| ||||||
| قصص و روايات تهتم بالقصص المنقوله وقصص الاعضاء الطويلة والقصيرة |
 |
| | LinkBack | أدوات الموضوع | انواع عرض الموضوع |
| |
|
#1
03-26-2008, 02:13 AM
| ||
| ||
 ثانكس ع البارت ونتريا التكمله
__DEFINE_LIKE_SHARE__
 |
|
03-28-2008, 04:12 AM
| رقم المشاركة : [ 2 ] | |
| عضو ماسي  | يسلموووو على طرح الغاوي __DEFINE_LIKE_SHARE__ | |
| ||
| |
|
03-29-2008, 04:36 PM
| رقم المشاركة : [ 3 ] |
| عضو جديد  | هاااااااااااااااااااااااي اليوم يبت لكم الباجي يله اقروا الباقي وعطوني رايكم *** يهمني رايــــــــــــكم*** الجزء الثالث في العين وتحديدا في بيت راشد المهيري عليوه قاعده حذال ابوبها : باباتي فديتك بروح عند الريم بنت خالي محمد عبدالله وتوه حادر من فوق: هااااااه اسمع حد يبغي يرووح مكان عليوه وهيه تفتر صوبه: من وين طالعه الشمس اليوم عبدالله يتمصخر: من بيتنا هههههههههه عليوه وهيه تفرك عيونها مثل اليهال: لا ما اصدق اخويه عبود عدنا في البيت وما طلع..... مستحيل ولا علشان ناس اليوم يايين عدنا (وتغمز له) عبدالله عصب :شوووووووووووه ام عليوه : عليووه يوزي عن اخوج عليوه: وانا حليلي شو سويت بس متعيبة انه في البيت عبدالله وهوه يحب راس ابوه و امه ويقعد حذال امه ام عليوه: حبتك العافيه يا الغالي عبدالله: شاخباركم شوابي!!!! عليوه تسوي عمرها معصبه: شوه هاذي شوابي باباتي بعده شباب بس جان امك عيوز يا الشايب المخرف الكل يضحك ام عليوه:انا عيوز يا الهرمة ابو عبد الله: خليها عليوه فديتها محد يسواها ام عليوه: دلعها .... ترا ما مخربنها غير دلعك..اخوانها ما دلعتهم شراتها عليوه ترفع حواجبها تغايض امها بوعليوه:هاه عبدالله شو سويت في المشروع اليديد مال البنايات ؟؟ عبدالله: الحمد الله ابويه كل شي تمام وبعد اسبوعين بتخلص كل البنايات و بعد شهر بنبدأ نأجر ابو عبد الله: بس ليش بعد شهر ما دامها بتخلص بعد اسبوعين؟؟ عبدالله: ابويه لازم نرد نشيك عليهن عسب ما اينا شكاوي عقب ابو عبد الله : الله يوفقك يا رب عليوه: باباتي خلصتوا ولا بعد شي عن الشغل؟؟ ابو عبد الله: هيه فديتج شي في خاطرج؟؟ عليوه بدلع : بــــــــابـــــــــــاتي عبدالله معصب: عليوه عن الدلع عليوه اطالع عبدالله بطرف عينها و بدلع زايد تريد تقهر اخوها: باباتي شوف عبوووووووووووود!!!! ابو عبد الله: عبوووووووود يوز عن علاااايه عبدالله وده يزنطها: شوفها تتدلع قول ياهل مب جنها عرووس حتى ميثانه ما ادلعها جيه وهيه الصغيره عليوه وهيه اطنش اخوها: باباتي دخيلك بروح عند ريمووووه بنت خالي ( وتحب ابوها على خده) ابو عبد الله: خلاص فديتج روحي عبدالله: لا ما اتروح كل يوم وطابه عندهم ابو عبد الله : عنلاتك يالهرم جان بتكسر كلمتي عبدالله:ههههههههه لا فديتك ما عاش إلي يكسر كلمتك تراني إلا اسولف وياها عليوه: احم..احم..من قدي ام عليوه: عليوه بنتي خفي خبالج في بيت خالج... عليوه تنش من مكانها واتخر ع راس امها واتحبها بقو:انشالله فديتج ام عليوه: قومي تراج ذبحتيني عبدالله وهوه يقلد عليوه وايدزها من كتفها:ايه قومي عن ماماتي عليوه محرجه:ايه عبود حقوق الطبع محفوظه لا تقلدني الكل يضحك ع خبالها:هههههههههههههههههههههههههههههه عبدالله:انزين يله سيري قبل ما يوصلون أهل دبي... عليوه: أوكيك يله بااااااااااي تامرون ع شي.... الكل:سلاااااااااااامتج .... .. . كان يالس فيا ربعه واليلسه كانت حلوه وربشه لكن هوه جسمه موجود بس عقله وقلبه وروحه وفكره مب معاه .....