ٍســـــــــــــــــ ردام مع الشيهانه الوحش ـــــــــــــــــــالفة

محروم.كوم · #1 06-23-2009, 12:10 AM

السلام عليكم ورحمة الله وبركاته

مسيتم بالخير يالأجواد اليوم ابي اعلمك بالقصه اللي وعدتكم بها عن الشيهانه الوحش ومافعله طرادي في ذاك اليوم واصبح بعدها عالي الشأن والفت نظر جميع الطواريح اليه وكسر قاعدة (هدو شيهانه لاتهدون وكري) هذه مقوله دايم الكل يرددها في محاولة شيهانه وحش يضنون ان الوكاره لاتلحق وهذا غير صحيح الشيهانه اذا ولت مدبره هاربه من الطرادات تتعبها وبعض هالوكاره تلحق وبعضها ماتلحق وصار البعض لايستعين الا بالشواهين ومالكم بالطويله

طيري ماهو من الشام ولاهو من الصين

وكريه رخوم الرجال تفدى مخالبها

سبوق وسبقها مثل سبق فروخ الشياهين

عندي دلاله واقدر مع الايام ابرهنها

جعل ربي يقدرني على هالبيتين المهم حصلت هذي القصه في ايام العيد ولا اذكرفي أي يوم دق منبه الجوال صلاة الفجراصبحنا واصبح الملك لله يابوعراده يابوعراده هيا اصحى صلاة الفجر لاحول ولا قوة الابالله رشتين بالماء وصحى ههههه وبعد ماصلينا الفجر قلت يابوعراده عندك القراشع ابي احط الطيور في السياره طيب تمام.. حرك هالرجال

ماشالله تبارك الله زهبنا الامور ومشينا وكل قناص يشيك على جهازه ياقرب جهاز ياقرب جهاز يبي يعرف منها من في المنطقه ومنها يبي يعرف قوة الارسال ارسل ياطالب اقرب جهاز... صبحك الله بالخير ... صبحك الله بالرضاء والعلم الزين ... موقعك وكم تستقبلني... استقبلك دبل اوفر نداك نداك ... ابو رشدان ... هلا حياك الله ... موفق يالخوي المهم حبيت اطربكم بجو الساحل جيت مدرهم بالموتر من الجبال كالعاده من جبال العد وظهرت منها متوجه جنوب وفج الضو وحان وقت التركيز والجهاز هاجد هجده ياعيني عليها الكل مفتح عيونه دقايق وابو سعيد المجنوني يراسل ابوانس الجابري يابو انس يابوانس ارسل يابوسعيد يابوانس يابوانس ارسل ارسل اسمعك يابوسعيد يابوانس يابوووووووووووصاح باعلى صوته خويناحصل شيهانه واعطاها سمانه مثقله ولاهدت اثناء المحاوله راسل خوينا ومن الربشه ماسمع ابو انس يراسله وطارت كنت انا بالقرب منهم ماني بعيد حوالي ثلاثه كيلو في منطقه مابين تسحق وصلى وحولوها بسمانه طلق

( بدون ثقاله) وكثرت المواتر قلت يابوعراده حل سبوق ردام وجيبه عندناقدام لعل تجي فرصه ونهده وردام ماله من قبل هدد على الطيور قلت ان شالله تكون فرصته واللي يحاول الشيهانه ابو انس عرضلها وهد طراده وجاك الطراد محول على الشيهانه واخذ العلفه منها وطارت ماعلقت يوم انها طارت طارت المواتر معها ومع عجت الجيوب ضاع طراد ابوانس وكنت ماشي على هوني وخوينا يصيح على الجهاز طرادي ضاع ثواني واحصله قدامي موقع على الارض يعلف في السمانه شلته وزهمت على راعيه وجاني وتوجهنا للرياجيل حولو الشيهانه مره ثانيه بسمانه وهد عليها ابو انس وتاخذ العلفه منها ماعلقت مثل المره الاولى ماكنه الافلم انعاد سبحان الله ويضيع ابوانس طراده وحصله ونسوق ورى الشيهانه ونعطيها سمانه وتهد ويلحقنا ابونس وقال ابي اقزها وقزها المره الاولى والمره الثانيه وتعلق الطيبه وانا اقول في بالي الحين اعطي الطراد سبوقه لكن وين الشيهانه تلوعت تلويع من الشبكه العلفه واضحه مطوح منها وهي طايره كان تضفها وترتكز وهد ابونس الطراد الاول ومالحق والطراد الثاني ومالحق صفحت كلهاعن الشيهانه ورجعت وابوسعيد طرد الشيهانه الي ان دركها ويزهم اللي معاااااه طراد اللي معاااااه طراد ويشوش راس من هالنداء وكانت معانا فرخ شيهانه وشافوها الرياجيل معي ومامعهم غير طرادات وكاره ويزهم ابونس اللي معاه شيهانه اللي معاه شيهانه

