رواية الحب المستحيل كاامله

صمت الجروووح · 01-14-2013, 05:07 PM

الفصل السادس عشر

:::::::::::::::::::::

عماد رجع البيت .. وصعد غرفته .. وقبل لاينام تذكر ان جواله كان مقفل
فتحه على طول (( وانا اقول وش فيها ندى مادقت علي اليوم .. جد انا ماعندي سالفه مقفله لهالوقت .. ))
اول مافتح جواله دق على ندى ..
ندى متكية عالسرير وافكارها توديها يمين وشمال .. وريناد نفس الشي متكية على السرير اللي بجنبها وتفكر معها على طريقه تحكي مع عماد ويعرفوا سبب المكالمه اللي جتهم .. ..
اول مادق جوالها فز قلبهااا ..
ريناد تتسائل / عماااد ؟؟
ندى / ايه .. وش اسووي ؟؟
ريناد / احكي معه عاااادي .. بسررعه
ندى ردت عالجوال ..وهي متوترة
ندى / ا الو
عماد / ياهلاااا بهالصووت والله ..
ندى تتمعن بصوته ( اهووو وربي نفس الصوت و نفس النبرة) / اهليين فيك .<<<.وبجديه / عماد ليه مقفل جوالك ؟؟؟ تعبت وانا ادق ..
عماد / (وش اقول لك ) جوالي فااضي مو مشحون .. وانا كنت طالع من المغرب .. وماجيت للبيت الا هاللحين ..
ندى حست انه يكذب عليها ونبرته تغيرت / و ووين طالع ؟
عماد بسرعه / طالع مع الشباب المزرعه .. المهم .. كيف الجو عندكم ؟
ندى ببرود / حلوو ..
عماد حس من صوتها انها مو على بعضها / ندى فيك شي ؟؟
ندى بلعت ريقها / لااا ابد .. ليه تسأل ؟؟
عماد / لااا بس صوتك متغيير .. احسك مو معي ؟؟!!
ندى تتنهد / الا ... معك ..
عماد / متى بترجعوون وحشتييييني ..!
ندى شوي وتطيح دمعتها .. / بنرجع بعد يومين ..
عماد بلهفه / يعني 3 ايام ماراح اشوفك والله كثييييييييير ..
ريناد تأشر لندى / لااا تبكيين ..
ندى اخذت نفس عميق / اووكيه .. اكلمك بعدييين مــ ماما تناديني ..
عماد / اووكيه يااقلبي .. اخلييك تصبحي على خير .. بااااااااااي
ندى بعد ماسكر رمت الجوال عالسرير بعصبيه ..
ريناد قربت منها / ندووو وش قال لك ؟؟
ندى نزلت دمعتها على خدها وبنبرة حزن / نفس الصووت .. اللي سمعتني اياهـ !!
ريناد تحاول تهديها لأن عارفه ندى قد ايش تحب عماد ...و بجديه / ندى .. شنو يعني نفس الصوت .. انتي بس مشككه لأن هذاك الصوت ببالك علشان كذا تحسي انه نفسه ..
ندى ناظرتها بجدية / تتوقعي كذاا !!
ريناد بأبتسامه / اكييد .. يلااا ناامي وارتااحي ..
ندى انسدحت عالمخدهـ والتفتت للجهه الثانيه .. ( آآهـ والله لو طلع كلامها صدق وطلعت خاايين .. وربي مااراح اخليييك كذا لا انت ولا للحيوانه اللي معك .. )

::::::::::::::::::::::::::::::::::

وفي يوم جديد ..

الصباح الساعة 9 ..

عبدالله وخلود بعد مافطروا طلعوا عند البحر يتمشوا سوى ..
وعيالهم تركوهم ناايمين دااخل ... ..
عبدالله ويده بيد خلود وهما يتمشوا .. / اقوول خلوود
خلود التفتت عليه / ايوااا هلاا ..
عبدالله / ابقول لك شي بس بلييز تفهميني وتسمعيني للآخر
خلود بحماس / اووكيه قوول اسمعك ..
عبدالله / شوفي خلوود اول ماراح نرجع للبيت ابروح مكتب الخدم واسفر (نوهاتا )
خلود شهقت / لييييييييييه ؟؟
عبدالله بهدوء / بصرااحه ..نظراتها لي ماتعجبني بالمرره
خلود بأستغراب / نظرااااااااتها ؟؟ يعني كييف ؟؟
عبدالله / انا لاحظتها كذا كم اسبوع وهي تناظرني نظرات غرييبه .. واسلوبها مايعجبني ابد ..
خلود بعصبيه / تنااظرك انت ؟ وش تبغا منك ؟ وش كانت تحكي معك ؟
عبدالله / يعني تحاول تتلزق فيني .. تحاول بنظراتها تــغـ
خلود بعصبيه قاطعته / جد ؟؟ متى ؟؟ وانااا وين رحت ..
عبدالله / ايه .. انا قلت لك خلينا نسفرها انتي رفضتي .. بس انا مستحيل اخليها اكثر من كذااا معنا ..
خلود وماهي مستوعبه / الخدااامه !! نوهااااااااتا .. تسوي كذاااا
عبدالله / لاتستبعدي شي .. هالخدامات مالهم امان .. وانا بصراحه خايف على العيال لاتسوي فيهم شي اذا تجاهلتها وتجاهلت نظراتهاااا ورغباتها ...
خلود بخوف / اي خلاااص سفرها ماعاد ابغاها ...
عبدالله / اكيد ... ماراح اخليهااا
خلود بنبرة غيره / وانت وش كنت تقول لهاااا وايش اللي مخليها تناظرك كذاا و ...
عبدالله حس انها غيرانه / انا كنت اقول لها اول ماتطلع خلود ابشري راح اجي معك ..واي شي تبينه انا حااظر ..
خلود ناظرته بعصبيه / اييييييييييش ؟؟
عبدالله انفجر ضحك / ههههههههههههههه بشويش لاتطلع عيوونك ..
خلود بنفس النظرة / شصار بينك وبينهااا
عبدالله بأبتسامه / وش فيك امززح معك .. والله بس اللي قلت لك قبل هذا اللي صار ..
خلود بنبرة غيرة / يعني ماقربت منها .. ماناظرتهااا بـ
عبدالله يهز راسها بلا / لااااااااااااااااااااااا حلم ابليس بالجنه اقرب منها
خلود بجديه / اكييييييييييييييد ؟؟
عبدالله بثقه / اكيدين ثلااثه اربعه ..وخمسة اذا تبي
خلود وهي تناظر عيونه / طيب وش تبغا منك هي ؟
عبدالله بعصبيه / وانا معطيها فرصه اشوف وش تبغااا .. تضف وجهها
وتنقلع .. فااضي لهاا انااا .. ماباقي الا هي بعد ..
خلود بأبتسامه تسمع له .. وعارفه وواثقه فيه انه مستحيل يقرب من حد غيرها ..
عبدالله بأبتسامة عريضه / انا تكفيني خلوود وبس ..
خلود بأبتساامه / يااقلبي واللهـ ...
عبدالله / وعلشان كذا انا قلت لك ماراح نجيبها معنا للشالية .. ونزلتها مع الخدامات اللي . تحت. ..
خلود / زفتـــة من جد !.. وين بتروح عني .. ابنفضها نفض قبل لاتسفرها .. اي بعد ليكون عندها صوور ولا شي .. خلاص ماعدت اثق فيها ..
عبدالله / اي احسن .. وماراح نخبرها بالسفر الا بكم دقيقة ..
خلود بأبتسامة/ تستااهل هههههه