هذا شهاب من يومها وهوه متغير ومحد حاس فيه غير اخوه ذياب وربيعه الروح بالروح حمدان..... منصور: حمدان اليوم برد دبي ما بتخاويني حمدان : ما ادري والله بس إذا بتعشييني عشا البيت بخاويك منصور :هههههه لا عيل استريح أهليه اليوم بيضوون العين عند قوم عمي وانا برد البيت ..يعيبني البيت يوم يكون فااااااضي حمدان :آآآآآآفا واللله منصور : جانك إلا تريد عشا البيت ...خلاص اليوم بنحدر ميالس قوم مانع المهيري بنتعشا عندهم تراهم أهليه معزومين عندهم الليله حمدان :منو هذا مانع المهيري ماعرفه؟؟؟؟؟؟؟ منصور : آآآآفا ما تعرفه حمدان :لاوالله ما جد سمعت باسمه منصور: تراه هوه ولد عمي...أوووه صح تراك ما تعرفه لا إنت ولا شهاب سهيل : هااه شهاب حصلت عنوان ابوك ولا بعدك... شهاب:.......(الحبيب مب وياهم) منصور: لا...بو الشباب شي فيه... شهاب : منووووووه؟؟؟ سهيل: شهاب رب ما شر شهاب: هااه.... لا والله ما من شر منصور :اهااااا علينا ...من ساعة نرمسك وانته محد شهاب وهوه يطالع حمدان لأنه الوحيد إلي يعرف شو فيه: ههههههههه بس راسي شوي يعورني....يله عيل من رخصتكم...... احتشروا الشباب عليه لانه راح وخلاهم من دون ما يشللهم شله بصوته العجيب ولحقه حمدان بعد ما استأذن منهم وسمحوله حمدان وهوه ياشر حق شهاب: شهاب لحظه بخاويك شهاب وهوه يمشي صوب موتره: حياك بس وموترك حمدان: منصور بيشله شهاب : يله انا مستعيل حمدان : حوووه منصور شل موتريه لو ما عليك اماره منصور من بعيد : خلاص اوكيه بس السويج؟؟ حمدان يفر السويج عليه : القـــــــــــــــــف ويمسك منصور السويج ويسويله اوكيه بيده ويركب حمدان فيا شهاب... في سياره شهاب حمدان: شهاب شفيك ؟؟ شهاب : ما شي حمدان: وقف .. يله وقف انته شكلك تبى تنفدنا بسواقتك هاذي شهاب ينزل ويركب مكان حمدان حمدان بحنان: شهاب شفيك جيه مستوي مويم؟؟ شهاب يتنهد من خاطره :آآآآآآآآآآآآآآآآآآآآآآآآآآآآه حمدان : سلامتك من ال آآآآآه شفيك قولي انا خوييك شهاب ويتساند على وراء : ما ادري هذي البنت شوه سوت فيني حمدان وهوه يحاول يتذكر أي بنت: لا تقول هاذيج الي كانت في المول ومن الزيغه قابضة ييد اخوها.... افتر شهاب بالقو صوب حمدان وبستهزاء: اخوهــــا؟؟؟؟؟؟؟!!!!!!! حمدان:هيه اخوها فتره وشهاب مركز في ويه حمدان ومليون سؤال يدور في راسه أنا كيف راحت عن بالي ان يمكن يكون اخوها أو حد يقربلها؟؟؟ بس لا ما جد شفت بنت ترمس اخوها بهالحنان؟؟؟؟ وانا شدراني يمكن هيه غير؟؟؟ بس شو ممكن يكون اسمها؟؟؟؟ شيخة....مريم.....فاطمة...لا لا لا هيه غــــير عنهن حمدان يقطع حبل تفكير شهاب: انزين بتخبرك انته شو عيبك فيها دام انها ما كان ظاهر منها شي...يعني مب ظاهر منها إلا يدينها ولابسه غشوه وعباه مسكره...ما تقول إلا خيمه سوده تمشي... شهاب:ههههههههه ماادري ياخي شي يجذبني صوبها ولا دخيلك منطوقهاآآآآآآه فديت منطوقها....وقعد يتذكر كل كلمه قالتها.... هيه صح....حمدان شدراك انه إلي وياها اخوها مب حد ثاني؟؟؟؟؟ حمدان يغمزله: يعني منوه حد ثاني؟؟؟؟ شهاب ارتبك: ماادري...ماادري... حمدان فاطس من الضحك:ههههههههههههه أونه الأخ مستحي... شهاب مغيض:حمدان!!!!! وقف ...يله وانزل برد البيت حمدان كاتم ضحكته لا يعصب عليه شهاب: انزين...انزين..خلاص والله ما اعيدها..... شهاب: عيل اسكت وانطم... حمدان يستهبل: يعني ما تباني أقولك كيف عرفت.... شهاب يطالعه بطرف عينه: اذا بتم تتطنز لا تقول.... حمدان:ههههههههههه لا خلاص والله ما اطنز شهاب: يله قول... حمدان : احم....كم بتعطيني... شهاب خلاص وصل حده من ثقاله دم حمدان...