#poem_5073f1b4e688e td {font-family: 'DecoType Naskh', Arial, Helvetica, sans-serif;font-size: medium;font-weight: bold;} يا راعي المقناص مسيك بالخير كان المخالب دم هات الحذيه. مير البلا لا صار جهدك مخاسير بليتن يا كبرها من بليه ما كل طيرن حايمن ينحسب طير ولا كل رجالن عزومه بعض الرفاقه كنهم نافخ الكير والبعض الاخر دجة المهمهيه وبعض الرجال يعادلون الطوابير شرواك يا راع الوفا والحميه ياحي صيد الخرب لولا المشاوير ويا حي ذباح الضبا حي حيه ويا حي جيب الجكس جيب المناعير ميزه صناعه باطيب مزيه جيبن مخصص للوعر والمحادير يطربك في كل الدروب العصيه فيه الرجال اللي على الطيب والخير ما فيهم اللي محتشد من خويه مجلاسهم فيه الدلال المباهير نعم الرجال شيوخ نجد العذيه لامثالهم فالقلب حشمه وتقدير يالله عساهم للجنان العليه وختامها حبيت امسيك بالخير وان كان صيدك جزل هات الحذيه