::هل المــــــــــهر يحدد قيمة الفتاة:: - الصفحة 4

حرف الذهب · 01-06-2008, 10:50 PM

المشاركة الأصلية كتبت بواسطة فخر اماراتي

السلام عليكم ورحمة الله وبركاته

في البدايه اشكرج اختي ع طرحج لهذا الموضوع المهم واللي كثير من الناس للأسف الشديد معتبرينه شي للتفاخر..

اولا ومثل ما نعرف ان أقــلهــن مهرا أكثرهن بركه،، في كثر من الناس غافله عن هالموضوع الحين ، ومن يشوفون ريال ياي يخطب بنتهم يعتقدون انه هالشخص عنده مال قارون وعلى طوول يطلبون مهر يكسر الظهر وفوووووقه مصاريف العرس اللي احيانا ما يكون لها لزمه ،، بس عشان يتفاخرون بين الناس والله نحن سوينا ويبون كل حد يتكلم عن العرس!!
طيب انتو ياللي تطلبون مهر غااالي مافكرتو بهالريال المسكين اللي بغى يعرس ويكمل نص دينه من ويين بيدبر لكم هالمباالغ؟؟ ما فكرتو بحياة بنتكم عقب اذا هالريال المسكين سار وتدين من البنك كيف بيعيشون وحياتهم كلها ديون؟

المهر مو مقياس لغلاة البنت،، ليش هم بيبيعونها ،، واذا كان المهر مقياس ترا كنوز الدنيا كلها ما راح اتييب قيمة كل وحده غاليه عند اهلها!! شو هالمنطق العجيب عند الناس!!

والله اعرف ناس العرس عندهم تكلفته بين الــ150-200 ألف شامله للسفر وشهر العسل

والحين الناس يطلبون المهر برووحه 100 ألف ولا تستغربون ترا اللي نشوفه خير برهان للي اقوله..

الله المستعان والله يعين شبابنا على بعض الناس اللي ما يقدرون ولا يفهمون..

طيب ليش ما كل اسره تحط ولدها مكان هالولد اللي بيخطب !! ما بيفكرون بولدهم لو كان بموقف هالريال المسكين اللي بيطلبون عليه دم قلبه؟؟

والبنت لما تطلب مهر كبير وتجهز زهبه لا صارت ولا استوت ،، هذي ما تفكر انه الدنيا تتغير والموضه تتغير ويمكن كل اللي شرته ما تستخدمه وتروح موضته!! بعدين شو بترجع تشتري من اول ويديد؟؟

انا من رايي انه كل شي يكون بالمعقول ،، اوكي تبين تجهزين وتكشخين مو مشكله اشتري ما حد منعج بس لا تكلفين ع الريال واايد ،، وباجر يوم بياخذج تراه ما بيقصر وياج وبتسيرين وبتتسوقين وياه،،

يا بنات ويااا أهل هالبنات فكرو بالريال ،، اشترو الريال الزين ولا تشترون املاكه ،، ترا الاملاك تروح وما يبقى غير الاخلاق والدين

واسمحولي ع الاطاله بس هالموضوع يستحق التفصيل ولو استمريت بالكتابه ترا ما بيكفيني هالمنتدى كله عشان اقول كل شي ..

أخويه أخويه احمممم
أخويه لو العربان يفكرون نفس
تفكــــــــــــــيركــــــــــــــــ عزات نحن بألف خير والكل مرتااااح باله ومكيف
بعد يسلم لنا رايكـــــــــــــــ يا خوي مشكور ع هالرد الوافي والكافي
وما عليكــــــــــــــــ زوود ع هالرمسه
الصراحه كفيت و وفيت
تسلم يمناكــــــــــــــــ __DEFINE_LIKE_SHARE__

حرف الذهب · 01-08-2008, 06:14 PM

المشاركة الأصلية كتبت بواسطة .+[ راكاوية ]+.

وعليكم السلام ورحمه الله وبركاتهـ .. ^.^ !!

نحن الحمدلله بخير .. ما نشكي باس ولا لوعهـ اليآآس >> خخ خخ ^.^

هل المهر الكثير يساهم ويجعل البنت محترمة وكبيرة وغالية بين الناس ؟؟

عمرها الفلوس ما كبرت من الانسان ومن ذآآتهـ ^.^ !!

