• رواية : (( أخبرتك . . أن لا تحاول الاقتراب منهُم )) بقلميَ ، - الصفحة 14

أسرار قلب · 03-06-2014, 10:05 AM

السلام عليكم ورحمة الله وبركاته ،

عساكم بخير شكراََ ع المتابعه
ومثل كل مره البارت اذا خلصته اليوم بحطه لكم ،
أو يوم الجمعه .. كونوا بالقرب .. __DEFINE_LIKE_SHARE__

أسرار قلب · 03-07-2014, 06:24 PM

البارت الثامن :

.

.

.

..

( وتستمر الحكاية )

قلت : منو ميرووه !!

.. . : راشد ؟

انصدمتت : غاليه !

غاليه ومتوتره : هيه .. أناا

قلت : شوتسوين في هالليل في المطبخ ..

ردت : ماشي أشرب ماي ..

التفت : زين أنا عيل بروح ..

تحركت بس هيه رمست : راشد .. خالد هددني !

ماقدرت أكمل دربي التفت : في شو هددج !!!!!!!!

ردت : بالطلاق ..

إنصدمت : شوووووه !!!!!!!! يستهبل .. " عصبت فجأه وماقدرت أمسك أعصابي "

غاليه بضيقه : ليش رديت ..

حسيت انها تلومني يوم قالت جيه : تلوميني أنآ ؟.

تمت ساكته .. ظهرت من المطببخ شافتني مريومه : رشووود رجعتتت !!

التفت لهاا .. : هيه توني ردييت ..

مريومه وباستغراب بعد ماسمعت صوت من المطبخ : منوو فالمطبخ ؟

انا قلت : منو .. مدري

مريومه : كيف ماتدري هههههه

شوي وظهرت غاليه .. طالعتنااا .. مريومه كانت مصدومه واطالعني .. !!

عقب غاليه تحركت راحت تصعد الدري .. مريوم مسكتني من ايدي وهمست : خااالللد لو هنيه ع طول بيعصب ,,

قلت : ليش انا اشو سويت حرمته بروحها ترمسني .. دخلت المطبخ وهيه كانت موجوده وبعديين بلاج تطالعيني جيه .. حسستيني اني مسوي شي .. وأنا توني وصلت البيت ؟؟

مريومه : خلالاااااص بسوي عمري ماشفت شي .. أصلا المفروض خالد يظهر هو وحرمته من البيت ..

رديت : وليش تقولين لي هالكلام .؟؟

مريومه : نسييت يعني ..

قلت : وشو الي بنساه ؟

مريومه بعناد : تذذكرر بروححك .. أنا بردد ارققد أحسن لي ..

ضحكت : هههه يالله ارقدي زين .. بدال دور الجاسوسه

مريومه وتقرصني في ايدي : دببببببببببببببب بااجر لاتنساا راحيين العيين ..

تثاوبت : الله كريييم يالله رقااددد ..

طالعتني وقالت : أوككككك تصببح على خيييييييييرررررر ..

رديت عليها : كوابيس لج عزيزتي ..

***

(( اليوم الثاني ))

سأتغير من أجلك !

فإنت من إخترتي ذلك ، لا تلوميني ولم ألومك ..

قمت الصبححح نعساااااانهه واحااتي عهوود شو صاار معاهاا .. الله يعيينهاا

اكييد مضايقه من عمرهاا بعد الي صار .. الحمدلله يارب على كل شي انا مامريت

فلي هي تعانيه فالحمدلله .. عدلت شعري وظهرت من الحجرره يالله من الفير لين الحين

وانا اقاوم النعاس مافيني ارد ارقد .. شفت فوني ، محد متصل والبي بي ام ازعااجج حطيته

عالسايلنت .. ويلست فالصاله سويت لي شاي حليب ..

كنت كالعاده اسمع صوت سوالف اميه وعموه في المطبخ ههههههه كل شوي سالفه ..

وعلاوي ياللس في الميلس أظن يلعب كل حياته لعب ،

الاجاازه ممله .. ان شاء الله عمي مايزعجه تواجدنا ف بيتهم كم يوم

سمعت صوت خالد : السلام عليكمم

رديت : وعليكم السلام صباح الخير ..

