ۈش رجعگ لآيگون قلبگ يۈم حس آنہ جرحني آۈجعگ ؟

3eƏπ ɑ̠lмɑ̠ƗƗɑ̠ ♥ · 07-10-2013, 03:05 AM

آلبآرت آلخآمس ..

يوسف رجع المزرعة ودخل دآخل لقى الكل متجمع كآن متلوم يقعد معآهم فرآح غرفته ومحمد لحقه وتم يرمسه عقب رجعوآ الصآلة ويوسف سآكت مآتكلم ولآ كلمة , يدي سآمحه لآنه مآيحب يزعل حد منآ , وآلبآقين كملوآ سوآلف ..

غآية تهزني : نونآ , نونآ بس رقآد جوفي السآعه كم صآرت

قمت بتعب ومطيت الفون وجفتها آلسآعة 3 ونص العصر قمت بتعب وانا احس بظهري الويع بعده نشيت وتغسلت وصليت العصر والظهر وغايه سوت نفس الشي عقب لبسنآ كنآدير وتحجبنآ ونزلنآ تحت , آلكل عصب لان نزلنآ خآصة على غايه لآن ريلهآ وجي تعورها للحين ..

يدي : بآبآ ليش قمتي من مكآنج ؟

: يدي ولآ يهمك ترى طفرنآ من النوم , مب شي بعد حيآتنآ كلهآ نوم

يدي يطآلع غآية : وآنتي ؟

غآية تبتسم : ترى بطلع لآه بروح اشتري لعرس مهآري الجميلة

يدي ابتسم على خبالها

محمد : بتروحي وانتي جي

غآية : هي هي بروح ان شاء الله على عكآز بروح , كله ولآ مههرره فديت نبضهآ بس " تلف تطآلع البنآت " شحقه هذيل مب متلبسات للحين ؟ فزززن يلآلآ الساعه 3 ونص الحين منو بيشلنآ بعدين ؟ لآ عنتر عندنآ عسب يشلنآ بخيوله ..

يوسف طبها وقرب من ذياب واعتذر له وذياب سآمحه وقعدوآ يسولفوآ .. آلبنآت صعدوآ فوق بعدهآ عسب يبدلون وآلكل بدل وقبل لآ تبدل الهنوف يآت مهره تسآعدهآ وسوت لها الدوا قبل لآ تلبس , كآن بدون ريحة وارتاحت الهنوف ولبست عبايتها المسكرة وتحجبت وتعطرت وشلت شنطتها وفوناتها ونزلت تحت ..

يدي : مهره مآتسوق بروحهآ

مهره : ليييييييييييييش ؟ وآلله ورآهم يدي مآروح اتخربط

يدي : حتى ولو روحي مع البنيآت

مهره : بس يدي جي بتستوي زحمة

دخل عبدالله وصآلح وخآلد دآخل وقعدوآ ..

عبدآلله : خل عنج لآ زحمه ولآ شي

مهره : يدي دخيلك ابا اروح بسيارتي جي ارتاح اكثر

يدي : قلت لآ

يدوه : مهره الله يهديج لآ تعآنديه خلآص قال لا يعني لا روحي مع ريلج

مهره تيبست : هآآآآآآ , لآلآ بركب مع صالح

صالح : هههههههههههههههههههه مآبيآكلج وآلله

مهره انحرجت وصرخت : قلت لآلآ " وطلعت برع "

: يدي ليش جي تزعلهآ تهون عليك ضنآك ؟ وبعدين هي مآصآرت حلآل محمد بعدهآ آلملجه يعني منقود تركب معاه الحين

يدوه تمسح اياديهآ : تصدقون نسيت , خلاص خلوهآ تركب مع عبدالله او صالح

: آوك

وعقبهآ آلكل شغل السيآرآت , في سيآرة يوسف كآنت غآية ومشآعل وآيمآن , وفي سيآرة ذيآب مثآيل , وفي سيآرة عبدالله روضة وخآلد وآنآ , وفي سيآرة صآلح كآن هو ومهره وبشآير وعوآش , آمآ محمد ركب بروحه وآنطلقوآ كلهم للمول . . وبدوآ يتشروآ اشياء للملجة لكن مهره آبدآ مآشي عيبهآ حسيتهآ تكدرت وآيد لآن مآتم شي اصلآ على الملجة قعدنآ نلفلف وندور لين عيبهآ اخر شي فستآن يصيح , يودت عمري لآ اصفعهآ , تستهبل هآي ولآ شو حتى غآية تنآزعت , طبعآ مآحد كآن يمشي ويا مهره غيري انآ وغآية وبشآير آمآ آلبآقين بحح , بروحهم رآحوآ يختآروآ لعمرهم , سكت آكيد وآحد من الشباب وياهم طبعآ لآن مستحيل يكونون بروحهم ..

