قصتي مع المرانو

محروم.كوم · #1 05-25-2009, 02:20 AM

السلام عليكم ورحمه الله وبركاته
اعزائي مشاهدين موقع مكشات اردت من هاذا المكان ان اروي قصتي المتواضعه مع سيارتي المورانو في عام 2005 شريت المورانو بمبلغ 128000وكان المبلغ كبير شوي على السياره لاكن كانت عاجبتني حيث انه شكل جديد ورهافيه المهم طلعته من حوش الوكاله مبسوط ومحد قدي السياره حلوه بس عبت عليها وانا توي مطلعها تاكل مطبات بشكل جامد قلت يمكن الهوى زياده فعلا نقصنا الهوى مازالت تاكل مطبات قلت يمكن نوعيه الكفرات غيرت الكفرات بعد سنتين مازالت تاكل مطبات كن فيها مشكله عكوس ولاحضت التكييف صوته عالي من دون تبريد زين قلت الشكوى لله الحقيقه السياره ماعليها خلال الثلاث سنوات الاوله المهم قضى الضمان من هنا بدت المشاكل من هنا

خرخر زيت القير علي قالو الطبه الي بين القير والمكينه وصلحناها وبعدين لي الضغط العالي للدركسون تصدقون الي 900 ريال وخر علي الاديتر وصلحته شكله هسياره معيونه انا لله وانا اليه راجعون نسيت اقولكم عن الكفرات
الواحد 800 ريال عدل بدل المهم طقيتها يوم وصلت للقيمه
هاذي قلت اخذ بريلي وفعلا المهم ومرت الايام وليالي والحين بتبداء زبده الموضوع حسيت ان القير فيه مشكله ادوس على البنزين وما يندفع الموتر معاي المهم رحت لورشه قلتله شكله القير فيه مشكله قالي اعرفلك سوداني بصناعيه تخصص قيور فقط دقيت عليه قلتله السالفه قالي المورانو لا تحاول تصلح قيره على طول وده المعارض وبعه قلتله وش لون يازول منهبل انت قالي هاذا لنوع من القيور مايتزبط وديه لوكالته وماتلعبه وتجيبه لصناعيه الحقيقه خفت من كلامه وفعلا وديته للوكاله بعد ماطلعو روحي عشان يدخلوها المهم قعدت اسبوع عندهم يفحصونه وبعدين ردو علي قالي المهندس عبدو القير هاذا مايتوضب لا زم تبديل جديد قلتله وشلون قال هاذا العلم قلت طيب كم القير الجديد
قال 20000 ريال قلت وشوووووو قال ممكن بعد الخصم 18000 ريال قلت هاذا اخر كلام قال ايه قلت خير طلع السياره المهم وديتها للمعارض بشوف كم تسوى بعد ماقعدت معاي 4 سنوات جابت 60 الف لاحضو الطيحه الخنفشاريه
هاذا لوكانت سليمه المهم بعتها على شريطي 45الف ريال
والعوض على الله حبيت اني انقلكم تجربتي والحكم لكم والعوض على الله وحسبي الله على وكاله نيسان تجربه لن تتكرر مع نيسان باذن الله بنسبه لي على الاقل :no2: حبيت انقل لكم تجربتي وانا والله العظيم صادق بكل ماقلته لكم وحبيت اوعيكم ومابي الا الدعاء منكم __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي الانتقال إلى العرض المتطور العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
قصتي مع الاأمطار	محروم.كوم	منتدى أخبار المواقع والمنتديات العربية والأجنبية	0	04-29-2010 04:10 AM
قصتي مع الضب	محروم.كوم	منتدى أخبار المواقع والمنتديات العربية والأجنبية	0	04-05-2010 04:40 PM
قصتي مع السلق ..}	محروم.كوم	منتدى أخبار المواقع والمنتديات العربية والأجنبية	0	05-26-2009 02:50 AM
بداية قصتي كلمه . . وآخر قصتي أبيات	اشكي لمن منكم	شعر و خواطر	6	04-11-2009 12:44 AM
@بنهي قصتي@	22الهاجس22	شعر و خواطر	7	02-03-2008 06:22 PM