::::::::::::::::::::::

عايلة بو هشام ..
كلهم جالسين سوااا بعد مافطرواا ..
رنيم ماخذه لاب توب راكان وداخله النت ..
بو هشام / اخوي بو عصام جاي العصر .. والشاليهات كلهم محجوزة .ومليانين ... فضوا لهم غرفتين .. طيب ..
شوق من سمعت انهم راح يجوا انبسطت ..وخاصة يوم قال انهم راح يناموا هنا ..
ام هشام / اي خلاص شوق ورنيم يظلوا بغرفة وحدة والغرفة الثانية فااضيه مافيها حد ..
بو هشام وقف / اووكيه يلااا انا رايح ..برى شوي ..
راكان يناظر رنيم / عطيني اللاب توب ..

رنيم / لحظة بس اقفل الماسنجر ..
شوق التفتت عليها / من فيه ؟؟
رنيم / نورة بنت عمتي .. وتسلم عليكم ..
شوق / اهااا سلمي عليهااا .. هذي سنة ماشفناها ..
ام هشام تناظر هشام / ويين لميس ؟ ماصحت الساعة 10
هشام / لاااا لسااا .. .. << وقف / انا راايح اصحيها ..

::::::::::::::::

دخل هشام الغرفة .. وجلس بطرف السرير ..
هشام / لميييس .. لميييس .. قلبي ؟؟
لميس فتحت عيونها بتثااقل / امممممممممم
هشام / يلااا عاد بلا دلع اصحي .. الساعة 10 هاللحين ..
لميس اتكأت عالمخده .. / حيااتي من متى صااحي ؟
هشام / اوووه انا صاحي من الساعة 7 وربع يلااا اهلك بيجوا العصر
لميس بأبتسامه / جد والله
هشام / اي جد .... يلااا عاد قومي بدلي خلينا نطلع عالبحر نشم هواا
لميس نزلت من السرير بحيويه ونشااط / اووكيه قلبي ..

::::::::::::::

ندى وريناد جالسين برى عند البركة اللي برى ..
ريناد / يااااااااي خاطري اسبح بهالبركة ..
ندى / ..........
ريناد التفتت على ندى .. / ندى .. وبعدين لمتى وانتي على هالحال ..
ندى بنبرة حزن / مو قاادرة اصدق عماد يسووي كذا ..
ريناد / وانتي ينقال عنك تأكدتي .. خلاااص قلت لك ليمن نرجع تفاهمي معه .. وانسي هالسالفة هاللحين ترى والله الكل يعرف من نبرتك ونظراتك ان فيك شي ..
ندى / طيب وش اسووي ..احس اني ماني مستعووبه .. والبارح ابد ماذاقت عيوني النوم ..
ريناد / والله عااارفه وحاسة فيك .. بس المفروض انك ماتحكمي عليه وتصدقي الحكي ..اللي سمعتيه منها .. طنشيها واول مانرجع الرياض تكملي معه وافهمي السالفة منه ..
ندى تهز راسه / عارفة يا ريناد .. افكر اني احكي لعبدالله ..واخليه يكلم هذي اللي دقت علي .. ..
ريناد شهقت / مجنوونه انتي . لا تسببي مشاكل .حنا غنى عنها . بالأول افهمي السالفه .
الا يدق جوال ندى
ريناد بسرعة / منوو
ندى ناظرته / عمااد ..
ريناد / اهااا .. خلك طبيعية اووكي ..انا رايحة داخل ..
ندى تأشر بلا / خلك ..
ندى بهدوء / الوو
عماد / صباااااااااح الورد والجوري يااحلى جوري بالدنيا .. ..
..ندى بأبتسامة صفرا / صباح الورد .. اخبارك ؟
عماد يتنهد / اخباااري .. ماهي زينة ....
ندى ببرود / ليه ؟؟
عماد بجديه / قلبي وروحي بعييده عني .. ومو جاية الا بكرا بالليل وماراح اشوفها الا بعد بكرا صح ؟؟
ندى عجبها اسلوبه /ههههههههههه ومنو هذي قلبك وروحك ؟
عماد بنبرة شوق / اللي جالسة تكلمني هاللحين ..
ندى بجديه / جد ؟ ..
عماد بثقة / جد .. ليه شاكه بهالشي ..
ندى بجدية اكثر / عماااد
عماد / ياروووووووح عمااااااااااااد
ندى بهمس / امممم .. تحبني ؟
عماد بلهفة / اموووووووووووووت فيييييييييييييييك .. احبك .. احبك يااندى ..
ريناد يوم سمعتها تهمس مشت بشويش ودخلت داخل ..
ندى بنبرة شوق / عماد وحشتنـــــــــــــي ..!!
عماد بحرارة / وانا اكثر والله .. خاطري اجي لك هاللحين .. واترك كل اللي بيدي ..
ندى عقدت حواجبها / ليه وينك انت هاللحين ؟
عماد / بشركة ابووي ... اتعلم عالشغل علشان من اخلص الجامعة السنة على طول اتوظف بالمكان اللي ابغاه ..
ندى / اهااا ربي يوفقك ..
عماد / ويوفق الجميع .. المهم حياتي انا اخلييك هاللحين ..
ندى نفسها تتكلم معه اكثر واكثر / وووين بتروح ؟
عماد / .. تقدري تقوولي مشغوول .. بس اول مااخلص اللي بيدي بكلمك اوكيه قلبي ....
ندى / اووكيه ..