وشوي وبيكفخة شهاب وهوه محرج: حمدان!!!!!!!!!!!!!!! حمدان:ههههههههههههههههههههههههههههههه شهاب وهوه يترجى حمدان : حمداني حبيبي يله قووووووووووووول فديت خشمك اللي مثل حد السيف حمدان وهوه متشقق: احم ..... احم ..... خلاص رافت بحالك شهاب : بتقووووووووووول ولا حمدان بثقة:بقوووووول... بسم الله الرحمن الرحيم والصلاة والسلام على شهاب:حمدان من دون مقدمات حمدان : اوكيه بقووووووووول.... وخبر حمدان شهاب عن الي سمعه من عليوه يوم كانوا في المحل قبل ان لا يطلع شهاب فرحاااااااااان: واللــــــــــــــه!!!!!!! حمدان: يله شوه بتعطيني؟؟ شهاب وده يكفخ حمدان من الفرحة: كف يصلبك عسب تصير ريال ...عشتوا ويتطلب بعد ما جنك ريال بلحيتك... حمدان يدلع ويرمش بعيونة شرات اليهال:لا لا مالـــــــــــيد.. شهاب يمسح ع راس حمدان:حمداني فديتك لا تصيح بوديك الدمعيه عقوله شمووه اختك.... حمدان يفر ايد شهاب من ع راسة: عنلاتك يالهرم شو مسكين تمسح ع راسي شهاب:ههههههههههههه محد قالك تتطلب وتحيس لسانك بالرمسة حمدان :ما احبك زفت وععع لا تكلمني ....... .... .. في بيت محمد المنصوري (ابو الريم) كان الجرس يدق وتروح سوزي تفتح الباب عليوه: اووووووووووف حررررررر سوزي: تفضلي مدام عليوه: لو سمحتي انسة مب مدام سوزي : اوكيه انسه آليااا عليوه: يكرهج .. مبيخ اسمي على لسانج..اونه ادلع اسمي بعد سوزي: شوووه ؟؟ عليوه: ماشي وين ريمووه؟؟ سوزي : ما في معلوم وتدخل عليوه وتقعد على الكنبه وتعق الشيله لانها تعرف ان سعيد ولد خالها محد في الدوام خصوصا انه اليوم السبت روضه وهيه نازله من فوق روضه: هلا وغلا بالي يانا ولفانا هلا بالزين كله منوووووين ياي الحلو؟؟ عليوه وهيه توقف علشان توايهها: هههههههههههه هلا بج شوي شوي عليه خليني القط شي من اللي قلتيه روضة تضحك: ههههههههه سوزي ييبي العصير بسرعة شكلها عليوه حرررررررررررررراااانه واييييييييييييييييد سوزي: اوكيه سوزي تروح تيب العصير عليوه: رويض اشحالكوااا ..اخباركوووو..<< تقلدهم >> شو مسويه الله يسلمج روضة مبتسمة: الحمدالله اخبارج انتي؟؟ روضة : خلاص بنتبادل الرمسه ههههه عليوه:هههههه هيه صح لج عندي خبر بليوووووووووون درهم!!! روضة: هههههه انزين شوه الخبر؟؟؟ عليوه بخبث:هههههههههه لا حبيبتي اقوووووولج بمليون درهم وتقول لي شوووووووووه هوه يله شوووووه بتعطيني؟؟ روضة: عنبووووج يالمصلحة.. يله شوووووه تبين؟؟ عليوه: اريد حووووووووواووووووووووواااااااا روضة تضحك: اوكيييييييييييييييييييييه يله قووووووووووولي عليوه: عنودي بتي اليوم العين وتحديدا بيتنا وبتقعد عدنا شرايج بالخبر انمإيييييييييييييييييه صح؟؟ روضة: جدييييييييييييييييم وعليه اغبار ادري من زمان يا عسل فاتتج الحووووووواوووووووووووووا عليوه اونها تصيح: اهئ اهئ اهئ روضة: خلاص حبيبي لا تصحين بيبلج حوووووووواووووووووووووا عليوه+روضة:ههههههههههههههههههههه تدخل سوزي يايبه العصير وتكلم حد وراها تقول: أوكيه بابا روضة: منووووووووووه برا ؟؟ سوزي وتقدم العصير حق عليوه: بابا سلتاان روضة : خليه يحدر الميلس سوزي: اوكيه... وتطلع حق سلطان سوزي: بابا روخ داخل مجلس سلطان :عشتواااااااا تتأمر عليه...عنبو هالسودة لج.... منوووووووووه داخل الصالة؟؟؟؟؟ سوزي وهيه مب عارفة تنطق الاسم:أممم...آليا و روده سلطان معصب: منوووووه هذا آليا؟؟ الخدامة طفرت منه: روخ داخل انا مافي معلوم سلطان :والله بدخل ما بتريا الاذن منج البيت بيتي... يله مناك سلطان وهوه يبلع ريجه: احم هــــود....