بسم الله الرحمن الرحيم
السلام عليكم ورحمة الله وبركاته
قال تعالى (وَكُلُوا وَاشْرَبُوا وَلا تُسْرِفُوا إِنَّهُ لا يُحِبُّ الْمُسْرِفِينَ) (الأعراف:31)
(لا للصيد الجائر)
.......................
قبل البدء بالتقرير اود ان اشكر جميع من قام على هذه المسابقه
سواء منضم وداعم ولجنه حكم
وهذا ليس بمستغرب عليهم
ولا اقول الا كم قال ابن فطيس
بيض الله وجهه راعي الفكره = عزالله انها تنحسب لحسابه

التقرير مختصر في الصور والتعليق ولعلي استعجلت في ذلك من باب رد جزء من جميل اصحاب المسابقه ليكون محفزآ لباقي اخواني المتسابقين للمشاركه
واعتذر ان كان حصل قصور

في البدايه تعلمون مدى ولع الصقار بمقناص الطير وماله من نكهه خاص لديه
لذلك تكرر الاتصال بأخويانا وتحفيزهم على مقناص الكراوين خصوصآ بعد انتهاء مقناص الوحوش
وتم الاتفاق على المقناص في يوم من الايام وكانت مده المقناص اربعه ايام
صباح يوم الانطلاق والطيور المشاركه

http://im42.gulfup.com/XvRey.jpg


انطلقنا وكان الموعد في اول محطه
وهنا اتذكر بيت شعر لمحمد بن فطيس

على الوعد فأول محطة طوابير =وفي كل موتر عزبة فوق قسام



كملنا نواقصنا وشيكنا المواتر وعلى بركه الله انطلقنا

اثناء الطريق جاتنا هاك المزنه المبروكه

http://im37.gulfup.com/HVuk2.jpg

كملنا طريقنا بعد ما توقفنا بعض الوقت من شده المطر

والحمد لله الفال طيب مطر وغيم وجو عليل
هزعنا عن الخط وتوجهنا شرق على حروه المطر
اجتمعنا وتشاورنا وامرنا علينا
وكانت هذي اخر نقطه تجمع

http://im39.gulfup.com/LSCjc.jpg


انطلقت القافله

http://im41.gulfup.com/Iv3zS.jpg


وصلنا ارض المقناص وكانت مربعه يالله لك الحمد

http://im32.gulfup.com/HGIhe.jpg


وهذه بعض من صور القاع


http://im38.gulfup.com/m2NdA.jpg




http://im32.gulfup.com/Lw3Cm.jpg


اخترنا هالطعس للممسى

http://im39.gulfup.com/7q8mm.jpg


اصبحنا واصبح الملك لله وتوجهنا للجهاز
وفي الطريق مرينا بالبل وكانت سارحه

http://im32.gulfup.com/ulJBi.jpg


وفجأه الا اللي يأشر بنور السياره
ويراسل اميرنا واحد من العيال رح يمه شف لا يكون متعطل
راح خوينا يم الرجال وسلم عليه
رحب راعي البل بخوينا وقال تعال عاوني بالخلفه احلبها لكم
وما قصر حلب لنا الخلفات الطيبه والحليب السكر ما شاء الله الله يبارك له في حلاله

http://im39.gulfup.com/Ebkw5.jpg

كثرنا بخيره وتوجهنا يم الجهاز
والا عنده جره واحد

http://im37.gulfup.com/RnEck.jpg

وابشر العيال بالجره والا واحد من العيال يصيح يقول
طارت ..طارت
والا هي ثلاث كراوين
وقعت ..وقعت
ويقدموني العيال بالهدد بيض الله وجيههم
وافرد واحد منها واهد القرناسه
وماشاء الله عوايدها ما تخيب ظني فيها

http://im34.gulfup.com/Y8N3e.jpg

يالله يالي عليه الدور جهز طيرك
ويهد خوينا فرخ جير
وبسم الله عليه سم الكروان

http://im39.gulfup.com/nTXyM.jpg

الثالث منهو عنده
ويتقدم خوينا معه قرناس صاطي
مبروك يابو عبدالله

http://im31.gulfup.com/p82Gn.jpg


استانسنا وكان الفال طيب
ويش الرأي يالربع
شار اميرنا بديره قريبه وبها حروه مقناص
توجهنا ويوم وصلنا جانا ايعاز انتشروا

واخذنا شوي الا الامير يبشرنا بواحد
ويجهز طيره فرخ شاهين ويهد
سبوق ما شاء الله


http://im42.gulfup.com/DYqKp.jpg

دونا غيره ولا عينا شئ وشويات الا وهاك المزنه الطيبه جايه من غرب وصلتنا وامطرت والحمد لله
خوينا راعي القرناس يقول طيري تعب اليوم في الطرد ولا زم يتسبح

http://im33.gulfup.com/QlOKm.jpg

اميرنا: يالربع المطر شكله جنوب امس وقبله نبي نتوجه
قلنا :سم
توجهنا وجينا هالك الوادي سايل قبل يومين

وشوفت الماء شئ ثاني

http://im36.gulfup.com/Xderg.jpg

كملنا طريقنا ولاوصلنا الديره الا بالليل
امسينى وشبينى النار علينا برد ولزوم الدله والبراد وابريق الحليب بالزنجبيل يدفي البردان

http://im39.gulfup.com/p4PpF.jpg


اصبحنى الصباح وكان غير

توجهنا يم الجهاز وقبل ناصله الا واحد من العيال يصيح يالربع عندي جره ارنب مصبحه وكان فيه حره ماهي بعيده منى ولا هي قريبه وحروه الارنب ممكنه لكن اقرب مالها تكون معشيه بعد المطر وعودت الحره
قال : الارنب اصبح عليها الصبح ولا يمديها تاصل الحره
وعنده طير ما شاء الله طلع وسبوق والارض بصراحه ما تساعد للمطراد
قال خوينا اببلج عن الطير وباقص وانت استقطعوا
عزالله اخذنا حول الساعه وهو يقص وحنا نستقطع وماعينا الا هو يصيح الطير طلع واثاري الارنب كل ما قربناها اجفلت وراها ويحطها الله في عين الطير
وتعال شوف الطرد
وهذي من نتائجه


http://im38.gulfup.com/6jgea.jpg


وماشاء الله على الطير ردد الارنب لين الله عانه وطرحها بعد

http://im37.gulfup.com/hyPgI.jpg



الرجاء عدم الرد
للتقرير بقيه