ۈش رجعگ لآيگون قلبگ يۈم حس آنہ جرحني آۈجعگ ؟

3eƏπ ɑ̠lмɑ̠ƗƗɑ̠ ♥ · 07-08-2013, 10:08 PM

آلبآرت الرآبع ..
تمت مهرة تقرآ المسج مرة ومرتين وثلآث , فرت الفون عسب لا تشك فيهآ غآية
غآية : آمم آنآ بنزل عند لطوف شوي عآدي اتمي بروحج ؟
مهره ابتسمت : خذي رآحتج
غآية لبست شيلتها ونزلت تحت عند آختهآ لطيفة قآمت مهره وقفلت باب الغرفة ورجعت يودت الفون وقعدت تطآلع آلمسج , شوي واتصل فيهآ مصعب , كآنت محتآرة اذا ترد ولآلآ ؟ هي تحس انها تبا محمد ومآتبآ تخونه لكن لآزم ترد على الاتصال عسب لا تصير مشاكل مع مصعب ويخرب كل شي بينهآ وبين محمد .. ردت وتمت سآكته
مصعب : شفيج سآكته ؟
مهره : مآظن لك حق تتصل بعد اللي صار
مصعب : آنتي غشيمة مآتعرفين اللي يدور حوآلينج
مهره بقوه : مآبي اعرف شي , آحتفظ بآسبآبك لنفسك , دآم مآصآر بينآ نصيب ولآ رآح يكون آبعد من دربي
مصعب : آنزين انا للحين اباج صدقيني صاير مآطيق نفسي
مهره : بس آنآ مآبآك , آنت كنت بتمد آيدك على بنت مآلهآ اي ذنب , هه مآحيد الريآيل يمدون ايدهم ولآ صآرت مريلتكم هاليومين بمدت الايد ؟ آلحمدآلله آني جفتك على حقيقتك قبل لآ اخذك عسب لآ اتعذب بعدين
مصعب عصب : مهره احترمي نفسج , انا ريال غصبن عنج , وبعدين هي نرفزتني ولا انا ماكنت بمد ايدي عليهآ
مهره : آلحين تبا تفهمني ان نحن بعدين على جدام يعني لو خذنآ بعض آذآ عصبت مآبتمد آيدك علي ؟ مصعب لآ عآد تتصل فآهم ولآلآ , ولآ صدقني بفضحك بين آهلي مرة ثآنية , هه ومآتوقع هالمرة تبا سمعه اهلك تكون فالحضيض صح ولآلآ ؟ نبعد بكرآمة مثل مآتلاقينآ بكرآمة , ويآليت رقمي تمسحه , آنآ بصير جريب على ذمه ريآل وآنآ مآبآ آخونه معآك
مصعب : خنتيه دآمج كلمتيني الحين شوفي الساعه كم
مهره عصبت : آنآ مآبخونه اببد لآ عشآنك ولآ عشان اي حد ثاني , ولعلمك مليون ريآل مآيسوآه " وبندت ف ويهه "
مصعب رآح وطلع رقم محمد وطرش له مسج " هه , على اساس ان اللي خآطبنهآ تبآك ؟ روح جوفهآ تكلمني نص الليل "
.
.
غآية تمت آدور لطيفة مآلقتها طلعت لقتها قآعده مع خآلد يآيه بتروح لكن خآلد نآدآهآ هي صح تكره حركآته لكن تسمع كلآمه مب خوفا منه لآ , بالعكس حبآ له وآحترآمآ لآنه اكبر عنهآ , رآحت وقعدت مجآبلتنهم وتمت منزله راسها ..
لطيفة : ليش مب راقدة للحين ؟
غآية : مآيآني نوم كنت يايه عندج
خآلد يطآلع غآية : آنآ آسف
غآية رفعت راسهآ وعينهآ دموع : مآتعيدهآ
خآلد : مآبعيدهآ بس لآ تصيحين
غآية ابتسمت : آنزين مآبصيح
لطيفة : برخصتكم رآيحة آنآم
خآلد : وآنآ بعد وآنتي غآيوهه بعد بسج سهر
غآية : همم بقعد شوي وبروح ولآ يهمكم
خآلد ولطيفة انسحبوآ وكل وآحد منهم توجهه لغرفته في المزرعة وغفت عيونهم ..
.
.
مشآعل تقطع آظآفرهآ : يآويلي لو حد درى عني وربي ل روح وطي استغفر الله بس .. !
اهتز تلفونهآ بمسج " حبيبتي وآلله , صبآحج ورد , آليوم بنتشآوف في المول , دبري عمرج "
من جآفت المسج صآحت , هي مآتقدر تلجآ لحد بهالفترة شو بتقولهم ؟ آنآ تعرفت على وآحد وآلحين يهددني , حست بالضعف وبالكتمة مآعرفت شو تسوي غير آنهآ تنصآع لآوآمره عسب لآ يسبب لهآ مشآكل ويفضحها على جدآم ..
.
.
محمد يدور فونه ونسى آنه بالغرفة فرآح وشله وجآف آن وآًصلنه مسج لكن من رقم غريب ولمآ قرآ المسج ين ينونه , وبتهور صعد فوق وتم يدق الباب على غرفة قوم الهنوف , مهره قامت بخوف وتحجبت عدل وبطلت البآب ..
