εïз Hi !





{.. آلًسٌٍلآٍمٌ عًلْيٌكُمِ


••----------------------------------••



.
.


[ مدخل .. ! ~

للـ غيآب وسكّة الذكرى مواجع ،،
وأنا حزني في زوايا الروح قابع ..~

.
.

يسعدلي مساكم / صباحكم بكل خير وبركه

شحالكم الغوالي ؟ .. عساكم بخير وسهاله

/

اليوم يبتلكم موضوع غير عن كل المواضيع
موضوع يخصني انا يخص حياتي
يخص الموقف الي عشته وشفته
ومب قادره انساه
{ موقف من مواقف حياتي }

[ حقيقه , صدمه , صدفه]
كشفت هوية شخصين من هالموقف
ومب اي شخصين
والله انهم اعز واغلى شخصين كانوا في حياتي
بس للاسف .. !
كااانوا .. !
والحين .. الله يستر

{ الموقف }

تعرفت على وحده يوم كنت اول اعدادي
كنت اعتبرها اكثر من اخت
كانت غاليه عليه وااايد
يعني كانت ربيعتي روح بروح
تعرف كل شي عني واعرف كل شي عنها ..
كنت اشوفها جوهره في عيوني
يعني من كثر مانحنا ربايع اهلي
تظايجوا من كثر اتصالاتها .. !
ومن كثر ماسولف عنها .. !

المهمـ ..

/

كنت يالسه اذاكر امتحان رياضيات
وعقدتي كانت الرياضيات .. !
يالسه اذاكر في حجرتي

جان اسمع التليفون يدق
{ تليفون اخوي }
تاذيت منه ..
فقلت بسير اغلقه ولا احطه عـ صامت
لكن ..
ماقدرت اغلقه ولا احطه حتى عـ صامت
شفت الرقم .. انصدمت
قلت لا ماصدق .. مب معقوله
سرت اتاكد من الرقم يبت موبايلي
ظهرت رقم ........ طلع هو للاسف

تدرون رقم منو ؟!
رقم "ربيعتي روح بروح"
هيه نعم رقمها
هو هو رقمها .. !
سرت حجرتي مارمت اذاكر
يلست اصيييح .. !
واصيييح والله اني قمت اشهق
من الصدمه .. !

لكن ..
شو اقول ؟
شو اسوي ؟

اهلي يدقون علي باب الحجره
مابطلتلهم اياه ..
والله اني من الصدمه مارمت
اتحرك من مكاني

انا ماصحت ولا اتظايجت
كثر ماتظايجت على اخوي
كيف يرضى وحده شرات هذي ادش حياتي ؟!
كيف ينزل مستواه ويخلي اخته ترابع شرات هالاشكال !
كيف يرضى علي ؟!
كيف كيف ؟!
والله اني مب مصدقه
اخوي اخوي جي يسوي فيني !

اليوم الثاني سرت المدرسه
شليت وياي صورة اخوي

ناظرتها .. جان ابتسم ..

ادس مشاعري .. !

سرت رويتها الصوره ..
قلتلها شرايج في اخوي ؟!

وجان تنزل دموعي لا شعوريا
والله تنزل دموعي اربع اربع

وارد اسالها شرايج في اخوي ؟!
قالت شو ؟ ششـ ..
ماعرفت شو تقولي
قلتلها هذا الي تبينه ؟
هذا الي تبينه !!


وحاولت تبرر موقفها لكن ..
قلتلها ترى دربج غير عن دربي
خلاص لااعرفج ولاتعرفيني

.
.

وانا والله .. والله العظيم اني مب زعلانه عليها
زعلانه على اخويـ .. !
اخويـ اخويـ .. الي احبه اكثر واحد من اخواني جي يسوي فيني !
كيف يعرف اني اعرف هالاشكال وعادي عندهـ .. ؟ كيييف !!!!

من بعد هالموقف ..
تغيرت على اخويـ ..
واااايد !!

وهالموقف استوالي هالسنه
شوفو كم سنه وحنا ربايع وانا في غفوه

دنيا رديهـ .. !
شو رايكم في الوقف ؟
ابا راي كل واحد وبصراحهـ .. !

همسه : السموحه لهجتي كانت بالعاميهـ .. !
ترى الزمن غدار



.
.


[ مخرج .. ! ~

أبسأل .. أبسأل .. أبسأل ..
من هو الوآفي ..؟
إذا الوآفي طلع غدّآر ..!

.
.




••----------------------------------••


دُمٌتًٍـُـُمْ بَــٍ وٌدٍّ..}