[/url][/img]

هاذي اول قصه أالفها و اتمنى تعيبكم القصه و لا تبخلون علينا بأرائكم .....

الكاتبه : عازفة لحن الموت الاسود ، بنت بني ياس .....

الشخصيات :

الريم : بنت و لا كل البنات عمرها 17 سنه جمالها رباني بشرتها بيضه و ابتسامتها تطيح الطير من السما زي ما يقولون شعرها ياي على بني شوكلت جي بس اغمق شوي و عيونها عسليه على لون شعرها نحيفه و جسمها حلو و و الي يميزها ابتسامتها الي تذوب و نظرتها الي تذبح و زي ما يسمونها النظره القاتله تحب الربشه و المغامرات على رايها جريئه و تحب التغيير الابتسامه مرسومه على ويها دايماً حتى لو كانت حزينه بعد تبتسم على امل ان الامور تتصلح .....

------------------------------------------------------------

عايله عم الريم بو عبدلله (محمد)

امهم : شيخه طيبه و حنونه و تهتم بعيالها .....

عبدلله : عمره 25 سنه شاب وسيم بشرته حنطيه و طويل و كل البنات يوم يجوفونه يذوبون و الي يميزه ابتسامته العذبه و خفة دمه عاقل و يوم بيسوي شي يحسبها من كل الجوانب يشتغل في شركة ابوه و هو الي ماسك الشغل و يا اعمامه .....

خالد : عمره 19 سنه يدرس اول سنه جامعه ع** اخوه تماما عنيد و ما حد يقدر يتفاهم وياه اذا عصب و سيم و جماله يبهر و نكيت و دمه خفيف .....

هدى : عمرها 18 سنه بنيه رقيقه و هاديه احياناً ،، حلوه و تقدر تقول ان جمالها قريب لـ الريم حبوبه و طيبه و تنحب بسرعه ...

-----------------------------------------------------------

عايله عم الريم بو محمد (عبدلله

امهم : اسمها سلامه حبوبه و تنحب و تهتم في شكلها و الي يشوفها يتحراها بعدها في العرشرين ....

فاطمه : عمرها 20 حبوبه و طيبه ، حلوه و تنحب بسرحه نكيــــته بالعدل مافي نكته الا و تعرفها خبله بس خبالها حلو يسوي جو و الكل يحبها ........

محمد : عمره 17 سنه يعيش مراهقته بالعدل استايله اجنبي و حركاته نفس الشي نص كلامه انجلي** و ما يحب حد يعانده وسيم و وسامته اجنبيه تقول ما يقرب حق العرب بشي .....

--------------------------------------------------------

عايله عم الريم بو حمدان (حميد)

امهم : اسمها مريم و هي مثال للطيبه و الحب و الحنان قلبها كبير و ما تفرق بين عيالها ....

حمدان : ربيع عبدلله الروح بالروح نفس عمره 25 سنه نفس طباع عبدلله بس هو اطيب عنه يشتغل في شركة بترول مال ادنوك حلو و وسيم و يحب يعتمد على عمره .......

ساره : عمرها 18 سنه غايه في الرقه و الرومانسيه حساسه لدرجه حلوه لدرجه و الي يحليها زياده رقتها بس مب قد الريم ..

مريم : عمرها 12 سنه حلوه و بيضه تعيش بداية مراهقتها و منعزله عن الناس كله مجابله النت و الانمي الياباني و كل شي عندها اسود و احمر الي ايي زي لود الدم ثيابها كلها بناطيل جينز سوده و حمره حتى ان اهلها بدوا يخافون عليها من هالحاله .....

-------------------------------------------------------

عايله عم الريم سالم ( بو سيف

سيف : عمره 26 سنه يدرس طب في امريكا ملامحه غربيه لانه قعد 5 سنين في امريكا جذاب و حركاته و شخصيته زي الاجانب و زي ما يقولون تفكيره متحرر .....
هزاع : عمره 22 سنه دمه خفيف و يحب يستهبل وااايد مسوي جو في البيت عنده قدره على انه يخلي أي حد يضحك طيب و وسيم زي كل عيال عمه الكل يحبه يدرس هندسه بترول .