مهره : ممحمممد , شو تسوي فوق في قسم البنآت تبآ تفضحني !
محمد دخل وسكر الباب وقفله وفر التلفون : شو هذآ ؟
مهره شلت التلفون وهي تقرا المسج وبلعت ريجهآ وتمت سآكته
محمد : منو هآ ؟
مهره منزلة راسها : هذآ مصعب
محمد : وشو عرفه رقمي ؟ وشو هآلكلام الفاضي اللي كآتبنه
مهره رفعت راسها : محمد ليش انت جي معصب ؟ آنآ كلمته هي
محمد : يآ سلآمم ؟ بهالوقت مكلمتنه , شي جميل انسه مهره " تجدم وسحب تلفونه ونزل تحت "
مهره رآحت وسكرت الباب بقوه وقفلته وقعدت تصيح , هي يمكن غلطت آنهآ ردت لمصعب بس هي كانت تبا توقفه عند حده
.
.
هديت كلب غآية من التعب ورحت جفتها قاعده على الكرسي تميت امسح على عيوني واتثاوب
غآية : حشآ شفطتيني روحي نامي
: آخآف مآقوم على الصلآة
غآية : منبه مهره مآيقصر
: زين خلينآ نقوم ننآم عسب نلحق نقوم عقب
غآية : يلآ
صعدنآ آنآ وهي فوق تمينآ ندق على الغرفة عقب بفترة فتحت الباب مهره , كآنت غاية يايه بتهزبهآ لكن للاسف انصدمنآ من ويهه مهره محمر على الاخر وعينهآ مليآنه دموع , سيدة دخلنآ وقفلت الباب من ورآي , خوفتني وآيد خفت لآ صار لها شي رحت صوبهآ انا وغآية وقعدنآ وكل مآنقول كلمة تصيح آكثر .. عقب مآهدت وشغلت غاية قرآن
غآية تمسح على ظهر مهره : شفيج حبيبتي
آنآ تذكرت آني مآعطيت سلحفآتي " حرمآن " آكلهآ رحت صوبهآ وحطيت آكل لها شوي ورجعت قعدت ويآهم
مهره تصيح بهدوء : محمد
قلبي عورني وآلله : شفيه ؟
مهره : عصب مني
غآية : مسرع لحق يعصب منج شسويتي له !
مهره هدت ويابت تلفونها وفتحت المسج وتمينآ نقرآه مرة ومرتين تميت سآكته انا بس غاية وآيد عصبت من الكلآم اللي كآتبنه مصعب لمهره , بس مآتكلمت بلعت عصبيتها لان تحس لو عصبت مهره بتصيح اكثر وهالشي مب وقته آبد
غآية : استهدي بالله مآبيقدر يسوي شي
مهره : آتصل لي ورديت عليه
: آنزين ؟
مهره تنزل دموعهآ على خدهآ : كلمني وكلمته , وقلت له آني جريب رآح آكون على ذمه ريآل وانا مابا اخونه , قال انتي اصلآ قاعده تخونيه بمآ آنج كلمتيني هآلوقت , عصبت عليه وهددته لو رجع اتصل مآيلوم الا نفسه وبندت وطرش الحيوآن مسج لمحمد وخبره آني كنت آكلمه ومحمد يآ هني معصب وآيد هو مآسمعني من قلت له آني كلمته عصب وايد لاني اكلم مصعب بهالوقت وطلع وهو زعلآن , انا والله بس كنت ابا اعدل الاوضاع من بينآ مآكنت اباه يخرب ونآستي آن واحد مثل محمد خطبني ..
غآية تتلحف : آوف , مشكله من هالريآيل مآلت عليهم , آقول تعآلي نآمي ولآ تفكري لآ فمحمد ولآ مصعب , يحلها آلف حلال لباجر
: صدقهآ , خلينآ ننآم وبنقوم على صلآة الفير بنصلي وبنرد نآم والصبآح ربآح
مهره مسحت دموعهآ ودخلت تتغسل ومن رجعت تلحفت ونآمت ويآنآ ..
غمضت عيني ابا انام لكن مآقدرت , مآدري ليش مصعب دخل في حيآتنآ مرة ثآنية , مآدري ليش هو يسوي كل هالاشياء آطآلعت غاية وهي راقدة وافكر ليش صاحت هالكثر لما لمسها خآلد ؟ ابا اعرف غاية شو مخبيه عني ..
غآية بطلت عينهآ : تفكرين فيني ؟
: بصرآحة هي ..
غآية : بشو تفكرين !
: ليش صحتي هاك اليوم لمآ خآلد لمسج , اقول في خآطري يآ ترى آنتي شو مخبيه عني
غآية غمضت عينهآ بالم : لآ تذكريني
: خبريني ودي اعرف ..
غآية يودت ايدي وقعدت تلعب فيها وهي تقول : مرة رحت بيت جيرآننآ كنت ابا اقعد مع بنآتهم لكن آنصدمت بآبوهم وجي لمسني وآلله يستر شو كآن بيسوي فيني لكن انا دزيته وشردت , ورجعت البيت وآهلي عصبوآ وخلود عصب وهددوآ بعض وصارت سالفة عودة لين تسكرت هالسالفة ومن يومهآ مآحب حد يلمسني ولآ آحب آطب بيت هذيلآك النآس ..