والفرخ الشيهانه اللي معي وحش باقي عليها ماتدربت وشيهانة ابو سعيد موقعه تعلف وقلت يابو عراده اعطي ردام سبوقه ثواني والا واحد من القنوص عرض قدامنا وهد طراده وكبس الشيهانه وطرحها ويجيك راعي الطراد يبي يمسك الشيهانه كان الطراد يترك العلف شارد ياشين عذروبه وتطير الشيهانه وطرحها مره ثانيه ويجيك ابو انس وقرب الشيهانه بالموتر كان يفكها مره ثانيه الطراد وحش ماهو مدهله راعيه زين وردام يعلم علي الله انه كسر نفسه بينا حلينا البرقع عنه وطاح منه وشاف كل العجه اللي صارت والشيهانه ارتكزت ضاربه السما ابعدت متوجهه يم ديره مشبوكه عدة كيلومترات ماهي صغيره تبعد عنا حوالي ثلاثه كيلوقلت يابوعراه الحين هد ردام وهديناه والشيهانه مروحه جنوب وردام راح خلافنا شمال قلت الله يستر وش بلاه اصبح خلافنا

ناظرت فيه وحنا نسوق ورى الشيهانه تذكرت سواة ردام كعادته ردم الى ان اصبح بأرتفاع الشيهانه وطلبها ماشالله تبارك لحقنا في مطراده وانا ادعي الله انه يجيبها كنت انظر فيه من خلاف الموترولحقنا وشوي من جانب الموتر والسرعه حول التسعين وكان طراد الرجال يطرد من بعيد راعيه ماجذبه ليه مادري والشيهانه ترعبت من الجيوب حول عشرين جيب ونصيح على القنوص اللي قدامنا مع الشيهانه لاتدخل الشبك والرياجيل مامعهم شوزن يردونها وكنت مباري ردام والشبك قريب اشوفه شوف والفزاعه كلن بالبواري يبغون يردون الشيهانه عن الشبك ثواني دخلت الشيهانه الشبك اشوفها قدامي حوالي 500 متر وكان يشد عزمه ردام يعلم الله انه تعداني وكأني واقف بالموتر ماشالله تبارك الله ..الله لايضره وكان متعليها شوي وسهم عليها وحولبها وانا اشوفه من بعد

والرياجيل توقف المواتر عند الشبك وتتراكض هههههههه كلن يبي يضف الطير وشوي طراد الرجال متعدينا الله يقبح وجه حول على الطيور وماندري وينها ماغير نجري في جهتها وطراد الرجال كبر العقاب كبس الطيور وانفكت الشيهانه تهاوشت الطيور على العلفه والشيهانه وقعت نشوفها شوف واخذت طرادي سعيت لها سعي شفتنا من بعيد واقلعت فوق الغيوم ابو سعيد ماله نصيب فيها مكتوب لواحد غيره وخوينا راعي الطراد ماكان بيضره لومسك طراده من بدري الله يهديه والشيهانه حصلها بركي الجدعاني على سيف البحر الساعه 10 صباحا وماخلو شي من الزريق الااعطوها اياه ماهدة وكانت الشبكه عالقه فيها وحاولناها الي العصر وطارت ودركناها الى ان وقعت ومسيناها وخدجناه الشيهانه قرناسه مثلوثه طرحها رعيها اللي كاتبها الله له

وسلامتكم والعذر والسموحه على الاطاله
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الشيهانه تصفي؟؟؟؟	محروم.كوم	منتدى أخبار المواقع والمنتديات العربية والأجنبية	0	07-18-2010 12:20 PM
شوركم في الشيهانه	محروم.كوم	منتدى أخبار المواقع والمنتديات العربية والأجنبية	0	07-07-2010 09:10 PM
حضّي النحس يوم أمس و طلب رأيكم في الشيهانه	محروم.كوم	منتدى أخبار المواقع والمنتديات العربية والأجنبية	0	07-07-2010 08:10 PM
الشيهانه ..هل كنت تعلم؟؟	محروم.كوم	منتدى أخبار المواقع والمنتديات العربية والأجنبية	0	02-16-2010 12:10 AM
الشيهانه الوافيه الطيبة	محروم.كوم	منتدى أخبار المواقع والمنتديات العربية والأجنبية	0	02-08-2010 04:40 PM