هـــــود عليوه اعتدلت في يلستها وعدلت حجابها وتغشت وروضة عدلت شيلتها روضة: هدااااااااااا .....هدااااااااا.... اقرب (ووقفن ) عليوه بصوت واطي : الله يغربله السبال ا شو حادربه علينا جيه ما يدل الميلس وين.... روضة تضحك : اقرب سلطان .... سلطان : قريب ...(وفي خاطره ضحكه) السلام عليكن.... ردن: وعليكم السلام... روضه: هلا تفضل حياك... سلطان يطالع عليوه من فوق لتحت ويضحك ضحكه غريبه حايس فجه عيانب ويحك لحيته ويقول في خاطره: أخيرا امتنت اليابسة... سلطان: هههههههه أوووووه ريموووه من متى تتغشين عني والله انها اطورت العزبة ولا انج عقلتي لا و امتنيتي خبريني شو اتصرطين هالكثر حلويتي ياليابسه... روضة مفتضحة في عليوه وعليوه تنتفض من الخاطر وتلاعنه في خاطرها روضة: سلطان شفيك ...هاذي مب الريم...الريم فوق عند حارب يلعبون سوني هاذي بنت خالي راشد سلطان ويحس الدم تجمع في ويهه ونزل عيونه على طول ورد ع ورا: سمحيلي الشيخة اتحسبج ريمووه واسمحيلي ع رمستيه إلا تراني متعود اتمصخر ع الريم والسموحة ع المغثة.... عليوه:لا عادي مسموح الشيخ تراني مثل الريم مب مشكله .. سلطان مفتشل: يلا من رخصتكن ..روضه سلمي ع عمي وقوليله ييته بس ما ريته..وسلمي ع امج والمعفنه ريمووووه.... روضه:هههههه انشاالله يبلغ... سلطان:يلا فمان الله.. روضة +عليوه: الله يحفظك.... بعد ما راح سلطان قعدن يضحكن على الموقف البايخ الي صار عليوه وهيه اطالع الساعة وتنتبه انها من ساعة قاعدة: اووووووووووف يويلي روضة: شفيج ؟؟ عليوه: بروح البيت اتاخرت وايد روضة: قعدي خلي عنج الحين بتنزل ريمووه وبنسولف عليوه: اليوم فليل انشا الله...... قايله حق باباتي ما بتأخر روضة: شوووه وراج؟؟ عليوه: في أي لحظة بيوصلون اهل دبي لازم اسير اطالع الترتيبات حقهم روضة: اهااااااا عليوه: رويض وصلي هذي الاكياس حق (وتقلد سلطان) المعفنه ريموووه...ههههههاااي روضة: ههههههههههههه انشاالله عليوه طالعه: يله برايج اشوفج فليل روضة: اوكيه باااااااااااي .... ... . بعد ما روحوا شهاب وحمدان تفرقوا الشباب وكلن سار في دربه أما سهيل اتفق ويا منصور انهم يتلاقون عند بيت قوم حمدان لأن منصور سار يوصل السيارة....... كان متفيزر في سيارة ربيعة وماخذ راحتة من قدة راكب بورش كايين ويتعبث في الأشرطة الموجودة في السيارة .... منصور : يالله يا حمدانووووووووووه حشى يشتري الشريط قبل ما ينزل والله انه هالحمدان خطيــــــــــر...(واطيح عينه عشريط مقرطس ما مبطل)..أوووب شو هذا شي بعدة حمدان ما اسمعه ...بقوم بسمعة خله يحتشر شوي بلعوز سيارته.... لا وجنة شريط حربي اليديد ..هههههههه(ويبطل الشريط ويحطة في المسجل ) وقعد يسمع أغنية ( قلبي تشوق ) ويدندن ويا اللحن لأن الحبيب ما يعرف الكلمات أول مرة يسمعها....بس منصور حفيظ أغاني بسرعة تعلق الأغنية فلسانه.... وأول ما وصل منصور بيت قوم حمدان انفتحت البوابة لأنها تنفتح توماتيك ودخل السيارة وصفطها في الكراج وخلى السويج فيها عأساس إنه بيطلع وبيلاقي سهيل برا ...وبعد ما خلص منصور الدوريات (التفتيش) ع السيارة توه نازل وسكر الباب ووقف مجابل الباب ويعدل سفرته عالجامة ويغني............. قلبي تشوق للمحب ودياااااااااااااااااااره).... وما حس إلا بحد مغمض على عيونه تيبس منصور ضربته رعشة كانن اليدين ناعمات واااااااااااااايد ومبين انهن ايدين بنت.... ميره بدلع :حمدااااااااني منو أنا.... منصور فهم انه هاذي وحدة من خوات حمدان وياية تتلقى حق اخوها ...