تغيير زيت جيربوكس الاكسبلورر ب 50 ريال :)

محروم.كوم · #1 05-19-2013, 06:30 PM

السلام عليكم

عانينا من مشكلة تغيير زيت الجيربوكس وعدم توفر من لهم الخبرة في تغييرة والي له خبرة في تغييرة يحط لك سعر يبالغ فيه وفي الاخير تطلع الي بجيبك لجل تفتك من هاجس الخوف ان مايصير شيء للجيربوكس

على كل انا مثلكم قبل سنه غيرت زيت الجيربوكس وكعيت 350 ريال قيمة التغيير + قيمة الزيت عند مركز متخصص لاكن امعصي ادفع هالمبلغ ثاني.

رحت الوكالة شريت فلتر جيربوكس + زيت جيربوكس من نوع V

رحت لبنشري اتعامل معاه في تغيير الزيت قلت له ابي اغير زيت الجيربوكس قال ماعرف اغيرة قلت له تعلم قال ماورانا شي
دخلت السيارة عنده

1- فرغنا زيت الجيربوكس كامل عن طريق السرة اسفل الكارتير.

بعد ما انتهينا من تفريغ الزيت
2- نزلنا الكاتير كامل وتم تنظيفة من الداخل وغسلة بالبنزين من ثم تنشيفة
3- قفلت السرة تبع الكاتير وعبيت بالكارتير 4 علب زيت للجيربوكس
4- رجعنا الكاتير بعد تركيب الفلتر الجديد لمكانه

طبعا 4 علب زيت غير كافي للجيربوكس الحين نجي لزيادة الزيت
# نحتاج علبة زيت 5 لتر فاضية ونظيفة
# لي صغير شفاف شوف الصورة

عبيت العلبة الفارغة بالزيت المتبقي الي شريته

* شغل السيارة وانتظر الحرارة توصل للمعدل الطبيعي
* انزل اسفل السيارة وافتح سرة
اذا الزيت ناقص ماراح ينزل زيت
طلبت من البنشري يدخل الانبوب في السرة تبع الكاتير ويثبته وانا فتحت في غطى علبة الزيت فتحة بحجم الانبوب يصير الزيت يخرج منه
تقلب علبة الزيت للاسفل يصير الغطاء بالاسفل وتلقى الزيت نازل عبر الانبوب
يكون معاك قطعه معدنية حادة اخرم العلبة من فوق لجل يدخل هوا بالعلبة
يصير الزيت بشكل سريع ينزل وداخل بالكاتير طبعا احنا عبينا 4 علب اساسي والحين فقط زيادة انا حطيت علبتين
بعد ما انتهى العلبتين سحبت الانبوب يبداء ينزل الزيت الزائد لين يتوقف ومن ثم قفلت السرة

بهذا الحال غيرت زيت الجيربوكس بنفسي طبعا بمساعدة البنشري لاكن بدون اجهزة

الحمد لله ماواجهت اي مشكلة بالتغيير ولو اصحاب البناشر تعلموه يصير تغيير زيت الجيربوكس اي واحد يسويه لك وبسعر رخيص.

ملاحظة: ماني ميكانيكي او كهربائي لاكن ماحب اسلم سيارتي لاي احد واحب اسوي كل شيء بنفسي حتى اكون متطمن. __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ارجو مساعدتى فى مشكله نقص و تغيير لون الزيت فى الاكسبلورر	محروم.كوم	منتدى أخبار المواقع والمنتديات العربية والأجنبية	0	01-25-2013 10:10 PM
توضيب جيربوكس الايكسبديشن	محروم.كوم	منتدى أخبار المواقع والمنتديات العربية والأجنبية	0	09-13-2012 11:50 PM
جيربوكس للـددسـن .....	محروم.كوم	منتدى أخبار المواقع والمنتديات العربية والأجنبية	0	03-05-2012 01:40 AM
من يساعدني بكفرات تطعيس .. بس رجاء لاتنقلونه لروابط الاكسبلورر	محروم.كوم	منتدى أخبار المواقع والمنتديات العربية والأجنبية	0	05-18-2009 08:50 PM
هل بالامكان تغيير لغه متصفح الاكسبلورر	محروم.كوم	منتدى أخبار المواقع والمنتديات العربية والأجنبية	0	05-08-2009 04:30 PM