مــقابلــــــــــــه مع المشــرفه المميــــــزة " خوية الشقا " - الصفحة 115

وزيرة الحب · 07-07-2008, 09:35 AM

المشاركة الأصلية كتبت بواسطة الخييلي الخاطري

[align=center]السلام عليكم

مشكورين على هالموضووع الحلووووو...تشكر الاخت زهور على هالفكره الطيبه

والموضووع زااااااااد حلاة بأستضااافة إنسااانه راقية بأسلوبها وبفكرها وبقلمها بهالأستراحه...صراااحه مشرفه و النعم فيها.....

انا عضو يديد...ولكن دخولي السريع يكون لهالاستراحه.....شدني اسم المشرفة>>> وزيرة الحب

شفت ملفها لاشخصي وقمت ابحث بالمنتدى عن مواضيعها......صرااااااحه وكلمة الحق تنقال.....اسلوب رااائع في الكتابة...والأروع انه من قلمها الخاااص......

حتى في مناقشتها للمواضيع احسها اطلع كل اللي عندها وتعيش في المووضووع كانه موضووعها وما تقصر ما شاللهعليها في الردود.....

لمست من ردوودها القعل الثقل.....وكلامها الواقعي للحياة.....ما شالله عليج يا وزية الحب....احي هالاستراحه لنج فيها...ويا حض المنتدى فيج.....

اسمحيلي يا الاخت اني أسألج بعض الأسئلة ..... ما شالله على اخوان شما كلوووج بالأسئلة....من بس حقهم ....مش كل يوم بتكون هالاستضاافة الطيبه...

[align=center]وعليكم السلام ورحمة الله وبركاااته

نزقرك الخييلي وإلا الخاااطري.....؟؟!!!..... تسلم على كل كلمة سطرتها في حقي....والله يا اخوي كبرتني أكثر عن اللآزم....كلامك شهاااده اعتز فيها ووسااام على صدري الله يطولي بعمرك......وشو يديد خلاص من دخلت عندنا صرت منا وفينا.....اشكرك يالخييلي على هالذوق والله الصراحه اخجلتني وانا اختك.....تسلم ربي يعاافيك[/align]

السؤال الاول:

شو مفهوم العايلة من نظرج ......وكيف هي عاايلتج...او بالمعني الاصح اقصد العلاقات العائلية؟؟؟؟؟

[align=center]من رايي الشخصي العاايلة اهم رابط بهالحياه بعد رابطة العبادة اللي تجمعنا برب العالمين...العايلة علاقة حلوه تجمع بين الاهل سواء كانوا من عايلة وحده اللي هي الأب والام والعيال ...او اذا كانت تظم اهل الاب او أهل الأم.....عايلتيه الله يسلمك عووده الله يزيدهم ويبارك فيهم......علاقتنا بكل حد فيها طيبه...سيرتنا اربااعه وطلعااتنا اربااعه....يعني اذا حد من اهل ابويه عمومتيه عزم يسير البر..يدير التيلفونات على الكل والكل يعزم ..ونشتل.....نادراً ما نسير ارواحنا من دون خوالي وعمومتيه.....الله يسلك كل يمعه لازم الغداء في بيت ابوية العود ( يدي ابو أبويه) يمكن تكون علاقتنا بأهل ابوية اكثر من اهل اماية.....بحكم انه حد من خوالي بوظبي.... والباقين في مناطق مختلفه بالعين....بس كلنا اهل ابويه ما خذين فريج كامل حقنا.....العلاقات العايلة اللي تربطنا طيبه ولله الحمد....صلة الارحام واجب علينا....من الصغير والكبير.....يمكن تقول ما شالله على عايلتكم....ولكن ارد واقولك انا لا ادعي الكمال ولا المثالية من حيث علاقتنا مع اهلنا ومع بعضنا البعض....كل عايله الله يسلمك تصير فيها مشاااكل ...وسؤء تفاااهم وقد تصل في بعض الاحيااان القطاعه...ولكن الحمدالله تعدي الازمات على خير.....مهما بلغت المده.....بفضل رب العالمين وفضل ابوية العووود اللي دايماً يحاول قد ما يقدر انه يمعنا على الخير
الحمدالله على كل حال على كل شيء في عايلتيه سؤاء على الخير والشر[/align]