خالد ويقرب صوبي : ميرره شو سالفت روحتكم للعين ؟

قلت : والله ماشي بنروح نغير جو شوي كم يوم ليش؟

خالد : وراشد معاكم ؟

رديت باستغراب : لا هو بس بيوصلنا ..

ملامح ويهه تغيرت : يصير خيير " وظهر "

شكله رايح الدواام .. بس بلاه جيييه كأنه معصب من راشد .. فجأه تذكرررت ليكوووون علشان غاليه

معقولة راشد جيه يالس يفكر .. لا لا مستحييل اصلالا هوو ليش يفكر فييها الحيين ! يووم بيررد من الدوام بكلممه ..

.... : شو صااير ..

رديت : علاوي .. ماشي

علاوي وياشر : خالد توه خطفف شو قالج ؟

سرحت افكر أقوله ولا لا ..

علاوي فجأه طاحت عيونه بعيوني مستغرب عقب ، ضحك : هههههههههههههه حووو سرحانه

رديت : هااا لالالااا محتاره ف شي ..

علاوي : سرحانه في اخوج المزيون صح ؟

ضربت على كتفه : خفففف علييناا .. لا بس ف سالفة

علاوي وباهتمام : شو خبريني ..

قلت : موضوع روحتنا للعين .. كم يوم عساس تغيير الجو خالد مستغرب..

علاوي كأنه فهم شي : مستغرب ولا لان اقتراح من راشد

ردييت : اووووووهوووو والله مدررري اناا برووحح اطمن على ربيعتي احسن ..

تحركت رحت حجرتي ..

يلست أفكر رشو السالفة معقولة بنرد للسالفة الجديمهه .. وبعديين خالد غلطان

مفروض يطلع من البيت شو الي جابرنه ييلس هو وحرمته معانا في البيت .. !!

***

ما أغرب بعض المواقف عندما تحدث وكأنها

تجعلنا ننتبه لأمور كثيرة قد نجهلها .. وكأن

هنالك في كل يوم أمر علينا أن ندركه ..

(( في الداوم ))

يالس اتأم اليهاال الي جدامي .. حاووولت استوعب شو يايبنهم هنيه !!

.. : مرره ثااانيه منوو انت ؟

رد بحماسس : اناا حممد وهذاا اخوي الصغيير عبوود

أنا واضحك : هههه ماشاء الله وكاشخييين بعددد

ابتسم : منووو انتتتت ؟؟؟

رديت : وانا رااشددد .. زين قولي حمدد انتوو شو تبوون ومنو يابكم هنيه !!

التفت كان يدور شي : امييه قالت نتظرهاا هنيه ..

انا باستغراب : أمك !!!!!

حركوا راسهم بمعنى هنيه .. أنا مستغرب من متى مسموح بيهال هنيه ،

هذيلة الي عمرهم جنه 7 سنوات وخمس !! رديت : انزيين ياشطاار وين رااحت أمكم؟

سوو حركه بمعنى ما أدري : حطيت الاوارق عالمكتب وشليتهم يلستهم عالكرسي : خلكم هنيه بدور امكم ..

حمد يطالعني : عميي اميه قالت بروحها بتييه ..

أنا التفت ورحت صوبه .. : عمي " واشترت على نفسي " أنااا مب عمممككك !!!!!!!!!

عبود من سمع صوتي بدأ يصيح !!!!!!!!!!!!!!! ابتلشت كيف اسكته : خلاص خلااااص اسكتتت ..

أناا الغلطاااااان ... خلااااصصص .. اوهوو .. انططمن ولا بتنضررب ..

حاولت أسكته بس مايسكت ليين حمد راحد عنده ..

حمد يلس يسكته وعقب سكت .. تنهدت : تدرون ما اعرفكم ولا تعرفوني ..

وعقب رحجعت مكاني وقلت في داخلي " ماا احبببب اليهاااااااااااال صداع "

مر الوقت وهم يطالعوني وأنا اشتغل كل شوي التفت لهم : لا تطااعووونييي ..