:::::::::::::::::::

ريناد فتحت لاب توبها وشبكت النت ..
وفتحت المنتدى .. دخلت قسم ( افتح قلبك ) للي يبغا يعرض مشكلته ويحلوها لهم دكاترة واخصائيين ..بعلم النفس وغيره ...
حست نفسها انها تبغا حد يساعدها في حل مشكلتها ... مالقت نفسها الا وكاتبه موضوع جديد وحكت عن مشكلتها بالزواج من بو وليد .. وكتبت انها تنفصل منه بأي طريقه .. وتطلب المساعدة والحل ... لعل وعسى يساعدوها ..
الا تدخل عليها ندى وهي مبتسمة ..
ريناد على طول دخلت لقسم ثاني ..
ندى بأبتسامة / رنوود حاسة البنت اللي كلمتني كذاابة وماعندها سالفة
ريناد / جد ؟ كيف عرفتي ؟؟
ندى / امم ماادري بس كذا حااسه ..
(( ندى مشكلتها انها بسرعة تصدق اللي حواليها .. ماتدري ان احيانا اللي توثق فيه وتفتح قلبك له بيوم تكتشف انهم مايسحقوا الثقة ولا حتى يستحقوا المشاعر والأحاسيس .. ))
ريناد / ماقلت لك .. هذي شكلها وحدة فااضية وحابة تستهبل مالقت لا انتي قدامها ..
ندى / الظاهر كذااا .. ( بس من وين تعرفني وتعرف عماد ؟ علشان تسمعني هالشي ؟ !! )
ندى قربت منها / وش تسووين ؟
ريناد / هاا . جالسة اتصفح
ندى تتسائل / حلوو هالمنتدى اللي مسجله فيه ؟
ريناد بحماس / اي والله ونااااااااااسه.. احس اني تعلقت فيه ..
ندى / ههههههه اشووف خليينا نستهبل ..
ريناد / لاااا مو للأستهبال مو مثل الشاات ..
ندى / عاادي .. انتي عطيني بس ..وا
ريناد قاطعتها بعناد / لااا والله اول مادخلت استهبلت ليمن قلت بس ليمن جا مديرهم وعطاني انذار وعلمني عليه .. وش راح يقول هذي ماتفهم ؟؟
ندى / ههههههههههههههههههه .. والله انك مو للوناسة والرجه .. وين لموو عني ؟
ريناد بنظرة عتب / والله .. هاللحين انا مو للوناسة يالسخيفه
ندى رمت عليها مخدة / امززح معك يووو
الا تدخل ام عبدالله .. / وش فيكم ؟
ريناد بدلع / خاالتي شوفي ندى تضربني بالمخده ؟؟
ندى تقلد صوتها / ماااقدر اناا عالرقه والنعومة ..
ام عبدالله / ندى .. وش فيك عليها ؟
ندى فتحت عيونها للآخر / ماااامااا انااا بنتك .. عاد مو قلنا ترضي عليها خلاص تنسينااا
ريناد / هههههههههه
ام عبدالله تبغا تغيض ندى / دلعتك ليمن قلت بس .. جا دور ريناد هاللحين ..
ريناد قربت من ام عبدالله وحظنتها / ياابعد قلبي والله .. يااخالتي ..
ندى / ههههههههههههه وانتي كل شوي ولزقتي بماما ابعدي عنها خلي لنا مجاال ...
ام عبدالله / الحمد لله والشكر عليكم جد بزاريين ..

::::::::::::::::::::::

الرياض ..

عصام يناادي وهو عند الباب / يلاااا يمه تأخرنا الساعة 1ونص وماحركناا
ام عصام نزلت من الدرج / جااية ..
عصام / ويينك تأخرتي ابوي له ساعة وهو بالسيارة
ام عصام ببرود / مااتأخرت هذاني جيييت ..وش اللي عاجلك ..؟؟
عصام / هههههههه طيب يلااا مشينا ...
لبست عبايتها وركبوا السيارة ومشوااا

::::::::::::::::::

ام حسام وحسام ودانه .. جالسيين يتغدواا
ام حسام تناظر حسام ودانه / وانتم لمتى بتظلوا كذا ماتتكلموا مع بعض ؟؟
حسام ودانه / ............
ام حسام / ماتتكلمووا انت معهااا ؟؟
دانه بعصبيه / اهووو اللي بدااا .. من يشوفني مد يده علي ويخانقني
حسام بحقد / تستااهلين ولو اقدر اذبحك ذبحتك بعد ..
ام حسام بعصبيه / اسكتوا عمااا .. والله انكم ماتحترموا اللي اكبر منكم .. قدامكم وتتخانقون مثل البزارين ..
حسام حط الملعقة عالصحن / الحمدلله ..
ومشى .. دخل غرفته
ام حسام تناظر دانه / وانتي ليه تنرفزي اخوك ؟؟ حسام مايبغا غير مصلحتتك يوم يمنعك ماتطلعي برى البيت
دانه بعصبيه / اي مصلحة انتي بعد .. هو انااني مايبغا غير مصلحته ..
ام حسام / لا تطولي صوتك وعمااا انا امك ..
دانه بعد مابعت ريقها / رضى ولا مارضى متى ماحبيت اطلع ابطلع وبشوف وش يقدر يسووي
ام حسام تهز راسها / والله بيذبحك مااقول الا الله يهدييك بس ..

::::::::::::::::::

