...||~...ويـــنـــكـ,, يـ,,ـا عــ.هـ.ــد الــؤوفــ,,ااء...~||...

3yo0oneh.ana · #1 06-02-2009, 12:31 AM

...||~...ويـــنـــكـ,, يـ,,ـا عــ.هـ.ــد الــؤوفــ,,ااء...~||...

.
.
.
.
.
البارت الاول

حدر سعيد البيت و كان منهد حيله...
سعيد و هو يحب راس امه و ابوه:مرحبا الغالين شحالكم
هند((ام سعيد)):مرحبا ابوية يسرك حالنا...شحالك انته فديتك
سعيد:و الله يا امايه منهد حيلي..ابوية شحالك فديت خشمك
راشد((ابو سعيد)):بخير يعلني افداك...شو فيك فديتك شكلك تعبان
سعيد:و الله يا بوية منهد حيلي متى بس اخلص و افتك من هالكلية
بوسعيد:ماعليه يا ولدي مابجا شي الا هي هالسنة و بتفتك..
سعيد:ان شاء الله ... يلا انا بترخص بسير اوطي راسي..
ام سعيد:ما ببتغدى ؟؟
سعيد:لا امايه..بس وين الزينة؟؟
ام سعيد:بعدها ما ظوت من الكلية...دقتلي و قالت لي ان دوامها بيخلص 5
سعيد:الله يوفجها...تصدقون اني تولهت عليه
ام سعيد:كلنا فديتك متولهين عليها..

نش سعيد..و سار حجرته يستريح و يعين من الله خير..

سعيد انسان طيب و حبووب..ملامحه هادية..عيونه بنية و شعره اسود شعره هب وايد طويل....اقرب الناس له ولد عمه مكتوم...و هم بس عنده عم وااحد وولد عم واحد و ماله غيره...يحب اخت مكتووم و اسمها حمدة...((بتعرفونها بعد اشوية))سعيد يدرس في تقنية دبي...ويا ولد عمه مكتوم...و عمره...22..و هالسنة انشاء الله بيتخرج منها.. و عنده بس اخت وحدة و اللي هي الزينة...

في جامعة زايد..للبنات

الزينة:عووش والله يووعانة طوفي خلا نسير ناكل
عاشة ربيعتها:صبري بنتريا بنت عمج بلاج
الزينة:رووضة بتي..بدقلنا و انا بقولها
عاشة:ياربي ليش جيه انتي هيدي الاكل ما بيطير
الزينة:عاشوو و الله بجتلج بروحي ميته من اليوع
عاشة تحب تغلس عليها:سيري رووحج
الزينة:اوك بسير بروحي و لا تين ترمسيني و لساني ما يدق لسانج و لا اعرفج و لا تعرفيني انزين...انجلعي مناك مادانيج
مشت الزينة عن عويش و هاييج ميته من الظحك عليها...

الزينة...و عاشة ربع من زمان مب بس من ايام الثنوية...هم ربع من صف سادس ابتدائي..هي و عاشة وروضة كانو شلة...زينة بيضة و خشمها سيوفي...شعرها اسود شليلي...طويلة و جسمها و طولها متناسقين...روضة تستوي بنت عم الزينة...اخت مكتوم... و هم الحينه اول سنة في التقنية تأسيسي...اما حمدة اللي هي اخت روضة فهي اكبر عنهم...و باجي لها سنة و بتتخرج^^

سارت الزينة و هي معصبة و حطت لها الاكل...و يلست تااكل بشراهه هي صدق يووعانة و ما كانت متحمله اليوع اللي تانسه...

يتها روضة ووياها عاشة و روضة شكلها تمسك ظحكتها

روضة:بلاج زينوو عووش الا تتمصخر فياج...و انا ما كنت ببطي عليكم..

الزينة:صخي لا اصنج الحينه...و هاي لا ترمسني و لا يخصني فيها
عاشه:هانت العشرة
زينوو:هيه هاانت اقولج بمووت من اليوع و يالسة تغلسين عليه..
عاشة:زينوو عاد... يهنيج بدووني تاكلين..اصلن حياتج بدون تغليسي عليج سلطة
زينو ابتسمت:جب جب...بروحي متغصصة من حركتج

عاشة ربيعتهم حبووبة و حليوة...عيونها عسليات و شعرها بني طويل...اشوي متينة بس هب واايد...اما روضة ملامحها وايد حلوة...شعرها اسود غليظ قصير مب وايد طويل...عيونها سود و كبار ما تحتااي جحال من غلظ رمووشها...خشمها حلوو.. و ما تزيد من الحلاة عن الزينة...