وأكمل شغلي .. لين مر وقت وايد استغربت وينهاا امهم .. محدد غيرها ام حمد

أكيد هذيله عيالهاا ولو عرف المديير اقل شي يطردهاا !!

حمد : عميي .. عندك ماي

رديت : لاتقووول عم "كنت بكمل بس هديت ، عن يصيح اخوه " حبيبي لاتقول عمي زين قول اخوي أي

شي بس لاتقول عمي تحسسني اني عوود .. ماشي ماي اصبر لين اترد امك قول لهاا ..

حمد تحرك كان يبي يطلع بس قلت : تعاااااااااال وييين راايح " قمت مسكته " ارجعع مكاانكك

حمد ويعااند : ابييي اييب مااااااي

قلت : زييييين ايلس مكاانك وبقول لهم اييبون لك ماااي زييين

حمد : زييين بسرعه ..

رجعت مكاني اتصل اييبون ماي .. بعد يتشررط بسررعه ،

يلست مكاني اراقبهم !! كان هدووووووووووووووء محد غير هالكائنيين !!

شوي وشرفت أمهم : السلام عليكم ..

اشوف اليهال ركككض امييه وامييه ..

طالعتهاا : انتي تدريين ممنوع اليهال ولا كيف وضعج ؟

ردت علي : أعرف .. بس شو اسوي مجبوره ..

قلت : ويين ابوهم !!

ماشي رد .. شلت عبوود بعد ماحطت اغراضهاا .. ويلست اتسكته ، عقب عطتهم بسكوت مدري شوو !!

قلت : المدير شوي وبيووصل ..

بدأ التوتير: شووو بسويي الحييين ..!!!!!!! "عقب التفتت لي"

رديت : شوفي انااا لا أعرفج ولاتعرفيني لاتورطيني معااج ..

قالت : تقدر تظهرهم من هنيه قبل لا يوصل المدير ،

رديت : لااا

قالت : هالمرره بسس ..

ردييت : لاااا ..

شوي اشوفهاا تتحرطم بصوت مب مسموع !

قمت ورحت فتحت الباب .. وعلى حظهاا المديير وصل بس يتكلم مع موظف واشر ليي ارد داخل ..

قلت : شتتت المدييييييير هنننييه !!!!!!!!!!

هيه خااافت نزلت عبوود ويلست تقولهم لاتتكلمون ..

كنت محتار اساعدهاا ولا لا .. !!!!!! عقب قلت : عبووود وحمممد انخشوو تحتت الطاوله ..

هيه طالعتني باستغراب !!!!!!!!!!!!!!!!!!!!!!!

انا تحركت بسرعه وحطييتهم تحت الطاوله مال مكتبي .. شوي ودخل المدير شافنا واقفين عند الباب ..

طالعنا باستغراب !!!!! : شو بلاكم واقفين جيه .. ؟؟

رديت : صبااح الخيير " ابتسمت " ام حمد كانت تتريااك عسب تروح معاهاا وتراوييك الأثاث الي اختارته ..

هيه فهمت علي كملت : هيه .. اذا ماعليك امر ضروري تشوف الي اخترته .. قبل لا نوقع الموافقه مع الشركه ..

المدير : أها .. يالله مب مشكله راشد انت خلك هنيه عندي موضوع مهم معاك عقب ..

رديت : هاا هيه ان شاء الله ..

عقب ظهروا ..

ياااربي لييش ادخل في شي مايخصني !! حسيت بندم منو تكون هيه عسب اشوف عيالها !!

رحت لليهال : هاا رقدتوو ..

كانو يطالعوني ببراءة !!

أنا : يالله تعالو باخذكممم معاي ..

حمد ومستغرب : وين بنروح

رديت : أمكم قالت بتتأخر شوي ف تعالو معاي زين ..

حمد : لااا

تنهدت : يالله " مسكته من اييدهه وشلييت عبوود "

ظهررت بسرعه قبل لحد يشووفنيي انتبه علي واحد من المظفين : رااشد !!

