¶۝₪۩|||[ للح ــــوار والنقـــاش ]|||۩₪۝¶ .. للجميــــع - الصفحة 6

:: مختلف :: · 03-02-2008, 06:42 PM

المشاركة الأصلية كتبت بواسطة الوسنى

بسم الله الرحمن الرحيم

موضوع جدا ملفت وقد اكون تأخرت في الرد عليه ولكن ما ادهشني

لماذا دائما نغفل عن حسنات الانسان ونركز على سيئاته ؟؟

لماذا نخصص جزءا من مجهودنا وعقلنا في تفتيت محاسن الغير بذكر

وتوضيح سيئاتهم ؟؟

اخي مختلف .. قرأت الموضوع وأنا مستشعره بكل كلمة ذكرت فيه

حقا إن إنسان محروم شخصية مثقفة راقية وسامية تعلمنا منها الكثير

من صبر وحلم وسعي وراء الوصول ,,, أسسنا مجلتنا على أسس وقواعد

رسمها من بنات أفكاره .. لنرتقي .. ونتصدر المقدمة دائما ..

قد نكون قد قصرنا وباطأنا وتكاسلنا عن واجبناتنا اتجاه مجلتنا ولكنه

من حرصه الشديد .. تكلم وناقش ووبخ .. وكل ما حدث ليس من فراغ

ولكن من الحرص على ركائز رسخها ويسعى لإكمالها ...

ويا للأسف قد نسي هذا الحرص ولم يؤخذ بعين الاعتبار ..

ولم يفاجأ إلا بتهجم غير متوقع من الأعضاء..

قد يكون قد أخطأ ولكن ما الذنب الذي اقترفه هذا الانسان الراقي السامي
والمبدع ؟

إننا حقا معك يا انسان ونعتذر عن كل الصور المزيفة التي نسبت لك التي لا

تليق بفكرك ومقامك ..ونعتذر عن كل ما بدر منا بقصد أو غير قصد ..

لا أعرف ما يمككني قوله وما يمكنني فعله ..

ولكننا في يوم من الأيام كنا نُحسد لأن انسان محروم بيننا ..

وأود أن اذكر بشيء أخير

( إياكم والظلم .. فإن الظلم ظلمات يوم القيامة)

اختكم في الله

الوسنى

اختنا كلنا

الوسني

يا هلا بج اختي في هذا النقاش
تواجد جميل من كاتب لمح عن قرب نبض المجله

اختي انتي من الناس الي تواصلهم مهم في الموقع مع اخونا مدير المجله
انسان محروم

والي قريته يعطي الجميع الصوره الواضحه عن هذا الشخص
رائع بمعنى الكلمه

,
,

نلقى الاماكن الي فيها المخاليق .. تبدي السيء على الخير
مثل الي صار مع اخونا الراقي .. من سوء تفاهم وصل حد التعب النفسي لنا جميعا
لازم نبدي الزين قبل الشين .. ولا صدقوني ما مشى اي شي
لو نمشي على الشي هذا
.. كنا من زمان .. خلينا الكثير من مدير للعضو .. سيء ولا يستحق النظر حتى
لو مشينا على الشي
هذا واني اشوف اخونا ما نطق غير بطلب وتصريح من شي صدمه وما توقعه
وصار الي صار من ردة الفعل القويه

,
,

صدقوني الي ينظر لمجهوده يعرف انه لازم نقدم تنازلات لهذا الانسان لو بدر منه شي
كيف وانا الي اشوفه ما بدر غير ردة فعل من شي شافه وحسه وكتب استقاله وعتب .. يا جماعه نتقبل ولا نقوم تجريحه

بعض الردود .. تخلينا نحط ايدنا على كفنا ونقول ( كيف .. وليش .. معقوله ما يصير )

الله يرد كل شي مثل ما كان واحسن
لان المجله كانت شي يستحق التمسك فيه
واشوف الحين الكل متمسك بهذا الشي واكثر بعد
:: بالفعل رائعون ::

بارك الله فيج اختي على هذا الرد الجميل جدا
وهذا من صفى النيه وما تنسين ابد جهود الغير