<<يالفضيحه>> طول منصور في سكوتة وفي خاطرة ياربي شو هالريحة الطيبة وبعدين انتبة لنفسة...(وللملاحظه تقريبا حمدان ومنصور مثل الطول واجسامهم متشابهه منصور يتحنحن: احم ..انا مب حمدان... وأول ما سمعت صوتة وجنه حد صب عليها ماي بارد ومن الصدمة بدت تخوز يدينها شوي شوي شاف منصور شكلها كانت حلوة وايد كانت نسخة من حمدان كانت صورتها منعكسة على جامة السيارة ..ثواني وميره شاردة عنه داخل وميته من الموقف إلي صارلها.... بعد صلاه المغرب وصلوا اهل دبي واتلاقوا ويا عليوه عند البوابة عليوه تزاعج من بعيد : مرحبا بلي لفى عاني .. مرحبابه الف ترحيبه .. من ادياره قاصد ٍعاني .. الوطن و الدار تزهيبه .. لي وصوله ريح اشجاني .. و العنى زالت متاعيبه .. يعل دارك يود لمزاني .. و المفالي تبطي اعشيبه.... يا هلا والله بأهالي دبي مرحبابكم والله نورت العين عنود :احم ..احم طبعا نورت يوم ظوتها الشيخة العنود بنت حميد عليوه :حووووه لا تصدقين عمرج تراها منوره بوجودي فيها ناصر:حشى اشفيكن تتناقرن جنكن عدايل ... عليوه:اسمحلي ولد العم ما شفتك ..اشحالك انشالله بخير ناصر:هههههه اتفيجتي ...الحمد الله بخير ربي يسلمج عليوه: اتفضلوا قربوا لا اتموون واقفين هنيه بطي :تراج انتي أول ما شفتينا ما سلمتي علينا إلا تتناقرين فيا عنود حتى ما قلتيلنا قربوا عنبو خسنا برا عليوه:أووووووو بطوي بعد ياي لا ..لا الله يعينا دام بيجتمع الثلاثي المرح بطي متشقق:احم ...إلا وين الباقي ما اشوف حد في الإستقبال غيرج وين حروب وفهود عنلاتهم بدال ما ايون يستقبلوني ويشلون ساماني عنلاتهم الهروم براويهم... عليوه:حوووووه منو تتحسب عمرك ولد الشيخ زايد الله يرحمه عنود:ايه عليوه لا تغلطين ترانا مب أقل عن الشيوخ الله يحفظهم ناصر: دخلوا ترا امي وابويه سبقوكم...ما سولكم سالفة...صدق انهم شواب بطي+عليوه: ههههههههههههههههههههههههههههههه عنود مغيضة :شاب راسك.... امي وابوية شباب.. بطي وعليوه:وااااااااااااااااااااااااضح .......... ...... .. . خلاص راح الهم وبدا يفكر في طريقة يشوفها فيها بس الواضح ان اليأس مسكر كل الأبواب في ويهه وإذا شافها فبيكون ع سبيل الصدفة وتم يدعي من كل قلبة أن الله يجمعه فياها على سنة الله ورسوله...وقرر انه دايما يتردد في المكان إلي كانت فيه يوم شافها أول مرة لعل وعسى تجمعهم الأيام .....من يدري يمكن الله سبحان وتعالى يجمعهم...(يارب أشوفها مرة ثانية ما أدري بموووت والله بموت حسيت بقيمة العمر بس من أول ما شفتها الله يحفظها يارب من كل سوء يارب احفظها من عيون الحساد يارب ما تكون لحد غيري ما ادري مع اني ما اعرف شكل ويهها زين ولا شي عنها حتى اسمها آآآآه والله انها ملاك ياربي شو ذنبي تعذبني بالقمر إلي نازل علينا الله يحفظها لأهلها أخخخخخ بنتف شعر راسي ياليتني ما شفتها ياخي ما اقدر انسى طولها ..شموخها في وقفتها ...كيف كانت قابضة ايد اخوها ...حشمتها...أوووووف ولا صوتها ما اظني اقدر انساه آآآآآآآآآآآآآآه فديت صوتها....(ويعض على شفايفه) ياربي شو ممكن يكون اسمها.. حمدان: إلي ماخذ عقلك يتهنابة... شهاب: آآآآآآآآآه هيه والله.... الله يهنيها حمدان: ليكون بعدك تفكر فيها؟؟؟؟ شهاب: اصلا هيه ما راحت من تفكيري دقيقة....