مهره : يآخي عآيبني فكوني وخلوني ادفع بيزآته

: تتمصخرين آنتي ؟ قلت لج لآ

بشآير : صدقهم مهره انتي شفيج اليوم ؟ خلاص خلهم يختآرون لج

غآية : أنا مآعرف آختآر زين

بشآير : آنآ ذوقي يمكن مآيعيبج

لفت بشآير وغآية ويطآلعوني قلت بقلة حيلة : بختآر لو مآعيبكم خبروني ..

بديت الف على كل الفسآتين لين شدني وآحد لونه بلون التيفآني , سحبته ووديته صوبهم , لقيت موآفقه وبشدة من صوب غآية وبشآير اما مهره مآكآنت مقتنعه فيه لكن خذته وحسآبت عنه وقعدت تتريآنآ , بشآير خذت فستآن لونه على الاطرف آخضر لآ آنه فآتح ولآ غآمج وفي النص جي نفس الخطط لونه ابيض كآن آكيد بيكون عليهآ جميل وآيد , آمآ غآية رصآصي مآعرف كيف آوصفه وآلله بس آنه مب كت فيه قطعه شفافه تغطي كتوفها وتوصل لكوع ايدهآ , وعلى الجسم كآن جميل , آمآ آنآآ خذت لون اسود , مدري ليش حصلت معآرضة لكن طبيتهم ورحت وشريته , كآن صوب الايد كله قطعه دآنتيل شفآفه آمآ صوب الصدر فيه شغل باللون الرصآصي آلهآدي وآلفضي وتحت قطعه عآدية حرير وفيه طره شوي توصل للركبة تقريبآ , دفعنآ وحآسبنآ وطلعنآ جفت السآعه وآنصدمت , آلحين المغرب ؟ قلت للبنآت آن نروح المصلى ورحنآ كلنآ وصلينآ عقبهآ طلعنآ وبدآ مشوآر التعب , الكعوب , هآي المصيبة , مهره عآرضت آنهآ تلبس كعب تعبتنا وأيد على كل شي تعارض جد جد مليت منهآ , بس غصب عنهآ بتسوي اللي انا بقوله لان لو خليتها على راحتها مابتشتري شي ابد واذا اشترت اكيد بتعنقش عسب تبا تخلص سرعةة .. رحنآ آلمحل وقعدوآ يجوفوآ قربت من روضة مابي اكون بعيده عنهآ وآيد وسالتهآ شو شرت بطلت الفستآن من طرف وتجننت على لونه , مدري كيف آوصف لونه بصرآحة لكن كآن بطيخي آو على الاصفر الهآدي , وفوقه نقش بشكل خفيف ووصفت لي وخبرتني ان في حزآم وجي خفيف ابتسمت , بتكون وآيد آنيقة روضة بالملجة , سكت وقعدنا مشغولين وملتهين وكل ساعه نختآر لبنيه كعب انا الحمدالله بسرعة خلصت خذت لي كعب اسود وبعض البنآت خلصوآ بسرعه الا مهره خبلت فينآ لين خذت لهآ وآحد بلون التيفآني بعد , سكتنآ عنهآ .. الشبآب , لفيت آطآلع وينهم مآلقيت ولآ وآحد منهم بصرآحة خفت ؟ تميت آطآلع البنآت وعيني على وحده وحده نوعآ مآ آطمنت لكن يوم رديت اعيدهم في قلبي ياتني رهبه , مشآعل وينهآ ؟ ليش مب مع البنآت خفت عليهآ وآيد كنت بقول للبنآت آو الشباب عنهآ لكن سكت وقلت لو مآيت عقب ربع ساعه بخبر الكل انها مختفية وماحد جآفهآ وآنهآ مآكآنت معآنآ , يسالوني وانا عقلي شارد لين ركزت معآهم وعطيتهم شوري . .

.

.

