منتدى استراحات زايد - دربيل ابوتاج كذبة قديمة لازالت مصدَقة

السلام عليكم ورحمة الله وبركاته
صبحكم الله بالخير ومن العايدين الفايزين

الموضوع هذا عبارة عن توضيح مدى سذاجة بعض التجار - الله يصلحهم - في تلفيق الاسماء ونسبها الى شركات أو دول عظيمة لتسهيل بيع بضاعاتهم المتكدسة في المخازن . وللأسف نجحوا في غش الكثير من الزبائن و عذرهم المعروف ( ارخص لك ) .

مواقع البيع مليانه من الدرابيل المغشوشة تحت اسم ( ابوتاج / الياباني / الجاكور ....الخ
ومن زود البجاحه في التاجر أو البايع حاط الصورة ومكتوب على السلعه بالعربي - ابوتاج الأصلي - :eek: لا والخط حتى متعوووب عليه جدا

http://www6.0zz0.com/2012/08/11/07/732797383.jpg

ياخي اللي واثق من سلعته مايحتاج يكتب أصلي وبخط يسد النفس :p بعضهم وده يكتب عليه ملكي :p

http://im3.gulfup.com/2011-05-29/130664368083.jpg

ولما تستفسر من البايع وش نوعيته يقول ياباني . طيب اوكي وش الماركه حقته يقول ابوتاج :(
طيب من وكيلة ؟؟ مافيه وكيل يفتخر بأنه يبيع ذا النوعية . لأنها اردى انواع الدرابيل الصينية ولايمت لليابان بأي صله . ياخي ماعليه ولاحرف ياباني حتى كرتونه (وش ذا اليابانيين اللي يحبون العربية ).

حاولت ابحث عن الدربيل ابوتاج الأصلي اللي يقولون انه حق القديمين في المواقع الأمريكية وتواصلت مع هواة جمع الدرابيل وحفرت الويكيبيديا مالقيت شركة بإسم ابوتاج الأصلي .

لقيت واحد عارض دربيل عليه ختم تاج لكن هل هو الأصلي فعلا والا حقنا الأكثر اصالة

http://www.grandearmadio.com/negozio...crown_1_02.jpg

هذا الموقع اللي حصلته فيه
http://www.grandearmadio.com/negozio...ml?language=en

بس لازالت المعلومات عنه مخفية لأنه محطوط في قسم Not available objects

في الأخير قلت مالي الا المواقع الصينية :D :D

وياللمفاجئة اخيرا حصلت دربيل ابوتاج الأصلي الياباني

http://www.alibaba.com/product-gs/46...telescope.html

بس بدون كتابات او شعارات :mad: . تواصلت مع الشركة المصنعه لهذا الدربيل العظيم وطلع سعره 30 ريال اذا كنت ابشتري بالجملة 100 حبه ( موحرام تبيعونه ب 300 ريال ياظالمين :p )
الزبده طلبت منهم عينه وبشرط يكون مكتوب عليه بالعربي ( ابو القطو البنفسجي ) ويحطون على الكرتون صورة قطو اخضر :D :D العجيبة انهم وافقوا :eek: بس اعطيهم عربون 100 ريال
عموما مالكم في الطويله ترقبوا الدربيل العجيب ان شاء الله خلال 45 يوم (الشحن مشواااااار )

دربيل ابو قطو البنفسجي :good2: :good2:

والموضوع للنقاش واتمنى من ملاك دربيل ابوتاج ماياخذون في خاطرهم علي لأني ما اقصدهم ;)