عاشة:حمدوو شوفي بنت عمج زعلانة مني
حمدة:مرحبا بنووتات...شبلاكم...بلاج زينوو على العاااش
زينو تخبرها السالفة
حمدة:هههههه واعليه عنج عيل يغلسوون عليج
زينو:و انتي داايرة ويااهم ثرج..عيل التقعي ماريد اشووف شفتج..
حمدة:حرام عليج انا شو سويت لج...ها يزاية معورة قلبي
ابتسمت زينة و يلسوو يظحكون عادي و لا جنه شي...هم اتعدوو على هالشي لأنهم
دومهم جذه...
حمدة..اكبر عن الثلاثي المرح...هي ملامحها حليوة بس الغرور مخرب عليها واايد مغروورة...و سعيد يحبها...بس هي مغترة بحبه لها...عسب جيه مب عاطية اهتماام له...كثر ما هو معطنها...

نرجع للبيت...

ع الساعة 4:30 رن فون سعيد..و هو كان تعباان ماوده يرد عليه بس اضطر خاف انه يكن شي ضرووري...

سعيد بصوت مبحووح:الووه
مكتووم:قم فز..شعنة رااقد لين هالحزة
سعيد:شعندك خلني رااقد..
مكتووم:قم نش يلا مواعد الرياال انا ولازم تخاويني جدااه
سعيد:وين مواعدنه
مكتوم:في مركااتو
سعيد:مكتووم انا تعباان مافيني حيل اقووم سير رووحك
مكتوم:نش يا ريال عن الغلس
سعيد:خلاص بنش بنش
مكتوم:لا تقول بنش و ترد تنطبر قوم و انا وياك ع الخط..لين تحدر الحمام((عزكم الله))
نش سعيد و هو يتسحب و طلع اغراضه من الكبت
سعيد:ها يلا اجلب ويهك بدش الحماام(عزكم الله)
مكتوم:باي

سكر سعيد..و تلبس...و ظهر..تعطر و لبس كاابه و شل تلفووناته و سويجه و نزل ع الدري...
.
.
.
.
نهاية اول بارت
بصراحة انا ماعتبره بارت...
اتمنى الشخصيات عيبووكم...
و باب النقد مفتووح للجميع^^

أختكم عيونهـ انا ..~ __DEFINE_LIKE_SHARE__

كليـ ـغلا · 06-02-2009, 01:24 AM

البارت حلوو وما عليه كلاام و الشخصياات روعه ..

يسلموو ع القصة وننتظر البارات اليايات .. __DEFINE_LIKE_SHARE__

3yo0oneh.ana · 06-02-2009, 11:53 AM

مشكوورة حبوبة ع المرور

و حياج الله ^^ __DEFINE_LIKE_SHARE__

3yo0oneh.ana · 06-03-2009, 07:56 PM

البارت الثاني..
.
.
.
.

الموت ما هو طعنت السيف والرمح الموت عينك يوم ترخي هدبها.
.
.
.
.
سعيد رفع عينه و ابتسم...:هلا بهالشوف
الزينة:بالمهلي
سعيد:شحالج ختيه
الزينة:يسرك..ها اشوفك ظاهر
سعيد:هيه و الله مستعيل اشوية..تامرين بشي
الزينة:لا فديتك..تحمل على عمرك
سعيد:قولي حق اميه انا بيي ع العشا
الزينة:اذا ما رقدت
سعيد:ههه يلا بااي

طلع سعيد و سارت الزينة حجرتها
.
.
.
في بيت مانع((عم سعيد))

مانع((بو مكتوم)):مكتووم..ابوية وين ساير
مكتوم:مواعد الربع في مركاتو..خير ابوية بغيت شي
بو مكتوم:لا بس اتخبرك..ما بتمر ميلس قوم بن ظاعن اليوم
مكتوم:بشوف سعيد..و نحن طالعين من مركاتوو اذا شي وقت بنمر هنااك
بو مكتوم:خلاص عيل...انا بكون هناك

مكتووم..انسان حبووبة بطبعه..فرفووشي ويحب السوالف..ابياضني عيونه كبار
خشميه سليل و سيووفي..يشبه في ملامحه رووضة..متين اشوية و طويل..
و هو اقرب وااحد لسعيد..و هم بعد ثلاثي مرح و ما يكتمل عددهم الا بولد خال مكتووم خليفة...و بتعرفوونه خلااال الاحدااث

مكتوم:حووه وينك
سعيد:عند الباب
مكتوم يلا انا ظاهر

طلع مكتووم و ركب السيارة ويا سعيد..