السؤال الثاني:

منوه من المشرفين او المشرفات تحسين قريب منج.....وشو ملاحضااات على اي حد من المنتدى؟؟؟

[align=center]كل المشرفين فيهم الخير والبركة....بس اقرب المشرفين لي حرف الذهب....اخو عزيز وغالي ...والله والنعم فيه هذا الأنساان....انا مسمتنه kingاستراحة الحوار سابقاً من نظري ولازال...مشرف مسك هالاستراحة وما قصر فيها....لا هو ولا راكاوية الغالية

والحر العنيد.....هالانسان سااعدني واااااااااايد وفضايلة عليه في هالمنتدى وااايد...ما قصر بقصيره وياي في اللي اباه واللي ما اباه

المشرفات.....نظرة مني تسدك هاي اختيه وربيعتيه وانساااانة غاليه عليه وااايد .... هيه المشرفة اللي انا ويااها وااااااااايد على قولتهم خشم وعين..هع هع هع.....والله ما اعرف للمنتدى بلاها...وهي اي شيء يصير يضيجبي في المنتدى بدون لا افكر بالشيء ادق عليه واقعد وياها بالساااعه اقولها اللي فيه,,,,,
بنت والنعم فيها وفي مربااها...........
وبنت الافلاااااج.......يمكن لو اني ما توطدت علاقتي بها وااايد ولكن سبحان الله هالانسانة حبيتها لله في الله....والله يديم هالمحبة اللي بينا

ملاحضتي.....ما شيء بس الاحظ الخقة اللي في بعض الأعضاء واحد من المشرفين....من تواضع لله رفعه....بس مرات ما اللومهم...صغر السن يلعب دور... والدنيا عندهم جيه من منظورهم
ربي يهديهم[/align]

ماش الله الاخوان خلصوا الاسئلة...اسمحيلي على هالاسئلة.....بس هالسؤالين خذوا مني ربع ساااعه.....عشااان طلعتهم...خخخخخ

[align=center]آفاااااااااااا عليك بالحل يا خوووي....انته اللي تسلم على هالمرور الطيب[/align]

وان شالله لي عوده[/align]

[align=center]يعطيك العااافيه ....ونتريا عودتك ربي يسلمك[/align] __DEFINE_LIKE_SHARE__

وزيرة الحب · 07-07-2008, 10:16 AM

المشاركة الأصلية كتبت بواسطة بنت الافلاج

السلام عليكم ورحمة الله وبركاته

[align=center]وعليكم السلام ورحمة الله وبركاتة[/align]

حيا الله وزيروووه خشششششششششمج >< ><

[align=center]الله يحيج ويبقيك ولبيت الكعبة يووديج...آآآمين مرحباااااااا الساااااااااااااع والله
خشمج>_<[/align]

شالحال والاحوال ربج الا بخيير و ما تشكين باااس ولا لو عة اليااااس ^_^ الله حييييييييييييييييه خخ

[align=center]بخير ربي يسلمج ويعاافيج ...طيبه طااااااااب حالج....[/align]

شحال الوديان والسيوح ومحضه ههه واليبال و وادي الحيول واليويييييف و و و هييه والضفادع هههههههههه

[align=center]
بخيررررررررر ونعمة ... والله نتريا نفحة مطر تيي وإلا شوية نفاااف عشاااااااان نوية طوووبها....حشى يبووج كلنا الحر.....ما بقى فينا مااي نبا نفحة مهب بااارده .... يارب أسقينا من غيثك[/align]

منوره الموضوع بوجودج ^_^

[align=center]صبري بتغشى ....أستحي......هع هع هع
منور بوجودج وبوجود الاعضاء الباقين[/align]

بسألج كم سؤال وان شاء الله ما اثقل عيلج بأسئلتي ^_*

[align=center]آفااااااااااا عليج خيتووووووووو.... سجل الاعتراف مفتووح...[/align]

بسم الله نبدأ

[align=center]يالله نقول بسم الله الرحمن الرحيم[/align]

كيف وصلتي للمنتدى؟ و من من الآعضاء/ العضوات تربطج بهم علاقة قرابه أو من هذا القبيل ؟