سويت عمري ماسمعت وشررده ههههههههه والله انا ناوي على عمري .. توهقت

لين ماظهرت .. حسيت كأني حرامي ولا شي .. الله يسامح الي كان السبب ..

وحمد طفرني كل شوي يسأل .. مايسكت !!!!!!!!!! اريد اصررخ عليه بس أخاف يصييح مب نااقص ..

رن فوني .. ركبتهم في السياره ورديت كان حمود : هلا حمود

حمود : ويييييييييينكككك !!!!!!!!

رديت : ويين بعدد فالدواام .. متوهقق

حمود ومستغرب : بشوو !!!

رديت : ههههههه قصه طويله حمود كيف علاقتك مع اليهال !!

حمود : يهاال شو ماافهمتت !!

رديت : اووهوو انت ويين ..

حمود : ويين بعد ادور شغل مع خالي وجي قلت بتصل لك

قلت : تدريي خلاص عقب نررمس .. يالله في أمان الله .. سمعت صوته يقوو لحظظظه .. بس سكرت

ههههه ادري شو يفكر يباني اسوي له واسطه ..

ركبت السياره وشغلت المكيف ..

حمد : عمييي لييش نحن في السياره ؟؟

ردييت : وييين تباااناا نكووون يعنيييي!!!!!!!!!!!!!!!!!!!!!!

حمد والدموع في عيونه : وييين اممييه

رديت : الحيين انت مب ياااهل تصييح خلللك ريااال ..

حمد : أنا رياال أصلا

انا هنييه متتتت ضحككككك ههههههههههههههههههههههههههههههههههههههههههه

رديت : احلف انتت .. هههه يالله الحيين شو اسوي فييهم هذييله ويين افرههم ..

دخلت وسكرت باب السياره .. ويين اخذهمم !!

مب معقوله بتريااهاا لين مايخلص الدوام ..

التفت لحمد : تعررف رقم امك ؟؟

حرك راسه بمعنى هنيه .. " عطيته فوني " اتصل لهااا وقول لهاا اتييه تاخذكمم ..

خذا فوني واتصل ..

اسمعه يقول : الوو .. امييه يووعاان .. ماا ادريي

يلسس يتكللللللم في اشيااااء ثاانيه سحببت الفوون ،

وقلت : الووو .. تعالي اخذي عياالج

ردت : زين .. شوي وبظهر ..

رديت : زين استعيلي مقدر اخليهم جيه في السيااره ..

ردت : دقايق " وسكرت"

التفت وراي شفت عبود رقد !!!!!!!!!!!!!!!!!!!!!!!!!! : لاااا والله ..

كنت مضاايق من الوضع ابد مب عايبني اني اتوهق في هالامور ، أقول في نفسي لييش مستوي طيب فجأه

وتساعد الناس .. " التفت لليهال " : الحين بتييه امكم ..

مرت ربع ساعه ووصلت أنا ظهرت من السياره وشليت عبود : وهذااا وللدججج

عطيتها عبود .. وقلت : وهذاا الثااني الي طفرني .. سلاااام

تحركت ارد الشركه ، مدري ليش التفت لوراا شفتهاا واقفه مع اليهال !!

وقفت لحظاات أشوف شو بيصير !!

بس بعدهاا واقفه شو السالفة .. شو تترياا ، شوي وتحركت وراحت سيارتهاا ..

رجعت للشركه : شو سالفهاا هذي .. شتت المديييرررررررررررر

لحقت عليه وتم يناقشني في موضوع المشروع .. وانا أصلا مخي مب معاي!!

***

لا ترجع للزمن ... لأن ما رحل لن يعود

لان الذكريات مجرد شريط مر بسرعه ،

ولان ما يحدث الآن هو نكران الحقيقه الماضية !

(( في البيت ))

واخيراا خلصت دوام ارحت في البيت كم ساعه ..

وعقب شلو اغراضهم وحطوها في السياره .. عسب باخذهم بيت عمي ،

يلست في الصاله اترياهم ..