حسام اول مادخل غرفته اخذ جواله وبدون شعور فتح المسجات وارسل مسج لـ ريناد ..
::::::::::::
ريناد مع ندى جالسين عالاب توب ..
ندى وهي متكية / رنوود صوت جوالك يدق ..بالغرفة
رينااد / يؤؤ مالي خلق اقووم .. روحي جيبيه ..
ندى / والله !! ليه شايفتني الخدامه ؟
ريناد تتمسخر / لا الشغااله .. ههههههه
ندى بجديه / احللفي عااد
ريناد بعدت اللاب توب وراحت الغرفة .. بسررعه
اخذت الجوال ولقت مسج واصلها .. فتحته . .. وقرته ..
(( كيف تقسى ياحنون ..
وكيف ترضى لي بالأذى ؟
عارفك مهما يكون
ماتعذبني كذا
شوف حالي كيف صارت
قبل تقسى .. او تروح
حالي بعدك كلها بإختصار
كلها هم وجروح !! ))
من .. ....................05
ريناد وهي تناظر الرقم ../ ( هذا رقم حساام .!! ياربي وش يبغاا مني هذا بعد ؟؟ )
طلعت من الغرفة وهي عاقده مابين حواجبهااا وجلست جنب ندى ..
ندى / بسم الله وش فيك كذا مكشره ... من اللي دق ؟
ريناد / مسج من .. الأخ حسام المحترم
ندى فتحت عيونها للآخر / احللللفي ..؟ وش يبغاا ...؟ عطيني جوالك اشوف ؟
ريناد فتحت المسج / شووفيه ..
ندى اخذته منها وقرته .. / ههههههههه وش فيه ينقال عنه متعذب يوم عرف انك رفضتيه واخذتي غيره ؟
ريناد بعصبيه / وانا وش دراني عنه ..
ندى / دام انه مسج عااادي طنشيه ..
ريناد / اكييد هذا اللي راح يصير ..
ندى بجديه / بيبي
ريناد / هلااا
ندى وهي تناظر اللاب توب / وش كاتبة هنااااا
ريناد خافت واسحبت اللاب توب / ويين ؟؟
ندى وهي تأشر / هذا مو موضووعك ؟
ريناد وهي مرتبكه / لااا مو لي من قال لك ؟
ندى بخبث / هههههه مو انتي بنوتة كيوت !!
ريناد بيأس / هااا .... ايه .. قريييتيه ؟
ندى / أيه ..<< وبجديه / ريناد انتي تحاولي تنفصلي من بو وليد ؟
ريناد وهي متوترة / ايه .. وان شاء الله راح يساعدوني كيف اتصرف علشان انفصل منه ..
ندى بجديه / يالغبية حد يسوي سواتك .. الأحسن بعد احكي مع برنامج فوزية الدريع ..
ريناد / ندووو مو وقت تمسخر ..
ندى / ماادري عنك ..
ريناد / عاادي فيه كثير يكتبوا مشاكلهم هنااا !! يعني براييك ماراح يساعدوني ..
ندى / حبيبتي الدكاترة النفسيين والأخصائيين مايشجعوا على الطلاق .. وثانيا انتي مااخذتيه الا علشان ظروف بابا ومشاكله مع هالشركة .. يعني لو انفصلتي منه اكيد بابا اللي راح يتورط معه ..
ريناد لمعت عيونها / وش اسوووي عطيني حل .. ماابغااااااهـ نفسي ماهي طايقته بالمررهـ ..
ندى بجدية اكثر / هذا نصيبك .. ويمكن تلاقي حد يساعدك من النت .. اما انا مااعندي شي احكي فيه لأني عارفة بالوضع قد ايش مكركب ..
ريناد وهي تتأفف / وش يبغا مني هوو .. انا مثل بنته وش هالقلب اللي عليه .. لا ويبغا يقدم الزواج حظرته .. وربي ماني عارفه ايش اسوي ..
ندى مسكت يدها وطبطبت عليها / رنوود والله مايهون علي اشوفك كذا ومااساعدك .. بس مافي باليد حيله .. خلك قووويه مثل ماحكى لك عبدالله اخوي .. وش دراك يمكن بيوم من الأيام راح تحترميه وتتوددي له ..
ريناد / مستحيييييييييييل .. <<< تأشر على قلبها / هذا يسكن هنااا .. هنا بقلبي .. وربي ياندى ثقيييل دم وماينطااق بالمرره ..
الا تدخل عليهم لميس ..
لميس / هاااااااااااي
ندى وريناد / هاايات
لميس لاحظت انهم فيهم شي / وش فيكم ..؟
ندى / ابد .. ولا شي .. كذا ندردش ..
ريناد تغير الموضوع / وييينك انتي مابينتي اليووم
لميس بعد ماجلست بينهم / مووجوده بس حاسه ان هشووم شكله يغار منكم
ندى وريناد يناظرون بعض وهما يضحكوا / ههههههههههههه
ندى / ليه وش عنده يغاار الأخ ؟
لميس / تخيلوا حابسني معه بالغرفة .. وان قلت له ابغا اجي لكم .. تتغير الوانه .. وبالمووت اقتنع هاللحين وجيتكم .على طول ...
ريناد / هههههههههههه عاد مابغا يغار الا منا حنااا
ندى / والله المفروض حنا اللي نغار مو اهو اللي ماخذك منااا
لميس / هههههههههه اسكتي لايسمعك ...
ندى / وينه هوو موجوود ؟
لميس / لا هو راح يطلع مع عمي .. عندهم شغل الظاهر راح يشتروا شاليهات ثانيه ههههههه
ريناد شهقت / وييييييييه ..
لميس / هههههههههههه صلي على محمد لا تحسديهم
ريناد / اللهم صلي وسلم عليه .. قصدي ليه ماعندهم الا هالمشروع ..
ندى / .. هههههههه مااعليه خليهم يكثرون حنا المستفيدين ..نجي على حساب رنووماا
ريناد تناظر لميس / الا وينها هي الدبه ادق عليها ماترد !!
لميس / رنيم صاحية من الصبااح وتغدت و نااامت ..على طول ..
ندى وريناد / اهااااااا
لميس بأبتسامه / ونااااااااااسه بتجي ماما بعد شوويه
ريناد وندى / جد ؟
لميس تتنهد / ايه . مشتاااااااااقه لهاا مووووت ..
ندى / اقوول ياحلوات الليلة لازم نروح الملاهي مو وحده تطلع لنا بطلعه
لميس استغربت / وش سوييتي مع عماد ؟ حكيتي معه ؟ عرفــ
ندى قاطعتها بأبتسامه / موو اهوو مو نفس الصوت يمكن هذي غلطانه اوتتبلى عليه ..
لميس / واجهتيه بالموضوع ؟
ندى / لاااااااا .. بس هو مستحيييييييييل يسوي كذااااااااا
لميس / طيب وش قال علشان تتأكدي انه مو اهوو ؟؟
ندى قالت لها عن المكالمه كلهااا ..
ريناد / مع وجهك يعني من قال لك هالكلام وخلاص صدقتيه ؟؟
لميس تناظر ريناد وتلمح لها علشان ماتعكر مزاج ندى / ايه اكيد حست انه هو صاادق معها .. واهم شي تأكدت وعرفت انه الصوت يختلف ..
ندى (( يااااااارب يصدق احساااااااسي .. )) / مثل مااهو واثق فيني انا واثقة فيه ..بعد ..

::::::::::::::::::::::

راكان بالغرفه وبحظنه اللاب توب ..
دخل المنتدى ولقى موضوع جذبه ورد عليه ..بحكم هو مدير المنتدى !!
(( اختي ..
بما أنكِ في بداية حياتكِ فلا تتسرعي في اتخاذ قرار صعب قد يدمر حياتكِ طول عمركِ وهو الطلاق وهناك احتمال آخر وهو التغير الفسيولوجي للمرأة وقد يكون سبب من النفور من الزوج وبما يكون هناك تباين في اختلاف وجهات النظر بينهما فحاولي بشتى الطرق أنتِ وزوجكِ على خلق جو من الانسجام بينكما والتنازل لبعضكما عن الأمور التافهة التي قد تعيق سير دفة الحياة بينكم واعملي على إيجاد هوايات مشتركة بينكما تساعدكما على نمو العلاقة الزوجية في إطارها الصحيح ..
بنوته كيوت /
شدني موضوعك وحبيت ارد عليك مع اني مواخصائي ولا استاذ بعلم النفس ولا شي ..
بس دام معي كلام ولو شي بسيط ماابخل فيه لا لك ولا لأي عضو يحتاج المساعدهـ ..مع انك ماوضحتي السبب الرئيسي للرغبة بالأنفصال ..
عموما اذا تبي أي مساعده حنا بالخدمة .. وان شاء الله الأخصائين ماراح يقصروا معك ..
وربي يوفقك ..
اخوك .. النايف ))

راكان بعد ماكتب هالرد قفل اللاب توب وطلع برى ..