[align=center]الله يسلمج ويسلم غاليج وصلت اني كنت بالكلاس وربيعتيه كانت عضوه بهالمنتدى...الدكتور يشرح وهي طااايحه حيحتها واشوفها تكتب وترد وتظلل وتنزل صور....عااااده من هزبتها وقلت لها انتبهي للشرح<<<<< عاده طالعوا منوه يقول عن الانتبااه..اكثر وحده مشاااغبة
وقالت لي : سجلي والله وناسة....كانت هااي العضوه....بدوية فل ابشن....ومن ذاك اليوم وانا ويااكم
الصراحه ما عندي أعضاء تربطني بهم علاقة قرابة او شيء ....بس كلكم اخواني وخواتي ..والله يعلم بهالشيء..انتوا اهلى ونااسي[/align]

أجمل محطات حياتج في :الطفولة ،الحاره، الدراسة .؟

[align=center]الطفووولة : من اجمل الايااااااااااااام والله وتقدرين تقولين اياااااام الحارة...كانت اياااااااااام روووووعه ما تنسى.....ما شيء اسمة شيلة وغشووه يوم يهال...كنت دااايماً برع البيت ..حوااامة رقم واحد كنت....ما ايلس في البيت ..كنت دايماً في بيت أبوية العود إلا كل ما يسير ابوية العزبة ...ويااه....الصراحه وما بجذب كنت وااااااااايد حشرة...صياااحي ينسمع من دبي على قولت اماية....عشاان جيه كانوا دايماً يجنبون صياااحي لانه صيااحي مزعج....لدرجة عمية ..كان يسميني (( إسعاافات العين ))..هع هع هع
كنت دايماً العب ويا عيال عميته وعيال عميه.....كنا نسوي فريق بنات وفريق اولاد....وكانوا عيال عمتيه الله يبحصهم يوم نغلبهم في شيء..يدقونا ويرووحون....هههههه......كان الشيء اللي يضحك يوم صغار انه ايوز نلعب ويا عيال العايلة بس يوم نسير نلعب ويا عيال يرانا يهادونا....اوونه عيب.....هذيلا اولاد.....لدرجة مره ابوية هزبني انا وبنت عمتيه ليس سرنا نلعب بدراجة ولد يرانا...كنا على نيااتنا...بنت يرانا كانت اكبر عني بسنة ويت تزقرنا عشاان نشوف دراجة اخوها.....وابوية شافنا وشاتمنا...قردت عليه بنت عمتيه والله الين الحين اذكرها...قال ابوية عيب تلعبن ويا الاولاد...منقود.....قالت بينت عمتيه ...عيل ليش نحن نلعب ويا خالد وفهود واحمدوه....حتى هذيلا اولاد..هنيه والله ابوية اتقفط ويهه احمر....وقم لسنا وروح عنا..هههههه
أكثر شيء كان يوم كنت يااهل....اني كنت واااااااااايد ضعيفة ومسميني المجاعة..هع هع هع ...<<< وااايد مسميات هع هع هع
كان اقل شيء يكسرني..مره كنا في بيت ابوية العود يوم اليمعه...وعندي عمي آخر العنقود يعني اكبر عنا شوية.....مسوي سباااق ركض....كل عيال العايلة الصغير والكبير داخل يسااابق ...بنات اولاد يهال...الكل محد ما تاام
يوم بدا السباق....عندي ولد عمتيه العود اكبر عني ب 6 سنوات..هو ما شالله متين واااايد...كان يركض عدالي....لما اجدمت اشوية هو تخرطف وطاح فوقي....وكانت النتيجه أني انكسرت ايدي.....ههههههه
وبعدها سموني <<< البطل المكسور......هع هع هع
اياااااااااااااااام روووعه ما تنسى شو بحكيلج وإلا بحكيلج

والدراسة احس ايااااااااااااام الاعدادية أحلى الأيااااااااااااام[/align]

عندما تحتاجين النصيحة لو منو تشكين ومنو اللي تحسينه يفهمج ويوقف وياج ؟

[align=center]ناااااااااااااس غالين عليه...وأختيه العوووده[/align]

* قدوتج بالحياة؟

[align=center]أبوية وأماااية[/align]

* لونج المفضل ؟

[align=center]الوردي والأحمر[/align]