هل المهر الكثير يجعل الزوج يحترم ويقدس الزوجة بحكم انه دفع فيها مهر كبير ؟؟

طبعا لا .. والي يقول جذهـ غلطان .. الاحترام اي من المعامله والحب والود والتفاهم بين الطرفين .. هب لانه دفع فيها مهر غالي !! >> ما يخصه ههه ^.*

هل المهر الكبير يساهم في إنجاح الزواج وضمان ان الرجل يحترمها اكثر ؟؟

طبعا لا ..

بقولك انا لو مهريم ( درهم واحد ) بس .. والله انهـ عادي عندي .. لانهـ هالشىء ما بياثر على الشخص .. الريال هب بجيبه ولا بفلوسهـ .. الريال ريال بشخصيته واخلاقهـ الي يرفع بها راسه جدام النآآس ^.^ !!

هل المهر الكبير ضروري. ,والعكس ؟؟ا

لااااا .. هب ضروري .. والاهل الي يهتمون بهاي النقطهـ اقولهم غلطانين .. شو بيسون بالفلوس جان بنتهم عرست .. وبعدين ما صار تفاهم واطلقت .. شو فايدهـ المهر الغاآآلي حزتها .. بعضهم ينضرون له من باب " التباهي" .. بس هالتفكير غلط .. انتي بتعيشين وي ريلج .. هب الناس والمظاهر ..

>> قلت كل كلمه وانا مقتنه بها .. وما بتصدقوني جان قلت لكم انه حتى لو مهريه ربع .. والله عادي عندي .. المهم اكون مرتآآحه وي شريكـ حيآآتي .. واكون في كامل قناعتي بهـ ^.^ وبث !! ..

مشكور اخويهـ على موضوعك الغاوي .. بصراحه عيبني وايد اندمجت فيه ..

ربيه يعطيكـ الصحهـ والعافيهـ .. ^.^ !! .. ولا هنت الشيخ !!

والسمـــــوحهـ ع القصور من صوبنآآ .. ^.^ !!

يعلهــــــــــــــــ حالن مديم طولي بعمرجــــــــــــــــ خويتيه

عمرها الفلوس ما كبرت من الانسان ومن ذآآتهـ ^.^ !! صدقتي خيتووو مهما رفعتك لازم بيي يوم
وبتكتشف صغرك جدامها لانها بتكون اساس كل علاقاتك بين الناس

بعضهم ينضرون له من باب " التباهي" .. بس هالتفكير غلط .. انتي بتعيشين وي ريلج .. هب الناس والمظاهر
ما أقول غير ربيـــــــــــــي يكملج بعقلجــــــــــــ أختي كفيتي و وفيتي
وربي يحفظـــــــــــــــــ من رباج

ربي يـــــــــــرزق كل إنسان ع قد نيتــــــــــــــــــــه
سلمتي خويتيه ما منجــــــــــــ قصور الشيخ كل الشكر لجــــــــ
ويا هلا ومرحبااا __DEFINE_LIKE_SHARE__

حرف الذهب · 01-08-2008, 06:17 PM

المشاركة الأصلية كتبت بواسطة $برق لمع$

السلام عليكم ورحمة اللللللله وبركاته

تسلم اخوووووي حرف على هالموضوووووووع القيم ودووم انت متميز بموضوعاتك المتميزه....

بالنسبه للموضوووووووووع أأأكيد المهر أو قيمته ما اتحدد قيمه البنت
بس انه في هالوقت الحالي استوى مظاهر مفاخره بين العائلات. حتى البنات نفسهن قمن يتفاخرن بالمهور يعني مرض وصاب المجتمع كله...(الله يهدي الجميع)........
أنا هب مع غلاء المهور بس مع حدود المعقول واللي يقدر الريال يدفعه....

السموووحه منك وموضووووعك لو يلسنا لين الصبح نكتب فيه ما بنخلص .....وطبعا أخواني وخواتيه ما قصروا في الرد والتعليق.....

تقبل مرووووووري وردي المتواضع..............

