منتدى استراحات زايد - ..|كشتتنا مع الخواجات..طبخ الخواجات للقرص والشاهي|..

http://www.mekshat.com/pix/upload03/...49539_sa00.jpg

اسعد الله اوقاتكم بالخير والمسرات

في اجازة نهاية الاسبوع الماضي ذهبت انا ومجموعه من الزملاء السعوديين "(بما اننا خارج ارض الوطن) دعواتكم اخواني لنا بالتوفيق " الى مزرعه احد الاجانب في مدينتنا وكان هناك العديد من الاشياء الجديده على اللتي صادفتها وخصوصا ان المزرعه بعيده عن المدينه وهم عايشين في هذه المزرعه وبعضهم لم يزر المدينه في حياته ... بإختصار هم بدو هذه الدوله :good2:

عموما مالكم بالطويله ،، شدني عندهم الكثير لكن حبيت انقل حاجتين منها للاخوان الا وهي طريقة تصليح قرص الجمر ،، وطريقة تصليح الشاهي
يمكن تستغربون مثلي بعد ماشفت انهم يصلحون قرص جمر :D

عندما انتصفنا في المزرعه وجدت النار مشبوبه والشاهي حوله وقرص الجمر

http://www10.0zz0.com/2010/04/18/05/345952152.jpg

اللي على اليمين تحت مغطى هو قرص الجمر ،، والعلب اللي فوق هي الشاهي

بعد ماقربت ورفعت الغطاء عن الماعون طلع لي هالشيء :good2:

http://www10.0zz0.com/2010/04/18/05/299287009.jpg

شكله شهي بالحيل

حاولت اشيل الماعون وحصلته ثقيل بالحيل وبنفس الوقت حار ،، كنت ابشوف المعدن اللي مصلح منه الماعون هو قراشيع مثل قدور الضغط الصينيه اللي عندنا ولا مزبوط ، وطلع على كيف كيفك...
بعد مايخلص القرص يطلعونه من الماعون ويقطعونه ويحطون عليه عسل وياكلونه مثل ما اللي بالصورة

http://www10.0zz0.com/2010/04/18/05/464020922.jpg

هذا معزبنا من دراهمنا طبعا :D مافيه شي ببلاش

http://www10.0zz0.com/2010/04/18/05/208536818.jpg

وفيه عندهم طريقة ثانيه للقرص ،، انهم يبرمون العجينه على الصيخ ويشوونه شوي على النار مثل هالصورة

http://www10.0zz0.com/2010/04/18/05/840526067.jpg

وهذا واحد من وغادينهم يشوي على النار :D

http://www10.0zz0.com/2010/04/18/05/636974075.jpg

الحين نجي للشاهي ،، الشيء العجيب والغريب اللي جذبني للشاهي هو انهم يصلحونه بعلب ،، مثل علبة النيدو ،، بعد مايحطون الماء بوسط العلبه "طبعا بدون سكر" يحطونه على جمر ثاني غير اللي بالصورة الاولى وعندهم منفاخ ينفخون النار علشان يطبخ بسرعه مثل هالصورة

http://www10.0zz0.com/2010/04/18/05/306548463.jpg

العجيب بالسالفه كلها ان هالولد من جينا وهو يراكض بالشموس ماشاء الله عليه ،، طقته الشمس لين قال بس ، وعيا يقلب لونه ماشاء الله :D
وحنا من يوم حنا صغيرين واهلنا يدهنوننا ويغبوننا عن الشمس واخرته الشطوب واصله العلابي :D

وهذا الماء على وشك انه يغلي

http://www10.0zz0.com/2010/04/18/06/108642591.jpg

وبعد مايغلي يحطون فيه شاهي ويقربونه للنار مثل هالصورة

http://www10.0zz0.com/2010/04/18/06/758595010.jpg

http://www10.0zz0.com/2010/04/18/06/238525076.jpg

وهذا الشاهي بعد مايخدر

http://www10.0zz0.com/2010/04/18/06/129185584.jpg

بصراحه من الذ الشواهي اللي شربتهن في حياتي

وفي الختام ،، كنت اتمنى اني رفعت الصور من سيرفر مكشات لكن للاسف ،، السيرفر محدود بـ 100 كيلو بايت للصورة

اتمنى ان ينال تقريري على اعجابكم ،، وبما اني تعبت على الموضوع واستهلك مني الوقت ،، اتمنى ان اجد ما ينسيني تعبي من ردودكم

دمتم بحفظ الله ورعايته

اخوكم تبريزة