مشآعل تصيح : دخيلك خلني في حآلي والله لو عرفوآ آني مختفية بيلعنوني دخيلك خلآص آرحمني

هو : ههههههه لآ تحسسيني آنج بتحطمين قلبي " حرك السيآرة وطلع من المول وفتح ازرآر كندورته وقآل " آنآ مخنوق

مشآعل مسحت دموعهآ : ليش ؟

هو : لآني للحين مآسويت شي بخصوصج " رن فونه ورد " خير انتي الثانية شتبين ؟ آنقلعي " بند فويهآ " آوفففف

مشآعل تممت تصيح بدون صوت وهي تطآلع الشآرع ومنزله راسها : ليش بردت مشآعرك ؟ بشو قصرت في حقك حآمد خبرني في شو .. عمري مآحبيت احسسك آني مقصره حتى لو كنت مضغوطة ..

حآمد : هه جب اقول جب بس خلآصصصصصصصصصصصصصصصصص

مشآعل سكتت خآفت منه وآيد لآ يسوي لها شي , رجعهآ المول وهو رآح كآن بس يبا يغصص فيها , تمنى لو حد من اهلها جكها لكن من يات مشاعل عندنآ وجفت ويهآ بهالطريقة ؟ خففففت وآيد عليهآ لكن سكت ورحت صوبهآ وقلت

: اليوم ابا افهم كل شي ولا والله يا ويلج مشاعل , بخبر الكل انج ماكنتي ويانا

مشاعل تغشت وصآحت : خلآص الهنوف ارحميني لا تكونين ضدي

يودت آيدهآ : انا مش ضدج لكن لازم اعرف اللي يصير

مشاعل : من نرد المزرعة بخبرج ..

بعد مآخلصنآ مشآريي شرينآ عشآ من مآك كلنآ ورجعنآ بالسياير , حسيت آنه منهد حيلي , آلكل كآن يسولف فالسيارة حتى انا الا روضة هآدية وآيد , استغفر الله من هالبنت احس وراها شي وآيد كبير لكن سآكته يودت فوني وسويت بنقات لذيآب , تذكرت ان معاه مثايل بالسيارة عضيت شفايفي بقوو , وسكت وفريت الفون فالشنطة وكملنآ سوآلف .. بعدنآ مآوصلنآ آلمزرعة , فريت كل شي ورحت اريح لي ماذن العشآ قمت وصليت ونزلت تحت , تميت آكل آكلي واسولف مع البنآت كنآ بالميلس وقافلين الباب وماخذين راحتنا باللبس وبدون شيل .. كل قروب كانوا قاعدين بروحهم , سحبت مشاعل ورحت قعدت فالصالة , ترى الميلس وآيد كبير , يوم نكمل سيدة في على يمينآ الحمامات ومثل الباب يودينآ للصاله بس هاي الصالة دوم مقفولة , فتحتها وشغلت الليتات فيها وقعدنآ وقعدت تخبرني عن اللي يهددهآ وآنهآ تحبه لكنه جي يعآملهآ , آنصدمت من مشاعل وآيد خاصه انها ركبت معاه السيارة , تميت وايد متضايجه افكر في حل لهالمصيبه اللي طاحت فيهآ بنت عمي , كنت افكر ان مشاعل يمكن سوت جي لان ماعندها سند فالحياه صح هي مع خواتها لكن احسها مب وايد وماتخبرهم كل شي يصير معاها , قلت لها ترد عليه لو اتصل مافينا على المشاكل حاليا بعد ملجه مهره بدور على حل , رجعنا الميلس عند البنآت وتميت اكل بطاطا ونسولف كلنآ مع بعض لين يت روضة وقعدت حذآلي , كنت قاعده فوق الكراسي ومسنده راسي اما البنات تحت يسولفون ويضحكون ويآكلون ..