طالعت الوقت الساعه خمس .. شككلهممم مطوليين ..

شوي نزلت ميره وعلاوي ،

قلت : وييينهمم

ميره : يتلبسن ..

رديت : رايحيين عرررس ؟؟

علاوي ويضحك: ههههه والله تدري هالبنات دوم جيه "ميره ضربته ف بطنه "

علاوي :اخخخخخخخ

ميره : انزببببن ..

دخل خالد وييه صوبي : راحيين بيت عمي ..

رديت : هيه شو المشكله ؟

خالد : وانت ليش مابتم معاهم ؟؟

قلت : شي راجع لي ..

خالد وتنرفز : شي راجع لك ولا عسب تستغل محد موجود ..

قلت : خالد انا اخوك العود .. فاحترم هالشي ,

خالد وماسك عمره : وانت من متى تعرف للاحتراام بعد ماارحت ثلاث سنين برع ؟؟

قلت : ثلاث ولا اربع ..هذي حياتي وانا حر وبعدين ليكون علشان حرمتك ؟؟ تغار

خالد بعصبيه : لا تتكلم عنهااا ..

ضحكت : ههه ابوي صدقني انا ماتهمني واذا يرضيك بتم معاهم في العين ومستعد اخذذ درب طويل للدوام ..

خالد : مابي كلام اذا قد كلمتك ابي فعل ..

شوي ودخلت غاليه شافتني عقب نزلت راسهاا كانهاا خايفه ..

ميره :بلاككم يالله رااشد نزلت مرييم وعنود ..

تحركت : هذاا السويج روحو السياره .. باخذ ثيابي معاي ،

مريومه مستغربه : لييش رشوود بتممم معاناا ..

التفت لها : هيه .. يالله دقايق وراد !!

تحركت رحت حجرتي احط ثيابي واغراضي في الشنطه ..

هه والله خالد يالس يفرض كلامه علي ..

عقب ظهرت من حجرتي كانو واقفين عند الباب ..

شفت ابوي واميه سلمت عليهم عقب رجعت للسياره وتحركناا !!

محد فيهم تجرأ يسألني شي مع أني شفت في عيونهم كلام ..

***

(( عند عهوود ))

دخلت الحجره ..

ابوي : هلا بنتي .. اباج في موضوع

عهود : ابوي اذا عن خالتي ف والله هي بروحهاا قالت ماتبي الشي ..

ابوي وابتسم : الموضوع مب عن خالتج الموضوع عنج

استغربت : انا ؟

ابوي : هيه انتي .. تبين تكملين دراستج ..

رديت : ماتفرق ..

ابوي وباصرار : قولي تبيين ولا ..

رديت : لو ابي مابقدر اشد حييلي ...

ابوي : خالتج وافقت ومن الأسبوع الياي بتعتبر مثل امكم ..

انا انصصصدمممممتتت شووو وكلام خالتي لي قبل ؟؟؟؟؟؟؟؟؟؟؟؟؟؟؟؟؟؟

ابوي ويكلم كلامه : خواتج .. بتهتم فيهم خالتج وانتي شدي حيلج وكملي دراستج

رديت : بس ..

ابوي يقاطعني : بدوون بس واذا مابتكملين بنزوجج ..

انا انصدمت شوا لسالفه ليش يخيرني بالدراسه والزواج كانه ماايبيني اتم في البيت ..

كنت مصدومه معرف شو ارد ولا شو اقوول ...

ابوي : شول يش ساكته ..

رديت : براحتك ابوي الي تبيه بيصير ..

ظهرت من حجرته وانا مصدومه .. شو الي تغير جأه ماحسيت بعمري الا وانا اتصل

لميره ..

ميره : الووووو .. وييييييييينججج

قلت : مييره ماتتصوريين شو صارر

ميره بخوف : بسم الله شو صااير ؟؟؟

قلت : ابووي يبي يزوجنيي وغير جيه اكمل دراستتتي وخاالتي طلعتت مواافقهه وكلامهاا ليي

كاان ماله أي معنييي .. مدرررررررري ليييش قصصصت علي !!!!!!

