السلام عليكم ورحمة الله ..

الله يسعد أوقاتكم بكل خير ..

عندي جنوط كانت راكبة على موتري البرادو مقاس 18 ..

الجنوط بالأصل هي جنوط الفل كامل من البرادو لكن ممكن تركب عليه وعلى أي سيارة من تويوتا أو غيره ..

طبعاً الجنوط تجارية (درجة أولى) على ذمة البائع في المحل وتم شراؤها من دبي قبل سنة وكم شهر تقريباً ..

الجنوط ركبت عليها كفرات دنلوب انتاج 2013 من الوكيل بن زقر قبل سنة تقريباً ..

الجنوط خالية تماماً من الخدوش واستعمالها نظيف جداً والكفرات أيضاً جداً نظيفة وتعيش لمدة سنة ونص إلى سنة على الأقل ومافيها رجة أبداً وبيني وبين المشتري الفحص والمعاينة ..

سبب البيع السيارة اللي كانت راكبة عليها تم بيعها قبل كم شهر والبيع للجنوط مع الكفرات كاش فقط ..

طبعاً أول سومة جت من صاحب المحل اللي معروضة عنده 1200 ريال ..

ومثل ماتعرفون المحل يكسر السلعة ومايعطيها حقها عشان يقدر يكسب في البيعة مرة ثانية مبلغ أكبر ..

آخر سومة جتها 1600 ريال اللي بيفرق السوم الله يحييه واللي عنده سومة أقل يحفظ وقته وجهده ويكرمنا بالمشاهدة من بعيد وله منا جزيل الشكر ..


موقع السلعة القصيم - بريدة ..



* ملاحظة :
الجنوط 6 مسامير يعني تركب لأي سيارة مساميرها 6 ..

هذي صورة أحد الجنوط المعروضة وهي صورة حقيقية وأما الصورة الأخرى من النت لتوضيح شكل الجنوط على السيارة ..



وكذلك صورة أخرى توضح شكلها راكبة على السيارة (وطبعاً الصورة من النت للتوضيح)