,
,

ربي يحفظكم
اخوكم
مختلف

__DEFINE_LIKE_SHARE__

¬»ĤǿหєЎ · 03-02-2008, 09:07 PM

يا مـــــــرحبا مليون واهلا بـك الفينا ..
هــــلا عدد ما غـــــرّد الورق بلحونه *~
يا مرحبا خطّيت مكتوبك على العين ..
وعنّيت خطـــّك صوب ناسك يدارونه *~

[mark=000000].
.
•
•
.
.[/mark]

مساك الله بالخير
شحــالك..؟ وعلوومك وعلووم عربانك صغــار وكبــار
عسـاك الا بخير وسهآآله

[mark=FF0000].
.
•
•
.
.[/mark]

اخوي مختلف
بيض الله ويهك ع الموضوع
وكلامك كله صح
بصراحه انا تعاملت ويا اخوي انسان محروم ما جفت منه الا كل خير
اذا نحن نبي المركب يسير لازم نقدم شوية تنازلات
ولازم انضحي عشان المنتدى وتقدمه
اخوي محروم يقول انا واعضائي نحب المركز الاول
لو نرد شرات قبل اكيد بنكون فالمركز الاول بكل جداره
اخوي " انسان محروم " يمكن غلط
بس بعد نحن غلطنا يوم ردينا عليه بدون ما نرعف اسبابه
اتمنى من الادارة انها تجوف اخوي "انسان " ليش قال جي
اخوي انسان محروم ما يستاهل الا كل خير
وانا متاكده هو ما قال جي الا لانه يحب هالمنتدى
اذا هو زعلان من ردودنا فانا اول من بيقول له
" آسفــــــــه "
والسموحه منك اخويه

-- مختلف --

عليك بياض الويه
ما قصرت اخوي
بصراحه ابدعت في هالموضوع
واذا دل ع شي دل ع حبك للمنتدى
والسموحه منك

الرب لك حافظ

[mark=006600].
.
•
•
.
.[/mark]

__DEFINE_LIKE_SHARE__

:: مختلف :: · 03-06-2008, 10:11 AM

المشاركة الأصلية كتبت بواسطة دكتورة_الحب

السلام عليكم ورحمه الله ...

موضوع مهم وايد ... مع اني ما اعرف السالفه ... ولا اعرف ليش وقفو المجله بس فهمت من

كلامك انه انسان محروم انقهر من شي وكتب موضوع وردو عليه الأعضاء والاداره بقسوه ...

وانا ردي ع هالشي .. انه لازم كلنا نعرف انه انسان محروم ذخر للمنتدى ... وانا نفتخر انه عضو

فمنتدانا .. بذل كل مجهود ليرتقي بمنتدانا .. ابدع في طرحه .. قوا ارادتنا .. كان نعم الأخ ونعم القايد

كان لنا قدوه ومثل يحتذى به .. وعمره ما تريا منا كلمه شكر او ثناء .. عضو مبدع بمعنى الكلمه

ويستحق منا كل تقدير ...

ليش ننسى كل هذا ونشوف جدامنا الصوره السيئه وبس ... ليش ما نغفرله زله في لحظه غضب ...

يعني خلاص؟؟ اذا غلط غلطه وحده ننسى كل اللي سواه ... ننسى كل جمايله ...

والرسول -صلى الله عليه وسلم- قال : "التمس لأخيك سبعين عذرا"

واحنا ما التمسناله عذر واحد وبدون تفكير كانت ردودنا جارحه .. صح اني ما قريت الموضوع ولا الردود ..

بس احين من موضوعك حسيت فيه ... اكيد انسان انجرح من ردهم ...

وانا يا خوي انسان محروم اعتذرلك عن هالخطأ اللي بدر منا .. واتمنى تعذرنا ..

بس لازم اتعرف انه احنا كلنا اهني فالمنتدى من اعضاء واداره نكن لك احترام و اخوه و لك معزه خاصه

فـ قلوبنا ... والسموحه منك اخوي انسان ...

اشكرك اخوي مختلف ع الطرح ...

تقبل مروري ... اختك ...