روضة همست لي وهي مغمضه عينهآ : تحبين يوسف ؟

توقف قلبي , الحمدالله انها ماقالت تحبي ذيآب : لآ

روضة : صآرحيني

: قلت لج لآ , لو كنت احبه جآن وآفقت عليه

روضة تنهدت

جي الموضوع , شكلهآ روضة منعجبه في يوسف : تحبينه ؟

روضة ارتبكت : منو هذآ ؟

: يوسف

روضة تمت تطآلع عيوني وقالت : هي بس هو مآيحبني ولآ يفكر فيني

: خل يموت غيرهه مليون يتمنآج

روضة عصبت : لآ تدعين عليه لآ تخليني ازعل عليج

آطآلعتهآ هاي شو تخربط ؟ معقولة تحبه لهالدرجه : آنزين فكينآ لآ حد يسمعج الحين

وسكرت على هالموضوع وكملنآ سوآلف بالميلس وقررنا ننام كلنآ هنآك اليوم , لبسنا عبينآ وجي , وصعدنآ فوق وكل وحده لبست بجآمتهآ ولمت شعرها ويابوا اللي يحتاجونه من تلفونات وفراشات ورحنا الميلس انصدمت انا الوحيده اللي مايايبه لحافي رديت اصعد ويبت كل شي ماخليت شي مايبته حتى ماي وعصير يبت عسب لا اعطش , ويبت ادويتي لا تتحرطم غايه علي , قفلت باب الميلس وهم كآنوآ يتعبلون من التي في يبون يركبون مال الفيديو عليه عسب يجوفون فلم البنآت شآرينه من المول اليوم يقولون عنه حلو هم شغلوآ الفلم وقعدوآ مندمجين فيه بصرآحة انا ماحب اجوف الرعب ؟ آكرهه مآعلي افلآم الرعب فيودت فوني وسويت بنقآت لذيآب ورد علي

: ذيآب

آلذيب : هلآ

: ولآ شي اذا مب مشغول حابة اسولف وياك

الذيب : صبري شوي بروح عنهم بعيد " رآح غرفته " بآك

: ولكم

الذيب : آول شي وقبل السوالف اخبار صحتج الحين عسآ مآيعورج شي ؟

: ههه ولآ شي اطمن انا بخير

الذيب : آلنآس اتقول الحمدالله يالكبش انتي

: اوك الحمدالله , همم ذيآب ؟

الذيب : قلببببببببه

: فديت قلبه آنآ , ابا اسالك سؤال بس جآوبني بصرآحة يآخي

آلذيب : سآلي

: آلكتآبآت اللي في فولدر خآص لمنو كآتبنهآ ؟

الذيب : وشحقه انتي تفتحينهم !

: جآوبني

الذيب : ولآنج مآستئذنتي قبل مآرآح آقول

: ذيآب حسيت انك كنت تحب قبل لآ تحبني

الذيب : شلي هالافكآر السودة من بآلج , هالفولدر مب لي وبعدين هاي سالفة جديمة اتمنى آنج مآتفتحينهآ

احترت ويآآآهه مب له !!! عيل هذآ مآل منووو ؟ استغفر الله العظيم بس : آوك ذيآب

الذيب : انتي وين ؟

: بالميلس قآفلين الباب وهم يطآلعوآ فلم رعب وانآ آكلمك

الذيب : وشحقه مآتطآلعين ويآهم ؟

: همم بصرآحة مآحب هالنوع من الآفلآم

الذيب : هههههه آنآ آححبببه

: زين وآلله

الذيب : قفلت انا تعبآن

: بسم الله عليك من التعب , روح نآم وريح

الذيب : وآنتي بعد بسج سسهر , لو تحبيني نآمي الحين عسب رآحتج وصحتج آكيد تعبتي اليوم بالمول

: بصرآحة شوي , بس ماقلت لحد منهم عسب لا اخرب وناستهم بالمشآري

الذيب : آدريبج كتومة , آنزين يلآ بندي الفون وقفليه عن حد يجوف محادثتنا

: تحسسنآ آن نحن نغازل بعض ماكنها سوالف عادية

الذيب : جببب ماعلى كيفج اتني بس سوي اللي قلت لج عليه

: ان شاء الله

الذيب : آحبج <3

آنحررررررررجت , وقسممم شششقققول عنه لآ شعوريآ كتبت : وآنآ آكثثثر *مليون_قلب*

الذيب سوآ فيس يرقد وآنآ سويت نفسه هو نآم وآنآ قفلت تلفوني وطبيت البنآت ونمت ..

.

.

سهيل : آحجز لي تذكرة ليوم الخميس

ظآهر : انزين متى ؟

سهيل : آي وقت وآنت آنزل ويآي بس من هالبلآد

ظآهر : آمم آوك خلآص بآجر آلثلآثآ ؟

سهيل : هي

ظآهر : برجع ويآك وآمري لله

سهيل : آحسن لك شو تبا تم هني

ظآهر ابتسم : انا برد عشان نفسيتك ادريبك مآبتتحمل اللي يصير وابا اكون ويآك وانا اخوك لآتقعد تقول لا تم هني , هني دراستي وحيآتي , وبعدين آنت تعرف مآعندي آههل مقطوع من شيرة يعني اتم هني ولآ آرد هنآك

سهيل ابتسم : مآعليك انا اخوك واهلي اهلك لآ تحآتي

ظآهر : يلآ خلنآ نطلع نتمشى شوي

سهيل : يلآ

.

.