آنصدمت وآيد وبلعت ريجي وقلت : آلحمدآلله آنه مآسوآلج شي
غآية ابتسمت بالم : عسب جي انا اخاف ومتعقده
حضنتهآ : لآ تخآفين المآضي آنسيه وخلينآ نعيش لبآجر , بآجر آكيد بيكون آحلى
غآية ابتسمت وهي فحضني : آكيد دآمكم ويآي بيكون آحلى
مهره بطلت عينهآ : انا مب يايني رقآد .. وسمعت سآلفتج ترى
غآية : عآدي دآمهآ بيني وبينكم آنآ مطمنه لكن مابي حد غيرنآ يعرف وعد
مهره وآنآ : وعد
: بمآ آنكم تصآرحوني بكل شي ودي اقولكم شي لكن محتآرة
غآية بتسرع : قولي قولي ياخي , وعد مآيظهر
آطآلعت مهره
مهره ابتسمت ك وعد
استحيت وآيد : آنآ آحب
غآية نطت : آححححلفي
اعتدلت وقعدت ومهره بعد ويبين على ويهم ملآمح الصدمة
مهره : حد من العآيلة ؟
: آمم جريب من العآيلة
غآية : آويييه نونا تحب ونحن مآندري ؟ منو هآ سعيد الحظ
مهره : هي وآلله يلآ خبرينآ منو
: ذيآب
مهره وغآية يطآلعون بعض عقب ردوآ طآلعوني وقالوآ بصدمة آكبر : ذيآب !
استحيت وآيد من نظرآتهم : هي هي شفيكم مب عايبنكم ذيآب , احبه ويحبني ومن زمـآن بعد
مهره : عشتوو وآنآ آجوف عصبيته فالمول
غآية : بالمول !!!!
مهره : الله يسلمج . . . . " وبدت تحكي لها اللي صار " آنآ مآسمعت لكن حسيت ملآمح نونا اعتفست يوم كلمهآ ذيآب
غآية : والموقف اللي صار لمآ طلع ذياب , كنتي زعلآنه منه عسب جي عقيتي عمرج بحوض السباحه صح ؟
: آممم هي ههه كنت مينونه شوي
مهره : الا وآيد
غآية : وآلله مآيبين على ذيآب الهرم آنه يحب حد
: ههه جفتي كيف
مهره : عآد اللي يقول كآن يبين على نونآ آنهآ تحب اصلآ , مآيبين آبد
استحيت : خلآصصص بسسس احرجتوني وآيد يلآ ننآم عن تقوم يدوه وتسمع اصوآتنآ وتهزبنآ
تموآ يضحكوآ وهم يغآيضوني بذيآب , نمنآ من كثر التعب اللي فينآ , انا نمت من الونآسة لآني نمت على طآري ذيآب , آمآ غآية نآمت على امل آن بآجر يكون آحلى وينسيهآ كل الالآم اللي هي عآشتهآ , مهره نآمت وهي متضايجة لآن محمد متضآيج منهآ ..
.
.
محمد يود التلفون وجآف آن وآصلنه مسج ثآني بموعد طيآرته وابتسم لآنه رآح يروح جريب , مآيدري ليش حز في خآطره وآيد من مهره تمنى لو آنهآ يآت وصآرحته وخبرته عن المسج , تنهد بحزن ونآم ..
.
.
يدوه قآمت الصبح على الساعه 6 وآنصدمت آول مرة مآتقوم للصلآة بروحها تضايجت وآيد وقآمت صلت عقب نزلت توعي الشباب لان طبعا لو ماحد وعآهم مآبيقومون
يدوه آدق على ذيآب : ذيآب بويه بطل الباب قوم بسك رقآد
ذيآب بطل الباب وهو مبتسم وباسها على راسها : صبآح الخير
يدوه تطآلع السيآدة والقرآن المحطوط وابتسمت برآحة : صبآحك وليدي , صليت ؟
ذيآب : هي قمت وصليت الحمدالله
يدوه : آلحمدآلله , يلآ عيل نشش هالاولاد تعبوني انا بروح آوعي البنيآت يحليلهن اكيد مآلحقن يصلن
ذيآب : مآعليج آمآية آنتي روحي وانا بوعيهم
يدوه ابتسمت وصعدت فوق وذيآب رآح وعى الشباب وكلهم قآموآ وصلوآ وقعدوآ مآردوآ ينآموآ يدوه وعت كل البنآت ويوم قربت صوب غرفتنا تمت ادق بقوه لين انهد حيلهآ , فزيت بخوف شهالدق ركضت صوب الباب وبطلت الباب لقيتها ف ويهي
: شفيج ؟ شي يعورج ؟
يدوه : وآبوي عليج آنآ , يآيه آوعيج للصلآه انا مافيني حآيه يلآ نشن يا مخيسه الرقآد صآرت 6 وشي الحين
: آوييه " ضربت رآسي " استغفر الله طلعت الشمس آنآ بقوم البنآت وبنصلي
يدوه : زين تسون وياليت تنآدين مهره عقب تي جدآي ابي آكلمهآ
: آن شاء الله من عيوني يدوه " بستها على راسها " صبآح الخير
يدوه : صبآحج نور , يلآ نششي مخيسه الرقاد اللي وياج
: ان شاء الله
رآحت يدوه وسكرت الباب ورجعت السرير ووقفت وتميت آنط ومهره وغآية يصآرخون ويوم جفت الباب انفتح نزلت تحت على الارض كآنت يدوه ومعصبه من آصوآتهم
قلت ببرآءه : يدوه واعيتهم جفتي شقا صآرخوآ علي ؟
يدوه سحبت اللحاف وسحبت مهره من صوب وفرتها على الارض وسحبت غآية وفرتها في الارض وقالت : بعد لي الثلآث لو مآجفتكن بالحمام مآتلومن الا نفسكن , وآآآآآآآآآآآآآآآآآحححححححححد
غآية فزت وركضت الحمآم وسكرت الباب بقفل عسب لآ آدخل آنآ ..