:::::::::::::

الساعة 4 مساء ..
دخلوا اهل لميس الشاليهات ..
والكل رحب فيهم .. رنيم وشوق جالسين جنب بعض ..
وراكان جنبه هشام ..
وام عصام مع ام هشام وبينهم لميس ..
وبو عصام جالس مع بو هشام ..
طبعا شوق اكثر وحده مبسوطه بجيتهم !!
لميس بين احظان امها / وحشتييييييييييييني ماما
ام عصام / ياابعد قلبي .. والله البيت من دونك ولاشي ..
عصام / احم احم .. نحن هنااا ..
بو عصام / وهي الصادقه البيت مو حلو بدونك يالميس ..
الكل / ههههههههههههههه
عصام / افااااااااااااااااااااا وانا وين رحت ؟؟
هشام / خلااص راحت عليك ياعصام .. فرحوا فيك اول مااجيت ..تزوج ويفرحوا فيك من جديد ..
عصام ناظر رنيم من طرف عينه / مافيه الا كذااا علشان ينسوون لميس ..
لميس عقدت حواجبها وبدلع / والله .. حتى لو ماراح ينسوووني !
رنيم من شافته يناظرها .. ارتبكت .. وطلعت الغرفه ..
شوق مو حاسه بشي بس جالسه تراقب تصرفاته وطريقه كلامه ..ومانتبهت انه يناظر رنيم .. لأنها كانت بجنبها توقعت يناظرها هي !!!
عصام وهو يناظر رنيم من مشت (( رنيم لا تروحين خلك معنااا .. ))
لميس حست بنظرات شوق لعصام .. وراحت جلست جنبها ..
لميس بهمس / شوق وش فيك ؟
شوق وهي مفهية / هاااااااا
لميس ضربتها على كتفها / عمااا وش فيك مفهية ؟؟
شوق التفتت على لميس . / بصراحه اخوك عليه اسلوب يجنن ..
لميس فتحت عيونها للآخر ( يؤؤؤ ليكون هذي معجبة فيه !!!) / يعني كيييف ؟؟
شوق بجرأة وبهمس / يعجبني مررهـ
لميس ( هذا اللي ماحسبنا حساابه !! ) وبرود ردت عليها / اهااااااااا

:::::::::::::::::

رنيم بالغرفه جالسة ومتكية عالسرير ..
الا تدخل عليها لميس ..
رنيم عدلت جلستها بسرعه ...
لميس / ويينك ؟ ليه طلعتي ..
رنيم وباين عليها انها متضايقه / ولا شي ..
لميس قربت منها .. وبجديه / رنييييم
رنيم التفتت عليها بسرعه / نعم ..
لميس / ابغا اسألك سؤال بس بذمتك تجاوبي علي بصراحه ..
رنيم خافت / شنوو ..
لميس بتردد / وش راييك بــــــ بعصام ... اخوي ؟
رنيم تفاجأت من سؤالها / هااااااا .. عااادي ..
لميس / شنوو هااا.. عادي .. ابغا اعرف راييك فيه وبصراحه .؟
رنيم / ليه ؟؟
لميس / انتي جاوبيني بالأول ..
رنيم بهدوء / بصراحه انا اعتبره مثل اخووي ..هشام وراكان ..
لميس (( ياااااااويلي .. !!! )) / يعني ماتفكري فيه ..ابد
رنيم / ايييش ؟؟ لموو مثل ماقلت لك اعتبره مثل اخوي واذا ببالك شي انسي ..
لميس / اناا .. لاا مافي بالي شي ..
رنيم سرحت (( انا من بعد فيصل ماعاد افكر بحد ... افهميني يالميس ..
انا مستحيل انساه وانسى الحب اللي بيننا .. صحيح هو ماتقدم لي ولا شي بس يكفي قلبه اللي عطاني .. وروحه ياللي احتوتني .. ))
لميس تناظرها / هييييه .. وين رحتي
رنيم التفتت بسرعه / هاا .. لا معك ..اقول وش رايك نروح عن ريناد وندى ..
لميس / لا خليهم هم يجواا .. هاللحين هشام بيتسبب ويقول يبغا يطلع معي
رنيم / هههههههههههههههه .. اوووووووكيه ..

:::::::::::::::::::::::

ندى مع امها وخلود جالسين عند البركه ..
وعبدالله يسبح مع ريان ..وروان .. ويلعبهم بالموويه .. وانواع الضحك والوناااااااااسه ..

ريناد بالغرفه وبحظنها اللاب توب ....
بعد ماقرأت الرد وهي محتاااسه ماتدري وش تسووي .. احتارت اكثر
وكل اللي ردوا عليها من الأخصائيين يقولوا لها نفس الكلام ..
تركته على جنب واخذت جوالها ودقت على ريهام حست انها مشتاقه لهااا
دقت مرة ومرتين وثلاث ماترد ..
ريناد متأففه / افففففففف اكيد ناايمه الهبله ..
قامت من السرير ولبست عبايتها ولفت الشيله على وجهها وطلعت وجلست عند البحر ..

:::::::::::::::::::::::::::::::::

