في البدايه السلام عليكم..

طبعا أنا حداق أبا عن جد :d ولكن كنت مسافر للدراسة وجلست برا 6 سنين ولما رجعت الدمام بديت أبي أحدق في أوقات الفراغ لكن بيني وبينكم ما خليت مكان الا وحدقت فيه لكن بدون فايده أجلس بالساعات ولا شي وإذا صدت صدت شم وحده :d وجربت في الكورنيش وفي رحيمة وفي المينا ومافي فايده بس لما دخلت موقعكم استفدت كثير من ناحية الأماكن اللي فيها صيد لدرجة أن مره رحت مكان قريب من شاطئ تالا وطلعت ب35 سمكه بين شعوم وقرقفان وفسكر حتى جدي مسويلي خيط فيه 10 ميادير قالي حذفه وثبته ورح احدق وتعاله بعدين وكنت ألاقي فيه من 5 إلى 6 سمكات يسمون هذي الطريقة بخيط المد والحمد لله صرت أطلع كميات كبيره من السمك وصرت أروح مع الربع نصيد صيد كثير لكن كل هذا بفضل الله ثم توجيهاتكم والله يوفقكم.