يدوه : آثنيييييييييييييييييييييييييييييييين
طلعت من الغرفة , آكيد بتصفع مهره , آكيد آكيد آكيد , كآن شعري مفتوح ولآبسة بجآمة كت هي مرسوم عليها زرآفة كآنت وآيد عآيبتني احسها هالبجآمة سبيشل رحت صوب غرفة يدوه ودخلت اتغسل وتوضيت هنآك وصليت في الغرفة ويدي كآن يطآلعني ومن خلصت قمت وبسته وصبحت عليه وخليته ياخذ ادويته وقعدت اسولف ويآه ورجعت الغرفة .. جفت مهره قآيمة والسيآدة مسكرة ابتسمت وكآنت يدوه قآعده حذآلهآ
يدوه : بويه مهره مآرديتي علينآ , وترآه الا ولد عمج ؟ آنتي مرتآحة ولآ تحسي انا تسرعنا لما خطبناج له
مهره منزلة راسها : يدوه آنآ
: ياخي مهور لا تسوي جي في يدوه خبريهآ ردج
مهره افتشلت وآيد
يدوه : جيه انتي تعرفين ردهآ ؟
: هي يدوه بس احسن تسمعيه منهآ
يدوه : خبريني يلآ
مهره : آممم موآفقه
يدوه حضنتنهآ : آلف آلف مبروك
مهره مستحيه : آلله يبارك فيج يدوه
يدوه : من قلبج موآفقه ولآ آنغصبتي ؟ ولآ عشان اللي صار
مهره ابتسمت بآرتيآح : لآ يدوهه , آحسني مرتآحة من صوب محمد وبعدين هو مب غريب اكيد بيسعدني وبكون وياكم دوم
يدوه يودت ايدهآ : ونعم الاختيار " آطآلعتني " شهاللبس المفصخ ؟
: يدوه كنت راقده شو تبيني انام بعد لآيكون مخور , آلحين بسبح لعيونج وبلبس مخورة شو تبين آكثر من جي
يدوه ابتسمت : حتى مهره وغآية " تذكرت " غآية جنهآ مآطلعت تصلي للحين " يدوه راحت صوب الحمام وكسرت الباب كثرت مآدقته ولمآ فتحت غآية الباب ضحكنآ آنآ ومهره ضحك كآنت متسآنده على الباب وشكلهآ كملت رقادهآ ف الحمام مآقدرت تقوم لكن يدوه آدبتهآ رآحت سحبتها وشغلت المآي وسبحتها وهي ترش عليهآ " : مسودة الوية يآ قليلة الادب وانا اقول هالعآجل قآمت والحين بتصلي اثاريها نآيمة بالحمام ..
غآية تصارخ : خلآصصصصصصصصصصصصصصصصصصصصصصص
يدوه بندت الماي : دقيقتين وآجوفج برع ومصليه بعد
غآية تمسح ويهآ : آن شاء الله
يدوه طلعت وغآية سكرت باب الحمام وتغسلت وتوضت وطلعت صلت عقب طلعت لهآ ملآبس ودخلت تسبح لآن يدوه موصخه كل راسها ونص ثيابها اصلا بالمآي , عقبهآ مهره رآحت حجرتهآ تسبح وانا تريت غاية لين طلعت عقب سبحت وبدلت لبسي ولميت شعري ولبست المخورة وتعطرت على الخفيف ونزلت تحت صبحت على اللي قايمين وقعدت صوب ابوي اسولف ويآه وآسويله مسآج في رقبته , عقب يآ يدي ويدوه والخدآمآت يآبوآ الريوق نزلنآ كلنآ لكن انا بس صبيت لي شآي مآكنت مشتهيه شي
محمد رن تلفونه ويدوه معصبه
يدوه : محمد يآويلك آن رديت , كل آكلك
محمد : شوفي كلت بسني ها التلفون من الدوآم لآزم آرد
يدوه : آففف منك ومن دوآمك هذآ اللي مآمنه فايدة
محمد : آششش اسكتي يدوه شوي " رد " آلو , هي نعم , لآ بعدي , بيقدموهآ آكثر بعدد !!! , لآلآ موعدهآ كآن زين , صدق وآلله ؟ آنزين **** ويآي في نفس المكآن ولآ غيرتوه ؟ مب مشكله , لآ خلآص الوقت منآسب , آن شاء الله , مع السلآمة " بند "
يدوه : يلآ كل اكلك وخبرني شو قالولك
محمد : هههههه يالفضول مآبخبرج يوم غايته بخبرج
ام محمد : جيه شو صاير يلآ تنطق !