اليازي : عمرها 16 سنه حلوه و ملامحها مميزه بشرتها مب وايد بيضه يعني عاديه و هاذا الي يميزها و يجذب الواحد لها حركيه و تحب الربشه اذا قعدة بيستويبها شي دمها خفيف و تحب تنكت و تسوي جو في البيت ......

------------------------------------------------------

عايلة عمة الريم شيخه


راشد : عمره 15 سنه شرات ولد عمه محمد و هو ربيعه و ما يتفارقون لقرب سنهم هم الاثنين نفس الحركات و نفس الشخصيات و ما يخبون شي عن بعض ......











القصة :

الجزء الاول :

بدأت الشمس بتوزيع اشعتها الدافئه و هاهي تدخل من النافذه و تسقط على شعرها البني الناعم الذي يبرق و يلمع و تشتد الاشعه ضوءً كانها تقول استيقضي هيا كفاكي نوماً .....
قامت و راحت غسلت و لبست ثياب المدرسه و شلت شيلتها و نزلت كالعاده سلمت على ابوها و كملت فطورها و ياها الدريول عسب يوصلها المدرسه مرت على ربيعتها امل كالعاده لانها ما اتروم تروح بدونها طلعة امل من فيلتهم و تركبت السياره قعدة ويا الريم يسولفون الين ما وصلوا المدرسه دشو و بدت الحصه الاولى و و يت الحصه الاخير و خلص الدوام و راحوا الريم و امل بالدريول كل وحده على بيتهم هاذي كانت حيات الريم الريم بنت و لا كل البنات عمرها 18 جمالها رباني بشرتها بيضه و ابتسامتها تطيح الطير من السما زي ما يقولون شعرها ياي على بني شوكلت جي بس اغمق شوي و عيونها عسليه على لون شعرها نحيفه و جسمها حلو و الي يميزها ابتسامتها الي تذوب و نظرتها الي تذبح و زي ما يسمونها النظره القاتله تحب الربشه و المغامرات على رايها جريئه و تحب التغيير الابتسامه مرسومه على ويها دايماً حتى لو كانت حزينه بعد تبتسم على امل ان الامور تتصلح ردة البيت الريم بنت يتيمه امها ماتت يوم كان عمرها سنتين و كان ابوها قاطق وعد على عمره انه يعزها و يحبها و يخليها ما تحس بنقص الام فكانت الريم بنت فري ابوها مدلعها آخر دله كل الي تبغاه اييها الين عندها ابوها عنده شركات وايد و دوم مشكول عنها و هي انسانه وحده ما تعرف غير ربيعتها امل الي نفس حالها ما يعرفون حد حتى الي يقربولهم ما يعرفونهم كانوا كادي يطلعون و يدشون على راحتهم ماحد يكلمهم و تدش الريم البيت تعبانه كالعاده لانها راده من المدرسه و تحصل حرمه ابوها ميثه بالصاله قاعده دشت سلمت بس ميثه ما ردت و تطالعها بنظرة كره الريم ما سوتلها سالفه و ميثه انقهرت راحت الريم طلعة فوق جناحها الي مسوينه ابوها حقها كان جناحها و لا في الاحلام كبير و فخم و فيله كل ي كان غايه في الروعه دشت الريم قفلت الباب رمت الشنطه مالت المدرسه طاحت عالشبريه غمضت عيونها شوي عشان ترتاح قامت غسلت و بدلت و توضت و صلت الظهر و اتصلت في ربيعتها امل
الريم : مرحبا .
امل : مرحبا الساع عاش من سمع هالحس .
الريم : عاشت ايامج .
امل : اخبارج علومج .
الريم : زينه الحمد لله و من صوبكم .
امل : احن بخير دامج بخير .
الريم : دوم هب يوم انشالله .
امل : وياج .
الريم : رين اموله بتروحين المول اليوم .
امل : اوك انا فاضيه اليوم ما عندي شي بيي وياج .
الريم : عيل خلاص الساعه 5 امرلج .

