مــقابلــــــــــــه مع المشــرفه المميــــــزة " خوية الشقا " - الصفحة 66

داعمة دورية · 05-18-2008, 09:27 PM

هبووب الهووى الله يوفقك ووكفيت وفيت

وربي يسلمك من كل شر __DEFINE_LIKE_SHARE__

كويتي · 05-18-2008, 09:43 PM

[align=right]

1- كيف تعرفت على منتدايات أستراحات زايد ؟ كنت مشارك ببحث عن مسيرة الشيخ زايد طيب الله ثراه وجذبني موضوع هنيه قبل كان مطرح فيه معلومات كنت أبيها وستفدت منه وسجلت قلت بجرب شوي شوي لقيت نفسي

مدمن

بس مو حشيش ماعذا الله

مدمن

دخول الاستراحه حبيتها وحسهم أهلي

2- هل انت راضي برتبت ** عضو نشط ** او تحس انك تستحق الاعلى ؟
حتى لو نكي أسود عادي راضي طالما أقدر أكتب وشارك وعبر بكل حريه ولا أحد يملي رأيه علي لان الالوان تشريف مو تكليف

أنا راضي كل الرضا لو نكي بدون لون لآن مو مجامله وخير دليل بفضل من الله ما اشعب مواضيعبي يا بالمساعدات يا بابداء الرأي يا بالنقاشات الحمد لله

مستوره وراضي ومرتاح وبيض الله وجه من صبغلي هالنك تجمل فينا وقالي تراه تشريف مو تكليف رغبه منه شافني استحقيت وكافئني عساه على القوه

3- هواياتك ؟ الشعر النبطي السباحه الرمايه وكل مايتعلق بالبرمجيات وصيانة الكمبيوتر

4- طموحكـ ؟ عيشه مستوره تكفيني مابي اكثر من هذا ولا بطمه بأكبر

5- لونكـ المفضل ؟ واجد بس حاليا اميل للاخضر الفاتح (العشبي) قاعد اصبغ داري جيه ماكنت احبه بس حبيته الان

7- حكمتك المفضله ؟
واجد الحكم اقولها بس حكمت اليوم فارسيه اتمنى تعرفون معناها

قسمت ميدان بوشته سرمان مان مسافر قير ينا كوخ

حكمه تعلمتها من احد الصداقات بالنت وتركم تدورون معناها بتفيدكم

8- عمركـ ؟ فوق 27

9- كيف هو ستايلكـ ^^ ؟ ماكو شي محدد الستايلات متشعبه على كل شي عندي

10- هل زرت الإمارات من قبل ؟ ايه

11- العضو المفضل لديك ؟ واجد والله من يجدون بسمتي ومشاركتي عندهم تراهم مفضلين لدي

12- هل يوجد عضو في المنتدى له صله قرابه بك ؟ لا قرابه ولا معرفه ولا صداقه

فيه من زمان علاقات بسيطه بالماسنجر

حاليا صداقاتي وقرابتي واحبتي بالله هم رواد المنتدى بالمواضيع ولا بالرسائل

13- هل في يوم من الاياام بتترك استراحات زايد ؟
ماتركتها من سنه و9 شهور اتركها الحين

بتم هنيه لمن نورث عيالنا هالمنتدى لو بيطردنا محروم عيالنا بيجون عند عياله

لا جد اشك بهالكلمه

والدليل تواجدي الدائم مرات انام اخلي نكي معلق بالمنتدى

14- نوع سيارتك اذا عندك ؟
كان شروكي كسرته تشوفه جنه جيب يوماها مال العندود من كثر ما انا عذبته

بس الحين كامري + جيب سفاري عطايا الرحمن

15- رايك في اعضاء استراحات زايد ؟
فيهم الواعيين
وفيهم الفاهمين
وفيهم قله الحقودين
وفيهم وفيهم وفيهم