منآر قآعده مع كل آخوآنهآ : بصرآحة آنجلترآ طموح وآخيرآ بحقق طموحي

آبوهآ : شدي حيلج , وآنآ رآح آكون ويآج

منآر استآنست : صدق بتي معآي ؟

آبوهآ : بي ويآج اول اسبوع عقب برجع , وبين فترآت بي وبزورج وبزور فرعنآ اللي هنآك

منآر ابتسمت : آلله لآيحرمني منكم يآرب

آمهآ : ولآمنج يآ نظر عيني ..

.

.

غآية لفت : آوييه طآعوآ آلهنوف رقدت

مهره : ههه مسكينه خلوهآ يمكن تعبآنة

بشآير : هي وآلله انا بعد تعبت يلآ خلوني آنآم

مهره سآعدت آختهآ تنزل من الكرسي ولحفتها ورجعت تكمل الفلم مع البنآت ..

.

.

خآلد : يآ ترى هي بشو تفكر الحين ؟ آحس اني اباها ؟ بس بعدهآ مآخلصت مدرسة شسوي يآربي , آن شاء الله مآتكون من نصيب غيري , آنآ بترياها لين تخلص مدرسة ولو صآرت من نصيبي كآن بهآ ولو مآكآنت من نصيبي " تنهد تنهيدة طويلة زفر فيها حزنه " الله يهنيهآ مع اللي بياخذها وآتمنى من قلب آنه يسعدهآ " تلحف ونآم "

.

.

برع البلآد

آمهآ : بس آنتي يآ بنتي لآزم تسوين العملية

هي : أنا مابسوي هالعملية

آبوهآ : بس

هي قآطعت ابوهآ : انتوآ تعرفون آن حآلتنآ آلمآدية زفته , عآدي انا بتحمل , البركة في آخوآني آبوي , آكيد بيتوظفون جريب , وبعدين ماعلي خوف انا ان شاء الله بكمل حيآتي جي انا مرتآحة

آمهآ تنهدت : ومستقبلج ؟ مآتبين تعرسين !

هي بلعت ريجهآ : بعرس بس مب الحين آكيد , آهم شي درآستي وابي استقر , ابي الاقي الانسان اللي يصدق بيصبر علي وانا بهالحاله

ابوهآ : مآفي ريال بيصبر انا ابوج وخآبر الريايل عدل

هي : آلمهم آنآ مآبعرس الحين , وانسولي سالفة العملية لين مآتتعدل آوضآعنآ آلمآلية شوي عقب يصير خير

آمهآ تنهد وهي تمسح على راس بنتهآ : الله يرضى عليج ويصلح بآلج

هي : آمين

ابوهآ يود ايدهآ : مآعليه يآ بنتي , آكيد بيلج يوم بتبصرين فيه الدنيآ وبتشوفين شقد هي جميلة

هي زفرت حزنهآ اللي مب واضح عليهآ : آن شاء الله آبوي , آكيد ببصررهآ في يوم ولو مآبصرت الحين ببصر ف الجنه ان شاء الله

.

.

عبدآلله مآيآه رقآد طلع يشرب مآي , وبعدهآ بشوي وهو وآقف بالمطبخ طلعت مثآيل وهي لابسه شيلة صلآة كبيرة مغطيه كل شي في جسمها حتى ريلهآ , وركضت المطبخ وشغلت الليت وصارخت يوم جآفت وآحد جدآمهآ

عبدالله لف : شفيج ؟ شحقة تصارخين الكل رآقد

مثآيل تلومت : خفتك حرآمي

عبدالله ابتسم بهبل : سبحآن الله

مثآيل طآفت عنه وصبت لها مآي وقعدت تشرب وتمت تطآلعه وهو سآكت عقبهآ : شحقه تطآلعني جي ؟

عبدالله : ولآ شي " كآن بيروح لكن "

مثآيل : حلمي ماقدر اخسره عشان حبي يا عبدالله , انا صح احبك , ويمكن آلكلآم اللي قلته مآكنت آعنيه لكن آحترم رغبتي

عبدالله وهو عآطنهآ ظهره : روحي , آلله يوفقج وين مآكنتي بس كلآمج اللي جرحني مستحيل آنسـآه , آذآ رجعتي ومشآعري صآرت ميته وبآرده لآ تلوميني آوك ؟ " وطلع من المطبخ "

مثآيل مصدومة من كلآمه تضآيجت وآيد , حطت كوب الماي في طرف وطلعت بندت الليت ورجعت واول مادخلت الميلس فصخت الشيلة وتغطت بآللحآف وبدت دموعها تطيح بحرية لين نآمت ..