امل : اوك آي ويت يو .
الريم : يالله عيل بباي
امل : بباي سي يو .
الريم : سي يو .
يت الساعه 5 العصر و الريم تكشخت و لبست و تعدلت و كانت تينن < حشى مب رايحه مول > مرت الريم على امل يت امل و قعدن يسولفن و يسمعن اغاني عالـ mp3 وصلن المول و طبعاً الانظار كلها عليهن روحن يلعبن لان كل ما اين المول لازم يلعبن
الريم : اموووول تعالي بنلعب هاذيج اللعبه .
امل : لا لا اتخرع اخاف .
الريم : امووووووووووووول بليــــــــــــــــــــــــــز اموووول بليــــــــــــز .
امول تطالعها : اوك بس على شرط .
الريم و هي مستانسه : آمري تدللي .
امول : اذا استوالي شي ياويلج .
الريم : اوك .. و تسحب امول بسرعه و يروحون اللعبه .
بدت اللعبه و اموول هي و الريم يصارخون بالقو كانوا مارين 2 شباب يمب اللعبه سمعو صريخهم فراحو يعرفون شو السالفه .
الولد 1 : شو السالفه شو هالصريخ كله .
الولد 2 : مادريبهم تعال بروح نطالع .
الولد 1 : اوك يالله طوف .
يم وصلو عند اللعبه قعدو يطالعون الريم و امل و يظحكون عليهم بعد ما خلصت اللعبه نزلت امل و هي مدوخه و الريم كانت مستانسه لان العبه عيبتها نزلو الثنتين حالتهم حاله و الشباب يطالعونهم
الولد1 : دامكم ما تتحملون ليش مسوين عمركم سوبر مان و راكبينها .
الريم : عشان نلاقي سبايدر مان ،، و انت شو يخصك ..
الولد2 : هههههههه قفطه ههههههه
امل ما سوتلهم سالفه و سحبت الريم و سوولهم طاف و راحوا يحوطون في المحلات و يسوون Shopping و يوم كانو يتسوقون شافوهم شلة شباب و ماتو عليهم و يو قربو صوبهم
الولد1 : ااااااااخ يا قلبي .
الريم و امل ما سوولهم سالفه راح تقرب من الريم
الولد1 : ياربي شو هالزين كله خلاص خلاص انا بروح فيها .
الريم صدت صوبه : انت ما تستحي على ويهك .
الولد1: آآآآآآآآآآخ محلى صوتج يذبح .
الريم مفوله واصله حدها : ايه انت حدك عاد انت هلك ماربوك ياي تتحرش ببنات الناس
و ربعه كانو ميتين من الظحك عليه و بعد كل هالكلام ما فهم و راح يرقمهم و امل انتبهت
عاد اهني فولو ثنتينهم امل : ايه انت يالي ما تستحي اقلب ويهل ...الخ و قعدت امل تسبه و تصارخ عليه الين ما راح و بعد هالموقف الريم قالت خلاص بتروح و امل نفس الشي روحو كل وحده بيتهم اول ما دشت الريم البيت كانت ميثه بالصاله الريم ما عطتها ويه وراحت بتصعد جناحها
ميثه : وين ايحه يا حلوه تعالي هني .
الريم : خير .
ميثه : من وين ايي الخير و انتي اهني .
الريم : آمري شو تبين .
ميثة انقهرت من الريم : من وين يايه هالحزه
الريم : مب مهم تعرفين .
ميثه انقهرت : امبلا مهم من وين يايه يالي ما تستحين .
الريم : ايه احسلج عن الغلط انا اشرف عنج و بعدين انتي مب ابوي و لا امي عسب تسئليني وين رايحه و من وين يايه و راحت الريم بدون ما تسمع رد ميثه الي كانت نظرات الكره في عيونها .
راحت الريم غرفتها طاحت عالشبريه قعدت تصيح تذكرت امها تذكرت الموقف الي فالمول تذكرت الي قالته ميثه لها قعدت تصيح الين ما نامت و مر ها الاسبوع عادي بدون أي تطورات ،،،،،،،،،،،، يوم الجمعة كانت امل عند الريم في بيتهم و قعدت يسولفن الين ما قالت
امل : تصدقين امس منو يانا البيت .
الريم : منو .
امل : بيت عمي .
الريم : حلفي ( الريم ما صدقت لان امل زي حالة الريم ما يعرفون احد يقربلهم حت جيرانهم ما يعرفونهم ) .