ميره : شووووووووووووو !!

" مريوم وعلاوي والكل الي فالسياره التفتوو لهاا "

طالعتهم : ماشي سوري ارمسس ربيعتي .. عهوود من صجج؟؟؟

عهود بحزن : هيه تخيلي ..

رديت : الله عيييينجج زين لييش جييييه فجاه ؟؟؟

عهود : والله ما ادري ابوي مب ثابت ع قرار كان مايدري شو يسوي والحين كان يقول

اذا انا رافضه خالتي اطلع من البيت او اتزوج .. يحسسني اني حااجز في حياااته ..

رديت :لا حلوه ولا قوة الا بالله .. يالله ماعلي صبري لاتتستعيلين .. وبعديين اذا بيزوحجج منو يعني بيكون ؟؟

عهود : والله مدري ..

قلت : خلاااص لاتفكرييين الحييينهه .

عهود بحزن : بحاول .. !!!!!

قلت : اوكك .. مااعللي لاتحاتين زيين؟؟
ماششي ردد ..

قلت : الوووو ؟؟؟
ماشي رد
كملت : عهووووود !!!!!
__DEFINE_LIKE_SHARE__

أسرار قلب · 03-07-2014, 06:28 PM

السلآم عليكم ورحمة الله وبركاته ،

شحاالككم عسااكم بخير ؟

وكييف الدرااسةة ان شاء الله مب
كراف شراتي ههههه والله يعينكم جميعاً ،

قراءة ممتعه للبارت وإن شاء الله تتحمسون

أكثر لأبطالنا =) وابي تفاعل وحماس عسب
أستمر هالمره مابحط البارتات الا لما اشوف
تفاعل > تهدد هههههههه

والسموحه =) في إنتظآر رايكم ..
__DEFINE_LIKE_SHARE__

S3ad · 03-07-2014, 09:31 PM

حلوو البارت تسلم اناملج أتمنى لج التوفيق احس راشد حق ربيعه ميره اتمنى هو ياخذها __DEFINE_LIKE_SHARE__

Amooon_Alnahdi · 03-07-2014, 10:41 PM

تسلممين على هالبارت الأكثر من رائع . .
بالنسبه للتوقعات؛
اتوقع ان راشد اول خطب غاليه ورفضته وعقبها خالد خطبها و وافقت وخالد على باله ان راشد للحين يبيها وجي . .

عهود: اتوقع ابوها سمع كلامها وسحب السماعة او خالتها . .

عنود: اتوقع بتصير مواقف هناك بينها و بين الدكتور . .

ام حمد: عندي احساس اها مطلقه وهي عايشه مع عيالها بروحها عشان جي ماعندها احد تخلي عيالها عندهم فيابتهم معها وشسمه اتوقع آخر آخر شي بتكون ل راشد . .

ووبس هذا اللي عندي فأنتظظار البارت الياي بحماس . .
ويعطيج العافيه.
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
يا أمه الأمجاد أين رجالُك أم أنهُم باتوا كما النِسوان ..	محروم.كوم	منتدى أخبار المواقع والمنتديات العربية والأجنبية	0	09-22-2013 06:40 PM
( فن الاقتراب )	ما تنحني هامه إلا لخالقها	الإسلام والشريعة	6	06-10-2012 07:27 AM
آهدآء من ؟؟؟؟؟؟؟<> بقلميَ	ما تنحني هامه إلا لخالقها	شعر و خواطر	1	06-02-2012 06:01 PM
رواية جديدة للدكتورة ناعمة الهاشمي 2012 تعالوا يا بنات رواية شما وهزاع احلى رواية	محروم.كوم	منتدى أخبار المواقع والمنتديات العربية والأجنبية	0	04-21-2012 05:50 PM
(( سيُـآرة لِمْ يُصنع منهَآ فِ العآلِمَ سؤىَآ ؤآححِدَةِ ! ))	ذيبہـة شّےـوِٱمِےـسًے	سيارات و دراجات	9	11-11-2011 12:27 AM