آآآآآآآآآآآآه شو سوت فيني حمدان : الحمد الله والشكر (ويحب صبعه ويحركه الين يبهته ويرده لين اثمه يحبه مره ثانيه وجيه) شهاب معصب: شووووووووووه قالولك مينون ولا أهبل حمدان:هههههههههههههه هدا اعصابك يا ريال شفيك محد يتمصخر وياك شهاب: اوووووووووووف منك حمدان يضحك ههههههههههههههههههههه ........... ..... كانت قاعده ترتجف و ميته من الزيغة و من الحركة البايخه الي سوتها في ربيع اخوها وهيه تسبه وتلاعنه: الله ياخذه السبال الحقير والله انه زفت ليش كان عاطني ظهره ع الأقل لو ما كان عاطني ظهره كنت بنتبه له والله انه خايس.... ملعون الصير أكيد بيقول حق حمدان.. والله يويلي لو درا حمدان بيذبحني..ويلست ترمس عمرها ( ايه انتي شوه مودنج عند الكراج شوه تسوين هناك والله انج هبله ...هالكثر متولهه ع اخوج هيه والله متولهه عليه من اسبوع ما شفته..بس ليش كانت السياره عند ربيعة وموصلنها البيت...وييييييييييييييييه مالت علي شو ابا ارمس عن الريال..بس غير ارموشه جنان وطوال......... ويقطع حبل افكارها اختها الصغيره ((شما)) شما:ميله وين ماماتي؟؟ ميره: هاااااااااه شوه تبين حبيبي؟؟ شما: اليد ماماتي توديني عن اثدقائي ميره: ومنوه اصدقائج هاذيلا ؟؟ شما وتعد ع يدها الصغيره : همود..اواشه..مليوم وثواف ووو وايدين ميره: يعني كثر شوه؟؟ شما تفتح ايدينها : هل كبل .... وسكتت ميره شما: ميله وينها ماماتي؟؟ ميره اللي ردت تسرح في منصور بعدين انتبهت: يمكن راحت عند عموووووه براااااا وراحت شما تربع برا عند امها .............. ......... .... في سياره سهيل كان الصمت سيد المكان بس الي ينسمع فيها صوت حم العامري ....ويقطع هذا الصمت صوت سهيل وهوه يغني..... سهيل مرتبش: دنيا وفيها مشى العاشق على كيفه.....وانا حبيبي على كيفه يمشيني ...أربع جهاااات ضاعت في سواليفة ..روما غداااات وله دربي يوديني. على السيت الثاني كان منصور في عالم ثاني ما يسمع فيه غير صوت اخت حمدان يوم تقول بدلع :حمداااااااااااني منوه انا؟؟ منصور يتنهد:آآآآآآآآآآآآآآآآآآآآآآآه سهيل انتبهله: حووووووووووه صرصور شفيك؟؟؟؟؟؟ منصور مغيض: صرصور فخشمك سهيل يضحك: ههههه اسمحلي يا منصوري جيه اوكيه صح منصور:هههههه انا مهيري مب منصوري سهيل يضحك: ههههه حلوة منصور: إذا حلوة رقمها سهيل يضحك:شوه زايد الجرعة ... منصور: لا مخلص الدوا ...ههههههههه سهيل : لا لا لا لا لا شي فيه الريال اليوم منصور يتنهد: آآآآآآآآه بس لو تدري شوه استوالي سهيل : صبر ..صبر..السالفة هاذي يبالها موقع ثاني مب متحرك منصور:خلاص أوكية ودني المطعم وعشني عحسابك وبفكر أخبرك شو استوالي سهيل يطالعة بطرف عينة:بتبطي ...يله روح العب ع غيري منصور :خلاص ما بخبرك سهيل :مشكلة يوم اني فضولي...أكيد شفتلك غرشوبة منصور :مابخبرك أول شي عشني أنا يوعان سهيل:والله حد قالك اني أمك..ولا بشكارتك ..ولا حرمتك وانا مادري منصور :فديــــــــــــت حرمتيه اللي الين الحين ما اعرفها سهيل : عيل ليش تتفداها.. منصور: لأنها أكيد مزيونة دام انها حرم منصور حميد المهيري...جيه أنا ماأخذ منا والدرب..لازم من الهاي هاي.. سهيل: أخ عليك عداك حمدان بالخقة..مشكلة الخقاقين منصور:عاد من زينك انته.. سهيل:فديتنا أنا وشهاب التواضع كله عدنا... منصور:مادح نفسة يباله رفسة... سهيل: هههههه خل عنك يله انزل بنتمشى في المبزرة وبعشيك وخبرني سالفتك منصور:ههههههههه أوكيــــــــــــه نزلوا الشباب ويلسوا يتمشون وبعدين طلعوا واشتروا عشا من كنتاكي وردوا المبزرة بيتعشون فيها ...وبعد مااتعشوا وشبعوا.. منصور خبر سهيل سالفته ويا اخت حمدان وشو استواله بالتفصيل... سهيل يشهق: عنلاتك يالهرم .. منصور: وانا شو يخصني هيه إلي غمضت على عيوني أونه تتحراني اخوها..