السلام عليكم ورحمة الله وبركاته

اخواني النواخذه ، كيف الحال

معاكم اخوكم " مبتدئ " بـ صيد السمك حاب يفيد ويستفيد معاكم بهالخيمة طيبة الذكر
انا يا اخوان اصيد في شاطئ تالا غالبا الصيد يكون ليلي ، عالعموم طلعت مره قبل فتره حوالي شهر ما شاء الله من كثر الصيد ارمي السنارة دقائق وهي صايدة ، ع العموم يوم رحنا امس 3 شباب مافيه الا نقد خفيف جدا جدا جدا ، صدنا بس قبقب و سمكة الصخرية على ما اظن و وصدنا سمكه صغيره وعلى امل اننا نصيد ب طعم حي .. ما جابت شئ ابد

على العموم يا شباب بسألكم الحين ، متى افضل وقت للصيد اشوف الشباب يتكلمون عن المد والجزر وهالسوالف والله ما نعرف لها ،، وبسألكم عن منطقة الزبنة فيها خير ولا لا ، وتستاهل العنوه والتخييم ؟ ، ومتى افضل وقت ؟ ، وهل ممنوع فيها الصيد بالليل مثل تالا ؟ دايم يقروشوننا سلاح الحدود كل شوي يجي يقول ما خلصتو ، و وش وش افضل الطعوم ؟ ، وطريقة المجرور ؟ والتعامل مع الهوآء ، واذا عندكم طبخات بحرية مثل الصياديه وطريقتها الله لايهينكم ، ومعليش ع الاسئلة الطويله لأن ان كنا بنروح للزبنة بتكون تخييم وبنقعد يومين على الاقل فا ما ودنا تروح هباءً منثورا ،

وشكرا :heart: