرات ومقاطع دينيه وصوتيات ويوتويب اسلامي,	14	01-25-2009 07:38 PM