¶۝₪۩|||[ للح ــــوار والنقـــاش ]|||۩₪۝¶ .. للجميــــع - الصفحة 3

:: مختلف :: · 02-29-2008, 04:25 PM

المشاركة الأصلية كتبت بواسطة دموع ميره

السلام عليكم ورحمة الله

الصراحة ما اعرف شو ارد واقول....
لانه اخوي مختلف كفى ووفى بكلامه...وقال اللي في خاطر الكل وزووود بعد
يزاك الله الف خير يا اخوي مختلف....

بس احب اعيد واكرر كلامه...انا مثله يمكن ما شفت او ماعرفت في عالم المنتديات الا منتدى واحد منتدى محروم...وشفت ابداعاتهم وابتكاراتهم...وحبيت اني اشترك واتواصل
لولا ضيق الوقت عندي ومشاغل الدنيا جان صرت وحده من انشط الاعضاء في المنتدى...بس خيرها في غيرها....

ومثل ما قالكم اخوي مختلف...
صاحب اول فكرة للمجلة..كانت من وحي خيال وفكر اخوي انسان محروم يزاه الله الف خير...راعي الواجب والجود اخوي انسان ابداعاته ونظريته الواسعه للمجله
وفعلا نال على اعجاب الكل سواء في المنتدى او خارج نطاق المنتدى...واقبل زوار واعضاء كثيرين في للمنتدى...مب شرط اللي مسجل في المنتدى يكون يعرفني او اعرفه...ترى شو ما صار وشو ما كنا الا كلنا اخوان على قلب واحد ويد وحده
جمعتنا الالفة والمحبة الله يديم هالعلاقه القوية بين الكل...
واخوي انسان الصراحة ماكنت اعرفه الا من خلال اشعاره وفكرته للمجله...
والصراحة اهو الشخص الوحيد اللي عطاني المجال اني اتواصل مع المنتدى نا ما امدح بس هذا الواقع اللي شفته...وعيبتني الصراحة طريقة نظرته وافكاره في خوض مجلة يمكن بعض المنتديات ما قدروا يسون مثلها او ما مدالهم الوقت او المجال لهالشئ...وفي نظرتي اعتبره اخوي انسان اول شخص اقترح فكرة المجلة
وفتح مجال جدام الكل انه يشارك ويبدع سواء برايه او تصميم او حتى لو مقترح بسيط...وكلمة حياك او حياج عنده كم تسوى...

اخواني وخواتي الاعضاء والمشرفين وادارة منتدى استراحة زايد...
نحن اهني اجتمعنا على الكلمة الطيبة والمحبة والروح الابداع...وكل واحد ما قصر في الثاني ...عمر الانسان ما انولد واهو يعرف كل شئ في دنياه الا بمساعدة الغير...ومنه يوصل للشئ اللي يشوفه مناسب ...
انا يوم دخلت المنتدى اول مره شفت الحب والالفه والعلاقة القوية امبينكم...شفت كلهم على قلب واحد...والواحد يستاهل انه حد يقوله ماشاء الله عليه راعي الواجب والجود...بس ياترى بمجرد كلمه او موضوع بسيط حزيتوا في خاطركم وجلدوا على اخوي انسان بهالطريقة...نحن كلنا الحمدلله ماعلينا قصور بينا الاحتلرام متبادل...بس ليش هالتصرف....؟

اخوي انسان يمكن غلط واو لا...بس لازم الواحد يفهم الثاني...ويعرف من شو هالانسان مضايق او متكدر...عالاقل نوقف معاه وقفة اخ لاخوه او اخت لاختها...
حتى الادارة ما احترامي الكبير لهم...بس هذا الواجب بعينه اللي لازم الكل يتبعه...
نحن ما دخلنا المنتدى بالاكراه ومحد غصبنا...دخلناه بملء ادراتنا لانه شفنا فيه الحب والاحترام والصداقة...لكني انصدمت بهالتصرف الغير اللائق من قبل الكل...
قريتوا الموضوع وجلدوا عليه جلاد ليش اهو مب واحد منا وفينا...اهو ما كان في يوم من الايام ومازال للحين سبب في هالتماسك القوي ...والله ثم والله انه كان السبب انه الواحد يرتاح للثاني من يوم ماعرض فكرة المجلة...والكل قام يعرف الثاني بنت ولا ولد...