.

.

مشآعل رن تلفونها سحبته وطلعت من الميلس ورآحت ورى البيت عسب ترمس برآحتهآ عقب مآبندت تحس بهم كبير على راسها مآتقدر تشله , فتحت المسجآت وجآفت مسج وآصلنهآ

حآمد " مشآعل , بآجر آبآ آجوفج وتعرفي اذا مآيتي ش بيصير صح ؟ مآيحتآي اعيد موآل كل يوم , آموآحح يآحلوة "

مشآعل نزلت تحت على الارض ولمت ريلها وغطت ويها بدت تصيح بحرقة على اللي قاعد يصير لها وماحد حآس ..

.

.

مهره بعد مآخلص الفلم قآمت وبندت الفيديو والكل رآح لفراشه لبست شيلتها تبا تطلع لكن تبطل الباب ولقت مشاعل سيدة دخلت بدون لآ تشوف ويهآ آمآ مهره طلعت برع وسكرت على البنآت باب الميلس عسب لا حد اي لهم .. سمعت صوت حد يضحك قربت من الصوت لكن تمت بعيدة بحيث مآيرآقبها لقت صآلح آخوهآ يسولف بالتلفون كانت بتروح لكن شدهآ اسم " مصعب " اللي نذكر وسط السوآلف , حست بغصة وبقهر وتذكرت لمآ قالهآ ( آنتي غشيم , مآتعرفين اللي يدور حوآلينج ) سكتت وتمت تسمع ..

صآلح : لآ حبيبي , خلآص لو يوم وآحد آنسي ان مصعب اخوج , ياخي ذليتينا فيه

.. : آخآف

صآلح : من شو ؟

.. : مهره تعآند وآهلك ومآيصير بينآ نصيب بعد كل هالحب

صالح : فال الله ولا فالج لا تقولين جي

.. : آوك مابقول " تتصنع التثآوب " أنا تعبت بنام

صالح : نوم العوآفي , وسلآمتج من التعب حيآتتي ولآ تحآتين لآ مهره ولآ غيرها بيخربون الحب اللي بينآ ..

مهره حطت ايدهآ على ويههآ وتمت تمسحه اكثر من مرة تحآول تستوعب اللي يصير عقب سيدة راحت دآخل وسكرت باب الميلس عليهم قبل لا صالح يسكر آلفون ويعرف انها عرفت انه يكلم اخت مصعب وهو ورى كل شي صار لها في اول مرة ..

.

.

ذيآب فجاه قام من رقاده وتم يستغفر ربه مآيعرف ليش فجآه قآم , دق لآخوآنه يطمن عليهم وقبل لآ ينآم تم يفكر , آلحين هو شو بيسوي اذا سالته الهنوف مرة ثانية عن الفولدرآت الخآصة الموجودة في آلآب ؟ : ليش قريتيهم يالهنوف ليش , ليش لآزم تفتحين جروح المآضي , آلله يسآمحج , يآليت مآرمسنآ بهالموضوع ابد , آنآ مآحب آجذب عليج بس هالشي مستحيل اقوله لاي حد , سآمحيني .. سآمحيني لآني بسكر هالموضوع ولو آني اعرف ان روحج بتم فيه وبتحآتيه , آنآ لآزم مآعطيهآ الاب " فتح الاب وتم يقرا المكتوب دمعت عينه بقهر وسكر الفولدرآت وحددهم كآن بيحذفهم لكن استغفر وخلآهم وبند الاب قبل لا يتهور ورجع ينآم "

.

.

مآيد حآط آيده على الطرف الثاني من الشبرية يبآ يحضن موزة لكن استغرب ان مآحد رآقد مكآنهآ وفآضي , خآف عليهآ وآيد وعلى اللي في بطنهآ فز لقآهآ فالحمآم ترجع , همته وآيد كآنت تصيح وهي ترجع دخل وحضنهآ ..

