| ||||||
| قصص و روايات تهتم بالقصص المنقوله وقصص الاعضاء الطويلة والقصيرة |
| | LinkBack | أدوات الموضوع | انواع عرض الموضوع |
03-18-2008, 09:00 PM
| رقم المشاركة : [ 11 ] |
| عضو جديد |  جود : والله كانك اول مره تيجي البيت عندنا الحمدالله و الشكر اقول ولع فلاشاتك لعم حسن وهو بيفتح لك على طول عبدالرحمن : طيب يالله سلام جود : سلام سكرت جود و عبدالرحمن دخل من البوابه الرئيسيه و لف و راح لباب الرئيسي و جا الحارس و اخذ منه السياره وهو دخل على طول البيت دادا فاطمه : هلا هلا بولدي عبدالرحمن راح لها وباس راسها : هلا يما هلا فيك وشلونك؟ دادا فاطمه : انا زينه وانت عبد الرحمن : الحمدالله دادا فاطمه : جود يا ولدي بره عند المسبح عبدالرحمن : تسلمين يالله فمان الله دادا فاطمه : فمان الكريم راح عبدالرحمن و دخل و شاف جود جالسه مع واحد و كان شكلها مره كيوت على رغم من تعبها و نفسيتها كانت لابسه كل شي اسود باسود لابسه بلوزه سوده و جينز اسود بس كان مره مرتب لبسها و حاطه الطرحه على كتفها عبدالرحمن : السلام عليكم لفوا جود و خالد : هلا و عليكم السلام قامت جود و تسلم عليه وهو حضنها من زمان ما شافها ما ينلام جود : يادب ما تشوف يدي وشلون تعورني عبدالرحمن : اسف والله الحين كيفها يديك صح ؟ جود : حمدالله عبدالرحمن : والله يا دبه وحشتيني فقدتك من زمان عنك هنا لا تسالوني عن حال خالد وده لو يلفعه بلي قدامه وهي طبعا كانت طاوله كبيره مره و في من تحتها اسماك مره حلوه كانت جود بخوف من خالد : عبد الرحمن هذا خالد خالد : احم احم عبدالرحمن : هلا وجهك مو غريب علي انا شايفك بس وين مااذكر خالد بتريقه : والله حتى انا بس يمكن مشبه عليك عبدالرحمن : يمكن في قهاوي التحليه خالد بقهر : لا يا شيخ غلط انا ما اروح ذي الاماكن عبدالرحمن : ايه تذكرت وين شفتك خالد بعصبيه : لا الحمدالله بس وين انشاء الله؟ عبدالرحمن : في المستشفى لمن رحت اشوف الغاليه جود على طول ادخلت و قالت جود : عبدالرحمن ما بركتلي عبدالرحمن : على؟ جود بفرح واضح : انخطبت عبدالرحمن بصدمه : وشو؟؟؟؟؟؟ خالد عصب من قلب وقال : وش فيك انصدمت كانها قايله لك بعدمونك؟ عبدالرحمن ما اعطاه وجه : متى؟ جود:الاسبوع اللي راح بس تدري بالاحداث اللي سارت عبدالرحمن بغيره واضحه : و من ذا اللي خطبك خالد بقوه : انا عبدالرحمن : انت؟ خالد : ليش مو عاجبك ولا ما املي العين عبدالرحمن في قلبه يا عبود انت داري انها محرمه عليك دنيا و اخره هي من محارمكو اقرب المارم بعد يعني مافي امل و بعدين استوعب : لا والله وش دعوه على كلا الف مبروك جود و خالد : الله يبارك فيك عبدالرحمن : انا بقولك الموضوع جود : تفضل عبدالرحمن : انا هذا الشي عرفته بعد ما وصلت بيومين و طول هاذي الفتره كنت محتار اقولك ولا لا ؟ بس في الاخير توصلت ان من حقك تعرفي جود بخوف : ممكن تتكلم عبدالرحمن بتردد : انا و انتي ما بينا الا شهور صح جود : صح عبدالرحمن : بينا 3 شهور جود : طيب ممكن بلا مقدمات خالد حس انه اللي بيقوله راح يعفس الدنيا فوق تحت عبدالرحمن : انا وانتي رضعنا مع بعض خالد و جود ما استوعبوا : طيب وين المشكله عبدالرحمن : انتي اختي من الرضاعه جود و خالد : وشو جود بصياح : انت متاكد خالد مسك يدها : جود يا قلبي اهدي خلينا نتفاهم خالد : ممكن تفهمنا لان انت تدري هل مواضيع ابد مافيها لعب عبدالرحمن : ما طلبت انا اول ما وصلت رحت امستشفى ازور جود بعدين رجعت البيت سمعت امي و ناديا يتكلموا عنك و ناديه تكلمت فيك و