محمد : ولآ شي آميه شغل شغل يآخي .. !
آم محمد : زين زين خلاص كلتنآ , كل اكلك وآنت سآكت
يدتي قالت جدآمهم كلهم وآحرجت مهره : آلمهره موآفقة على محمد
محمد رفع راسه وتم يطآلع مهره وغص بآكله ويدي قعد يتمصخر عليه
يدي : يآلله لهالدرجه مهره مخشعتنك بحبهآ , لعنبوك يوم خطبتها وانت متخبل واليوم تغص بالآكل من طروآ اسمها , شوفي سلآمة عيالج اختربوآ انا اشوفهم كل وآحد عشقآن له وحده
يدتي : بمرغهم مرآغ سوآلف حب مآحب مآعندي , وبعدين محمد وين بيلآقي وحده مثل مهره ونعم الاختيار والله
ام محمد استآنست وآم صآلح استآنست اكثر وبآركوآ لهم وجي ..
يدي : بنت علي شحقه مآتآكلين مثل الاوآدم , غديتي سلق اشوفج ؟
: حشآك يدي وآلله آني آكل , اسال مهره وغآية آكل آكل آكل ولآ آمتن ملييت !
غآية : هآي مآ منهآ فآيدة يدي
يدي : عيب غايه لا تقولين جي عن بنت عمج
: عآدي يدي حبيبي نحن جي نسولف
يدي : هيي ..
محمد قآم وتغسل ومن رجع تم وآقف وقآل : آمآية ويدوه ابا اكملكم في موضوع ممكن تيون ؟
يدوه وآم محمد قآموآ , سيدة طآحت عيني اجوف عين مهره , كآنت ميودة عمرهآ خآفت لآ يصير شي بعد على جدآم آو تخسر محمد مثل مآخسرت مصعب , بتكون خسآرتين ورى بعض مآعرف كيف بتتحمل ..
فآلغرفة عند آم محمد ويدتهم " سلآمة "
محمد : بصرآحة يدوه الشباب قدموآ موعد السفرة وبتكون على الاسبوع الياي ياليت تقولون لمهره نملج هالاسبوع
ام محمد : فضيحة بالبنت شو نقولهآ
يدوه : خير البر عآجله , انا موافقه
ام محمد : بس الله يهديج عموه , آخآف مآترضى , وآيد جريب يعني متى بتلحق تتعدل وتشتري
محمد : آذآ عن المهر ترآه زآهب , آمآ عن الملجة مب لآزم حفلة ويوله , بنسوي عشآ بسيط مآبتعزمون فيه غير الاهل مانبا حشره زيآدة وبس , وعقبهآ انا بسافر ومن ارد بنعرس ..
يدوه : جيه ثرك بطول ؟
محمد : بصرآحة يمكن شهر ! , ومن آرجع بنحجز في الدوآم لفترة معينه بسبب الضغوطات اللي تصير
آم محمد : ووين بتروح ؟
محمد ابتسم : مآقدر آقول سمحيلي , في هالمواضيع نوع من السرية
يدوه خآفت : يعني ممكن تتعرض للخطر ؟
محمد : لآ مآعلي خوف
يدوه يودت ايده : آمآنه آدير بالك على نفسك
محمد : آن شاء الله آنتي لآ تحآتين , يآليت بس تكلمون آهل مهره
يدوه : آلحين بكلمهآ لك
محمد : لآلآدخيلج خلي النآس تتريق وعيني من الله خير
طلعوآ بثلآثتهم ومآقدرت افسر شو يبين على ويوهم ؟ يآ ترى هذآ حزن ولآ فرح ولآ شو بالضبط , تميت سآكته لكن ضآربني فضول , هدوء يدوه ورآه شي , فديت عيوزتي , آكيد بتخبرني عقب ومآبتخش عني , آن شاء الله عآد ترضى تقولي بس .. لكن وانا افكر قطعت حبل افكآري يدي وهو يطلب مآي , قمت ويبت له ورديت قعدت .. شوي اشوف ام محمد وام صالح ينسحبون من الصآلة مع بعض قلت آكيد الموضوع يتعلق بمهره ومحمد , آتنهدت , بصرآحة ؟ خفت وآيد لآ محمد رآح ولغى كل شي آلله يعين ويستر .. !! كنت مسوية طآف للموضوع لكن توترت آكثر لمآ يت الخدآمه وقآلت لمهره آن امهآ تباها دآخل وهي راحت دآخل , كنت على نآر قاعده اتريآهم يطلعون , كنت بس اطالع غايه وهي آطآلعني اما مثايل كآنت تطآلع ايدهآ وسرحآنه , مآعرفت في شو سرحآنه بس من جفت ويه عبدآلله تآكدت آن شي صاير من بينهم معكر آجوآئهم ..
