رواية : انت الغلا ياكبره ب قلبي غلاك

-.-Anonymous · #1 02-03-2013, 09:58 PM

السلام عليكم

انا كاتبه يديده وهذي اول رواية لي
اتمنى تعجبكم
انا بنزل بارت ولو عجبتكم بكمل الرواية __DEFINE_LIKE_SHARE__

-.-Anonymous · 02-03-2013, 10:00 PM

رواية : انت الغلا ياكبره بقلبي غلاك

انا : يا شهد صدقيني الاحمر احلى
شهد : شموه ! شو احمر خلينا رسميين الاسود والذهبي وايد ارقى حق التخرج
انا : شوفي يا احمر واسود او ذهبي واسود وباجر ف المدرسه بنشاور البنات
شهد : بس يا ماما نحن 30 بنيه وماباقي الا شهر على التخرج والخياط مابيلحق يخلصه واحسبي حساب الي بيعدلون قياساتهم
انا : هيه والله صدقتي تلاقين بنات الادبي مخلصين
شهد : انزين شمو بس خليني ارقد الساعه صارت وحده
انا : يلا باي حبيبتي
سكرت الفون ورحت ب سابع نومه

فتحت عيني على الساعه سبع ونص وتلبست ومسكت البيبي شوي وشفت مسج وفتحته :
[ صباح الخير يالحب ، تحملي ع روحج وايد ]
عصبت : اففف منو ها من اسبوع وانا ع هالحاله
نزلت اتريق وسرت المدرسه
شفت بنات صفنا متيمعين ب نص الساحه
انا : شو اخترتوا خلصونا
ريم : انا اقول الذهبي وايد احلى
نوف : نبي شي يديد
احتشروا البنات وكل وحده لها راي
قربت شهود : شموه ما عليج منهم قومي نسير الاداره عسب يدقون للخياط
ضحكت عليها : يلا سرينا
عقب شهر من الجهيز لحفل التخرج
وقبل التخرج ب يوم تيمعنا ف بيت ريم انا وشهد ونوف ونوره
كنا منسدحين على السرير
نوف : بنات متخيلين انه باجر اخر يوم لنا ب هالمدرسه
نوره : مو متخيله اننا بنتخرج من الثانويه
ريم : هيه والله تذكر ابله نهال مال الرياضه
.
.
.
انا : يلا يلا صبي الزيت بسرعه
شهد صبته : يلا يلا كاهي بتطلع
ريم : تعالوا تعالوا نوقف هني
وقفنا على طرف وبس انفتح الباب سمعنا صرخة الابله ونقعنا من الضحك
الابله : بنااات !!!
ونحن نركض شارين عن الابله انصب الزيت عن شهدو و تسدحنا عالارض كلنا
.
.
.
انا : هههههههههههههههههه والله ايام
توقف نوفه وتمثل الحركه : ههههههههه وعطه شقلبه اماميه
كلنا : هههههههههههههههههههه
نوره : وكيف رقعنا السالفه للمديره عقب
.
.
.
نوف : ابله اصلن الزيت حق تجربة الكيميا و و و انصب عنا قلنا بنادي العاملات و طاحت ابله نهال
نوره : هيه صح ابله
.
.
.
ريم : ههههههههه والله نوفو نكته كيف عرفت ترقع السالفه
قعدنا نتذكر مواقف منها الي تضحك ومنها الي تورطنا فيها ومنها حب وغرام البنات ومنها ومنها ومنها
ريم : والله احبكم
نوره : كل وحده بتروح تخصص يعني في احتمال نفترق
شهد : لا لا الله لا يقول
انا : بس بس جب بصييح
وسوينا مناحه وقعدنا نصييح
انا : ابييييييه نورو ي حماره وين السايق مالكم ؟!!!! الساعه صارت 11
نوفه : هي يلا قوموا نسير نبي باجر نكون ب نشاط وحيويه
ضحكنا عليها وردينا بيوتنا
خذت لي شاور سريع وحطيت راسي افكر ف باجر كيف بنعيش حياه يديده كل شي بيتغر وحسيت بهزة فوني فتحته وشفت نفس الرقم مطرش مسج :
[ مبروك لك يا نبض قلبي والاحساس
يا ملهمة شاعر هداك القصيده

حقٍ لِبوك اليوم يرفع بك الراس
ويضحك حجاجه بابتسامه فريده

حلمه تحقق واصبح الحلم نبراس
يجني حصيده ما غَرَسْ طيْب بِيْده

لبّسْك من طيبه وم الحكمه ألماس
عقدٍ عليه تْبات عينه سهيده

العِلْم يا بنت العَرَبْ يطرد الياس
ومن جَدّ مثلِكْ صار عالي رصيده

هذا الوطن مِعْطَاءْ من دون مقياس
دار الشيوخ أهل العقول الرشيده

في حبهم يا بنت نشعر بنوماس
هم نورنا في المظلمات الشديده

لْهم نسوم الروح من شِدّة الباس
فدوى لهم في وجه أهل المكيده

واليوم يومِكْ مِيْدي بعود مَياسْ
وابدي مَعَ الأيّام صفحه جديده

عيشي سنين العمر في زحمة الناس
مرفوعة الهامه بروحٍ سعيده

مبروك لِكْ مليار من نبض الانفاس
وعسى مقامك بالصروح المجيده

لعيونك اللى م الخجل صابها انعاس
أقول لك مبروك باجمل قصيده ] __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
كلمات - اغنية - سارقن قلبي - همس الغلا - عيضة المنهالي البوم الصيف 2011	محروم	كلمات الاغاني	6	05-20-2012 11:50 AM
رواية جديدة للدكتورة ناعمة الهاشمي 2012 تعالوا يا بنات رواية شما وهزاع احلى رواية	محروم.كوم	منتدى أخبار المواقع والمنتديات العربية والأجنبية	0	04-21-2012 05:50 PM
رواسة سواها قلبي ...رواية تجنن و روووعه	الاصرار من مميزاتي	قصص و روايات	5	01-09-2012 03:11 PM
غلاك في قلبي ..~ْْْْ}	-»•ً7ٍâًBٍOoًbٍ-ًAٍLâîn•«-	تصاميم الاعضاء	9	12-24-2009 04:31 PM
غلاك في قلبي ترى ماله قياس لاتسأل عن الحب حبك خيالي (منوعات الوسط لعيون ولد زعبيل + عشااق النيسان))	..{mr.shrjawy }..	سيارات و دراجات	15	08-22-2009 06:14 PM