وفي نهاية كلامي الصراحة مابي شئ غير انكم اتعيدون النظر في الموضوع الانسان لازم يغلط مافي بني آدم ما يغلط....وعمره الانسان مب معصوم من الغلط...واعتقد ان اخوي انسان ما غلط بس كان مضايق من شئ او ماشابه...بس نحن ما نصحح الغلط بغلط ثاني...ونحن بدل ما نساعده او نوقف معاه
تصرفنا بهالتصرف ...وانا اعتبر هالشئ خسارة كبيره في منتدانا الغالي...
لولا اخوي انسان جان ما وصلنا لهالمرحلة...بس الواحد لازم يقدر الثاني ويفهمه...والله يمهل ولا يهمل...ويزاكم الله الف خير...

اختكم

دموع ميره

اختنا كلنا
بنت ابوها والنعم فيها
دموع ميره

والنعم فيج على هذا الرد الي من اعماق قلبج
رد واضح مثل نور الشمس .. انسانه شافت الي يسوى ويستاهل هذا الرد العميق
كفو عليج وهذا العشم فيج
,
,
ماقدر ازيد على كلامج ابد .. تكلمه لكلامي بالصوره الي حبيتها وبغيتها
ردود الجميع فيها النفوس الطاهره والي عاشرت ناس من باب المحبه النديه
,
,

حاب اذكر نقطه هني
في الطروف الي مر فيها اخونا انسان محروم من وفاة والده رحمة الله عليه
اتصلت فيه وسالني يومها المجله .. قلت المجله لا تحاتي شد حيلك وبنوقف شوي .. قال لا توقف شي اسبوع وبرد لكم ان شاء الله
والنعم فيك ياخوي .. يعرف ان عليه مسؤليه ومحد له ذنب بالي هو فيه
ورجع وباشرنا المجله ونزلت في الموعد المطلوب

قسم بالله شي ينحسب في اعلى رصيدك ياخوي
,
,

بارك الله فيج يا بنت ابوج
واتمنى نوصل الي بديناه .. والمجله بتقوم واحسن من قبل بقياده اخونا انسان
واتريا حضوره في النقاش وطرح الي في خاطره بدون نقصان ورد الاداره بدون نقصان ..
احنا يعلم الله نشوفكم مثل الماس
وكل واحد وله حبه الخاصه والمعزه الكبيره
وهم يعرفون الشي هذا وما يحتاجون اشادة احد
وننتظر حضورهم اخواني

,
,

ربي يحفظكم
اخوكم
مختلف

__DEFINE_LIKE_SHARE__

*نظره مني تسدك* · 02-29-2008, 04:49 PM

السلام عليكم ورحمة الله وبركاته

اشحاالك يالشاعر عسااك طيب

ماشاء الله عليييييييييييك دووومك مختلف في طرحك وانت اسم ع مسمى
وخووويه انسان محرووم يستاهل كل خيييييييير

والصرااااااااااحه الكلمات اللي طرحتها قمه في الروووووووعه والطرح ما عليه كلام

أشكر فنك ع الطرح الرايع يالمختلف

تقبل مروري المتواضع __DEFINE_LIKE_SHARE__

الوسنى · 02-29-2008, 07:46 PM

بسم الله الرحمن الرحيم

موضوع جدا ملفت وقد اكون تأخرت في الرد عليه ولكن ما ادهشني

لماذا دائما نغفل عن حسنات الانسان ونركز على سيئاته ؟؟

لماذا نخصص جزءا من مجهودنا وعقلنا في تفتيت محاسن الغير بذكر

وتوضيح سيئاتهم ؟؟

اخي مختلف .. قرأت الموضوع وأنا مستشعره بكل كلمة ذكرت فيه

حقا إن إنسان محروم شخصية مثقفة راقية وسامية تعلمنا منها الكثير

من صبر وحلم وسعي وراء الوصول ,,, أسسنا مجلتنا على أسس وقواعد

رسمها من بنات أفكاره .. لنرتقي .. ونتصدر المقدمة دائما ..

قد نكون قد قصرنا وباطأنا وتكاسلنا عن واجبناتنا اتجاه مجلتنا ولكنه

من حرصه الشديد .. تكلم وناقش ووبخ .. وكل ما حدث ليس من فراغ

ولكن من الحرص على ركائز رسخها ويسعى لإكمالها ...

