مشكلة ددسن 85 - الله العالم انها كربريتر!!

محروم.كوم · #1 10-28-2014, 03:21 PM

السلام عليكم ورحمة الله وبركاته..

يا اخوان بختصر عليكم المشكلة اللي عندي واللي يقدر يفيدني فيها عسى الله يجزاه ألف خير..

كانت عندي مشكلة في الموتر وهي اني لما أتركها يومين واكثر وجيت اشغلها تتعبني حيل ولازم اشممه بنزين علشان يشتغل وكان فيه بعد تفتفه (فرقعه) خفيفه مع الشكمان تسمعها بشكل خفيف واحيان يطفى علي..

اللي صار.. اني بدلت طرمبة البنزين وغيرت اسلاك البواجي مع البواجي وكلها أصلية عدا الطرمبة يابانيه وعجزت أحصل منها أصلي.. وتحمست زياده وفكيت الكربريتر وطلعته على جنب ونظفته بمنظف كربريتر وبنزين لين صار يلق، طبعا بدون ما افككه اجزاء.. بس تنظيف ما تعبثت فيه من داخل..

النتيجه.. الموتر صار لما ادبله بنزين يشتغل مع اول دقة سلف بس لازم اصير ضاغط شوي على البنزين علشان ما يطفى بما انه بارد.. بعد كذا يصير وضعه طبيعي جدا وطبعا التفتفه ما راحت وعلى وضعها خفيفه لما احن على الموتر وادعس له..

المشكله الحاليه.. لما امشي مسافة واوقف عند تقاطع والا اشاره والا مطب تشوف الابنص ينزل وفجأه يطفى الموتر واضطر أدبل بنزين واشغل وامشي.. ولاحظت ان فيه تقطيع بسيط وانا امشي..

ف وش الحل هنا!! ودي اعرف هل المشكله هذي لها دخل بالكربريتر والا لا.!؟

نزلت مقطع فيديو اوريكم فيه شغلتين ابي اتأكد منها..
هذا المقطع: http://youtu.be/335Hhfw42R8

الشغله الاولى.. شوفوا اول قطعه أمسكها هل هي تجي كذا مرتخيه والا لازم تكون واقفه لاني لما اعدلها تسمع حنه بسيطه في المكينه وبعدها يرجع طبيعي..
الشغله الثانيه.. الباب هذا هل وضعه طبيعي كذا يجي مفتوح!! مو المفروض يتحرك مع دعسة البنزين!؟

آسف على الاطاله وبانتظار افادتكم __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
[مشكلة] مشكلة اخواني اعلانات موقع http://yllix.com/ انها اباحية ولا اخلاقية	محروم.كوم	منتدى أخبار المواقع والمنتديات العربية والأجنبية	0	07-15-2014 06:40 PM
[مشكلة] مشكلة عجيبة اعلانات الادسنس لا تظهر على الفيديوهات رغم انها مستثمرة ؟ للخبراء	محروم.كوم	منتدى أخبار المواقع والمنتديات العربية والأجنبية	0	03-05-2014 02:30 AM
ددسن 2005 مشكلة إن شاء الله بسيطة	محروم.كوم	منتدى أخبار المواقع والمنتديات العربية والأجنبية	0	02-01-2013 10:20 AM
أخواني عندي مشكلة ان شاء الله انها بسيطة بنوفي 215	محروم.كوم	منتدى أخبار المواقع والمنتديات العربية والأجنبية	0	09-04-2010 10:20 AM
مشكلة ان شاء الله انها بسيطه تخص الزوار	محروم.كوم	منتدى أخبار المواقع والمنتديات العربية والأجنبية	0	07-16-2009 09:50 AM