مكتووم:اسميني مرتااح كله عليك اليوم
سعيد:برايه باجر انته بتوصلني الكلية و بتردني و بنسرح عقب بوظبي
مكتوم:شووه...ماروم
سعيد:اص يلا..عندي مشواار في بوظبي ولازم اسويه
مكتوم:امري لله
سعيد:خلووف ماتصل بك
مكتوم:خلووف ابوية في مركااتو
سعيد:ههههه خيبة ليش مجدم
مكتوم:قتله اجدم و نحن بنلحقك
سعيد:هههههه
مكتوم:شغل لنا شي يا ولد الحلال
سعيد:راسي مصدع و هب فايج
مكتوم سوا طااف و شغل السي دي اللي يحبه

و كانت اغنية ميحد بالهداوة بس عوود

يلس يغني ويا الاغنية هو سعيد<<<توة يقول مصدع و هب فايج هع

نرجع لبيت مانع<....~

في حجرة حمدة كانت منسدحة ع الشبرية و ترمس في الفون
حمدة:ها...هيه ليش
......:مادري...بس قولي تحبيني
حمدة و هي مستحية:راااشد عاااد عن الاستعبااط
راشد:قولي عاد تحبيني..؟و لا
حمدة:هيه
راشد:شو هيه؟؟ابا اسمعها يلا قووليها
حمدة بصوت اشبه للهمس:احـبـك
رااشد:واااافديتج انا...
حمدة تمت ساكته و مستحيه
راشد:حبيبتي شو فيج
حمدة:ماشي حبيبي..بس بخليك باجر وراية بروجكت و لازم اسلمه
راشد و هو يطالع فونه..شاف ان في حد ثاني يتصل به...
راشد:خلاص براايج..مرخووصه
حمده:باي حبي
راشد:باي

و بسرعة سكر و رد ع الخط الثاني..

حمدة كانت تجذب..كانت تبا تتهرب عن رااشد لأن سمعت حس برع
و طلعت من حجرتها عسب تنزل اونة تحت تحطلها غدا لأنها ما تغدت

روضة:حمدوو وين سايرة
حمدة:بسير اقول حق البشكارة اتسويلي سندويج
روضة:يالله عليج..شو بيستوي عليج لو سويتيه برووحج بيطيح نصج و لا شو
حمدة:هيه بيطيح
روضة:استحي و خيلي باجر بيخطبج سعيد ولد عمي بنقوله حمدوو ما تعرف تطبخ شو هالفشيلة
حمدة:اخيج انا حمدة بنت مااانع الـ,,,,,,, اخذ سعيد اخ
روضة و هي مبطلة عيونها:ليش شو قاصرنه سعيد اذا انتي بنت مانع هو ولد راشد..و اذا انتي بنت قوم الـ,,,,,,,, هو بعد ولد قوم الـ,,,,,,,,,
حمدة:بس انا ماتنزل اخذ واحد شراته..و بعدين انتي شلج..كيفي حياتي و لا حياتج اففف
مشت حمدة عن روضة اللي تمت منصدمة من حركة اختها...هم راس مالهم ولد عم واحد..و يشدوون به الظهر..عمرها روضة ما توقعت هالكراهية من حمدة لسعيد
لأن طول عمرهم و هم يعرفون ان سعيد لحمدة و حمدة لسعيد
بس الله المستعاان...

عند الشباب...

راشد:هههههههه الا مكتووم ماريت خويكم خليفة
مكتوم:انشد الاخ سعيد قاله اجدمنا
سعيد:اتصلت به قال الحينه يااي
ثواني ماعدن ع رمسة سعيد الا و خليفة ياي
خليفة:السلام على الجميع
و خاشمهم و يلس...
خليفة:يوعاان يالقووم
سعيد:خلووف نش انا بعد يوعان بنسير فرايديز
خليفة و هو يحرك راسه:ماشي اهنه فرايديز يا الخدية
سعيد:خدية محد غيرك نش بنسير اللي ع شارع زاايد
خليفة:مانعزم اللي يبا ايي
مكتوم:ريلي على ريل سعيد
راشد:عيل بنخاويكم
محمد:يلا شبااب نشوو
غانم:لا و الله اسمحولي..انا بسير البيت الوالده ميهوودة و بسير عندها
الكل:مسمووح بالحل
راشد:عيل صفينا انا و غاانم
سعيد:يلا طوفو