اختنا كلنا

دكتورة الحب

يا هلا بج اختي في هذا النقاش
منوره يا قلب اهلج بهذا الرد الجميل جدا

بالفعل اختي
رد الاداره كان قاسي لدرجه اني انذهلت
من اعضاء بينا تواصل في الموقع تواصل سامي جدا
واخونا وين الغلط الي غلطه
انه قال اعلن انسحابي من المجله .. والتراجع عن العمل مع المجموعه
له سبب .. وسبب وايد كبير
وبعدين العضو الي يقوم بصنع الشي .. ومشى مع الشي هذا فتره وترك الغير يكمل هذي المسيره ( يلقى هذا الشي )
وين تصير ؟!!

اخونا اثره واضح في اكثر الاعضاء
من اول يوم حضر فيه / انسان محروم
اتمنى قبل اتخاذ القرار او الرد .. ينحط في عين الاعتبار النظر قبل الرد
لانه بعض الردود .. تعطي نظره تختلف جدا عن ما سابق
( والموقع فيه عقول نيره وعقول مفكره .. تفهم بين السطور )
,
,

الله يرضى عليج على هذا الحضور
وان شاء الله بتقوم المجله من اول ويديد .. وبشكل ثاني يختلف عن ما مضى
في اشياء يديده بتصير وتتغير .. وتظهر المجله بصوره اكبر ومجال اكبر
وفيها الحضور بيكون مختلف من الاقلام الي من زمان نحبها ونقرا ونسمع لها

الله يوفقنا جميع ويرد كل شي مثل ما كان
ما ودنا عقب هذا الي استوا نرجع خطوه لورى
لان هالشي محال نسمح له

,
,

ربي يحفظكم
اخوكم
مختلف

__DEFINE_LIKE_SHARE__

:: مختلف :: · 03-06-2008, 10:13 AM

المشاركة الأصلية كتبت بواسطة دموع ميره

الله يخليك اخوي مختلف...
ومثل ما قلت انسان اخوي اللي ما ولدته امي
واقوله اذا العالم كله ضدك فتأكد اني معاك سند دنيا واخره...

تقبلوا احترامي...

دموع ميره

اختنا كلنا
:: ( دم ـــوع م ـــيرة ) ::

كفــو عليج

هذي العلاقات الطيبه
هذا الي عمره ما يرضى خويه ينظلم لو على قص رقبته
كفو عليج يالسنافيه

,
,

مختلف

__DEFINE_LIKE_SHARE__

:: مختلف :: · 03-06-2008, 10:24 AM

المشاركة الأصلية كتبت بواسطة ونــ أشعاري ــات

أحييك أخويهـ مختلف على جرأتك على طرح الموضوع

كنت صراحهـ بطرش رسالهـ حق اخويهـ محروم للتفاهم معاهـ بخصوص المسأله نفسها

بس الحمداللهـ يوم انك طرحتها أمام الجميع

أنا اليوم بتكمل وبقول اللي عندي واتمنى الكل يحترم صراحتي

ويمكن تكون صراحتي قويهـ بس هذا الشي اللي يصير

إنسان محروم

مدير مجله أحاسيس محروم

أكييييد الكل يعرفهـ من أشعارهـ ومن أفكارهـ اللي كل يوم تزيد في المنتدى

ما أقول هالرمسهـ مديح فيهـ

لا يالسهـ الحين اقول كلام اللي ضميري يحتمني على هالشي

إنسان محروم أول عدد نزلهـ كان اول يوم العيد والكل يعرف هالشي

بس اللي ما تعرفونهـ ؟

كيف نزل هالعدد

كم من الوقت اللي يلس يحضر حق هالعدد ؟

انا بقولكم كل شي مع انهـ اسرار المجلهـ وما يصير اظهرها بس بقولها عسب تتضح الصوره للكل

شهر وشوي كان يحضر حق كل شي

متواصل مع كل الأعضاء 24 /24

حتى في وقت انشغاله في دراستهـ كان يقطع الدراسهـ ويتواصل مع الأعضاء

كان يعاني من نقص في عدد المصممين مع هذا تخطى هالمشكلهـ ونزل العدد في الوقت المحدد

ليله العيد يلس يحمل الصفحات كلها ويرتبهم ويلس يشوف الناقص من الصفحات عسب نشتغل عليهم

