زوُجوني غصب (قروب الرد والنقد)

محروم.كوم · #1 06-17-2009, 09:20 AM

السلام عليكم ورحمة الله وبركاته

وش هالقهر والله كتبت موضوع كامل من القلب ونسيت انسخه وراااااااح علي :angry2: بس يالله ما عليه لعيون قروب الرد والنقد كل شي يهون ..:shy2:.

بما ان هالاسبوع اسبوع البنات فحبيت اطرح مشكله تحصل لبعض بنات مجتمعنا واللي هي الزواج الغصب ..يمكن تكون المشكله شوي قديمه بس طرحت هالموضوع تأثرا بما صاب وحده من البنات اللي اعرفهم ربي يفرج عليها ... واحب اشوف رايكن ...

نسمع قصص واايده عن بنات تم زواجهم بالغصب وخاصه لولد عمها او ولد خالها او قريبها يعني شخص اهلها اختاروه لها مب اختيارها ....ولو قالت لاهلها ماباه يتجاهلونها ولا كنه لها رايي في هالموضوع وشي عادي لو انقلبت حياة البنت لجحيم هم السبب فيه والحجه انها طايشه وليس لها الحق في اختيار شريك حياتها ومصيرها تصبر على هالظالم لانها ما تبا تكون مطلقه وعاله على أهلها...

ومرات تصيب ومرات تخيب مرات يكون نصبيها بزوج صدق يحبها ويحول حياتها لجنه ومرات يكون ظالم يسلبها كل حقوقها وخاصه لو كانت بنت طموحه حلمها تكمل دراستها او تاخذ الليسن او تشتغل ويهدم فيها كل احلامها .. وبعض الاهالي يقهرون تلاقي الاب يعرف ان ولد اخوه ظالم ولا يصلح يكون اسره بس يعطيه بنته عشان وعد قطعه على اخوه ولا ابوه .. والبنت هي الضحيه في كل الاحوال .. احس كنه وأد البنات اللي يصير في عصر الجاهليه بس بطريقه غير مباشره .. ليش كل هالظلم وليش هالتفكير العقيم ؟؟

في وحده من الصحابيات رضي الله عنه جات لرسول الله صلى الله عليه وسلم وقالت يارسول الله ابي زوجني لابن اخيه لحاجه في نفسه

فأمر الرسول عليه الصلاة والسلام باحضار الاب وساله فقال نعم يارسول الله زوجتها عشان شي في نفسي

فسألها الرسول عليه الصلاة والسلام هل انتي موافقه قالت نعم

فتعجب الرسول من موقفها لماذا تخبريني بمافعل اباكي قالت يارسول الله حتى يعلم الرجال ان المرأه لاتزوج إلا بأذنها

فااقرها رسول الله صلى الله عليه وسلم

وفي حديث اخر قال عليه الصلاة والسلام

"لاتنكح البكر حتى تستأذن ولاتنكح الثيب حتى تستأمر "

السؤال اللي يطرح نفسه .. لماذا يتم زواج البنت غصبن عليها من اللي بيعيش مع هالزوج اهي ولا اهم ؟؟!! ليش تضحي بسعادتها ومستقبلها عشان قرار اهلها اتخذووه ؟

لو مريتي بنفس الموقف .. يعني مثلا لو قالج ابوج يا تتزوجين ولد عمج ولا انتي مب بنتي ولانا ابوج؟؟!! كيف بتتصرفين ؟! ..

وهل قرار زواج البنت ومستقبلها رهن بيد الاهل ولا بيدها اهي ؟؟

وودي اسمع همسه تهدينها لفتاه كانت ضحيه هالزواج الظالم ..

أستغفر الله الذي لا إله إلا هو الحي القيوم وأتوب إليه
__DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي الانتقال إلى العرض المتطور العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تقنية النانو - والنقد.	محروم.كوم	منتدى أخبار المواقع والمنتديات العربية والأجنبية	0	12-31-2009 11:20 AM
السياحه باليمن غير [قروب الرد والنقد]	محروم.كوم	منتدى أخبار المواقع والمنتديات العربية والأجنبية	0	07-09-2009 11:50 PM
نقاش يـتيــمَ (قروبب الرد والنقـد mix قروب نفحـات إسـلاميـه)	محروم.كوم	منتدى أخبار المواقع والمنتديات العربية والأجنبية	0	06-13-2009 09:10 PM
نقاش سلوكيات داخل نطاق الأسرة ( قروب الرد والنقد)	محروم.كوم	منتدى أخبار المواقع والمنتديات العربية والأجنبية	0	05-28-2009 03:00 AM
نقاش القطيعة وصلة الرحم ( قروب الرد والنقد )	محروم.كوم	منتدى أخبار المواقع والمنتديات العربية والأجنبية	0	04-08-2009 08:40 AM