بس شو يا سهيل يدينها جنهن حرير من نعومتهن والله انها يوم لمستني ضربتني رعشة ... سهيل: انزين وبتخبر حمدان منصور يشهق ويقلد المصريات ويضرب بايده ع صدره : يا لهوي.....شو تباه يذبحها ويقطعها ويشويها ويسويها شوارما لا لا حرام ما تهون علي... سهيل ناقع من الضحك ع حركة منصور وكيف يرمس:ههههههههههههههههههههههههههههههههههههههههههههه هههههههههههههههههههههههههههههههههههههههه ....... .. . اجتمعوا المناصير والمهيرات في بيت راشد المهيري علشان ييت أهل دبي عندهم........ وكان الكل معزوم ومنهم.. قوم الريم وخواتها وعيال اخوها وحرمة اخوها وعيال عمها كلهم من بنات وشباب ويهال وشواب... الشباب والشواب في ميلس الرياييل والعيايز في ميلس الحريم والبنات في الصالة... في ميلس الرياييل الشواب يسولفون حق الشباب عن الحلال والشباب لايعة جبودهم من سوالفهم اللي عورت روسهم ... بوعبدالله: هااه سعيد اخبار الرجاب نوختوهن ولا بعدكم... سعيد : لا والله خالي بعدنا يوم يآمر الوالد عاد بسير أنا وعبدالله ومانع وبنتابعهن وبنخبر الهنود...يضبطونهن بو سعيد : خلاص عيل من باجر انشالله بنسرح الفير مانع : احم ..انا ما يخصني أنا اختصاصي سيايير مب هوش وبوش بنخلي عبود وحمود وسلطون يعابلونهن هم أبصر بحلالهم بوسعيد:عنلاتك يالهرم انته أول واحد بتسير ...هذا حلالكم وان ما جابلتوه من بيجابله... مانع:يالله عليك ياخالي تراهم سعيد وعبدالله وسلطان بيسدونهن بوعبدالله : لا خل عنك بتسير وياهم مانع: يا بويه ما يصير انا بسير ويا قوم ناصر بنتحوط في العين..لازم نجابلهم ناصر :ههههههههههههه طويل العمر ترانا بنتحوط رباعه في العزبه.. مانع مغيض من ناصر: انزين برايك يالشيبة بسير وبحوط فيا منصور..خلك انته عند شوابك.. بوعبدالله: حميد يا خوي إلا وين منصور ولدك ما شفناه.... بو ناصر : لاوالله ..جنه هوه من ثلاث أيام في العين يحوم بوعبدالله: عنلاته الهرم ما يا صوبنا امرررررره بوناصر : خله عنك تراهم شباب تعرف حركاتهم ما يحبون يلستنا مانع: لاوالله ياعمي تراني حتى انا شباب بس ما خليتوني أسير وتبوني أسير فياكم العزبه......واللــــه مشكله الشواب فطسوا من الضحك الشباب ع مانع وهوه يتناقر فيا ابوه وعمه وخاله.. ... أما في يلسة البنات فكانت ربشة وأحلى بواااايد عن يلسه الشباب أقصد الشواب..كانن البنات واااايد منسجمات مع بعض ووسوالف وربشه.. الريم: انزين هاااه عنود اخبار الجامعة وياج تعب وايد صح... عنود: دخيلج عاد لا تتخبريين تعب موووووت والدرب أوووووووف منه منى : الله يعينج لازم تعب تضربين خط من دبي لين هاذي الجامعة روضه : صبري مابيبقالج شي بعدين(وتغمز لها) بتعرسين وبتين العين وبيستوي عليج أدرب أسهل واااااايد وبتفتكين.. ماتت عنود من المستحى واستوا ويها طماطة ونقعن عليها البنات من الضحك عليوه تضحك :هههههههههه أيـــــــه شفيكم لا تضحكون ع حرمة اخوي المستقبليه..ياويلكم غاليه : يا حظكم والله متى بروح الجامعة لاعت جبدي من المدرسة الريم : انزين هااانت السنه آخر سنه..بس حراااااام عليج والله انها المدرسة أحلى ياليتني أرد أدرس ..أحلى وااايد من الجامعة ..(وضحكت) عليوه تتذكرين أبله الفيزياء كيف كنا مخبليبها ... عليوه: الله يرحم أيام زمان...ههههههههه تتذكرين حصه النعيمي شو مسويتبها..والله هالبنت عجيبة ضحكتني يوم اتفر الطبشوره عالصبوره وتقول حق الأبله أونها نقطه زيادة في الكلمة وحليلها الأبله ترد تراجع كتابتها مره ثانية .. الريم : ههههههه دخيلج ولايوم تغسل المساحه مالت الصبوره بالماي ويروحن حليلهن المعلمات يمسحن بها وتخترب الصبوره والله انها عجيبة أيام المدرسة غاليه: انزين تعالوا سولنا زياره بتسلمن ع المعلمات شهقن عليوه والريم.. عليوه : حبيبتي لو الموت ما ردينالها حتى ولو زياره الريم : هيه والله ..