مهره : آمريني آمآيةة " لمآ جآفت آم محمد آستحت " سآمحيني عموه مآرديت عليج خبر وعرفتي من يدوه لآنهآ من الصبح يتني عسب تعرف اذا موافقه ولآلآ
آم محمد مبتسمة : ولآ يهمج بنتي اهم شي وآفقتي وبنفرح فيج آنتي ومحمد
مهره قلبهآ يدق وقعدت : آمروني شي صاير ؟
آم صآلح : بصرآحة يا بنتي نحن بنقولج شي
مهره زآدت نبضآت قلبهآ وبعصوبة نطقت : قولي آمآية شو صاير ؟
آم صآلح : محمد بيسآفر الاسبوع الياي وبيتم شهر هنآك ويبآ يملج هالاسبوع بتقدرين ؟
مهره تنفست بصعوبة ونزلت راسها : هي .. عع..آآدي
آم محمد حست فيهآ : يآ بنتي خبرينآ لو مب رآضية بنتريا لين مآمحمد يرجع وبتملجون لكن هو طلب هالشي
مهره حآولت ترد نفسهآ طبيعي وتلعب بصبوعهآ : لآ عآدي عموه راضية انا دآم هاي رغبته مآفي مشكله
آم محمد : بتكون عآئلية بس لو تبين تعزمين ربيعآتج عزميهم آنزين
مهره : آنزين
آم محمد ابتسمت : بآجر بنعطيكم المهر ان شاء الله
آم صآلح : ان شاء الله " حضنت مهره " بالبركة بنتي
مهره : الله يبآرك فيج آمآية
آم محمد بعد حضنتهآ : مبروك , آلله يتمم لكم على خير ويسعدج يآرب
مهره استحت : آلله يبآرك فيج عموه , آمين
بعد شوي طلعوآ من الغرفة وآلكل قعد يعلق على مهره لآنهآ محمرة على الآخر قعدت آطآلعهآ وغآية رآحت صوبهآ آنآ مآحبيت اروح لآن احس غاية مآبتقصر بتحرجهآ زيآدة رحت وقعدت صوب مثآيل , لفت الصوب الثاني احترت وياها قربت منهآ وهمست فاذنهآ
: شفيج مب على بعضج ؟
مثآيل اعتفس ويهآ ولفت صوبي وقآلت بهمس : ولآ شي
: متضاربة مع عبدآلله ؟
مثآيل لفت وتطآلع ويه عبدآلله وقآلت : هي
: الله يهديكم بسس
مثآيل نزلت راسها مآحبيت اضغط عليها ولآ آكلمهآ , لآني مآعرف شو صاير من بينهم عسب آحكم منو اللي لآزم يزعل من الثاني رحت وقعدت صوب مهره وغآية مآقصرت خبرتني كل شي وباركت لها وعقب الكل بارك لمحمد وحددوآ العزيمة وآلكل كآن مستآنس على الاخر لدرجة آنهم قآلوآ بيطلعونآ اليوم بهالمنآسبة ومنهآ نختآر شي للملجة بمآ آنه نحن بنرد يوم الاربعا بيوتنآ فمآبنلحق نشتري آو نحجز آو نسوي .. قالولنآ الشبآب ان العصر بيودونآ آلمول , صبيت لي شآي مرة ثانية وطلعت برع في هالجو الحلو , موزة مآلهآ حس حشآ للحين رقود ؟ قلت في خآطري برآيهآ مع ميود ان شاء الله تكون مستآنسة ومب مقصر عليها في حآية .. طلعت ورآي روضة ويات صوبي وصبحت علي وقعدنا على الكرآسي شوي , يآلله يآ روضة هي صح اختي لكن ابد مب معاها ولآ اعرف عنها اي شي , حسيتني غير اول مرة اتعمق وياها لهالدرجة ونسولف لكنهآ عقب رآحت دآخل , مآدري ليش احس احيآنآ آن روضة تحب حد وانا ماعرف ؟ المفروض انا اول وحده اعرف اذا روضة حبت ولآلآ .. آبآ آوقف وياها وآحميهآ مآبي حد يكسرهآ ويضرهآ ..
يوسف ولد عمي يآ من ورآي وقآل : ممكن آكلمج
اشرت على الكرسي المجآبل مني وتحجبت عدل : حيآك يوسف آمر
يوسف : بصرآححة آممم
: قول لآ تستحي
يوسف : بصرآحة آنآ آبيج على سنة الله ورسوله
تيبست , معقولة آخذ مآكون من نصيب ذيآب ويآخذني يوسف عنه , حب ذياب في قلبي يخليني اكرهه كل ريآل يحآول يبعدني عنه لكني بسكت لان فالنهآية يوسف ولد عمي ومحترم ويا بالطيب وسالني , اصلآ جي ولآ جي اذا مآوآفقت يدي مآبيغصبني عليه حتى لو صار كرهه وعدآوه بين العآيلآت ..
: يوسف آنآ مآبي آتزوج آلحين
يوسف : بتريآج
: يوسف نحن مآبينآ نصيب آفهمني
يوسف : قلبي يحبج مب بآيدي الشي
: آكيد في بنت بعد غيري تحبك .. وبتسعدك
يوسف : بس قلبي آختآرج
حطيت كوب الشآي على الطآولة وقمت وقلت : يوسف لآ تحرجني قلت لك ردي بليز يعني خلآص سكر هالموضوع " ورحت "
يوسف تنهد : آبآج وآلله بلآج مب رآضية تفهمين ..