* صفة تكرهينها بنفسج وتحاولين تغيرها ؟

[align=center]اني حسااااااااسة وااااااااااايد لدرجة اني اصيح ودمعتيه تسبقني في اي شيء
يعني حتى لو ابوية هزبني على شيء وهو عااادي عاادي اني اصيح....[/align]

* علاقتج بامج كيف هي ؟

[align=center]رووووووووووووعه...اماية هي ربيعتي مثل ما هي امي....وانا واااااااايد ويااها[/align]

* ماذا يعني لك المطر<-- الحين بتقول نسير محضه مقصوص سرها هناك ما تنلام هههه - الخيانة - القمر

[align=center]المطر:::.......أحلى شيء ...غاااااااااايته السيره صوب البدع ومحضة...اكيد مقطوع سري هناااااك... ما اقدر ما اسير...بذمتج شو احلى من وقت المطر واليلسة على الغدير وإلا العرقوب....وكوب الشاهي حذالج وتهب عليج ذيج المهب البارده......بنووووته خليني ساااكتة لا تيبين لي طاري المطر..وإلا بكتب لج صفحة كااااااااملة....هع هع هع

الخيانة ::: صعبة واااااااااااااااااااااااااااااااايد ...الله لا يذوقكم اياها

القمر:: منظر رومنسي ....تهدينة لشخص غالي عليج لما يكتمل بدر[/align]

بعد عشر سنوآت شو تتخيلين نفسج؟

[align=center]الصرااحه انسانة عاملة ومتزوجة ويمكن يكون عندها اذا الله كتب عيال[/align]

سؤال دائما يتبادر إلى ذهنك ولا تجدين له إجابه ؟

[align=center]مممم......واااااااايد أسئلة تجول بنفسي....في سؤال بس يجمل في طيااااته وااااااااااايد أشياء في نفسي
منوه يستاهل وزيرة الحب؟[/align]

إذا كنتي من النوع اللي يغير رايه؟فمن الذي له التأثير عليج؟

[align=center]ابوية... في ثواني يقنعني[/align]

مـآهـي أصعب آللحـظــآت آلتـي تحـسين فيها بـآلعجـز عـن آلتعـبـيــر ..؟

[align=center]لما يحول الفراق بيني وبين الناس اللي أحبهم..هنيه يكون الصمت سيد الموقف...والدمع بطل القصة[/align]

س\لمن تهدين؟

[align=center]هههههه...والله انتي ونظرة وااااااااااايد تحبن تحرجني.....انا وااااااايد احب الورد..من رايي وردة حمراء ..احسن من هدية بذيج الحجية[/align]

وردة حمراء

[align=center]عرب غالين عليه...وكل شخص في هالدنيا أحبه[/align]

وردة بيضاء

[align=center]كل شخص زعلان عليه ..غلطة عليه بقصد أو بدون قصد...اهدية وردة بيضاء ويااها كلمة آسفة[/align]

وردة صفراء

[align=center]الأصفر لون الغيره

ممممم...ما ادري صراحة ما عندي حد للحين[/align]

بسمة الم

[align=center]لموقف صار لي في الماضي .... وندمت عليه[/align]

كلمة شكر

[align=center]لكل من ساعدني في هالحياة...وخلاني اوصل للي انا عليه اليوم
اولهم امي وابوي واخواني[/align]

عتااب لمن توجهيه

[align=center]لناااس بالمنتدى ... اقولهم وينكم لا حس ولا خبر ولا سؤال
رحتوا ورحنا وانسينا ونسونا[/align]

وبسج ^_*

[align=center]صبري خليني احرك اصبوعي اتأكد انهن بخير ما تكسرن ..هع هع هع[/align]

والسموحه على الاطاله

[align=center]لا والله كنتي خفيفة على الخااطر....وااايد عيبتني اسئلتج....احس اني جاوبتهن من خاطرية....وذكرني بأشيااااااااء واااااااايد غالية علية[/align] __DEFINE_LIKE_SHARE__

$برق لمع$ · 07-07-2008, 05:04 PM

السلام عليكم ورحمة الله وبركاته

اشحااااااااااااااااااااااااالج معالي الوزيره؟؟؟؟؟؟ ابصراااحه ما بقى أسئله نسألج اياها .....

واللي بغيت اقوووله لج ان ما شاء الله عليج ما عليج زوووود يبين من ردوودج والموضوعات اللي تطرحينها انج مثقفه .....