ماكو شي كامل وانا اخوج

بس لو تبيها بصوره عامه ونعم بالكل لولا اخلاقهم وحسن تعاملهم محد حبهم وستمر معاهم

ولونه لي عتب نشاركم افراحكم وحزانكم بس مالمسنا هالشي منهم الغالبيه . ولو بنت عندها مناسبه جان تلاقي المشاركات كأنها كمام ثوب سوداني شكثرهم وشطجولهم وهذي حزة بخاطري وأألمتني ولا توقعتها بس مع الايام بنزل رد فيها طالما عتب بشرع الله مباح

16- انت مشارك في منتديات غير استراحات زايد ؟ ايه
بس ادخل اذا طلبت او اذا جتني رساله تنبيه بالايميل ان احد رد على موضوع مشاكل وحلول ادش وعقب وبفص ما اتم

17- شو هو نوع كمبيوترك ؟
عندي دسك توب وعندي لاب توب

18- افضل قسم عندك ؟
الرجال
قسم المناقشات
الضحك وافرفشه
واي قسم فيح طلبات او احتياجات للاعضاء
هذول اهتمامي فيهم بكثره

19- موقف حررج ؟
قبل شوي صارلي ذكرته فوق هاهاهاهاهاهاهاهاهاهاهاهاهاه

20- احسن خبر سمعته في حياااتك ؟
لمن كنت متزوج

وخاصه لمن جاني ولد وبلغوني فيه نسيت كل دنيتي وكانت فرحه ر توصف والله

[/align]

شكرا لك اخوي واتمنى ردودي تنال اعجابك
__DEFINE_LIKE_SHARE__

كويتي · 05-18-2008, 09:46 PM

مادري ليش طلعت كتابتي جذيه رموز ؟

ترى انا كاتب كلام حلو شكو تحول رومز ؟ اتمنى الاخوان يعدلونها لي __DEFINE_LIKE_SHARE__

هبوب الهوى · 05-18-2008, 09:50 PM

المشاركة الأصلية كتبت بواسطة داعمة دورية

هبووب الهووى الله يوفقك ووكفيت وفيت

وربي يسلمك من كل شر

[align=center]ياجعلـ دربك كله ورود وبياض

وهذا اقلـ شي اقدمه والله

والعذر والسموحه من كل عضو وكل مشرف وكل مراقب

وإعذروني إذا قصرت أو شي أو أخطيت بحق أحد

وإلي يشوف إنه بدر مني اي خطء يكلمني

وياااامااال الغنيمة كلكم ياربـ

وبوكية ورد من حديقة قلبي لكمـ كلكمـ

وربي يستر عليكـ ويخليكمـ لبعض ياربـ

أخوكمـ هبوب الهوى [/align] __DEFINE_LIKE_SHARE__

*نظره مني تسدك* · 05-18-2008, 09:51 PM

السلام عليكم ورحمه الله وبركاته

اشحاالهم الشيووخ عسااهم بخيييييييييير؟؟؟؟

عندي لك أسئله كثييييييييييره بس ابرد خاااطري ؟؟؟؟

لأن في الاستراحه الأوليه ما سألتك اسئله عدله خخخخ

الحين ترياااااني يالكويتي...^^

الله يحفظك..^^ __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
""""""""مطلوب لكزس lx570 الدفع كاااش """"""""""	محروم.كوم	منتدى أخبار المواقع والمنتديات العربية والأجنبية	0	07-19-2010 03:50 AM
"""""""""""""""""""""""""""فساتين زفاف راقية ومميزة """"""""""&am	محروم.كوم	منتدى أخبار المواقع والمنتديات العربية والأجنبية	0	07-13-2010 12:00 AM
..[ وآجب العزآء للمشرفه "خوية الشقا" ]..	• ™ мαяỉαмч «\|	الإستراحه العامة	43	09-30-2009 10:56 AM
"سيتي" يصدر تصنيفات إيجابية لـ "إعمار" و"الدار" و"العربية" و"الخليج الأول"	محروم.كوم	منتدى أخبار المواقع والمنتديات العربية والأجنبية	0	09-29-2009 01:20 PM
"""""للبيع باترول سوبر سفاري موديل 99 ديزل """""""""	محروم.كوم	منتدى أخبار المواقع والمنتديات العربية والأجنبية	0	04-28-2009 02:40 PM