خليت كوب الشآي ودخلت دآخل , وآيد آنقهرت مآدري ليش , مابا لو مجرد تفكير آفكر آني مآرآح آكون لذيآب وآن حبي كله يروح هبآءآ منثورآ , استغفر الله بس , احس اني تمآديت مع يوسف وجرحته , بس لآزم يسمع جي ولآ آني آحط له آمآل بآني آكون في يوم من نصيبه آو آكون له , آو مجرد فكرة تمر في راسه آني رآح آسعده , آنآ آكرهه كل ريآل يحآول يبعدني عن ذياب باي طريقة , بتغير وآيد على اللي يبعدني عن ذيآب , مآبكون ودوده بكون شرسه , بتغير وآيد صدقوني , آنآ مآبآ آكرهه حد من آهلي , انا احب ذيآب ومستحيل آتخلى عنه بمجرد آن وآحد من آهلي تقدم لي .. رحت آلمطبخ لقيت زيتون قعدت آكله بشهيه آحسني من زمـآن مآكلته ورفعت عيني وطآحت عيني على ذيآب ومحمد اللي دآخلين تحجبت عدل وقعدت آكمل آكلي ..
محمد : شوي شوي بنت عمي لآ ينشب لج شي
: آطمن ولد عمي لآ تخآف بآكل كيفي لآ تخليني آخبر يدي " ودلعت لسآني "
ذيآب ابتسم على هبآلي وطفولتي اللي مآلهآ معنى
محمد : ذيآب شفيك متبلم ؟ تبآ ديو ولآ بيبسي
ذيآب : آبآ رد بول
محمد : خلآص انا نفسك
صرخت : رد بول من الصبح , حلفت عليكم مآتشربونه " رحت صوبهم وشليت من آيد محمد الردبول وفريته بزباله " يآويلكم لو طلعتوآ غيره الحين بنآدي يدي فاهمين ولآلآ
محمد : حووه بنت عمي شياج
: مآلك خص بس هالعلل مآباكم تشربونه من الصبح " خذت نفس وابتسمت " صح مبروك ولد عمي
محمد : هههههههههه مينونة وربي مش صاحية , الله يبآرك فيج عقبآلج
: آميييييييييييييييييييين
محمد : آتمنى حد من العايلة ياخذج , آنتي دلوعه يدي عآد
: امممم محمد آبآ آكلمك عن مهره
محمد آطآلع ذيآب : آنزين رمسي ذيآب مب غريب
قعدوآ ثنيناتهم على الكرسي مجآبلني يعني وبديت ارمس : بصرآحة هي سوت هالشي عسب توقف اللي صار وتنهيه قبل لآ يبدآ وتكبر المشآكل ..
محمد : مآفهمت ؟
كلت زيتونه ورحت صبيت لي مآي وانا اقول : ترى الغبي مصعبو مطرش لها مسج يهددهآ بغآية وآنه بيخرب كل شي بينك وبينهآ وبيخرب الملجة عليكم وبيفرق من بينكم , فهي خافت ان صدق جي يصير بينك وبينهآ وينتهي هالشي قبل لآ يبدآ فرآحت وردت عليه وتمت ترمسه وكآنت معصبه عليه وكانت تهزبه وتقوله آنه بتآخذك وموافقه عليك وهو شكله يبآ يخرب عمآهآ وطرش لك مسج
محمد ندم آنه مآفهمهآ لكن قال : حتى ولو كآن المفروض تي وترآويني المسج
: وآلله مدري ولد عمي بس اكيد اي بنت يعني مثلآ انا لو كنت جي اكيد بسوي نفس اللي سوته , لآ تلومهآ والله مآنآمت البارح , تصيح تتآلم من اللي سوته آكيد هي ندمآنه يعني لانك نمت وآنت متضايج منهآ والسبب مصعب
محمد تم سآكت وهمته مهره وتضايج وآيد لآنه خلآهآ تنآم وهي تصيح : آهآآ
غآية دفرت الباب بقوه وآطآلعت ذياب وقعدت تضحك كآن ودي اصفعها رآحت شلت لها عصير ميلكو برتقآل ورآحت تيب كوب وطرت البآكيت وتقعد تصيب في الكوب وهي تطالع ذياب ومحمد وتضحك
ذيآب : شفيج مينونه ؟
غآية : آممم شرآيك آنته
ذيآب : قمت اشك ..
غآية : آقول ذياب وحمود وين هديه نجآحنآ ؟
ذيآب : آووه آنتي نجحتي آلف مبروك مآيبين وآلله تحريت عندج دور ثاني
غآية عفصت العصير وتناثر في كل مكان : فال الله ولا فالك يالهرم
محمد : آفآ عليكم خلآص هديتكم بتوصلكم
غآية تضحك : ذيآب حتى الهنوف ترى تبا هدية " وضحكت بصوت آعلى "
يآربيي آنحرججججججت منو طلب منهآ تتكلم ؟ انا قلت ابا هدآيآ الحين ! آصلآ آكبر هدية وجود ذيآب يمبي ذيآب قعد يضحك حس ان غآية تعرف عسب جي تقعد تنغزه بالكلآم سكت ورديت مكآني وكملت الزيتون وانا ساكته وغآية مطيحة الميآنة وتسولف مع محمد وذيآب ..