مآيد يبوسهآ على راسهآ : شفيج حبيبتي ليش تصيحين ؟

موزة تصيح : يعور الشي , تعبت وانا ارجع احس روحي تطلع

مآيد رص في حضنه عليها : خلآص بس اشش لا تقولين جي بسم الله عليج شهالكلآم

موزة تصيح آكثر : وآلله تعبت مآيد

مآيد : استحملي كم شهر وخلآص بتولدين

موزة تمسح دموعهآ وبحزن : بآقي وآيد , آخآف انا اللي اموت

مآيد لفهآ وحضنهآ عدل بحيث راسها يكون على صدره وقال : لآ تقعدين ترمسين عن الموت , آنآ مآبقولج نزلي الياهل لاني مش كافر وبصرآحة انا خاطري فيه دآمه منج , استحملي حبيبتي واتاكدي اني دوم ويآج

موزة بتعب : مآيد لآ تخليني

مآيد : دوم ويآج حبيبتي " يود آيدهآ ورجعهآ الشبريه وتم يقرا عليها المعوذات لين نآمت ويوم جآفهآ نآمت ارتآح هو ونآم "

.

.

يوسف قآم وطلع من الغرفة وقعد برع جآف صآلح دآخل دآخل ابتسم له وصآلح رآح آمآ يوسف طلع برع يتمشى بروحه كآن يفكر . . " ليش يوم حبيت آول بنت في حيآتي تعآملني بهالطريقة ؟ آنآ بشو قصرت صوب الهنوف ! , آنآ وآلله آحبهآ من قلب بس ليش قلبها مآيميل لي ؟ يآ ترى تحب حد من ورآنآ ! , آففففف الافكآر السودة كلهآ مب راضية تروح من بالي , وآلله آول بنت آحبهآ وتعطيني كآش وتجرحني " كمل مشيه آملآ منه ان ينمحى كل شي من راسه ومآعآد يفكر في آلهنوف بعد اليوم ..

.

.

روضة مآغفت عينهآ لييين رن منبه مهره على اساس انه صلآه , ووعت الكل والكل نش يصلي ونصهم نشوآ خلآص ونصهم ردوآ ينآموآ , روضة ردت تنآم لآنهآ كآنت تعبآنة , كملت رقآدهآ ف الميلس كآن شعرهآ مفتوح ومتكورة على نفسهآ لانهآ كآنت تحس انها بردآنه .. اما البنآت " مهره وغايه وآنآ " آلوحيدآت اللي قمنآ , حآولنآ فالبنآت لكن مآحد يبآ ينش .. رحت فوق تغسلت وتسبحت وبدلت ويوم رجعت جفت مهره وغايه مبدلين وكآشخين قعدنا نسولف سوينآ كوفي ورحنآ ورى المزرعة نسولف ونكمل .. فوني رن , طلعته من مخبآ آلكندورة ورديت واستغربت لآن الرقم اصلا مب من الدولة ..

: آلو

# : آلو

: ممكن تروحين عنهم بعيد ؟

خففففت منو هذآ اللي يرآقبننننني ؟ ويعرف اني قاعده مع البنآت , قمت ورحت بعيد وسمعت صوت ضحكته وهو يقول