وعند البركه ..
خلود ماسكه جوالها وتصور العيال وهما يسبحوا .. ويستهبلوا مع عبدالله ..
الا يدق جوال ندى ..
ندى / هلاا لموو
لميس بحماس / هلا فيك .. تعالوااا كلكم ماما جات ..طيب
ندى / اوووووووووووكيه ثواني وحنا عندكم ..بااي
ام عبدالله / وش فيه ؟؟
ندى / يلااا خلونا نروح عندهم وصلت ام لميس ..
ام عبدالله وقفت / يلااا ..
ندى / خلوود مانتي جاية معناا
خلود التفتت عليهم / ثوااني واجييكم ..
ندى / يلااا سابقيينك ..
وطلعت مع امها ودخلوا داخل ..
ندى وهي تصارخ / رنوود .. رينااد
ام عبدالله / وينهاا ؟؟
ندى فتحت الغرفه ومالقتها .. / مو هنااااااااااا
ام عبدالله / اكيد عالبحر اجل .. دقي عليها تجي ..
ندى اخذت الجوال ودقت ..
ريناد وهي تتأمل البحر ..وحاسه ان كل هموم الدنيا فيها ..ومو عارفه كيف ترمي همومها ورى ظهرها وتنسى كل شي .. وتعيش يومهاا ..
الا يدق جوالها ..
ريناد / هلا ندى ..
ندى / ويييييييييينك
ريناد ببرود / عند البحر
ندى / وش عندك بلحالك عالبحر ..؟
ريناد / اييش ؟؟
ندى / اقوول تعاالي بنروح عند لميس وصلت امهاا
ريناد ببرود / خلااص روحوا واجيييكم .. بااي
(( حزينه وفي عيوني دمعهـ عتااب
ومثل موج السواحل يضرب الحزن بـ شراييني
شربت من المرارهـ والبحر والملح والطوفان
وتعبت . اركض واتناسى صوت من ورا صدري ينادييني !! ))
الا يدق جوالها ..ثانية ..
ريناد ناظرته بسرعه .. وردت ..
ريناد / هلاا رهوومه ..
ريهام بصوت باين عليه التعب / هلاا ريناد اخبارك ؟
ريناد / حبيبتي وش في صوتك كذاا ؟؟
ريهام تتنهد / آآهـ ياريناد .. تعباانه احس اني بمووت ..
ريناد شهقت / بسم الله عليك وش فيك ؟؟
ريهام وهي تكح .. / متضايقه من كل شي .. طفشاانه .. وجسمي متخدر مرره ..
ريناد بخوف / وش فيك .. روحي المستشفى طيب ..
ريهام / مالي خلق ومالي نفس لجو المستشفى ,,
ريناد / مهو بكيفك .. والله .. ازعل .. قلت لك روحي ..
ريهام بيأس / اووكيه .. ابشوف السواق يوصلني ..
ريناد بجديه / امك فيه ؟
ريهام وهي تتأفف / لا تخيلي رايحه اشكي لها واقول لها اني متضايقه وتعباانه مااهتمت ولا شي حتى ماسألتني ليه وش اللي مضايقني ..
ريناد / اجل وش قالت ؟
ريهام ببرود / اطلعي وشمي هوااا وبعدها طلعت وماعبرتني ..
ريناد / ياابعد قلبي .. خلااص روحي المستشفى وطمنيني عليك طيب ..
ريهام / ... انتي تاامرين .. يلااا بااي ..

الا تدق عليها لميس ريناد عطتها مشغول ..وبسرعه مشت من عند البحر لداخل ..
وقربت لما بتدخل داخل لقت راكان جالس برى ..
واول ماشافها التفتت بسرعه وناظرها وهي تتقدم .بخطواتها .
راكان (( أستفيظي يا مشاعر و أسعفيني ياحروف
و أدركي وش له بقلبي من ينابيع الغــــلا
أرسلي طوق المعزه حامل لون الطيوف
و أصدق أبيات المدايح والوصايف والولا
و اصلن عندي بقلبي رغم تفريق الظروف
يا عساني ما أعدمه و ياعساه ما يخـــــلا))
ريناد وهي تمشي حست انه يناظرها .. تجاهلته كالعاده ودخلت وهي تركض ....
ندى اول ماشافتها دخلت / وش فيك تأخرتي ؟
ريناد وهي تتنفس بسرعه / خلينا آخذ نفس .. اسلم بالأول ..
سلمت عليهم كلهم وجلست جنب رنيم ..
رنيم / وش فييك ؟؟
ريناد / لاا ولا شي ... انتم وش فيكم ؟
لميس / جاية ركض شكلك ..
ريناد انقص وجهها / هااااااا
الكل / هههههههههههههه

:::::::::::::::::::::::::::::::::::::

ريهام راحت المستشفى .. ودخلت عالدكتور ..

الدكتور بعد ماكشف عليها .. / لا بسيطه ان شاء الله ..
ريهام بعد مانزلت من السرير / خير دكتور وش فيني ؟
الدكتور جلس عالمكتب / مافي الا الخير .. الظاهر انك ماتاكلي كوييس و انــ
ريهام وهي تعدل الشيله على راسها / اييييش ؟؟ طيب وش فيني بالظبط ؟
الدكتور بأبتسامه / لا تخاافي .يا ...<<< ناظر الملف بأسمها / ياريهام ..عندك نقص فيتامينات .. ومأثر بوزنك مرره ..
ريهام بهدوء / مالي نفس يادكتور آكل .. انااا تعباانه .مررره .
الدكتور / خير .. ان شالله وش اللي متعبك ؟
ريهام شهقت / هااا .. خير وش تبي وش دخلك وش اللي متعبني ؟
الدكتور / هههههههههههه بس مجرد سؤاال وش فيك اكلتيني ..
ريهام تتمسخر / علشام اعوض من وزني اللي خسرته
الدكتور / هههههههههههههه اول مرة اشوف مريضه وتتمسخركذا ..
ريهام بعصبيه / طيب بطول كذا .. يلا اكتب لي دواا ..بسرعه ..
الدكتور وهو يناظرها / طيب ليه معصبه ..
ريهام وقفت وتوجهت للباب / اووكيه ماتبغا تعطيني وصفه بكيفك ..
الدكتور استغرب من تصرفاتها / تعااااااااالي .. خذي ..<< ومسك القلم كتب لها الدواا
ريهام تقدمت .. واخذت الورقه / وش هالدوا اللي كاتبه تراني مااحب اشرب بس اذا حبوب مو مشكله ..
الدكتور / لااا ياشيخه ..ماادريت ..
ريهام وهي تناظره / لا جد دكتور اكتب لي بس حبوب ..
الدكتور اخذ الورقه منها وشقها ..
ريهام استغربت / ليه ؟؟؟
الدكتور / اباكتب لك ثاانيه .. <<< وكتب لها بورقه ثانيه .. / خذي ..
ريهام بأبتسامه / اووكيه <<< ومشت ..
الدكتور / ويين .. تعاالي ترى عندك موعد بعد يومين طيب
ريهام التفتت عليه / بعد يومين .. مااعتقد اقدر اجي ..يلااا قول اللي بتقوله هاللحين ..
الدكتور ماقدر يمسك الضحكه / ههههههههههههههههههههههههههههه
ريهام / وش فيك حد قال لك نكته ؟
الدكتور / والله انتي بكبرك نكته .. حد يقول لدكتور كذا ..
ريهام / تراني عطيتك وجه بزياده ..
الدكتور بأبتسامه / عااادي خذي راحتك ..ولووو
ريهام / ههههههههه شكلك فاضي ماعندك مرضى ..
الدكتور بخبث / فاضي بس للحلويين ..الي مثلك
ريهام ناظرته بقووه / لا الظاهر يا دكتور .... الا وش اسمك ؟
الدكتور بأبتسامه / خالد
ريهام / خاالد .. اووكييه يادكتور خالد بعد يومين احاول اجي ..
الدكتور / اووكيه انتبهي لنفسك ..