ويا للأسف قد نسي هذا الحرص ولم يؤخذ بعين الاعتبار ..

ولم يفاجأ إلا بتهجم غير متوقع من الأعضاء..

قد يكون قد أخطأ ولكن ما الذنب الذي اقترفه هذا الانسان الراقي السامي
والمبدع ؟

إننا حقا معك يا انسان ونعتذر عن كل الصور المزيفة التي نسبت لك التي لا

تليق بفكرك ومقامك ..ونعتذر عن كل ما بدر منا بقصد أو غير قصد ..

لا أعرف ما يمككني قوله وما يمكنني فعله ..

ولكننا في يوم من الأيام كنا نُحسد لأن انسان محروم بيننا ..

وأود أن اذكر بشيء أخير

( إياكم والظلم .. فإن الظلم ظلمات يوم القيامة)

اختكم في الله

الوسنى __DEFINE_LIKE_SHARE__

دكتورة_الحب · 02-29-2008, 10:19 PM

السلام عليكم ورحمه الله ...

موضوع مهم وايد ... مع اني ما اعرف السالفه ... ولا اعرف ليش وقفو المجله بس فهمت من

كلامك انه انسان محروم انقهر من شي وكتب موضوع وردو عليه الأعضاء والاداره بقسوه ...

وانا ردي ع هالشي .. انه لازم كلنا نعرف انه انسان محروم ذخر للمنتدى ... وانا نفتخر انه عضو

فمنتدانا .. بذل كل مجهود ليرتقي بمنتدانا .. ابدع في طرحه .. قوا ارادتنا .. كان نعم الأخ ونعم القايد

كان لنا قدوه ومثل يحتذى به .. وعمره ما تريا منا كلمه شكر او ثناء .. عضو مبدع بمعنى الكلمه

ويستحق منا كل تقدير ...

ليش ننسى كل هذا ونشوف جدامنا الصوره السيئه وبس ... ليش ما نغفرله زله في لحظه غضب ...

يعني خلاص؟؟ اذا غلط غلطه وحده ننسى كل اللي سواه ... ننسى كل جمايله ...

والرسول -صلى الله عليه وسلم- قال : "التمس لأخيك سبعين عذرا"

واحنا ما التمسناله عذر واحد وبدون تفكير كانت ردودنا جارحه .. صح اني ما قريت الموضوع ولا الردود ..

بس احين من موضوعك حسيت فيه ... اكيد انسان انجرح من ردهم ...

وانا يا خوي انسان محروم اعتذرلك عن هالخطأ اللي بدر منا .. واتمنى تعذرنا ..

بس لازم اتعرف انه احنا كلنا اهني فالمنتدى من اعضاء واداره نكن لك احترام و اخوه و لك معزه خاصه

فـ قلوبنا ... والسموحه منك اخوي انسان ...

اشكرك اخوي مختلف ع الطرح ...

تقبل مروري ... اختك ... __DEFINE_LIKE_SHARE__

دموع ميره · 03-01-2008, 08:49 AM

الله يخليك اخوي مختلف...

ومثل ما قلت انسان اخوي اللي ما ولدته امي
واقوله اذا العالم كله ضدك فتأكد اني معاك سند دنيا واخره...

تقبلوا احترامي...

دموع ميره __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
۝۩۞\|\|\|۝ لبــــس الصلاة & جهــاز ذكر الله ..... والسعر مفاجأة ۝۩۞\|\|\|۝	محروم.كوم	منتدى أخبار المواقع والمنتديات العربية والأجنبية	0	07-02-2010 03:10 AM
۩۝۩ سيرفر كأس العالم 2010 التجربة قبل الإشتراك ۩۝۩	محروم.كوم	منتدى أخبار المواقع والمنتديات العربية والأجنبية	0	05-25-2010 10:50 PM
۩۝۩اول سوق ماركات في الشرق الاوسط ۩۝۩	محروم.كوم	منتدى أخبار المواقع والمنتديات العربية والأجنبية	0	04-07-2010 07:40 PM
₪۝ احساس صوره ۝₪ .. مع كــاتب وصــورة .. ( للجمــيع )	~ al sha3er ~	شعر و خواطر	153	10-18-2009 11:05 AM
۩۝۝۩مـوسوعـة الصــلاة۩۝۝۩ دمج كل ما يتعلق بالصلاه	wa7sh	الإسلام والشريعة	399	09-17-2008 02:13 AM