وعليكم السلام ورحمة الله وبركاته
ربي يسلمجــــــــــــــ أختي برق لمع من طيب خاطرج الشيخه

أنا هب مع غلاء المهور بس مع حدود المعقول واللي يقدر الريال يدفعه
مشكوره ع الرد والتواصل أختي ما قصرتــــــــــــي ورايج صح كله بحدود المعقول
وياهلا ومـــــــــــــرحبا بجـــــــــــــ __DEFINE_LIKE_SHARE__

حرف الذهب · 01-08-2008, 06:27 PM

المشاركة الأصلية كتبت بواسطة المنسيه~

اول شئ عيبني العنوان ..^^ ه ه ه ه .. المهم

اجاوب ع الاسئله ..

هل المهر الكثير يساهم ويجعل البنت محترمة وكبيرة وغالية بين الناس ؟؟

لا مب شرط .. ف حديث يقول .. اقلهن مهراً اكثرهن بركه. .. قبل اكثر من امم مادري خخ بس جيه يعني حدود 20 سنه كان المهر اغلى من الحين اعرف حرمه الله يستر عليها مهرها كان 100.000 بس المهر .. بس ها كان قبل بس الحين لا بعد ما وحدوا المهر طبعا واللي هو 20.000 درهم وهاا لصالحكم ولا زين لو كان المهر 100 الف خخ اسولف

هل المهر الكثير يجعل الزوج يحترم ويقدس الزوجة بحكم انه دفع فيها مهر كبير ؟؟

احيانا العكس .. بعد فتره العرس بكم شهر وبعد ما يحس الزوج بتراكم الديون ع راسه وكله من المهر وخساير العرس اللي ماكان الهااللزم يكره الحرمه ............. الخ واللي سمعت فيه انه بعضهم شغلوهن خخ عشان يسدون الديون اللي عليهم .. خخ ..

هل المهر الكبير يساهم في إنجاح الزواج وضمان ان الرجل يحترمها اكثر ؟؟
العكس اظن .. بس مب معناته انه يبخس فـ مهرها .. مهما يكون المهر تقدير للمراءه .. وسنه والنبي اوصى بها ..

هل المهر الكبير ضروري. ,والعكس ؟؟

كيف يعني العكس . المهر الشويه ضروري

شوف بالنسبه لي .. اشوف يوم يكون المهر واايد ... وخساير العرس الثانيه شويه احسن خخ ( يعني الريل كم مره بيعطي حرمته هبشه فلوس خخ مره وحده خخ احسن من اول مره تفضي المخبا خخخخخخخخخ )
اسولف . لا مب ضروري

شوف بالنسبه لي .. اشوف يوم يكون المهر واايد ... وخساير العرس الثانيه شويه احسن خخ ( يعني الريل كم مره بيعطي حرمته هبشه فلوس خخ مره وحده خخ احسن من اول مره تفضي المخبا خخخخخخخخخ )
اسولف . لا مب ضروري
أختي الدماني ما ادري ليش أحس أنجـــــــــ بتفقرينه الريل الله يعينهـــــــ خخخ خخ خخخ خخ

هههه ههههه ليش يعني المهر وااايد اكيد تبين تيمعين الفلوس
سلمتي أختي ع هالمرور الطيب ما قصرتـــــــــــــــي
سلمت يمناجـــــــــــــ __DEFINE_LIKE_SHARE__

حرف الذهب · 01-08-2008, 07:10 PM

المشاركة الأصلية كتبت بواسطة هنيام

اقلهن مهرا اكثرهن بركه

و خير الكلام ما قل و دل

تسلم أخوي ع الرد والمروور يا مرحبااابكــــــــــــ __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
من يقتل الفتاة؟جديد	محروم.كوم	منتدى أخبار المواقع والمنتديات العربية والأجنبية	0	06-17-2010 08:10 PM
الاسم لو قيلت احروفه سوى ؟ ( جديد )	محروم.كوم	منتدى أخبار المواقع والمنتديات العربية والأجنبية	0	09-25-2009 12:40 AM
«إعمار» قدمت أدلة لا قيمة لها في قضية النزاع التجاري مع «جداول»	محروم.كوم	منتدى أخبار المواقع والمنتديات العربية والأجنبية	0	08-09-2009 11:20 AM
أجمل معاني قيلت في قيمة الكلمة...!!	محروم.كوم	منتدى أخبار المواقع والمنتديات العربية والأجنبية	0	04-14-2009 02:50 AM
هل المهر يحدد قيمة الفتاة؟؟ >>> للنقااااااااش	..همسـة دلـع..	المواضيع المكرره	1	01-10-2008 05:49 PM