طلعو الشبااب من مركااتوو و سارو فرايديز و تعشوو هنااك
ادري بتسألوني راشد هو نفسه اللي يكلم حمده..هيه هو نفسه بس ما كان يدري انه مكتوم اخو حمدة و سعيد ولد عمها

عقب ما خلصو الشبااب و هم رادين البيت
مكتوم:سعوود مر ميلس قوم بن ظاعن
سعيد شعندك هناك
مكتوم:الوالد هناك و قالي انمر هناك اونة بنيلس عندهم شكلها السهرة صباحي هناك
سعيد:خلاص عيل

سارو صوب ميلس قوم بن ظااعن...و اتصلو في خليفة عسب يلحقهم
مرت الايام..وما صادف ان سعيد يشوف حمدة..و كان متوله عليها
و بما ان الكل يدري بحب سعيد لها فسار عند اخته و نشدها

سعيد:زينوو شحال بنت عمي
الزينة:منو فيهم رويض و لا اللي بالي بالك
سعيد:اللي بالي بالج
الزينة:و الله يسرك حالها
سعيد:ما شفتها من زمان
الزينة:بتوصلني بيتهم..عقب صلاة المغرب
سعيد:من عيوني..
الزينة:خلاص تم
.
.
.
.
بعد صلاة المغرب..تلبست الزينة..و وصلها سعيد بيت عمها
الزينة:صبر بتصل فيها بخليها تستقبلني
سعيد ابتسم لخته...لأنها حاسة فيه
اتصلت الزينة في حمدة
حمدة:مرحبا
الزينة:حمدوو تعالي استقبليني انا عند باباكم
حمدة:ههههه و انتي مب غريبة حيااج
الزينة:مالت عليج من زمان ما ييتكم
حمدة:انزين يااية

سكرت عنها و لبست شيلتها و نعالها و اظهرت برع

حمدة توايه الزينة:هلا بنت عمي
الزينة:اهلين شحالج
حمدة:اليوم شايفتنج تسألين عن حالي
الزينة:قلت يمكن بعد تمرضين و لا شي..ع الاقل انشدج هههه
حمدة:مالت عليج

و هاكله و هي تحاول تتحاشى سعيد اللي كان واقف حذال الزينة

سعيد:شحالج حمده
حمدة في خاطرها من شفتك تكدرت...و هي ترد بباتسامه مصطنعة:بخير
سعيد:عساه مديم الحال

استغرب اسعيد..ليش ما نشدتني عن حالي...بس فسر هالشي ع اسااس انها مستحية

طلع سعيد من بيت عمه و سار البحر...تم يالس هناك يطالع البحر...حس في داخله شرات السجين اللي يطعنه ماعرف شو هالاحسااس...بس نسى كل هذا يوم تذكر انه شاف حمدة...ابتسم و هو ينااظر امواج البحر..و تمت تترد في داخله اغنية ميحد

ياليت يدري ناعس الطرف وش صار ..
ان كان ما خلاني بجو خالي ..
لانه يعرف اني من الناس مختار ..
غيره ولا ابدل سواهم بدالي
ليته نشد عن حالتي وتيه الاخبار ..
ويشوف مضنون الحشى كيف حالي ..
هو نور عيني يالغلا وزهوة الدار .
في بعدهم ضاق الفضا والمجالي

ااااه يابحر...

انتبه سعيد على فونه اللي كان يرن

سعيد:الو
مكتوم:حرقت تيلفوونك عنبو وينك..فلختني ياريال
سعيد:ماشي و الله ع البحر..السموحة منك
مكتوم:توك في بيتنا متى وصلت البحر
سعيد:ههههه وصلت
مكتوم:اخاف تي بيتنا مرة 2 و ترد تسير القمر هههههه
سعيد:ها ها ها ها ها سخيف ثرك
مكتوم:طالع على ولد عمي
سعيد:الزبدة شو تبا

مكتوم:بنسير اد هاردي
سعيد:انته وين
مكتوم:انا في البيت عقب اشوية بطلع
سعيد:خلاص بوقف سيارتي في بيتكم و بنسرح رباعة
مكتوم:خلاص ارقبك
سعيد:يلا يااينك