::::::::::::::::::::::::::::::::

اول ماطلعت ريهام من الغرفه دقت على ريناد ..

ريناد / هلااا رهووما طمنيني عنك ..
ريهام / الحمد لله .. بس ناقصني فيتامينات واكل على قولة الدكتور
ريناد / وليه ماتاكلي كوييس ..
ريهام / ماالي نفس .. بالله عليك من معه آكل .. خليها على الله
ريناد / لااازم علشان صحتك بس ..
ندى / حطيه عالسبيكر نحكي معها
ريناد / هذولا البنات يكلمونك <<< وحطته عالسبيكر
ريهام / هااااااااااي بنات كيوووووووووت
ندى ورنيم ولميس / هاااااااااااااااايات
ريهام /.. مع وجهكم ... متجمعيين ومبسووطين ..
لميس / تعاالي والله راح تنبسطي .معنااا
ريهام / لاا ماعليك ابعوض غيابكم .. ابجمعكم عندي ...
الكل / هههههههههههههههه
ندى / وحشتيناا والله ..
رنيم / هاا كيف صحتك هاللحين ..
ندى / وانتي صدقتيها ريهام تتدلع بس ..
ريهام / ندووش وعماااااااا .. والله تعباانه ..
لميس / ماعليك منها .. اخبارك بس ؟
ريهام / من انتي لموو وربي مو قادره افرق بين اصواتكم ؟
رنيم / ايه انا لميييس
ريهام / ههههههههههههه لا انتي رنييم عرفتك .. هههههههه
الكل / هههههههههههههههه
ندى / انتبهي لصحتك .. ترانا جايين بكرا .. تحسني بسررعه واخذي الدواا ..نبغا نجي ونشوفك مثل الحصاان .ههههههههههه
ريهام / ههههههههه ان شاء الله ....

:::::::::::::::::::::::

الساعه 10 وربع مساء ..

الكل راح الملاهي ..

لميس تتمشي مع هشام وهما ماسكين يد بعض
وندى مع ريناد ورنيم سواا
وشوق مع راكان ..
وخلود وعبدالله وعيالهم سوااا
وام عبداالله وام هشام وام عصام ظلوا بالشاليهات عالبحر مبسطين بالشاهي والمكسرات والكيك وغيررهـ ..واتركوهم مع السوالف والهذره اللي ماتخلص .. =)

لعبوا لعبة ( قطار الموت )..(الا شوق مالعبت هالنوع من الألعاب تخاف) وهما يصارخون ويستهبلوون .. وساعه يضحكون بهستيريه .. ..

[img]http://**********/album/data/media/29/__15.jpg[/img]

ندى / ياااااااااااي والله ونااسه
لميس وهي بجنب هشام / هههههههههههههههه
هشام / لااا خلاص دوختينا انا ماراح العب معك ..
راكان جالس ورى ريناد. وبجنبه رنيم ..
ريناد اول مانزل القطاروقلب بقووه تمسكت بندى ولزقت فيها ..
ندى / هههههههه وش فييك ؟؟
ريناد / ههههههه .. خلاااص ابنزل ..
راكان يناظر رنيم / وش فيهااا؟؟
رنيم / ريناد وش فييك ؟؟
ريناد وهي مغمضه / ابنزل خلاااااااااص راسي يدوور
ندى / خلاااص الحين بتخلص ابعدي عني شووي ..
ريناد / اهئ اهئ احس اني بطييح ..
راكان ( يااقلبي وويين تطيحي .. انا وراك ابمسكك ) / لاتخافي هاللحين ننزل ..
ريناد تأشر على ندى / منوو؟
ندى / يالغبيه هذا راكان اخو رنيم ..
رنيم وهي تناظر راكان / رنوود افتحي عيونك لاتخاافي والله ونااسه ..
ريناد / لااا بلييز نزلووني ..
راكان / اصبري .. مايصير ينزلونك .. دامك تخافي ليه تركبي ؟؟
ندى / الا تبغا تغااااااااامر ..
ريناد بخووف / اسكتي انتي معه ..
راكان / افاااااااا
رنيم / هههههههههههههههههههههه

بعد دقيقة وقف ..
ندى / يلاا ياحلوة انزلي ...
نزلت رنيم وراكان ..
ولميس وهشام
لميس / يااااااااي بنات شرايكم نلعبها ثانية
ندى / ههههههههه تعالي شوفي ريناد شقد خاايفه
ريناد وقفت بشويش .. /<<<< الا تتعلق بندى ..
ندى / رينااد اركزي ..
لميس / المفروض ماتلعب بهذي .. ماتعرفون انها معها فقر دم ..يمكن يأثر عليها !!
راكان بخوف / وش تحسي فيه ؟؟
ريناد / رااسي يدوور احس اني بستفرغ ..
رنيم قربت منهاا / امسكيني ..
راكان خاطره يمسكها ويساعدها تمشي ...
ريناد مسكت يد رنيم بقووه وهي تمشي ..
وصلولها لأقرب كرسي وجلست .فيه ...
راكان راح اشترى لها مويه وعطاها / خذي اشرربي ..
رنيم اخذتها منه وافتحته وعطتها لريناد ..
ريناد فتحت نقابها من تحت وشربت ..
لميس / حنا بنلعب اجلسي هنا وياويلك من لعبتي ..لاتطيحي علينا بعد مثل المرة اللي فاتت ..
ريناد / لاا خلااص خلووا اللعب لكم ..
ندى / اجل حنا بنروح نلعب وانتي خلك ..
رنيم / انا بجلس معك ..
ريناد / لااا رووحي .. عاادي مافيني شي .. بجلس انتظركم .. واذا قرب عبدالله بروح معه ..
رنيم / على راحتك ..
راكان قرب منهم .. ..وناظر رنيم / ويين ؟
رنيم / ابروح مع لميس وندى نكمل لعب ..
راكان بهمس / ورينااد ؟
رنيم بجديه / راكان .. ريناد يتظل هنا جالسة .. وانت اذا حاب تجي معنا تعال .. بس لا تجلس وتناظر فيها كذاا
راكان بعصبيه / ليه وش شايفتني ..
رنيم / ماادري عنك .. المهم راكان اذا رحنا الشالية بقول لك شي مهم ..
راكان استغرب / وشوو ؟؟
رنيم / مو وقته هاللحين يلااا ابروح الحقهم لايبعدوا عني اكثر ..
مشت رنيم ..بسررعه ..
وراكان جلس على احد الكراسي .. لكنه نوعا ما بعيد عن الكرسي اللي جالسه فيه ريناد ..
ريناد ماسكه بطنها وحاسه انها بتستفرغ وقفت بسرعه وتناظر تدور عالحمام ..
راكان وقف مكانه حس انها تبغا شي .. وتقدم بخطواته وقرب منها ..
راكان / رينااد فيك شي ؟
ريناد وهي متوترة بعد مابلعت ريقها / ابغا اروح الحمام ..وينه ؟
راكان / اووكيه تعالي معي ..
ريناد وهي تكح وتاخذ نفس عميق .. ومشت معه ..
راكان يأشر لها / ادخلي هنااا ..
ريناد دخلت الحماام ..بسررعه ..
راكان ظل واقف برى ينتظرهاا ..
ريناد وهي عند المغسله غسلت وجهها وجففته بالكلينكس وطلعت ..
لقت راكان بوجهها ..
راكان بأهتمام / هاا صرتي احسن ..؟
ريناد وهي مرتبكه / ايه ..احــ احسن .
وفجأة تحس بدووخه تمسكت بعامود كان جنبها
راكان قرب منها اكثر وبخوف / حاسه بدووخه ؟
ريناد / راكان بلييز ناد لي ندى او عبدالله ماني قادرة امشي ..
راكان / طيب تعاالي معي هاللحين .. اجلسي وارتاحي واروح اناديهم
ريناد وهي تتقدم خطواتها ببطء وراكان جنبها ..
ريناد بحيا / امسكني خاايفه اطييح ...
راكان بأبتسامه ( بس هذا اللي تبي .. )) مد يده وحطها بيدها ومسكها
حس بحرارة جسمهاا وش قد ترجف .. وعيونها ذبلاانه وحدها داايخه
راكان وهو يناظرها .. / ريناد اوديك المستشفى .. ؟ شكلك مرره تعبانة ..
ريناد تهز راسها بلااا / .......
راكان شد على يده اكثر / شوفي جسمك وش قد حاار ..لازم تروحي المستشفى ..
ريناد فلتت يدها منه بسرعه الا تفقد توازنها وترجع ثانية وتمسكه اكثر في ذراعه ..
راكان بأبتسامة عريضه / امسكيني علشان ماتطيحين.. اووكيه ..
ريناد ( انا وش اللي خلاني العب .. هاللعبه .. ) ..
راكان شاف جنبه كرسي .. / ها تبي تجلسي هنا ولا داخل ..
ريناد / كيفك أي مكان اهم شي اني اجلس ..
راكان سحبها / طيب جلسي هنا ..
جلست وجلس جنبهااا ..
ريناد بعدت شووي عنه وهي حدها متوتره ..

