. . . غيّرہ يَ عرب / ما ۈدي بہ ♡ / بقلمي

♪ Sweera Alketbi · #1 10-24-2012, 02:29 PM

السلام عليكم و رحمه الله و بركاته

-
اليوم حبيت أطرح ف منتدى إستراحة زايد روايتي اليدية إلي أتمنى أنها تعيبكم
و أتمنى من كل إلي يدخل روايتي يرد عليها ترفعون معنوياتي و ججي
روايتي مزيج من الفنون ( رومنسية , كوميدية , أكشن , إجتماعية )
و بحاول أنزل بارت كل يومين أو ثلاثة ع حسب متى أخلص
و أستقبل إنتقاداتكم لروايتي __DEFINE_LIKE_SHARE__

♪ Sweera Alketbi · 10-24-2012, 04:49 PM

البارت الأول

مهرة : يويلي ع سرحانة بسج خوزي عيونج عن الشباك
اليازي : هاه تكلميني ؟!!
مهرة : لا لا أكلم اليدار صراحة قررت أصادقة
اليازي : هبببله تراج عاددي أتوقع هالشي مننج
مهرة : هههههههه أنا الهبه و لا أنتي بنت عمي من متى عيونج ع الشباك تترين الححب هاه
اليازي حمرت : نعم نعم !!
مهرة : عادي عادي لا تستحين إلا بيكون ريلج عقب كمن يوم
اليازي : عكيفج لا مب ريلي
مهرة : انتي محيرة له يعني نفس حرمته
اليازي : أظن أثرت فيج سوالفج و يا اليدار
مهرة : ههههههه جب جب
أم زايد تنزل من الدري
مهرة : صبحج الله بالخير أمايه
أم زايد : الله يصبحج بالنور
اليازي : شحالج خالتي ؟
أم زايد : بخير الحمد الله , ما شاء الله عليكن غلبتنا أنا و بو زايد ف نشت الصبح
مهرة : ههههههه أصلن ما رقدنا مواصلن
أم زايد : و أنا ما قلتلكن ما شي سهر أخوج اليوم بيرد و بنسوي عزيمة و انتن بتمن رقود هنيه
مهرة : فديتج مايه لا تحاتينا ما عليج منا بناكل مجبوس لحم مال العزيمة
أم زايد توقف عند الشباك و طالع
مهرة تصاصر اليازي : هاذي الثانية بعد تتريا زايد
اليازي طالعها و فخاطرها " متى بيي من زمان نا شفته أكيد تغغير زين بيذكرني , أففف كيف يذكرني و أصلن أبويه ما كان يخليني أيي بيت عمي بس ملامحه ما نسيتها بعدها ساكنه فيني "
مهرة : مايه توج ناشه من الرقاد يوم بيي بيعرف الدرب ما بيدش بيت حد من غريب لا تخافين
أم زايد : انتي سيري رقدي فكيي من صدعج فديت و ليدي لازم أترياه
مهرة : تبريتي مني من عرفتي اني ياي عاد خليه يجابلج ف البيت و بتفتقديني يوم بسير بيت ريلي
أم زايد : أم عليج عيب ما تطري البنت طاري العرس لين أي ريلها إلا أنتن بنات هالزمن ما فيكن حيا و انتي أولهن
مهرة : يالله عاد يا أمايه ما قلنا شي ههههههه

> قبل لا أكمل بعرفكم ع عايلة بو زايد >

بو زايد : ريال طيب ووايد متفهم , مدير شركة هوه و خوانه ساكنين كلهم ف حوي واحد بس 3 فلل فيه و ميلس لليمعات يوم الجمعة و لا يوم العزايم , عمره 55 سنه و ساكنين ف دبي
أم زايد : حرمه عنييييدة أقوى شي و ما تسوي غير إلي ف راسها و ما يهمها راي حد تححب عيالها فوق الطبيعي و خاصه زايد بالقو قدرت تتعود ع فكرة دراسته برع البلاد , عمري 46
زايد : البجر و الولد الوحيد لهم , طويل بشرته حنطاويه و معضل و خشمه طويل و عيونه ناعسات يعني بختصار يخبل , محير لبنت عمه اليازي وهو وايد عصبي و إذا عصب ما يعرف شو يقول و عنييد طالع ع أمه و يحب وايد يتجاهل أشياء , عمره 25
مهرة : البنت الوحيدة و دلوعه أبوها و ما يرفض لها شي , تحب الرسم , طويله بس وايد تاكل و ما يبين عليها لأنها طويله و خشمها طويل و عيونها صغار و رموشها كثاف , ملسونة و ما تقدر تمسك لسانها عن أي شي تدرس ف الجامعة سنة أولى إختصاصها علم إجتماع سهل شي لأنها مب وايد تحب العلم بس دخلت عشان خاطر أبوها , عمرها 19
اليازي : بنت عمهم بس ساكنة عندهم بعد ما توفى أبوها و أمها ف حادث قبل سنتين ما تدرس ف جامعة لأن نسبتها وايد نازله بالقو نجحت أهلها توفوا و هي فالثانوية العامة ف ما قدرت م قدرت تركز ف دروسها , هادية فوق الطبيعي و خوافة بعد , طويله و بيضا و عيونها وساع و خشمها شيوخي و شعرها بني طويل عمرها 20 سنه أبو اليازي ما كان يسكن و ياهم ف دبي كان ساكن ف الشارجة و أحيانا يزورهم مب وايد
و اليدة ساكنة و ياهم بعد : هذي اليدة ملققوفة كل شي تبى تعرفه و تبى الكل يمشي بمزاجها بس طيبة و سوالف