انا و ناصر دخلنا و ناصر شال يديه و اعطاها كف و بعدين ماما قالت ام ناصر :ناديه تدرين ان ذا الكلام يودي النار ناديه : ليش ام ناصر : لانك طعنتي في شرفها ناديه و الحقد عامي قلبها : الله و اكبر من ذا الشرف مدارس مختلطه و تعرف شباب اكثر من البنات والله العالم وش سوت و دبستها في راس ابوي ام ناصر شالت يدها و اعطتها كف و بعصبيه : حسبي الله عليك من بنت ياللي ما تربيتي عل اقل ولا واحد من اللي معها في المدرسه يعرف رقمها ما في الا 2 بس و من ضمنهم اخوك يا محترمه يعني بس 1 اللي يعرف رقمها و للمعلوميه انتي ما تخافي ربك في البنت لانك انتي تطعني في شرفها و راح يجي يوم و تشوفي ان الله حق ناديه بصراخ : ما بقى الا ذي عشان انا انضرب عشانها ام ناصر : للمعلوميه جود اختك بالرضاعه ياللي ما تربيتي حسبي الله عليك و على ابوك النسونجي الله لا يوفقه ان كان حط راسي بالترا ب مع ام حمد كلهم بصدمه : وشو؟ ام ناصر : انا رضعتها و ام حمد رضعتك انت يا عبدالرحمن عشان كذا انا قلت لك شيلها من راسك حتى لو كنت تموت فيها فهمت ليش الحين عبد الرحمن : وهذا كل اللي سار خالد : مشاء الله و اختك كيف تسمح لنفسها انها تتكلم عن جود جود طبعا منهاره عبدالرحمن يهديها : جود الحين ليش تبكين؟ جود بقهر : ابكي قهر لان ابوك المحترم يا عبدالرحمن بغي يضيع مستقبلي و اختك المحترمه ناديا تتكلم في شرفي في عرضي انا ليش انا وش سويت لها ؟ للمعلوميه والله ان ماحد همه وش اللي سار فيني والله ولا احد حتى اللي هي امي بصراخ ما سوت شي ابوي اخواني ما اقدر اقولهم ليش عشان ما اغى يضيعوا نفسهم عشان واحد كلب زي ابوك و فوق كل هذا ما كفاه و ارسل لي رساله مع ناديه يقول فيها ( قالت له ايش اللي قال ) ليش تسون فيني كذا انا وش سويت لكم انا عمري بحياتي ما اذيت احد ليش الكل يحب ياذيني خالد ما تحمل يشوف حبيبته و قلبه و حياته تنهار قدامه و هو مو قادر يسوي شي مسكها و ضمها لصدره و هي كانت تنتفض زي الخروف وقت الضحيه جود تكل و خالد حاضنها : انت يا خالد الوحيد اللي وقفت معي انت و ميشو اللي وقفتوا معي و غيركم الله لا يردني انا ما الوم الا امي بس اما الباقي لا خالد : خلاص يا قلبي اهدي عشاني انسي الموضوع و لا تهتمي لهل كلب و شالها من صدره و قال بحده : والله ان كل دمعه نزلتيها لا اخليه يبكي دم عليها شفتي شنباتي والله اني ما اكون رجال ابن رجال اذا ما جبت لك حقك منه هل كلب بس انتي ارمي كل اللي فيك علي و ناديا حريقه تحرقها والله ان لا اخلي الكل يدفع الثمن كل اللي تسبب بنزول هذي الدموع و الانهيار بس انتي اهدي يا قلبي و رجع ضمها له و قال لها انا عند كلمتي يا جود كمل عبدالرحمن : حطي شي في بالك يا جود ان الله ما يترك عباده خالد انتبه ان سب ابوه و اخته وهو موجود خالد : عبدالرحمن عبدالرحمن : سم خالد : سم الله عدوك انا اسف ما كنت اقصد عبدالرحمن قاطعه : خالد لا تتاسف جود اختي انا عرفت كل شي و عرفت انه الكلب كان عارف انها اختي و انا لمن تاكدت تبريت منه ليوم الدين يا خالد و اعتبرته ميت من ذيك اللحظه و انا من ذاك اليوم و انا انام بره البيت و انا ماجيت اليوم الا اني مسافر بعد شوي على لبنان انا طلبت من المدرسه اختبر في الفرع اللي بلبنان و المدرسه وافقت على طول و انا ما راح ارجع الا في يوم واحد اللي هو زواجك من جود عشان افرح مع اختي حبيتي و غيرها ما راح ارجع الا في حاله وحده اعزي امي و ناصر في وفاة الكلب خالد : مهما يكون هذا ابوك عبدالرحمن : انا ما اتشرف بابو مثل هذا