# : خآيفة ؟

: خلصني شو تبآ ؟

# : نسيتيني ؟

: انا اعرفك عسب آنسآك ؟

# : مو مشكله بتعرفيني مع الايآم

: لآ تترجع تتصل على الاودام شكلك مغلط بالرقم

# : صدقيني واثق مثل الشمس ان هذا رقم البنت اللي انا اباها

: ومنو آنآ يآلوآثق ؟

# : مب آنتي الهنوف بنت علي ؟

ارتجفت : بلآ شعرفك بآسمي ؟

# : هههههههههه بينآ آتصآل ثآني , سلآمم يآ حلوة " وبند "

تميت آفكر وآيد , حسيت بكتمة وضيج ؟ منو هذآ اللي متصل وشو يبآ مني ومطيح الميآنة , يآ ترى اخبر حد ولآلآ ؟ آنآ بخبر البنآت بس بحلفهم مآيقولون لحد , تميت امشي وانا رايحة للبنآت يآ في تفكيري ذيآب , شو اللي كآن يقصده بشي جديم وجرح وهالكلآم اللي قآله البارح , هو ليش يخبي عني ؟ آآه يآ ذيآب لو اعرف شو اللي بقلبك وقتهآ برتآح , لمآ جفت البنآت مستآنسآت ويسولفون وغآية تغصص بمهره , مآحبيت اخرب لحظآتهم واقول لهم آنه رقم غريب اصلآ هم مآسآلوآ , فسكرت الموضوع وبروحي بجوف نهآية هالموضوع وين يآترى ؟ تميت اشرب الكوفي وآنآ آتآمل المزرعة , آآتآمل الاشياء اللي يدي يحبهآ , يدي عشقه المزرعة , يدي كآن يعتمد على المزرعة انها تثمر وتطلع خضآر وكل شي وفوق ها بنآ هالبيت الكبير هذآ عسب يلم شملنآ دوم .. حرمآن , سلحفآتي .. ليش يآت في بآلي مآعرف لكن احس راسي وآيد يعورني من الاشياء اللي قاعده تصير لي , مشآعل , سهيل , بشآير , الرقم الغريب , ذيآب والشي اللي مخبيه , يوسف , روضة !!!!! آحس كل مآلهآ اللستة تزيد بالاشخاص وبالهموم , آنآ متى بعرف احل كل ها .. قعدت آتخيل آن حد من العآيلة يروح ؟ كيف موقفي وقتها , كيف حيآتي بتكون فيهآ نقص آكيد , يوآ في بآلي ربعي ايام المدرسة يآ ترى بتستمر علآقتنآ مع بعض حتى لو مآكنآ بنفس الجآمعه ولآ الحيآة بتغيرنآ وآيد وبتعرفنآ على نآس يدآد , آنآ متآكده كل شي بيتغير في هالعآلم غير قلب امي وآبوي وهذيل المخبل اللي جدآمي مهور وغآيوهه , وآكبببر قلب انا عشقته هو قلب ذياب , آحس ذيآب مستحيل يخوني , مستحيل يتغير علي لكن شو بالضبط اللي مخبيه عني ؟ استغفرت ربي .. جفت يوسف يشغل سيآرته يآت في بآلي روضة , ليش يوسف مآيحب روضة ويفكني ؟ يآخي انا مانفع له , اعوذ بالله من هالافكآر السودة , آنآ آصلآ مآبآ روضة تحب ولآ وآحد من العآيلة ولآ برعهآ آنآ آعرف الحب كيف , انا صح بعدي مآتعذبت في الحب لكن آحس المشوآر طويل , والاشياء اللي مخبيهآ ذيآب احس انها بتجرحني وبتآذيني وآيد , مآقول غير الله يستر من الياي يآآرب آشرح صدرنآ وريح بآلنآ من الهموم اللي هي فيهآ ..

.

.

حآمد يجلب التلفون : ضميرك يصرخ يآ حآمد ليش تعذب هالبنت المسكينه ويآك في هالموضوع , هي مآلهآ خص بكل اللي يصير , انا ليش احس اني ابا آدمرهآ رغم ان الذنب الوحيد اللي هي سوته آنهآ حبتني , بس بعد مآحد قآلهآ تحب وآحد حقير مثلي , انا تعودت آني العب على البنآت لكن عمري مآتمآديت مع بنت هالكثر كثر مآتمآديت مع مشآعل , ليش آهددهآ , ليش جي آعآملهآ ؟ يمكن لو غيرت معآملتي معآهآ هي تتغير " تم يفكر " لآلآ تخسي آعطيهآ ويه وبعذبهآ آكثر وبرآويهآ الويل , هين يآ مشآعل الياي اكثر ترى ..

.

.
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ظحــگ ۈانــا اصلـاً من الضيق~~ { مخنۈۈۈۈۈۈق~~~ مـטּ تصۈۈيري	alna3ma	عدسة الاعضاء , كاميرا الاعضاء	34	07-23-2011 03:03 PM
شفتَڪ بعيني أمآني ,, فجر ۈطيۈر ۈ ۈرۈد // رحلة آخرهآ مۈآني ,, ڪل من سآفر يعۈۈد	porshcia	عدسة الاعضاء , كاميرا الاعضاء	12	08-10-2010 12:26 AM
شـۈف آڵمۈآتر ۈآقفه كنهـآ ثيرآن ** ۈهـۈ ۈقفته ۈقفة آسد ڵعنبـۈ حيه - { إستـاندر } . . . ~ !	* мя. άl-мansooᴚi	سيارات و دراجات	13	12-11-2009 07:40 AM
.،\|[ آلرجُۈلة طبعٍ ۈَفـيً ۈشڿصُ يملٌآڳِ إحسآٌسِ .. ۈتشُۈفِ آلصْدقْ بقلبــهْ ۈعيۈنـُهْ \|/.،	« ݕڨـﭑﯦﭑ בـطٱم ™	المسنجر وملحقاته , توبيكات , ماسنجر بلس , msn	69	07-13-2009 02:18 PM
{ ليـــٍتْ الــٍزمااטּ الـاۈۈۈل يــٍعۈۈۈد ~~ من تصۈۈۈيري	alna3ma	عدسة الاعضاء , كاميرا الاعضاء	14	04-17-2009 09:49 PM