نش سعيد..و ركب سياارته و ساار جدا بيت عمه

وصل هناك و نزل من سيارته..و اتصل في مكتووم

سعيد:يلا اظهر
مكتوم:لا تعال فوق اباك
سعيد:انزل سولي درب
مكتوم:يلا ياينك

نزل مكتووم و سوا درب حق سعيد و سارو حجرة مكتووم

اول مادش سعيد:حشا ليش جيه زبالة حجرتك
مكتوم:انت تعرف ان ولد عمك ما يعرف ييلس في مكان الا جالبنه جلاب
سعيد:ماقول الا الله يعين اللي بتاخذك
مكتوم:كل شباابنا جذه انت بس اللي مسولك برستيج..اونك عاد مرتب
سعيد:لا تجمع اقولك..تعال بسحبك و براويك الشبااب المرتبين كيف الا اللي ما يعرفوون يرتبوون شرواااتك هذيلا مشكلة مع اني اظن ان مافي في هالدنيا انسان شرااتك
مكتوم و اونة يغايض سعيد:حلاة الشي ندرة وجودة
سعيد:قصدك عفسة الشي..و بس لا تهذرب واايد...طوف خلا نظهر
مكتووم:تصدق نسيتني شو كنت ابا اعطيك

سعيد:شو تبا تعطيني
مكتوم ظهر من سدة الكوميدينه مالته بوكس مغلف و عطاه سعيد
سعيد:شو هذا..!!
مكتوم:هاي هدية عيدميلادك
ابتسم سعيد:بس عيدميلادي ورا باجر
مكتوم:عسب اكون اول واحد يقول حق اخوه وصديق عمره و ولد عمه كل سنة و انته بخير
سعيد و هو يلوي على ولد عمه:الله لا يحرمني منك يارب
مكتوم:ولد عمي لا تستوي لي رومانسي يلا طووف خلنا نسير
ابتسم سعيد..و مشا و هو شال البوكس في ايده
يوم نزلوو تحت سار سعيد صوب سيارته و حط البوكس فيها و ركب في سيارة مكتووم
و سارو صوب دبي فستيفال مول عسب يشترون من اد هاردي كابات ^.^
.
.
.
عند البنات

روضة:زينووو يلا اتصلي فيها خلا اتي
زينوو:صبري الحين بتصل

الزينة و هي ادق رقم عاشة

عاشة: يا مرحبا باللي لهم شـــــان
. . . . . . . . . . . ناس قدرهم فوق محسوب
ترحيب فيه من قلب شفقان
. . . . . . . . . . . مشتاق ومــتولع ومصيوب

الزينة:المرحب لا هان فديتج...اقربي بيت قوم روااضي
عاشة:اممم انزين بلبس شيلتي و بييكم...استقبلووني عند البااب يلا انتي و هاي الغجة
الزينه:انزين يلا يايينج

ظهرن زينوو و رويض عسب يتريوون العاش..و ما تحيرت عليهم واايد..10 دقايق و الا هي ياية عندهم

توايهن و سارن حجرة رويض

العاش:الزين قومي يالزين كله شغلي لنا حاية نسمعها
رويض:هيه فديتج
نشت الزينة و شغلت لهن اغنية سلهم بعينه مالت عيضة

دخلت حمدة على المقطع اللي يقول:

لاا ماا ينجزاا الااحساان بالصدّ ..
ولاا تنجزاا الحسنه بسيّه ..

اطالعتها رويض بنظره حست حمدة بشي داخلها اهتز بس ردت النظرة لروضة
و سوت عمرها مب مهتمه و جنه عادي عندها...حزت في خاطر روضة حركتها و تمت
مويمة و ساكته

تمت الزينة لين ياها سعيد و شلاها..و عقب عاشة ترخصت عنهم و سارت بيتهم<<<ع فكرة ترا عاشة بنت يران روضة و عقب تعرفت عاشة على الزينة و استوو ربع

ع الساعة 3 رن فون حمدة و ردت

حمدة:حي هالصوت
راشد:الله يحيج...شحالج غلايه
حمدة:مب بخير
راشد:افا ليش
حمدة:شفت سعيد ولد عمي...افف شوفته تكدر الواحد
راشد:اففااا و انا حسي شو يسوي
حمدة:يريح قلبي و احس بأحلى لحظات حياتي
راشد:قولي احبك
حمدة:احبك ياراشد احبك

في هاي اللحظة اتبطل البااب على حمدة اللي ماعرف شو تسوي..تمت مبطلة عيونها على وسعهن..و تمنت الارض تنشق و تبلعها
..
.
..
.
..
.
..
.

منو تتوقعوون اللي حدر؟؟..!
و شو اللي بيستوي...؟

انتظرووني في البارت الـ3^.^

اختكم عيونه انا __DEFINE_LIKE_SHARE__