بيت بو حمدان
آمنة : يا قسى قلبك على القلب السموح عقب ما حبك تفكر تتركه

أم حمدان : آمنة و صمخ
آمنه تفج السماعات : أمايه هلا من متى انتي هنيه ما سمعت صوتج

أم حمدان : لازم ما بتسمعينه دامنج حاطه هالحدايد ف ذنيج
آمنة : ههههههههههه سماعات ي أمايه سماعات
أم حمدان : مب مهم ذكري الله من صباحية الله خير تمعين هالأغاني
آمنة : حاضرين أمايه تبين شي
أم حمدان : هيه نزلي تريقي و يا خوانج كلهم تحت منصور و حمدان
آمنة : يو من العين ؟
أم حمدان : هيه من الفير هنيه
آمنة نشت من الشربية و نزلت تحت : هاه الحين شرفتوآ
حمدان : ههههه شوي شوي عليج تعالي سلمي أول
آمنة : مابا مخليني هنيه و انته شال حرمتك و طرطور و مخليني رويحتي أرمس عمري ف البيت
منصور : حمد الله و الشكر ترمس عمرها بعد
آمنة : انت لا تتكلم
حمدان : ههههههه و الله و عيناج و ما نشيتي
آمنة : و انتي يا خانوم
هند : أنا !!
آمنة : هيه أنتي قلتلج صبي عليه ماي و عيني بس حضرتج و لا فتكرتي فيني سدتج سيرة العين تبين تهومين روحج
هند : حرام عليج مالي دخل حاولت فيج م نشيتي
آمنة : مالت عليكم " و يت يلست تتريق "
منصور : آه ي حلات العين بنسر مره ثانية
آمنة : جب انته حترم مشاعري أنا ختك العودة
منصور : أو ماي قاد يبتي شي يديد أنا أخوج العودة لا تيلسين تنقعين كلام من صبح الله خير
آمنة : ما برد عليك لأنك سخيف
منصور : ههههههه

>نتعرف ع عايله بو حمدان >

بو حمدان : ريال بآآآآآآآآآآآآآآرد أقوى شي و مخلي عياله ع راحتهم يحب السفر و ايد و كله يعرس و يطلق و هو أخو بو زايد و عندهم بعد أوخو بو محمد , و طبعا قلنا قبل أنهم كلهم يسكنون ف حوي واحد عمره 50
أم حمدان : حرمه طيبة ووايد مدينة و ما تعرف سوالف هالزمن و وايد تنسى و تحب عيالها عمرها 48
حمدان : البجر عمره 25 كبر زايد و ربيعه الروح بالروح بعد متزوج عن حب ماخذ وحدة أسمها هند و عنده بنت أسمها عايشه طيب و بارد نفس أبويه و يحاول يسعد بنته و مرته فوق ما يقدر يشتغل و يا عمه بو زايد ف الشركة طويل و شوي أسمر و عيونه صغار و خشمه طويل
منصور : عمره 23 يحب يطفر بخته آمنه و أمه بعد بس طيب و يحب بنت عمه اليازي مع انه يعرف انها مب من نصيبه بس حاط فيها أمل طويل شوي معضل و شوي أسمر و عيونه ناعسات ووايد يشبه أخوه حمدان
آمنة : عمرها 18 ثانوية عامة مالها خص فالدراسة بالقو تنجح و أونه هالسنة بتشد حيلها عشان تقدر تدخل الجامعة تحب و لد عمها محمد قصيرة و بيضا و خشمها صغير و عيونها كبار و شعرها اسود قصير بس مب وايد لين جتفها ملسونة تحب السوالف و الحواطة و ملقوفة طالع ع يدتها ههه
هند : مرت حمدان عمرها 22 طيبه ووايد تحب حمدان و تغار عليه طولها متوسط و سمرا شوي و شعرها أسود لين ركبها و ناعم و خشمها صغير و ملامحهابريئة
عواش : بنت حمدان عمرها 4 سنين دلوعه أبولها و يدها تحب طفر بالناس شرات عمها منصور ماخذه شبه وايد من أبوها