واسلوووبج في الكتابه يجبر الواحد انه يقرا انتي شو كاتبه .... تنفعين اتكونين صحفية صدق والله..

الله يوفقج في حياااتج ودراااستج....وان شاء الله تتخرجين من الجامعه بتفوق واتحصلين الوظيفه اللي تبينها...........

والسمووحه منج لاني ما سألت........ __DEFINE_LIKE_SHARE__

زهور 2007 · 07-07-2008, 08:30 PM

$برق لمع$

مشكـــــــــــوره ع المـــرور الطيب...تسلميــن حبوبه..

منــــوره

وزيرة الحب

تسلميــــــــن حبــوبه ع المــرور و ع الاجــابــــــة الحلوووووه..منـــوره

و السموحــه منج يا حلووه
__DEFINE_LIKE_SHARE__

وزيرة الحب · 07-08-2008, 09:31 AM

المشاركة الأصلية كتبت بواسطة هبوب الهوى

[align=center]

الســلام عليكمـ ورحمة الله وبركااته ...

هلا و غلا و الله ...

أقدمـ شكريـ وإمتنااني وأحر التهاني
بذخ الجملـ والعباارتـ للمشرفة / بنت الافلاج وأ أيضا / زهور
لمــا رسموهـ هنااا وزرعوه هناا

لهمـ مني أجملـ بوكيه ورد لإستضافتهمـ للأخت /

وزيرة الحب

كلمــــا أردتـ أن أنثر أنثر ويبقى فرااغـ شااسع
أمد الحرفـ لكيـ أمد الكلمة ويمتد معي الفراغـ ..
أعجوبة من عجائب الدنيا السبع ....

/
\
/
\

الحــياه دون الحــب لا طعم فيها ولا لــون
الحــــياه دون تفكـــير مســـتحيل
نعشق الصمت بها كي نجولـ ونساافر
ونرسى على جميع محطاتها ..

\
/
\
/

نتوهم بأننا نسيناهم
و نظن بأننا محونا أطيافهم
من مخيلتنا
إلا أن ذكراهم تبقى عالقة
في أذهاننا ما حيينا ..

ها ها ها ها ها ها

كلش مو وقته

هاه ها ها ها ها ها

تدرين ليش أضحكـ في هذه اللحظة دشت على الوالدة يارب يخليها لي
وخربت علي الجو اقصد جو خياليـ والإحساس إلي كنت عايشه
وتبي نروح البحرين تعرفين قريبه عندنا ...
بروح اوديهاااا وإن شاء الله لي عودة مرة ثانيه ..

برونقـ أجملـ من الجمااالـ يحاكيـ جماالـ إحساسكـ وصدقه ..

هبوب الهوى [/align]

[align=center]مرحبا الساااااااااااااااااااااااااع هبوب

وين يالخوي ......... وين دارك.....؟؟؟

منور الموضووع الشيخ.....تسلم على الكلاااااااااام الطيب ....من طيب اصلك ومربااااااااك الله يطولي بعمرك

سلم على الوالدة يجعلها الله قرة عينك ان شالله....وهالله هالله بالدرب....وعن السرعه ..توصلنا بالسلامة

نتريا عودتك[/align] __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
""""""""مطلوب لكزس lx570 الدفع كاااش """"""""""	محروم.كوم	منتدى أخبار المواقع والمنتديات العربية والأجنبية	0	07-19-2010 03:50 AM
"""""""""""""""""""""""""""فساتين زفاف راقية ومميزة """"""""""&am	محروم.كوم	منتدى أخبار المواقع والمنتديات العربية والأجنبية	0	07-13-2010 12:00 AM
..[ وآجب العزآء للمشرفه "خوية الشقا" ]..	• ™ мαяỉαмч «\|	الإستراحه العامة	43	09-30-2009 10:56 AM
"سيتي" يصدر تصنيفات إيجابية لـ "إعمار" و"الدار" و"العربية" و"الخليج الأول"	محروم.كوم	منتدى أخبار المواقع والمنتديات العربية والأجنبية	0	09-29-2009 01:20 PM
"""""للبيع باترول سوبر سفاري موديل 99 ديزل """""""""	محروم.كوم	منتدى أخبار المواقع والمنتديات العربية والأجنبية	0	04-28-2009 02:40 PM