ذيآب : آنزين آنتي شو تبي هدية ؟
غآية : آبآ تلفون حلو
محمد : خيبه استحي على ويهج تطلبي من ذياب
غآية : ذيآب ولد عمي مب غريب
محمد ابتسم لان الكل اتاقلم مع ذياب : عيب حتى ولو
ذيآب : شو يآ ريآل عآدي عآدييي
محمد : غريبة آم اسنآن مسوسة مآرمست
رفعت راسي : نعم ؟ انا اسنآني مسوسة الحين " ابتسمت ابتسآمة عريضه وعقب قلت " جفت كيف يلمعون ولآ ضرس مسوس
غآية : الخآفي اعظم هههههههههههههههههههههههههههه
ضربتها على ظهرهآ بقوه وصرخت
غآية : الله يخسج الحين يدوه بتي
ويوم سمعت حد يمشي انخشت تحت الطآولة وتحلفنآ مآنخبر يدوه ان هي اللي صرخت
يدوه معصبه : شفيكم ؟
محمد : ولآ شي سآمحينآ يدوه
يدوه : آلله يهديكم حد يصارخ جي , ان سمعت حسكم مآتلومون الا نفسكم " ورآحت "
غآية طلعت من تحت الطآولة وهي تمسح يبهتها : آوفف زين مآرحت فيها
محمد : شو صآير ؟
ضحكت من قلب وانا اتذكر شكل غآية : هههههههههههههههههه قول شو مآصآر
غآية فصتني : جب عاد مرة هي
: ههههههههه اقولك محمد يدوه يآيه توعينآ للصلآه آنزين , وهذيلآ مآرضوآ ينشوآ ويدوه سمعت صريخهم
غآية : لآلآ ليش قطعتي المقطع خبريهم الصدق , اقولكم الهنوف تتنطط على الشبرية وصرخنا عليها انا ومهره وهني لقطتنا العيوز
: ههههههههههههههههههههه ومن جافتهم رقود فرت غايه ف الارض بصوب ومهره بصوب وهددتهم وغايه ركضت الحمام
محمد : ههههههههههههههههههههههه والله آنكم يهآل
ذيآب : ههههههههههه كملي كملي
: آقولكم عققققققببب انا رحت وصليت ومهره صلت وقعدت مع يدوه وخبرتها انها موافقه على محمد وجي واستغربنا غاية للحين فالحمام حشا كل هذا تتوضا لصلآة
غآية : آففففففففففففف كنت تعبآنة
ذيآب : لآيكون
: هههههههههههه هي نآمت بالحمآم ويدوه كسرت باب الحمام وهي تدقه ولو جفتوآ شكلهآ يموت من الضحك يدوه مسكت الرشاش مآل الماي وسحبتها بالمااااااي وهددتهآ والله كآن شكلهآ تحفففففففففففففففففففففففآآآآآآآآآآآآآآآآآه
ذيآب ومحمد : هههههههههههههههههههههههههههههههههههههههههههههههههه هههههههههههههههههه
غآية افتشلت : جب حيوآنآت آنتوآ
ذيآب : ههههههههههههههههههههه قسم بالله تعجبني يدوهه مآقصرت فيييج
غآية : جب جببببببببببببب خلآصصصصصصصص
محمد : آوك آوك خلآص شوتبين هديتج ؟
غآية : آممم اي شي منكم حلو
محمد لف وآطآلعني : الهنوف شو تبين ؟
: مآبآ شي سلآمتكم ابا
غآية : جذآبة من عينهآ
: ههههههه شو بعد جذآبه غصب ابا هدية !!
غآية تسويلي مآلت : حد يرد الهدآيآ ؟ جد جد مآلت عليج
محمد : لالا افا عليها بنت عمي لها هدية خآصة
ذيآب : آفآ عليكم هدآيآكم بتوصلكم
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ظحــگ ۈانــا اصلـاً من الضيق~~ { مخنۈۈۈۈۈۈق~~~ مـטּ تصۈۈيري	alna3ma	عدسة الاعضاء , كاميرا الاعضاء	34	07-23-2011 03:03 PM
شفتَڪ بعيني أمآني ,, فجر ۈطيۈر ۈ ۈرۈد // رحلة آخرهآ مۈآني ,, ڪل من سآفر يعۈۈد	porshcia	عدسة الاعضاء , كاميرا الاعضاء	12	08-10-2010 12:26 AM
شـۈف آڵمۈآتر ۈآقفه كنهـآ ثيرآن ** ۈهـۈ ۈقفته ۈقفة آسد ڵعنبـۈ حيه - { إستـاندر } . . . ~ !	* мя. άl-мansooᴚi	سيارات و دراجات	13	12-11-2009 07:40 AM
.،\|[ آلرجُۈلة طبعٍ ۈَفـيً ۈشڿصُ يملٌآڳِ إحسآٌسِ .. ۈتشُۈفِ آلصْدقْ بقلبــهْ ۈعيۈنـُهْ \|/.،	« ݕڨـﭑﯦﭑ בـطٱم ™	المسنجر وملحقاته , توبيكات , ماسنجر بلس , msn	69	07-13-2009 02:18 PM
{ ليـــٍتْ الــٍزمااטּ الـاۈۈۈل يــٍعۈۈۈد ~~ من تصۈۈۈيري	alna3ma	عدسة الاعضاء , كاميرا الاعضاء	14	04-17-2009 09:49 PM