امل : و الله .
الريم بنبرة حزن : حظج .
امل حست في ربيعتها و حبت تغير الموضوع : انزين تعرفين انه في عنهم بنيه قدنا .
الريم : حلفي .
امل : و الله .
الريم : تصدقين اني ماعرف عن اعمامي شي و لا اعرف اذا عندهم بنات و الا ماعندهم .
امل : دونت وورلي حبيبتي بتتعرفين عليهم كلهم في يوم من الايام .
الريم : و متى هاليوم .
امل : حتى لو ما عرفتيهم انا وياج و بعرفج على كل بنات اعمامي اعتبريهم خواتج .
الريم حظنت ربيعتها الي تحبها و تفهمها : مشكووره امووله حبيبتي و الله لولاج ما كنت اعرف شو بيستويلي .
امل حبت تغير جو الكئابه هذا : افااا عليج سوبر امووله جاهزه للمساعره تاتراتاتا .
الريم :هههههه الله يخس بليسج اموووله .
و قعدو يظحكون و يسولفون و امل تسولف عن بنات عمها و الريم تتمنى تكون بدالها .
راحت امل بيتهم و الريم بعدها تفكر في موضوع اعمامها و قالت انها بتقول لابوها انها تبغي تروحلهم اليوم الثاني كانت ذيج الايام في اجازة الصيف يوم كانت الريم في الثاني الثانوي و بتروح الثالث الاثانوي راحت قامت من بدري و لبست و خلصت و نزلت تحت تنطر ابوها لانها بعدين م تقدر تجوفه لانه الشغل ماخذ كل وقته نزل ابو حمد عسب يفطر و جاف بنته و راح و سلم عليها
بو حمد : السلام عليكم .
الريم : و عليكم السلام هلا يبا .
بوحمد : اهلين ببنتي حبيبتي .
الريم : تسلم .. ابويه .
بوحمد : يا عيون ابوها .
الريم : طلبتك قول تم .
بوحمد : تم .
الريم : بغيتك توديني عند الاهل و عند يدتي و اعمامي تراني ما اعرفهم و ابغى اتعرف عليهم .
بوحمد فرح من رمست بنته : اكيد حبيبتي ما طلبتي اليوم بفظي عمري و بوديج .
الريم استانست و راحت باست ابوها : تسلم يا احلى اب بالعالم و راحت الريم طلعة فوق و هي تفكر كيف بيكونون و هل بيحبونها و هل هم عندهم بنات قدها كل هالاسئله في بال الريم و تبى تعرف اجوبتها ......
اتصل بو حمد لبيت يدة الريم قعد يرن يرن يرن و اخيراً شلوه
بوحمد : السلام عليكم .
بوسالم : و عليكم السلام راشد .
بوحمد : هلا يبا .
بوسالم: يا هلا بولدي شحالك اخبارك.
بوحمد : احن بخير و مشتاقيلكم .
بوسالم : انشالله دوم وينها الريم مختفيه ماحد يعرفها .
بو حمد : بتجوفونها انشالله اليوم الساعه 5 بنيي عندكم .
بوسالم :صدق حياكم حياكم و بخبر كل اخوانك ايون و بيفرحون يوم بيلاقونك .
بو حمد : الله يحييك يالله عيل مع السلامه .
بوسالم : في امان الله .
سكر ابوحمد من ابوه و الساعه 4 و نص كانت الريم طالعه من الحمام ( عزكم الله ) راحت لبست بنطلون برموده اسود و القميص وردي و فيه كتابه بالاسود بالنص و ربطة شعدها و طلعت قصتها قدام و رتبته على شكل مدرج و سوت جحال و شدو خفيف و حطت قلوز وردي فاتح و طلعة في غاية الجمال خلصت الساعه 5 العصر نزلت تتريا ابوها لين ينزل نزل ابوها
بوحمد الي انبهر بجمال بنته : هلا و الله ببنتي حبيبتي شهالزين كله بيتخبلون علييج هناك .
الريم نزلت راسها >اونها عاد تستحي .
بو حمد : يالله مشينا .
الريم : مشينا .
في السياره ريم هاديه على غير طبعها و تفكر كيف بيكون موقفهم وياها و هل بيحبونها و اسئله وايد كانت الريم تفكر فيها ... بو حمد حب يقطع السكوت في السياره شغل الـ FM و كانت الاغنيه ربشه شوي الريم فهمة حركة ابوها و ابتسمة و قعدة تسولف ويا ابوها ....

[/url][/img]