حدرت المسن الساعه 5 الفير وحصلته متواجد استغربت انه الليله عيد متواجد

كان ناقصهـ صفحات ولازم يصممها ويلست اساعدهـ فيهم

والصراحهـ كانت يوم العيد بالنسبه له كلهـ وهو يالس ع المجلهـ يحمل الصفحات ويشتغل ع الناقص منها

وربي ما ظهر غير يوم انه بغا يصلي صلاه العيد وتم متواجد يمكن يوم العيد كامل

شو هالشخص حرم نفسه من انه يعايد على اهلهـ بس عسب ينزل العدد اليديد

انسان محروم عاطكم الكثير ولازم مثل ما عطاكم تردون لهـ هالشي

على الاقل تكرموونه بشي قليل

اتمنى صدق ترجع المجلهـ شرات ما كانت

واسمحلي اذا غلطت على حد بس صدقنوني انا قلت الصدق

واللي اخاف اني اموت وما اقولهـ

والسموحهـ من الجميع ..

والسموحهـ منك انسان لاني ظهرت اسرار المجلهـ بس الضروره حتمتني اني اقول

اختنا كلنا

ونـــات

يا هلا بج قلب اهلج في هذا المكان
رد من قلب وافي شايف كل شي جدام عينه
وصدقيني هالشي ما يبغي الجراءه ابد
بالعكس الشي الواضح يتم واضح .. واحنا الحمدالله

ننقدر ننصف الواحد من ساحل عمان لحدود قطر

,
,

كلامج صح
العدد الي نزل وفي العيد تحديدا
كنت انا وانسان تقريبا اول يوم العيد .. انسان كان يتابع نزول المجله في اليوم المحدد
وانا اول ما رجعت من الصلاه وفتحت الموقع لقيت المجله مثل العروس
نزلت للحضور ( بالفعل عيديه )

صراحه اول ما شفت العدد اول كلمه طلعت من لسان
:: الله الله ::

شي اذهل الكل .. في الوقت القصير .. وازدحام المواد
كانت ملاحظات جدا بسيطه لكن روعة العمل الحمدالله طغى على كل الملاحظات والانتقادات
هذا راجع بفضل التعاون والتواصل
شي اعضاء بارك الله فيهم تعب لين جمع وساهم
وشي اعضاء تعب لين سهر ونزل حمل المواد
واعضاء راجعت
:: ( الكل روعه ) ::

ما قصرتوا جميع .. ما قصرت وايد ياخوي انسان محروم
هالشي الي سويته في هذا الوقت القصير .. ينحسب في رصيدك العالي من نجاحات
والحين شوي ونبدا المسيره اليديده واتجدم يالغالي ( واحنا لك عزوم )
,
,

قلب اهلج ونات
بارك الله فيج على هذي الصراحه الي ترفع من مكانج اكثر فوق
الصراحه اي مكان ناجح ومشهور محتاي لها
بارك الله فيج على هالسطور الي يقراه القارئ مره ومرتين من روعة كلامج

,
,

ربي يحفظكم
اخوكم
مختلف

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
۝۩۞\|\|\|۝ لبــــس الصلاة & جهــاز ذكر الله ..... والسعر مفاجأة ۝۩۞\|\|\|۝	محروم.كوم	منتدى أخبار المواقع والمنتديات العربية والأجنبية	0	07-02-2010 03:10 AM
۩۝۩ سيرفر كأس العالم 2010 التجربة قبل الإشتراك ۩۝۩	محروم.كوم	منتدى أخبار المواقع والمنتديات العربية والأجنبية	0	05-25-2010 10:50 PM
۩۝۩اول سوق ماركات في الشرق الاوسط ۩۝۩	محروم.كوم	منتدى أخبار المواقع والمنتديات العربية والأجنبية	0	04-07-2010 07:40 PM
₪۝ احساس صوره ۝₪ .. مع كــاتب وصــورة .. ( للجمــيع )	~ al sha3er ~	شعر و خواطر	153	10-18-2009 11:05 AM
۩۝۝۩مـوسوعـة الصــلاة۩۝۝۩ دمج كل ما يتعلق بالصلاه	wa7sh	الإسلام والشريعة	399	09-17-2008 02:13 AM