بيت بو محمد
روضة : هههههههههههه لا حبيبي مب فايجة أطلع اليوم
.....: عن خاطري بنغير جو وياج
روضة : أبويه ما بروح الشركة اليوم لأن عندنا عزيمة ف بيذبحوني بأسألتهم لو ما كنت موجودة و أنته تدري لو دروا اني أكلمك ف حياتك م بتكلمني مره ثانية
.......: دام جي خلاص ع راحتج حبيبتي
روضة : حبيبي زعلت مني و الله بس يداوم أبويه بروح و ياك وين ما تبى
.....: الله لا يحرمني منج
روضة : و لا منك حبيبي
الباب يندق طق ططق
روضة : بعدين أكلمك حد من أهلي يا
.....: أوك حبيبتي ديري بالج ع نفسج
روضة : و انته بعد
و سكر
روضة : تفضل
شما : و ين الأيلاينر إلي خذناه آخر مره
روضة : يايه شوي و بتكسرين الباب عشان أيلاينر
شما : هيه عيل عشان أشوف جمالج الصناعي
روضة : جب جب خذيه ف الدرج الأول و طلعي برع
شما : زين زين
شلته و طلعت برع
شما طلعت من الحجرة و فخاطرها " أكيد ترمس حد من هالشباب ربايعها حمد الله و الشكر أبويه مدلعنها آخر دلع و ما يعرف بمصايبها الله يهديها ناقصة حنان يمكن هههههه " و تبتسم
محمد : حمد الله و شكر
شما فزت : شو فيك
محمد : ما أدلج تبتسمين مع نفسج
شما : زين كيفي طيرت حمامة فوادي
محمد : ههههههه فتكيتي منها المهم أمي دورج
شما : زين نازله عندها
و نزلت تحت عند أمها

> نتعرف ع عايله بو محمد >

بو محمد : ريال عصبي ووايد يهتم ف شغله و هو يشتغل ضابط مدين و ما يرضى بالغلط و بنته نورة وايد متعلق فيها غير الثانين و عمره 43
أم محمد : حرمه طيبة و عنياتها عمرها 43
روضة : أكبر و حدة فالعايله عمره 22 دلوعه ووايد تحب بنت عمها اليازي و هم بست فريند و هي من بنات هالزمن إلي يرمسن شباب شعرها أحمر متوسط طولها و عيونها عسليات و سمرا و خشمها طويل و عيونها صغار و مركبة تقويم
محمد :عمره 21 يدرس هندسة يحب آمنة بنت عمه و هي بعد تحبه طوله متوسط أسمر شوي معضل و مركب تقويم و عيونه عسليات
شما : ربيعة آمنة و ياها بنفس الصف عمره 18 طبعا ثانوية عامة بس عكس آمنة وايد تهتم ف دروسها و حاطه لها طموح و عنيدة و م تواطن ختها عسوالف إلي تسويهن قصيرة نفس آمنة و عيونها عسليات و بيضا و شعرها أسود لين الركب و خشمها صغير ملامحها هادية و جميله
عمر : آخر العنقود عمره 16 صف أول ثانوي طويل أطول من نورة و شما و يشبه ف ملامحة أخوه محمد وايييييييييد

هالبارت عشان أعرف بالشخصيات إن شاء الله ألقى تفاعل __DEFINE_LIKE_SHARE__

al8lb-almjro0o7 · 10-24-2012, 06:31 PM

الرواية اتجنن good like __DEFINE_LIKE_SHARE__

♪ Sweera Alketbi · 10-24-2012, 09:04 PM

المشاركة الأصلية كتبت بواسطة al8lb-almjro0o7

الرواية اتجنن good like

تسسلمين فديتج ع المرور الططيب __DEFINE_LIKE_SHARE__

amon88 · 10-24-2012, 11:29 PM

ماشاء الله الروايية تجنن __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ليه آلعطر #' وانتي انفاسكك دخون ليه آلكحل .. وآنتي مم مثلك ‹$ = عيون ♡♡♡	وتر القلب	عدسة الاعضاء , كاميرا الاعضاء	5	08-07-2012 01:00 AM
(( » ٻعثرهہ حرۈڤ♡ ))	ذيبہـة شّےـوِٱمِےـسًے	الإستراحه العامة	10	11-10-2011 01:02 AM
ミ♡彡ミ♡彡كيف تختم القرآن اربع مرات في شهر رمضان المباركミ♡彡ミ♡彡	محروم.كوم	منتدى أخبار المواقع والمنتديات العربية والأجنبية	0	08-20-2011 05:30 AM
ظحــگ ۈانــا اصلـاً من الضيق~~ { مخنۈۈۈۈۈۈق~~~ مـטּ تصۈۈيري	alna3ma	عدسة الاعضاء , كاميرا الاعضاء	34	07-23-2011 03:03 PM
.،\|[ آلرجُۈلة طبعٍ ۈَفـيً ۈشڿصُ يملٌآڳِ إحسآٌسِ .. ۈتشُۈفِ آلصْدقْ بقلبــهْ ۈعيۈنـُهْ \|/.،	« ݕڨـﭑﯦﭑ בـطٱم ™	المسنجر وملحقاته , توبيكات , ماسنجر بلس , msn	69	07-13-2009 02:18 PM