#poem_5098c38cbb275 td {font-family: Tahoma, Verdana, Arial, Helvetica, sans-serif;font-size: large;font-weight: bold;} سلام الله عليكم كلكم تحيه وتقدير اهنيكم بها بالعيد وماجادت به اقلامي واراجع سالف ايامي ولاتخلى من التقصير واقول الله يساعدني على المقبل من ايامي مشينا بالثياب البيض بالفرحه وبالتكبير عسى ربي يعودها علينا كل الاعوامي وبين العيد والفرحه نسينا قنصنا للطير واهني كلا بعيده واشوف الطير قدامي ولولا جمعت الشيبان تلقاني ادوج عصير ولكن جلستي معهم تروي قلبي الضامي ولوني غبت صادوني وقالوا انت مابك خير ولو احلف سنه ماتقبل ايماني ولا احكامي وراح العيد والذكرى لها في خاطري تأثير شفنا ناس وراحوا ناس ومن مثلي ماينلامي وطاحت دمعتي حرا وتكشف خافي التعبير ولاهو عيب ياعيني وهذا مبدأي السامي واوقف موتري وانزل واغسل وجهي من البير واواصل رحلتي للقنص حتى احقق احلامي واصفي خاطري وامشي على مانشتهي ويصير ودام العمر به باقي بشوف الطير لاحامي