استشاره ضروري يا أهل مكشات يالذيابه ابي حل

محروم.كوم · #1 06-04-2015, 02:30 PM

السلام عليكم ورحمه الله وبركاته
مساكم الله بالخير
لدي سياره اكسنت موديل 2005 قير عادي شاريها لدوام ولزحمت الرياض وانا ماشي عليها وجيت اوقف عند اشاره قبل لا اوقف طفت اشغلها ماتشتغل بس اسمع صوت السلف ززززززز تقول كنه دريل رحت غيرت السلف طلع نفس الصوت وما تشتغل بس صوت السلف ززززز
وانا ابي اتعلم عليها الميكانيكا جيت صناعيه الخليج ما اقتنعت
بكلامهم ابد اللي يقول الكرنك واللي مدري وش يقول تشوفه يلف
ويدور يشوف عندك علم ولا شاف لك صاروووخ ويقول التصليح
ب 1600 ريال
قلت فرصه لي أتعلم عليها بس مشكلتي ما عرفت اشخص
حالتها في البدايه وفكيت الإغطاء اللي فوق راس المكينه
لقيت اثنين من البلوف منعوجه والحديده اللي تضغط عليها ماتضربها
في مكانها الصحيح رحت ووديتها للمخرطه مع القطع في صناعيه النسيم ويوم اخذتها مانتبهت لها ورجعت ركبتها ونفس الحكايه صوت السلف زززززز
فكيت الغطاء ولقيت نفس البلوف منعوجه مدري وش الحل
لاني غيرت سير التايمن وغيرت وجيه راس وبلوف 4 حبات
وبلوف8 حبات نار ومدر وش الثانيه المهم وغيرت جلد بلوف وو جيه ثلاجه
طبلون وبواجي قلت احتياط وصوفه تيمن
هل السبب من البدايه من البلوف
مع العلم اني ما احمي السياره الصباح علي الدعسه هههههه
ومحافظ علي الزيوت اول بأول
وأبي حل منكم لاني بالعربي ابي اتعلم الميكانيكا
واغلب التصليحات انا اطبق دروس اصيل
الله يوفقه في الدنيا والاخره ويجزاه خير
من تغيير يايات ومساعدات وكانت ليله مميزه ومتعبه
وفحمات والكهرب مثل البواجي وغيرها كثير
بس ما اعرف اشخص امر الورش واخليهم يشخصون
واسوي نفسي زعلان اذا فهمت التشخيص
واصلحه انا
المهم ما أطول عليكم يالنشاما
البلوف كيف افكها يبي لها شي يضغطها علشان تطلع
اثنين بس مع العلم اني جبت واحد علشان يركب الراس لاني
فكيته وقريت ان له ميزان وجبت واحد يركبه وركبه وقال ان الوزن 50
وانا زي ما قلت لكم اتعلم والحين وش اسوي بالضبط وكيف افك البلوف واغيرها بنفسي لانها اثنين بي ومن وين اجيب مفك الميزان اللي يشد مسامير الراس وكيف طريقته وكم وزن راس الاكسنت وكيف طريقه تركيب مسامير الراس وابي اللي يضغط البلوف من وين اجيبه وكيف طريقته وهل هذا اللي مايخلي السياره تشتغل وهل المخرطه تتوقعون ماركب البلوف بس صنفرها يقول بالحجر وانا ما ابي اضلمه واعذروني علي الاطاله لاني فاضي الخميس والجمعه وودي
استفيد من الوقت وأشغل نفسي

واشكر كل من رد علي وتفاعل مع موضوعي __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
لقيت جيب نيسان وابي استشاره ضروري يا اخوان ادخلو	محروم.كوم	منتدى أخبار المواقع والمنتديات العربية والأجنبية	0	11-24-2012 11:30 AM
استشاره ياهل مكشات ( دربيل شوف 30x70 ) ماخاب من استشار	محروم.كوم	منتدى أخبار المواقع والمنتديات العربية والأجنبية	0	04-24-2012 11:10 PM
ياهل مكشات استشاره	محروم.كوم	منتدى أخبار المواقع والمنتديات العربية والأجنبية	0	12-01-2011 08:10 PM
استشاره لاهل مكشات اهل الشور السديد	محروم.كوم	منتدى أخبار المواقع والمنتديات العربية والأجنبية	0	09-21-2011 10:50 PM
مطلوب استشاره ضروري	محروم.كوم	منتدى أخبار المواقع والمنتديات العربية والأجنبية	0	04-19-2010 12:50 PM