مساىْكم لحلاح وضلع /اليوم الصباح طلعتا نلفح الساعه 5وواجهتنا رؤوس كثيره جدا جدا جدا من سمك الضلع وبأحجام خياليه وحنا قاصدين الخباط وحمام الخضره لكن الضلع ماعطانا فرصه كل ماشفنا راس توجهنا نلفح حوله طلعت لنا الضعله والبحر قاعد يفور والطيور دليلنا للوصول لها ولايمديك تاصل لها الا وراسين اوثلاثة على يمينك او يسارك وربي اول مره في حياتي اشوف كميه من الرؤوس المتوافدة ممتده من تحليه الجبيل جنوب الى الفناتيرشمالا /طولنا عليكم طلع خباط وحمامه معنا و9ضلعات واطلقنا سراح 6بعدهم :good2:/اما لو تنقلب هالكميات كلها كتعد كن يصير الكيلوا ب5ريال في السوق/ادري والله انكم تبون صور بس الشكوى لله انا مشكلتي في الكمبيوتر وجديد في المشاركات والا المنتدى كنت اتصفحه من سنتين حتى لي رساىْل تعريفيه لي ادخلتها ولاادري وين راحت يمكن طاحت في صفحة الاحوال الجوبة والاالصيدالبري اصبروا علينا شوي /مع اطيب تحياتي للجميع
__DEFINE_LIKE_SHARE__