راكان حس انها متوتره / اممم ماتبي اجلس هنا .. اقووم ..
ريناد ناظرته لقت عيونه تلمع ..نزلت راسها بسرعه / لااا .. خلاص خلك ..(ا حراج اقول له قووم وهو اللي مسااعدني وش راح يحكي عني .. هذي ماعندي احساس بالمرررهـ !!!)
راكان وهو يسمع همس انفاسها .. / ((( مادريت الا وهي مثل النفس بين الحنايا
ان شهقت امووت منها .. وان زفرت امووت فيها ! )))
ريناد كل مالتفتت بطرف عيونها تشوفه يناظرها ..
وتحس ان في عيوونه كلاام كثير مو قادر يعبر او يقوله ...
الا تلمح ندى ورنيم جاييين وهما يضحكوا وباين عليهم انهم مبسووطين ..
رنيم اول ماوصلت ناظرت راكان وهو جالس عالكرسي وبينهم مسافه ( مسكيين ركووني ماعطتك وجه اكييد ) / هااا وش صاار ؟؟
ندى / ريناد صرتي احسن ..
ريناد وقفت وتمسكت بندى / أيه .. احسن
ندى شهقت / وش ذا الحرارة اللي فيك ..
راكان وقف من مكانه / ماهي راضية تروح المستشفى ..
ريناد التفتت على رنيم / لا مايحتااج .. بكرا بنروح الرياض .. وبرتاح اكيد ..
رنيم / على رااحتك ..
راكان / طيب يلااا ماتبون تمشوون ..
ندى / بتوصلنااا
ريناد تناظر ندى / وعبدالله
ندى / رااح طفشووه عيااله ..
راكان / يلااا مشينا اجل ..
ومشوا وركبوا سيارته وطول الطريق راكان يناظر ريناد من المرايه ..
لكن ريناد حاطه راسها على كتف ندى .. ومو منتبهه ..

:::::::::::::::::::::

وصلوا ونزلوا ..
رنيم تناظر ندى / ادخلوا هناا معناا
ريناد / لاا ابروح آرتاح ..
ندى / بكرااا نشوفك يالدبه يلاااا ومشوووا
راكان دخل داخل ومسك يد رنيم .. وسحبها .
رنيم / عوورتني بشويش وش فيك ؟؟
راكان / ابغا اعرف الموضوع المهم اللي قلتي ابااقوله لك لرجعنا
رنيم توهقت / هااا .. طيب لحظة ابدل واجي ..لك ..
راكان / بسررعه انتظرك ..

:::::::::::::::

لميس اول ماوصلت راحت لعند عصام تبغاه بموضوع .. طلعوا برى عالكراسي ..
لميس / وش فيك ماجييت معنا ؟
عصام / لا ولا شي .. بس متضايق ..
لميس بجديه / عصاام . مثل ماقلت لك رنيم تعتبرك مثل اخوهااا ..
عصام ببرود / بس انا اعتبرها مو مثل اختي ..
لميس / طيب وش راييك بشوق .. احسها تصلح لك اكثر
عصام وقف / نتكلم بالموضوع بعديين .. انا رايح اناام ...
لميس تتأفف / اووكيه براحتك ..

:::::::::::::::::::::::::::::::::: __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رواية كنت اجوفك شي ثاني/ للكتابه فرشة الحب	Ro7 8lby#!	قصص و روايات	22	08-09-2012 03:07 PM
رواية جديدة للدكتورة ناعمة الهاشمي 2012 تعالوا يا بنات رواية شما وهزاع احلى رواية	محروم.كوم	منتدى أخبار المواقع والمنتديات العربية والأجنبية	0	04-21-2012 05:50 PM
[طلب] كتابة بالخط الحر او الكلك او مخطوطة ( الحب المستحيل )	محروم.كوم	منتدى أخبار المواقع والمنتديات العربية والأجنبية	0	12-31-2011 03:20 PM
تغطية مسلسل التركي الحب المستحيل	محروم.كوم	منتدى أخبار المواقع والمنتديات العربية والأجنبية	0	10-03-2009 11:50 AM
رواية : مراسلات الحب الأعمى للكاتب: عبدالرحمن ف. دلول	محروم.كوم	منتدى أخبار المواقع والمنتديات العربية والأجنبية	0	04-22-2009 03:00 AM