قصة حب جميله

مزيون بطيبته · #1 07-18-2009, 06:49 PM

السلاام عليكم حبيت ارويكم هل قصه وان شالله تعجبكم( بشاير ) و ( علي ) أهم الشخصية الرئيسية فالقصة ..

فأيام ماكانت بشاير في سن 17 .. تعلقت واااااايد فولد عمتها ( نواف ) وحبته

حب ماله اول ولا آخر .. وولد عمتها نواف اكبر منها بثلاث سنوات ..

وهو بادلها نفففس الشعور .. فدايما ً كانت تدور أي فرصه تجوفه فيها ..

ودومها مرتزة فبيت عمتها والسالفه

انها متخبله عالريال ..

وهو ريال طيب وعلى نياته .. وكفاية انه جماله وحسن سلوكه غطوا على

شخصيته .. فما تنلام ليش انها حبته ..

لكن مثل ما يقول المثل ..لا الفرح دايم ولا الحزن دايم ...

فيا اليوم اللي كبر فيه ( نواف ) وصار لابد انه يشتغل .. ففضل انه يسافر بعثة

لبريطانيا.. و مع السفر كللل شي تغير

دامت مدة سفره 4 سنين ... من عقب ما سافر .. اتصل لبشاير يطمنها عليه ..

اهو اتصال وااااااااحد وبس .. ومن عقبه نسى كل اللي كان بينهم .... كل شي ..

لا خبر ولا حتى رساله تتذكره فيها

كل اللي عطاه لها صورته و كاتب عليها ( المغترب ) ..

تمر الأيام و بشاير بلهفة لنواف .. فخاطرها تسمع صوته .. تعرف شو صار له ..؟

ليش كل هالغيبه ..

مرت سنتين على سفره .. و مثل ما يقولون اللي بعيد عن العين بعيد عن القلب ..

لكن هالمثل ما آمنت به بشاير

ولا فكرت فيوم انها تنساه .. رغم كل اللي سواه وياها ..

كبرت بشاير .. وصار عمرها 19 سنه .. والكل طالبها ويبه يخطبها .. لكن الأهل

مب موافقين ، والسبب ان البنيه متمسكة بولد عمتها ..

فبيوم من الأيام ..

ياها اخوها الصغير وبيده رساله .. المسجين مايدري شالسالفه و إهي اكبر

وحدة فالبيت .. فناولها الرساله وقالها :

بثاير .. مادري ثفت الورقه هذي فوق الثطوح .. فيها كلام .. مادري ثو انتي اقري ثو مكتوب !!...

قرت بشاير الرساله واهي مصدومه ...

يا ترى شاللي كان فالرساله ؟؟ ومنو اللي كاتب هالرساله ؟؟ وشالسبب ؟؟

كل هذا بتعرفونه فالجزء الثاني انشالله مع تحيااتي مزيون بطيبته __DEFINE_LIKE_SHARE__

nwara · 07-18-2009, 06:57 PM

وعليكم السلام ورحمة الله وبركاته

يسلمووو ع القصه حلووه و بانتظاار

الجزء الثاني و ياليت ما تطولين

تقبلي مروري
__DEFINE_LIKE_SHARE__

بلوشيهـ دلوعهـ · 07-19-2009, 03:48 AM

وعليكمـ السلامـ

امممـ لا تطوولينـ علينا ونتريا الجزء الثاني

وتقبليـ مروريـ المميز __DEFINE_LIKE_SHARE__

مزيون بطيبته · 07-19-2009, 12:42 PM

خخخ خطااء مطبعي ياحلواات انا ولد مش بنت __DEFINE_LIKE_SHARE__

السويدية · 08-02-2009, 03:36 PM

يلا نتريا __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
25+25+25 قصه جميله	همس العشق	الإسلام والشريعة	10	06-19-2010 11:35 PM
قصه جميله *************	محروم.كوم	منتدى أخبار المواقع والمنتديات العربية والأجنبية	0	05-01-2010 03:00 AM
طيور جميله جدا	محروم.كوم	منتدى أخبار المواقع والمنتديات العربية والأجنبية	0	03-12-2010 11:10 AM
صور جميله جدااا	john cena	تصاميم , دروس , تصاميم الاعضاء	7	08-19-2009 08:11 AM
معاني جميله	شموع555	المواضيع المكرره	1	03-22-2009 10:45 AM