حسبي الله عليه عبدالرحمن : يالله انا ماشي فمان الله سلم عليهم و طلع خالد جلس مع جود يهديها خالد : جود يا قلبي اذن العصر قومي ادخلي صلي و نامي و ماعليك من شي و انا بروح المستشفى لي يومين مارحت لها جود بهدوء : طيب هدوء ما قبل العاصفه دخلها خالد و لقى دادا فاطمه خالد : تكفين طلعيها فوق خلها ترتاح تراها حيل تعبانه دادا فاطمه : انشاء الله بس الوالده سالت عليها خالد حس ان جود رح يسير فيها شي بس هو هل مره عاند احساسه خالد : طيب خلها تشوف خالتي و بعدين طلعيها خالد : جود يا قلبي انا بعد ساعه او اقل برجع لان الناس بدت تيجي طيب حبيبي جود لا جواب سلم عليها خالد و طلع جود : وينها دادا فاطمه : في المجلس الكبير جود : في احد؟ دادا فاطمه : لا بس خالاتك جود طيب راحت جود عند المجلس و دخلت جود بصراخ : ماما ام جود بخوف : وش فيك يا جود جود ببكى : بسالك سؤال انتي ليش كذبتي علي ام جود : جود عيب انا امك جود بصراخ : جاوبيني ساره : عيب يا جود هذي امك جود : انتي كلي تبن و مالك دخل تفهمين ماما ردي عليي ليش ما قلتي لي اني انا و عبدالرحمن و كملت بصراخ اخوان من الرضاعه ليش ام جود : لانه شي مو مهم جود : مو مهم اصلا انتي وش اللي يهمك عندك غير نفسك بس انا مو مهمه الله لا يردني حريقه تحرقني ام جود : عيب انا امك جود بقهر : انتي ايش امحق ام و بصراخ هذي تسميها امومه انتي وينك وين الامومه اكبر دليل لمن الكلب سوى فيني كذا ما سويتي شي ام جود : ومين قال لك جود : وش اللي يثبت ام جود : انا رحت كلمته و ام ناصر كانت معنا و قال انه بالغلط وهو اسف ما يقصد و يقول لازم تسامحيه وهوتاسف مني و طلب مني انك تروحي البيت عندهم عشان يتاكد انك انتي مو زعلانه جود بصدمه و كره و صراخ : نعم وانتي صدقتيه انشاء الله ام جود : اسمعي انا اللي فيني مكفيني لا تزيديني وانا اي مصدقته و بتروحين معي يعد العزا انشاء الله لاني انا الصراحه و ام ناصر مو مستغنين عن بعض عشان سبب تافه جود بصدمه : ايش هذا سبب تافه؟ جود ناظرت خالتها : بلاهي هذي ام انتوا في مره شفتوا في حياتكم ام زي كذا و طلعت على طول تركض على غرفتها وهي تبكي بحرقه بالم بكره و دخلت غرفتها و ما تحملت هنا خالد كان جالس في مكتبه يراجع اوراق و كانت واقفه عنده داليا خالد فجاه مسك قلبه و الالم مو قادر : اااااه جود بسم الله وش ذا الالم وجلس يقرى قران لين ما سار احسن شوي و كان يكلم جود ما اكانت ترد خالد : اكيد نامت خلها ترتاح خالد بقلبه بس انا حاس فيها شي و كمان كبير لاني تالمت في قلبي سترك يارب الله يستر نرجع لنجلا لحقتها خالتها نجلا و دخلت جناحها على طول دخلت خالتها نجلا وهي خايفه على جود و طبعا دادا فاطمه وراها كانت دخلوا نجلاء : دادا فاطمه انا خايفه على جود دادا : والله انا كمان الله يستر فجاه دخلوا الغرفه لقوا جود طايحه على الارض و راسها ينزف دم كثير نجلاء بصراخ : دادا بسرعه كلمي عم حسن خليه يحضر السياره بسرعه دادا : انشاء الله فتحت بلكونة جود دادا : حسن يا حسن و صمخ حسن : ايوه يا دادا في ايه حصل حاجه دادا : بسرعه يا حسن خلي محمد يشغل السياره بسرعه عم حسن : حاضر راح خلا محمد يشغل السياره نجلاء نادت ايرين و تريزا يساعدوها في شيلها و طلعوها من الباب الخلفي لان في حريم تحت و ركض على المستشفى دخلت تصارخ لان كانت لابسه بلوزه بيضه و من كثر ما نزفت جود انقلب لون البلوزه للاحمر كان خالد مار بالصدفه نجلاء بصراخ : خالد الحقني خالد لف بخوف : خالتي وش فيك نجلاء :جود يا خالد بتروح