ما صدقنا نطلع ونفتك من المعلمات وتقوليلنا ردوا لا..استحاله غاليه: أيــه ريموووه عيل تراج تقولين المدرسة أحلى من الجامعة ليش ما تبين تزورينها... الريم : يالهبله أقصد أن الجامعة البنات إلي فيها ألوان وأشكال وعععع عليهن يلوعن بالجبد ..أما حليلهن بنات المدرسه لبس محدد وكله موحد عندهن مب شرات بنات الجامعه صابغات ويوهن من صباح الله خير ماادري امتى ينشن والله لو تشوفينهن راسمات عيونهن رسم.. منى : هيه والله جنهن سايرات عرس مب سايرات يتعلمن.. عنود :ولا العبي لا تتخبرين والله ذاك اليوم شفت وحده مسويه في عباتها من ورا شارع يلمع على طول ظهرها... روضه :لا عيل ألحين نازله عباه يديده شي اسمها اعتقد اسمها الفراشة ..تكون فيها قطع زياده من تحت اليدين يلين آخر العباه.. عليوه: هيه شفتها حشى مب فراشه لو سموها عباة الخفاش أحسن.. منى:هههههههههه هيه والله صدقج.. ويلسن البنات كلهن يسولفن ويتضاحكن..وعنود وروضه يتصاصرن..ويطالعن الريم وعليوه.. عليوه: أيـــه شفيكن لا يتناجا اثنان دون الباقون طنشنها وقالت عنود: أقول رويض طالعي الغيارات يقلدنا يوم إنا أنا وياج نطقم بالملابس.. عليوه محطيه ايدها عخصرها:والله ما يخصكن كيفنا أنا والريم متى انريد انطقم روضه: حوووه شفيج نتمصخر وياج بس لأن لبسكن وااااايد حلو والله انه ذووووووووق إلي مختار... عليوه: احم شكرا..أكيد ذوقي<< خريط عندها ببيسه +++++++++++++++++++++++++++++++++ الريم توقف : ستووووووووب ..ستوووب بروح اشرب ماي حد يبى أييبله وياي....يله بسرعة ترا العرض مب ساري المفعول عنود: يبيلي وياج الله يخسكن نقعتني من الضحك الريم : بس محد يبا إلا عنود باقي البنات: لا مشكووووووووره ... بعد ما راحت الريم المطبخ تشرب ماي وتيب حق عنود يلسن البنات يكملن سوالفهن.....( طبعا أذكركم إن منى وغاليه بنات عم الريم يعني هن خوات سلطان واليازيه حرمه سعيد..ماشاالله عليهن طيوبات وحبوبات منى في الجامعة وغاليه ثالث ثانوي يعني آخر سنه لها في المدرسه) +++++ ++ + يهمني راااااااااااااااااااااااااايكم __DEFINE_LIKE_SHARE__ |
|
| |
| |
|
03-29-2008, 04:42 PM
| رقم المشاركة : [ 4 ] |
| عضو جديد | ممكن نقل الموضوع الى استراحة القصص والروايات
__DEFINE_LIKE_SHARE__
|
|
| |
| |
|
03-29-2008, 10:33 PM
| رقم المشاركة : [ 5 ] |
| عضو دائم  | نتريااااااا التكمله
__DEFINE_LIKE_SHARE__
|
|
| |
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
العرض المتطور
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| عندما لاترى فى الحياه غيرك ... انت وحدك | محروم.كوم | منتدى أخبار المواقع والمنتديات العربية والأجنبية | 0 | 09-28-2009 03:30 AM |
| كل شي يهون عند الحريم الا هذه!!! | راعـــ الــحــب ـــي | الإستراحه العامة | 28 | 09-19-2009 07:02 AM |
| كله يهون عشان خاطره | محروم.كوم | منتدى أخبار المواقع والمنتديات العربية والأجنبية | 0 | 07-13-2009 10:30 AM |
| كل شي يهون عند الحريم الا هذه!!! | محروم.كوم | منتدى أخبار المواقع والمنتديات العربية والأجنبية | 0 | 06-07-2009 02:40 AM |
| ** يهون عليك ** .... | أمير الحزن | شعر و خواطر | 4 | 05-31-2008 07:51 PM |
الساعة الآن 03:36 PM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227