مني خلاص خالد انهبل هو شاف الدم و الدنيا بس ما توقع ان احد من اهله او بالذات قلبه خالد بصراخ : وينها خالد راح ركض وين اشرت الخاله نجلاء وراح شاف جود بغى يموت خالد بسرعه : هاذي طيحه على الراس جت قويه اخلصوا خلونا نخيط راسها بسرعه طبعا المستشفى كلها انحاست و مقلوبه فوق تحت طبعا خيطولها راسها و احتاجت نقل دم طبعا مافي الا خالد وسوا نفس الحركه بس اظطر بعدها انه يفطر لانه انسحب منه دم كثير وهو كان تعبان و جرح جود كان غميق احتاج حاوالي 20 غرزه و خلصوا شغلهم و طبعا خالد كان خايف من شي طلع يشوف ايش الموضوع طبعا الخاله نجلا ء و دادا فاطمه منهارين طبعا خالد شربهم مويه بالغصب خالد بعصبيه : ممكن اعرف وش اللي سار في جود نجلاء : قالت له كل الموضوع و بعدين لمن دخلنا هي كانت دايخه لمن طلعت من المجلس و ماكانت قادره تمشي خالد : و هذا انا موصيك عليها يا دادا دادا : والله اني ما شفتها و دخلت غرفتها شكلها ما قدرت تتحمل و طاحت على طاوله اللي قريبه من الباب خالد : ادري لان الجرح غميق و احتاج ل 20 غرزه نجلاء : طيب هي شلونها الحين؟ خالد : زي الزفت طبعا انهيار عصبي حاد و ارتفاع في الضغط و بصراخ و فوق هذا كله 20 غرزه خالد بصراخ : انتوا ما تخافوا الله في المسكينه ما تخافوا الله ام خالتي ام جود انا لي تفاهم معها بعدين نجلاء تقاطعه خالد بعصبيه : ما ابغى اسمع ولا شي والله لو سار فيها شي لا اولعكم كلكم بالنار و احرقكم في مكان واحد وانا عند كلمتي و الحين ولا ابغى اي احد يجي عندها و انا بمنع الزياره و ابن امه يدخل انا اوريكم من هو خالد طلعت نجلاء و راحت البيت مصدومه من تهديد خالد ليش يقول كذا طبعا خالد قعد مرابط عندها ليل نهار ابوها اول ما درى انها طاحت بس كل عاده ما يدري في البقيه جا هو و ابوه يطمنوا عليها ابو خالد و ابو حمد : ها يا داليا طمنينا داليا : اعذروني بس الدكتور خالد منبه علينا ما نقول ولا شي الا جا خالد كانت عنده عمليات وكان وجهه مهموم و تعبان سلم عليهم ابوه و ابو حمد : ها يا ولدي طمنا خالد : انا لين الحين ما اقدر احكم لانها نايمه انشاء الله بكره اقدر احكم و على فكره انا مانع الزياره عن الكل بس انتوا اللي مسموح لكم ابوه و عمه انصدموا : ليش خالد : لانكم تدرون في الحريم ابوه و عمه : صح صح كلامك يالله حنا نستاذن راحوا و خالد كان جالس عند جود فطوره كان من المطاعم و البيت ما يروح له و لا يعتب الحاره من الاساس و ثاني جود ما صحيت و ثالث يوم نفس الشي طبعا انا اقولكم ليش لان جود دخلت في غيبوبه من قوة الضربه و مع ارتفاع الضغط و انهيار عصبي عاد انتوا حلوها __DEFINE_LIKE_SHARE__ |
|
| |
 |
| مواقع النشر (المفضلة) |
العرض الشجري
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| لو يهون الحب قدرك ما يهون..لان عيني غيرك انته ماترى... | ريامي | قصص و روايات | 173 | 01-03-2014 09:34 PM |
| لعيونك,, اصووغ العبر | m5awe_altheeb | تصاميم الاعضاء | 5 | 07-06-2010 07:13 AM |
| لعيونك افجر امريكاا فتك وبس | مزيون بطيبته | أستراحة الفيديو المنوع | 12 | 08-23-2009 03:47 PM |
| مميز هوست سعوديه مؤسسة سعوديه تقدم عروضها | محروم.كوم | منتدى أخبار المواقع والمنتديات العربية والأجنبية | 0 | 06-11-2009 06:40 AM |
| صلهام لعيونك | محروم.كوم | منتدى أخبار المواقع والمنتديات العربية والأجنبية | 0 | 06-07-2009 09:50 AM |
الساعة الآن 04:54 PM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227